كيف يعطي المعلم و هو لا يستطيع أن يكفي حاجة بيته و نفقة أطفاله ، كنت أنتقد المعلمين الذين يجبرون الطلاب على أخذ الدروس الخصوصية ، و لكنني وجدت أن مرتب المعلم الذي يربي الأجيال لا يتعدى راتبه 800 جنيه بالكادر بعد عمل أكثر من 14 عاماً في عمله ،و تليذه الذي كان تحت يده يتقاضي ضعف مرتبه بل اكثر ، فبم يشعر ؟ و كيف يعطي ؟ و ماذا يفعل ؟ و بدراسة مستنيرة نجد أن اسرة مكونة من 5 أفراد تحتاج يومياً إلى كيلو لبن بـ 7 سبعة جنيهات و 2 جنيه فول و طعمية و ربع كيلو جبنة ب 5 جنيهات و خبز ( من المدعم أبو شلن و طابوره ) ب 1 جنية و 2 جنية شاي وسكر إذن الفطار يساوي = 17 جنيها . أما الغداء فيحتاجون إلى فرخة بيضاء ب 25 جنيهاً و و نصف كيلو أرز ب 2.5 جنيهان و نصف و 2 جنية نصف كيلو خضار و سمن طماطم 3 جنية إذن العداء يساوي 33 جنبهاً . أما العشاء فيحتاجون إلى عشر بيضات ب 7.5 سبعة جنيهات و نصف و ربع كيلو جبنة ب 5 جنية و ربع كيلو حلاوة 7 جنيهات ( و العيش من الباقي المدعم ابو شلن ) إذن العشاء يساوي 20 جنيهاً إذن تحتاج الأسرة إلى 70 سبعين جنيهاً يومياً للطعام , إذن يحتاج شهرياً إلى 2100 ألفين و مائة جنية , و يحتاج المعلم إلى 5 جنيهات للمواصلات أتوبيس و ميكروباص (و تطلع عينه عشان يوصل ) و يحتاج أولاده الثلاثة إلى 10 عشرة جنيهات مواصلات و مصروف للمدرسة إذن يحتاجون شهرياً إلى 15*في 25 يوم = 375 جنيهاً ( و لا ننس أنبوبة البوتاجاز و الكهرباء وإيجار الشقة و التليفون الأرضي = 400 جنيهاً إذن فهو يحتاج إلى 2875 جنيها ومع ذلك فهو لم يفطر ب جبنة رومي و لا بسطرمة و لم يتغد بلحمة ب 60 جنية و على فكرة لم يشتر فاكهة فأولاده ينظرون إليها فقط في الطريق بالله عليكم من أين يحصل على الفرق و كيف يقوم بالتعليم و كيف ننتظر منه جيلاً فتياً مبدعاً يقول الشاعر :
إن المعلم و الطبيب كليهما ............لا يعطيان إذا هما لم يكرما
فعلينا لكي نبني بلدنا جيداً أن نهتم بالمعلم و بكافة أبناء مصر و أن نعدل بينهم في الثمرات فكيف يأخذ فرد 200 ألف جنية مرتب في حين لايتعدى الآخر ألف جنية إن ذلك لظلم بيّن و اعلموا أن دولة الظلم ساعة و دولة العدل إلى قيام الساعة ، إن الله لينصر الأمة الكافرة إذا أقامت العدل فيما بينها ، و مصر بها خير كثير و ما سمعناه و رأيناه لهو أكبر دليل على ذلك ، فحاسبوا أنفسكم قبل أن تحاسبوا و ليتق كل فرد منا ربه و ليقم بواجبه و اعلموا أن الله لا يضيع أجر من أحسن عملا .

الكلام ده كله مضبوط والناس لازم تعرفه

وكلنا لازم يكون لنا وقفة واحدة مش شايفين الموظفين اللى فى وزارة العدل اللى زادوا كلهم 200 جنية بعد الثورة لما عملوا اعتصامات آل يعنى كانوا ناقصين فلوس دا مرتب واحد منهم يساوى ثلاث أضعاف مرتبنا غير المكافآت والوزير جا يقولك ايه لحنا بناخد مكافآت 350%

ايوه ما انت بتحافظ على مرتبك 2 مليون فى الشهر ومالكش دعوه بحد تانى وفى الآخر منعوا عننا الدرجة ام أربعة جنيه

لازم يكون فيه اعتصامات ايوه وان اعتصام يوم الاربعاء ما جابش نتيجة يبقى لازم اقالة الوزير ده اللى بيتعالى على الموظفين وده كان واضح فى لقاءه فى برنامج الحقيقة على دريم بيتكلم بكل تعالى على الموظفين وكأنه بيدفع لهم من جيبه................. وان مانفعش ده كله يبقى لازم اعتصامات فى بداية الدراسة اعتصام عن العمل حتى تعود كرامتنا وهوا دا الكلام وكل المعلمين فى الجمهورية لازم يعرفوا كده
لازم يعرفوا كده عشان نكون ايد واحده ضد عار الدقهلية وعار السنبلاوين احمد جمال الدين موسى ........ المتعالى على المعلمين وفى الآخر يقولك امتحان كادر هه دى خيبه بدل المصاريف دى اعمل تدريب للمعلمين للارتقاء بالمستوى التعليمى .... وزير وكأنه مالوش علاقة بالجامعة نهائى وعاوز ينفع اساتذة الجامعة وبس وكله على حساب المعلمين بحجة اختبارات كادر

دا أقل مرتب يرضينا للحياة الكريمة لابد وأن يبدأ من 800 صافى فى ايدينا للمعينين الجدد واللى بقاله 10 سنين لا يقل عن 1600 جنيه بخلاف المكافأة


حوافز 200 % احنا عاوزينها الهرم مقلوب مش اللى بياخد كتير ياخد أكتر واللى بياخد قليل ياخد اقل احنا عاوزين الحوافز دى + الكادر والمعلم ياخد 250% والمعلم الخبير ياخد 200%

كلام سليم جدا
يجب تحقيق مبدأ العدالة فى توزيع الأجور ، ولا يجب تمييز موظفى مصلحة على مصلحة أخرى , فكلنا مؤهل واحد وليس ذبنا أننا لم نعمل فى مصلحة إيرادية , ولكن كل له دوره فى المجتمع ، والعدالة هى المطلب الأساسى للثورة وأرى أنها لم تتحقق بعد بسبب أن التغيير لم يصل إلى العقول بعد ...

انت نسيت الاريال والصابون ..... والملابس .... وكشف الطبيب

المعلم مطحون اساسا فى شغله ومتطلباته شغله كلها ضغوط ومفيش شىء بناخده فيها بالسهل

يا راجل عشر بيضات

كلام سليم جدا بس يا ريت حد يحس بيه وحد يسمع ، اوضاع المدرسين والاخصائيين صعبه جدا