بدر محمد
16-08-2011, 09:30 AM
يا مسئولين اتقوا الله اهتموا بالتعليم لو فعلا عايزين تنهضوا بمصر
وطبعا تجارب دول كتير بتثبت هذا الكلام زى اليابان وكوريا وأمريكا نفسها وغيرها من الدول
والإهتمام بالتعليم يبدأ من تخصيص ميزانيه محترمة لتطوير المناهج وطباعة كتاب يفتح نفس المتعلم ويجعل عملية التعلم متعة وطبعا يغنيه عن الكتاب الخارجى إللى مش موجود فى الدول المتقدمة لإنها تهتم بالكتاب المدرسى وبعد كده النت موجود والمكتبات للإستزاده من المعلومات
ولكن الكتاب المدرسى عندنا عقيم بصراحة يسد نفس المدرس قبل الطالب لإنه بيكون غير منظم وبه حشو كبير دا غير الأخطاء
ولابد أيضا من الإهتمام بالمدارس من حيث المبانى والتجهيزات التى بها من أثاث يفتح نفس الطالب للدراسة ( مش التخته إللى تحسس الطالب إنه فى سجن) وطبعا بناء مدارس حكوميه جديده لإستيعاب الزياده فى عدد الطلاب لتقليل عدد الطلاب فى الفصل الواحد
وطبعا من البديهيات إعطاء المعلم مرتب محترم مش مجرد مسميات( كادر حوافز وكذا وكذا)
وفى الآخر يجد المعلم نفسه بياخد فى الشهر أقل يمكن مما يأخذه عامل أو فراش فى بنك أو فى شركة من شركات البترول مثلا هل ده يصح بردو؟
المعلم يا جماعة عليه دور كبير جدا وأكيد صاحب رسالة سامية ومسئوليته كبيره بس بردو هوه بشر من حقه أن يعيش عيشه كريمه بل مرفهة ولما لا وهو الذى يربى لنا أبناءنا وأى مهندس أو طبيب أو دكتور فى الجامعة أو وزير أو حتى رئيس جمهورية ماهو إتعلم على إيد معلم فى الماضى ومعلم اليوم أكيد ربنا حيجعله سبب إن يتخرج من تحت إيده مهندس وطبيب ودكتور الجامعة وعالم ومخترع و..............ووزير ورئيس الجمهورية فى المستقبل
وأكيد وبلا شك المعلم بيدفع من صحته وأعصابه الكثير لمجرد التعامل مع أبناءنا الذى منهم المشاغب والعصبى بطبعه والمنطوى واللمض والمطلوب من المعلم أن يتعامل مع كل أصناف الطلاب دا إحنا يا جماعة ساعات بنتخنق من ولادنا من كتر شقاوتهم و ساعات ما بنستحملش غلاستهم يبقى المدرس يعمل إيه ؟؟؟
أكيد مهنة التدريس مش سهلة ومش زى أى مهنة تانية
وأكيد لو المدرس أخد مرتب محترم مش حيفرق معاه موضوع الدروس الخصوصية(إللى بقى ولى الأمر هو إللى بيسعى ليها طبعا بسبب التعليم غير الكفء وإللى بيشيل الذنب هوه المدرس)
عشان كده ياريت المسئولين يحسبوها صح ما ينفعش الكلام المعسول والوعود الكاذبة والتصريحات المغلوطة إللى عن نسبة الحوافز والكادر إللى مالهاش أساس فى الواقع
وأخيرا يا مسئولين إحسبوها صح مع التعليم فى مصر ومع المعلم دا فعلا لو عايزين مصر تتقدم وتنهض تكنولوجيا وصناعيا وفى كل شىء
وطبعا تجارب دول كتير بتثبت هذا الكلام زى اليابان وكوريا وأمريكا نفسها وغيرها من الدول
والإهتمام بالتعليم يبدأ من تخصيص ميزانيه محترمة لتطوير المناهج وطباعة كتاب يفتح نفس المتعلم ويجعل عملية التعلم متعة وطبعا يغنيه عن الكتاب الخارجى إللى مش موجود فى الدول المتقدمة لإنها تهتم بالكتاب المدرسى وبعد كده النت موجود والمكتبات للإستزاده من المعلومات
ولكن الكتاب المدرسى عندنا عقيم بصراحة يسد نفس المدرس قبل الطالب لإنه بيكون غير منظم وبه حشو كبير دا غير الأخطاء
ولابد أيضا من الإهتمام بالمدارس من حيث المبانى والتجهيزات التى بها من أثاث يفتح نفس الطالب للدراسة ( مش التخته إللى تحسس الطالب إنه فى سجن) وطبعا بناء مدارس حكوميه جديده لإستيعاب الزياده فى عدد الطلاب لتقليل عدد الطلاب فى الفصل الواحد
وطبعا من البديهيات إعطاء المعلم مرتب محترم مش مجرد مسميات( كادر حوافز وكذا وكذا)
وفى الآخر يجد المعلم نفسه بياخد فى الشهر أقل يمكن مما يأخذه عامل أو فراش فى بنك أو فى شركة من شركات البترول مثلا هل ده يصح بردو؟
المعلم يا جماعة عليه دور كبير جدا وأكيد صاحب رسالة سامية ومسئوليته كبيره بس بردو هوه بشر من حقه أن يعيش عيشه كريمه بل مرفهة ولما لا وهو الذى يربى لنا أبناءنا وأى مهندس أو طبيب أو دكتور فى الجامعة أو وزير أو حتى رئيس جمهورية ماهو إتعلم على إيد معلم فى الماضى ومعلم اليوم أكيد ربنا حيجعله سبب إن يتخرج من تحت إيده مهندس وطبيب ودكتور الجامعة وعالم ومخترع و..............ووزير ورئيس الجمهورية فى المستقبل
وأكيد وبلا شك المعلم بيدفع من صحته وأعصابه الكثير لمجرد التعامل مع أبناءنا الذى منهم المشاغب والعصبى بطبعه والمنطوى واللمض والمطلوب من المعلم أن يتعامل مع كل أصناف الطلاب دا إحنا يا جماعة ساعات بنتخنق من ولادنا من كتر شقاوتهم و ساعات ما بنستحملش غلاستهم يبقى المدرس يعمل إيه ؟؟؟
أكيد مهنة التدريس مش سهلة ومش زى أى مهنة تانية
وأكيد لو المدرس أخد مرتب محترم مش حيفرق معاه موضوع الدروس الخصوصية(إللى بقى ولى الأمر هو إللى بيسعى ليها طبعا بسبب التعليم غير الكفء وإللى بيشيل الذنب هوه المدرس)
عشان كده ياريت المسئولين يحسبوها صح ما ينفعش الكلام المعسول والوعود الكاذبة والتصريحات المغلوطة إللى عن نسبة الحوافز والكادر إللى مالهاش أساس فى الواقع
وأخيرا يا مسئولين إحسبوها صح مع التعليم فى مصر ومع المعلم دا فعلا لو عايزين مصر تتقدم وتنهض تكنولوجيا وصناعيا وفى كل شىء