rcfan2
15-08-2011, 06:59 AM
السلام عليكم ورحمة الله وبركاته الاساتذه الكرام في المنتدى
اخوكم عاوز يعرف بالتفصيل الممل ( العيوب ) و ( المميزات ) التي تترافق مع قبولك ان تكون مشرف الحكومة الالكترونية في المدرسة
مع الاخذ في الاعتبار ان نصاب الحصص قليل 8 فقط و عندك انترنت في البيت و ستعفى من الكثير من المهام الاشرافية في المدرسة
وياريت لو سرد سريع لمهام المشرف على هذا الامر سواء مهام متكررة او موسمية
ولكم الشكر مقدما
صفوت حمادة
15-08-2011, 08:11 AM
شعار هذه الحكومة ( مفيش فايدة )
توفيق رفعت عجيز
15-08-2011, 08:38 AM
كلام تمام هقولك توكل علي الله واقبل بس ده عمل مفيش عليه حافز وبعدين كلها شوية بيانات للطلبة هتدخلها ع النت او بيانات للعاملين وطبع اي مستند يخص المدرسة من ع النت مثل 1 سري ثانوية عامة لو حضرتك مدرس في اعدادي او ثانوي وهكذا انا عن نفسي مش مسئول وعلشان عندي نت بعمل كل الحاجات دي
rcfan2
15-08-2011, 09:18 AM
كلام تمام هقولك توكل علي الله واقبل بس ده عمل مفيش عليه حافز وبعدين كلها شوية بيانات للطلبة هتدخلها ع النت او بيانات للعاملين وطبع اي مستند يخص المدرسة من ع النت مثل 1 سري ثانوية عامة لو حضرتك مدرس في اعدادي او ثانوي وهكذا انا عن نفسي مش مسئول وعلشان عندي نت بعمل كل الحاجات دي
اشكرك استاذي الكريم على سرعة الرد
في انتظار باقي نصائح الزملاء
monna2001
15-08-2011, 01:50 PM
ده موجز لعمل مسئول الاحصاء بالمدرسه :- نبدأ في بدايه العم الدراسي استقدام الطلبه الجدد و بعدها استكمال الرقم القومى للطلبه و بعدها الاحصاء الاستقراري و معناه مطابقة الاوراق بما هو مسجل ع النت ثم بعد الامتحانات يتم تسجيل النتائج
للمعلمين متابعه بيانات المعلمين و بييجى واحد سرى و برضه الاحصاء الاستقراري للمعلمين ده غير بقى الطلبات اللى الاحصاء كل شويه تطلبها
بس لازم يكون عندك نت ف البيت و ربنا يقويك و توكل على الله
semsem6666
15-08-2011, 03:18 PM
اهم حاجه يكون عندك نت فى البيت لان الشغل كله على النت وطبعا مش معقول تروح سيبر على حسابك او نت المدرسة الممل
رانيا2011
11-10-2011, 09:13 PM
عاوزة افهم هى الاحصاء والحكومة الالكترونيه حاجة واحدة ياريت حد يفهمنى ضرورى؟
M..osama
11-10-2011, 09:57 PM
مين قال ان المسؤل يقل نصابه فى الحصص هذا اجتهاد أو ده شىء ودى وأتحدى حد يذكر رقم قرار يقول ان النصاب بيقل
أحـمد قرنى
11-10-2011, 10:13 PM
الحكومة الالكترونية عمل اضافى ليس له علاقة بنصاب الحصص
samy125
11-10-2011, 10:21 PM
– مسئول الحكومة الإلكترونية طبقا للقرار رقم 262 لسنة 2005 م هو وكيل شئون الخدمات اى( وكيل شئون العاملين ) وله جدول فى حالة العجز 12 حصة )
ابوعبدووو
03-10-2013, 04:39 PM
لو عاوز نصيحتى بعد عن القرف ده دا ملل ومسئوليه وملوش حافز ولا ميزه اخوك ماسك الوحدة الالكترونية من ساعة ما اتنشات فى مصر
جورج م
04-10-2013, 08:33 PM
اتكل على الله وربنا يساعدك
samy125
06-10-2013, 10:40 AM
ارفضها لانك لو ولعت ايديك شمع مافيش حد هايشكرك وكلهم هايقولولك ده شغلك انا كنت ماسكها والمديرة عندما طلبت منها نت للمدرسة او اى اوراق كانت تقول لى اتصرف دة شغلك لغاية مااخذت جزاء وتركتها بالعافية بعد مانتقلت من المدرسة ريح دماغك وارفضها هاتلاقى الان كلهم بيتحايلوا عليك وبعد ماتوافق هايتركوك ويقولولك دة شغلك اتصرف
memobadr77
06-10-2013, 03:21 PM
عمل شديد الصعوبة وليس له أي مقابل لا في الحصص ولا في الاحترام للجهد المبزول
dodyday
14-02-2015, 09:18 PM
السلام عليكم
ارجو رفع مستند القرار 99 لسنه 2002 الخاص بانشاء وحده المعلومات
وايضا رفع الكتاب الدورى 4 لسنه 2012 الصادر فى 24/9
Mr.Emil gad
15-02-2015, 11:06 PM
القرار الخاص بانشاء وحدة المعلومات وتكوينها كالاتى تكون من وكيل المدرسة رئيسا و ادارى و عضو شئون عاملين وعضو شئون طلبه و احد العاملين بالمدرسة من غير العاملين بالتدريس وهذا مهم ان المسؤل عن وحدة المعلومات لا يجب ان يكون مدرسا والقرار فى المرفقات حمله واقراه .... قرار رقم 99 بتاريخ 8/6/2002