بصوا يا جماعة اي حد داخل ثانوي نفسه يحقق حاجة

والله دا من واقع خبرتي والي شايف كلامي فيه حاجة غلط يقول

دي رسالة انا كنت بعتها لواحد صحبتي في سنكم كدا وقلتها لكذا واحدة قريبتي

معلش هتلاقوا الكلام صيغة المؤنث مش مهم

اصلي كنت بكتب الرسالة لبنت ومش قدرت اعيد الكتابه علشان كتير


اسيبكم مع الرسالة

بصي يا جميل انا هقولك ان شاء الله كل حاجة
زي ما قلتلك اهم حاجة المدرسين اختاري كويس بعد كدا ندخل علي مادة مادة مثلا اللغة الاجنبية التانية مثلا انا كنت مختارة فرنساوي مش عارفة انتي مختارة ايه بس مش هتفرق

لو انتي مختارة فرنساوي يبقي زي الفل اهم حاجة ان انتي تروحي الدرس تركزي اوي سيبك من اي اصحاب اوي اي حاجة تشغلك وطبعا انتي بتعتمدي علي ملزمة المستر في الشرح تاخدي الدرس لازم في يومها تذاكريه باي شكل من الاشكال وبعد ما تذاكريه من ملازم الشرح لو المستر بتاعك عامل ملازم اسئلة يبقي زي الفل حلي الدرس و ادي المستر يصححلك و بعد كدا لو فضيتي ابقي هاتي كتاب خارجي مرسي واقرائي فيه الشرح لو لقيتي جديد هاتي كشكول و اكتبي فيه اي ملاحظات او كلمات جديدة و طبعا اي موقف اوي اي كلمة في اي وثيقة تخديها جديدة تكتبيها
ولازم وانتي بتختاري مدرس تكوني عارفة انه بيعمل امتحانات كتير علشان تبدأي تقيمي نفسك اول باول ماشي يا عم واهدي كدا دا المواد اسهل منها مفيش وبعد كدا تبقي تراجعي علي الكشكول دا كل فترة
واب اسئلة تغلطي فيها طبعا في اي مادة تكبي السؤال بالاجابة في كشكول وتبقي تقرأيهم كل فترة
طبعا كدا تبقي علي شهر 3 بالكتير اوي مخلصة المنهج بعد كدا شوفي مراجعة المستر و هاتي كتاب الدليل وكل يوم تحلي مثلا كام امتحان كدا علي فكرة كتير الحل احلي حاجة لان انتي لو ذاكرتي المنهج كويس كتر الجل هيخلي المذاكرة ممتعة اوي بالنسبة ليكي
طبعا دي طريقة و لو المدرس بتاعك عايز يمشي معاكي بنظام تاني شوفيه وقارني نظامي بنظام المستر والي يعجبك امشي بيه
بعد كدا العربي تااااااافه اوي طبعا قلنا الاسيات تذاكري وتركزي في الدرس و تختاري مدرس كويس وتروحي تذاكري من ملازم المستر لو عايزة لو مش عامل ملازم ذاكري من كتاب الوسام شرح حلو اوي وبعد ما تذاكريه اهم حاجة تقرأي كتاب المدرسة وطبعا قلنا الجديد حتي لو معلومة نكتبعا في كشكول مستقل يعني كل فرع في العربي اعمليله كشكول و النجو تفهميه يا جميل وتحليه وتخلي المستر يعلمه بصي انا بقولك والله بامانة الي كنت بعمله و لو خلصتي كل دا وحبيتي تراجعي نحو صوري مثلا من اي واحدة تعرفيها النحو في كتاب المعلم شرح حلو اوي عارفة اجمل ما فيه اسئلة كتير واجابتها علشان مثلا في الاخر مش هتبقي فاضية تكتبي سؤال باجابة للمستر وكدا
و في الاخر المستر هيحل معاكي كتاب الدليل ولو مش حله معاكي حليه لوحدك في البيت مثلا كل يوم درس وكدا علي فكرة الدليل عموما اسئلته حلوة بتقي بتحسسك ان انتي بتفكري حلو و تحسي بثقة كدا في نفسك
بعد كدا الرياضة بصي بجد والله لو عايزة تقفلي المادة في مدرس في سنتر الفردوس دا زي ما قلتلك عنوانه في الجراج بتاع امبابه ادام البنزينة فيه مدرس اسمه تامر حسن اقسم بالله لو اخدتي معاه ومشيتي بس وراه يعني يقولك
اعملي كذا تعملي والله هتقفلي معاه ومش هيخليكي تتعبي لان ملازم شرحه ومراجعته هو حالل فيها كل الكتب الخارجية و المدرسة والدليل ومسائل النت يعني بجد جامد و شرحه حلو وكمان امتحانات كل حصة و معاه مساعد ممكن يعيد الدرس كذا مرة بس عيبه انه رخم شوية بس جربي لو انتي عايزة شهر بس بجد والله احسن مدرس رياضة في مصر

نصائح حلوة كتير جزاك الله خير

بجد نصائح مهمه ومفيده
بارك الله فيكي
منتظره منك كل ماهو هادف ومفيد

لاداعى لذكر اسم مدرس معين 00 يوجد افضل منه كثير 000 وعموما الطالب عليه 90 فى المية من الدرجة والمدرس 10 فى الميه 00 وشكرا

ودا هو الى هيخلينى الأول من وجهة نظرك , يعنى لما أروح لك المساتر دول وواحد فى امبابة وواحد فى الزيتون وواحد معرفش فين .
كدة اليوم طار أو بمعنى أدق الأيام كلها طارت , ولا تحبى سيادتك أخد تاكسى عشان اوصل .

مع احترامى الشديد لكلامك بس دا اسمه مضيعة للوقت .............. وشكراً

لاداعى لذكر اسم مدرس معين 00 يوجد افضل منه كثير 000 وعموما الطالب عليه 90 فى المية من الدرجة والمدرس 10 فى الميه 00 وشكرا

طبعا أنا اسفة جدا علي حاجة زي كدا والله أنا مش كنت اقصد

بس زي ما قلت الرسالة كانت لبنت اعرفها فكان مش اقصد اني اقول للكل يعن كان كلام بيني وبينها

طبعا المدرسين كلهم كويسين ومش اقصد والله دي كانت غلطة وخلاص


ودا هو الى هيخلينى الأول من وجهة نظرك , يعنى لما أروح لك المساتر دول وواحد فى امبابة وواحد فى الزيتون وواحد معرفش فين .
كدة اليوم طار أو بمعنى أدق الأيام كلها طارت , ولا تحبى سيادتك أخد تاكسى عشان اوصل .

مع احترامى الشديد لكلامك بس دا اسمه مضيعة للوقت .............. وشكراً
لا أنا مش كنت اقصد كدا

يا جماعة مش اقصد الكلام يكون متعمم يعني واحد في اسوان ازاي يجي ياخد درس القاهرة أنا كنت والله دي رسالة ببعتها لواحدة وكلام معاها يعني بشوفلها مدرسين مناسبين ليها

وايه تحبي سيادتك اخد تاكسي علشان اوصل وأنا مالي تاخد ولا مش تاخد

أنا مالي اصلا بكل دا أنا كنت بتكلم يعني علي صحبتي وعلي المناسب ليها والقريب ليها

مش اقصد اني اتكلم مع حضرتك

فعلا مضيعة لو أنت في مكان بعيد بس أنا قلت مرة دي كانت رسالة لواحدة صحبتي و بس ومش لحقت اعدلها

كانت هتاخد وقت مني وفي ناس بدات فعلا ومش عارفة تعمل ايه مش اكتر

اللـــــــــــــــــــــــــــــــــــــه. بجد نصائح جميله جدا ..بارك الله فيكى وربنا معاكى باذن الله وتجيبى اعلى الدرجات

تسلم ايدك على النصايح التحفة دى