مشاهدة النسخة كاملة : ازاى يتساوى المعلم المساعد بالمعلم ؟؟؟؟؟؟؟؟
mmagdy_81 16-08-2011, 05:16 PM السلام عليكم ورحمه الله وبركاته
انا كتبت هذا الكلام من تعبى النفسى بسبب الظلم الواقع على المعلم المعين حديثا
ومش عايز الجماعه المعلمين المساعدين يزعلوا بس ده الحقيقه حتى وان كانت فيها بعض المشاكل , هذا رزقهم ولا جدال ولا شك فى ذلك وليس هذا عيبهم بل عيب من وضعوا هذا الحافز الفاشل
ازاى المعلم المساعد يحصل على 125 فى الميه والمعلم يحصل على 75 فى الميه ؟
المعلم الذى ادى كل ما يلزمه من اجل الترقيه الى معلم واستحقاق التعيين
بكده فرق ال 50 فى الميه بتوع المرحله التانيه من الكادر اصبحت غير موجوده بالمره
ولو تلاحظوا ان كل الناس زادت وفرقت عن غيرها الا المعلم
كيف يكون اتنين تعيين مختلف ومسمى مختلف ومرتبهم واحد ,حد يحل اللغز ده ؟
mmagdy_81 16-08-2011, 05:22 PM عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج
وليد سرحان 16-08-2011, 05:35 PM ربنا يكون في عون المعلم
mmagdy_81 16-08-2011, 05:53 PM اللى اتظلم فى الحد الادنى المعينون بالقرارت 53,57,244 فقط
raaed_11 16-08-2011, 05:59 PM والله ظلم بين ................المفروض يبقى فيه فوارق فى المرتبات للاسبقية فى الشروط
المفروض المعين بقرار 53 ، 74 ياخدوا اعلى مرتب ...............
وبعد كده القرار 244 ..............
والمعلم المساعد المرتب الاقل
mmagdy_81 16-08-2011, 06:17 PM والله ظلم بين ................المفروض يبقى فيه فوارق فى المرتبات للاسبقية فى الشروط
المفروض المعين بقرار 53 ، 74 ياخدوا اعلى مرتب ...............
وبعد كده القرار 244 ..............
والمعلم المساعد المرتب الاقل
الفوراق ده ليست فى مصر ام الدنيا
Mr. Tamer Metwaly 16-08-2011, 08:31 PM دة ان دل على شئ يدل على غباء وتخلف الوزارة
محمود جمال درويش 16-08-2011, 08:53 PM عليه النعمة انتوا مجانين وسورى مش هقول اكتر من كدا أنا معلم باخد 50 % بدل معلم +50 بدل اعتماد من المفترض هاخد 50 %بيكون المجموع 150%
المعلم المساعد بياخد 50% بدل معلم ومن المفترض ياخد 75 % يعنى 125 % اتقوا الله مش هنعض فى بعض كمان الاخ بيقول
عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج اتقى الله هو الاساسى بتاعك كام وبتاعه كام حرام براحه على نفسنا بلاش نخليهم يشمتوا فينا ونعض فى بعض
mmagdy_81 16-08-2011, 10:40 PM عليه النعمة انتوا مجانين وسورى مش هقول اكتر من كدا أنا معلم باخد 50 % بدل معلم +50 بدل اعتماد من المفترض هاخد 50 %بيكون المجموع 150%
المعلم المساعد بياخد 50% بدل معلم ومن المفترض ياخد 75 % يعنى 125 % اتقوا الله مش هنعض فى بعض كمان الاخ بيقول
عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج اتقى الله هو الاساسى بتاعك كام وبتاعه كام حرام براحه على نفسنا بلاش نخليهم يشمتوا فينا ونعض فى بعض
ياعم والله انت ماانت فاهم اى حاجه نعض فى بعض ونهبش ايه احنا بنتناقش ونفسر ليه كده ؟
القصه ملخصها ان
كل ماهو اقل من 200فى الميه رفعوه الى 200فى الميه احنا كنا بناخد الكادر 100فى الميهمرحلتين 1,2 وحافز 25فى الميه رفعونا 75 فى الميه علشان نوصل الى200 فى الميه وزودونا 75 فى الميه
المعلم المساعد كذلك
بياخد 50 فى الميه كادرمرحله 1 وحوافز 25فى الميه وصلهم الى 200 فى الميه وادوهم 125 فى الميه
يبقى هم اخدوا 50 فى الميه من غير امتحان اللى احنا المفروض خدنها نتيجه اجتياز امتحان الكادر
كمان اساسيهم 219ج زينا بالظبط دول اللى اتعينوا بالقرار 57 عندنا فى الشرقيه
وانا بتكلم على لسان ادارتى ومحافظتى فقط لايعنينى اى محافظه اخرى غير للعلم فقط
وضحت !!!!!!!!!!!!
أشـرف فتحى 16-08-2011, 10:57 PM بصوا بقى من الآخـر
(( إحنــــا دفعة نحس ))
ايات رمضان 17-08-2011, 01:48 AM ياريت تيجى على المرتب ده رزقهم لكن المعلم المساعد اللى كان معلم بالعقد الشامل اخذ عندنا الدرجة الثالثة التخصصية بدون ما يدخل الكادر واحنا قرار 244 لسه واكيد طبعا قرار 74و53لسه يا سلام عجبى !!!
mmagdy_81 17-08-2011, 05:55 AM ياريت تيجى على المرتب ده رزقهم لكن المعلم المساعد اللى كان معلم بالعقد الشامل اخذ عندنا الدرجة الثالثة التخصصية بدون ما يدخل الكادر واحنا قرار 244 لسه واكيد طبعا قرار 74و53لسه يا سلام عجبى !!!
الكلام ده مش صحيح خالص اللى انا متاكد منه ان قرار 57 ده ملوش اى لزمه وانه اتلغى ومش معمول بيه غير فى اربع محافظات فقط هذا للعلم منهم محافظتنا المبجله العكاكه الشرقيه
اما موضوع الدرجات لسه الله اعلم بيها للكل
waelfarouk 17-08-2011, 04:45 PM اكيد انت في مصر
Rafael.Nadal 17-08-2011, 04:51 PM مش فاهمه حاااااااااااااااااااااااااااااااااااااااااااجه كلها ارزاق خليهم ياخدو بس ال غايظنى الكادر دا هما هيلغوة بجد ؟؟؟؟؟؟؟؟؟؟؟؟؟؟؟؟امال امتحنونا وقرفونا ليه اصلا م الاول
فى مصر كله برتقال
eslamic 17-08-2011, 05:01 PM فعلا نفس الكلام في إدارة بلبيس الزيادات كالآتي
المعلم المساعد 125 %
المعلم 75 %
المعلم أول 50 %
المعلم أول أ 25 %
المعلم الخبير ملوش أي زيادة
بس رأيي الشخصي إن الكلام دا مش هيستمر كتير لإن مديرية الشرقية اشتغلت بدماغها
وفي خبر انهاردة إن الوزارة بعتت فاكس للمديريات بالنسبة المقررة من مجلس الوزراء فأكيد هيتم التعديل
wmwmwm 17-08-2011, 05:26 PM حسبنا الله ونعم الوكيل
أيمن البدري 18-08-2011, 02:40 AM الظلم من الوزارة أنها تجعل أساسى المعلم المساعد مثل أساسى المعلم المعين حديثا 219.60 جنيه مع أن المفروض يكون هناك فرق حوالى 3 علاوات وهى علاوات 2008 و 2009 و 2010
kholio_ 18-08-2011, 06:16 PM نظام فاشل مافهوش اي تقدير لاي حد
شغل بالاجر
وتعاقد
واكاديمية
واي سي دي ال
وف الاخر الحمد لله رب العالمين
حسبي الله ونعم الوكيل
Mrs/Marwa 19-08-2011, 08:31 AM وبذلك أصبحت أجور المعلمين علي النحو التالي:
1. الوظيفة : كبير معلمين -->الحوافز الحالية 25% - بدل معلم 50% - بدل الاعتماد 150% - مكافأة الامتحانات 85% اجمالي البدلات والحوافز الحالية 310% - نسبة الحوافز الجديدة 25% - الاجمالي بعد الزيادة 335%
2. الوظيفة : معلم خبير-->الحوافز الحالية 25% - بدل معلم 50% - بدل الاعتماد 125% - مكافأة الامتحانات 85% اجمالي البدلات والحوافز الحالية 285% - نسبة الحوافز الجديدة 25% - الاجمالي بعد الزيادة 310%
3. الوظيفة : معلم أول (أ)-->الحوافز الحالية 25% - بدل معلم 50% - بدل الاعتماد 100% - مكافأة الامتحانات 85% اجمالي البدلات والحوافز الحالية 260%- نسبة الحوافز الجديدة 25% - الاجمالي بعد الزيادة 285%
4. الوظيفة : معلم أول-->الحوافز الحالية 25% - بدل معلم 50% - بدل الاعتماد 75% - مكافأة الامتحانات 85% اجمالي البدلات والحوافز الحالية 235%- نسبة الحوافز الجديدة 25% - الاجمالي بعد الزيادة 260%
5. الوظيفة : معلم -->الحوافز الحالية 25% - بدل معلم 50% - بدل الاعتماد 50% - مكافأة الامتحانات 85% اجمالي البدلات والحوافز الحالية 210%- نسبة الحوافز الجديدة 50% - الاجمالي بعد الزيادة 260%
6. الوظيفة : معلم مساعد -->الحوافز الحالية 25% - بدل معلم 50% - بدل الاعتماد - - مكافأة الامتحانات 85% اجمالي البدلات والحوافز الحالية 160%- نسبة الحوافز الجديدة 75% - الاجمالي بعد الزيادة 235%
ويوضح الجدول باحتساب الزيادة الجديدة أن النسبة الإجمالية لما يتقاضاه المعلمون من حوافز ومكافات أصبحت تتراوح بين حد أدني 235% للمعلم المساعد و335% لوظيفة كبير معلمين، وهو
مسيو /محمد حمادة 19-08-2011, 10:46 AM ktsn hrfq hn tg,s tn hd]nhG,g
محمدالوزير2 19-08-2011, 11:37 AM ياعم انا كنت معلم بالحصة من اربع سنوات مكناش بناخد اى فلوس والان مدرس مساعد لسة مخدناش اى فلوس
انت يامعلمين بتقبضو كل شهر وعاييشين لكن احنا مقبضناش ولا جنية وعملين تقولو المعلم المساعد هيقبض كذا وكذا
ارحمونا بقى
mmagdy_81 20-08-2011, 05:31 AM للاسف مرتب المعلم المساعد عدى كمان مرتب المعلم ياحلاوه
يعنى انا اقبض مرتب اعلى من المعلم ا والمعلم ا يقبض اعلى من المعلم الخبير وهكذا
الدنيا ماشيه بضهرها بعد الثوره ولا حول ولا قوه الا بالله
mmagdy_81 20-08-2011, 05:41 AM الظلم من الوزارة أنها تجعل أساسى المعلم المساعد مثل أساسى المعلم المعين حديثا 219.60 جنيه مع أن المفروض يكون هناك فرق حوالى 3 علاوات وهى علاوات 2008 و 2009 و 2010
ده الطبيعى مش هى ده مصر بلد العدل اذا كان حسنى سرق البلد 30 سنه ودمرها اقتصاديا واجتماعيا واخلاقيا وسياسيا ومش عارفين يحاكموه وهيميعوا القضيه وانت زعلان على 3علاوات ياعم والله لو محصل كده منبقاش فى مصر
البلد ماشيه بضهرها وعمر حال البلد ده ما هيتصلح, وعايزين ترحموا حسنى الله ينتقم منه اللى شرب البلد الفساد فى كل مكان واللى نشر الفاسدين والمفسدين فى كل مكان احنا محتاين تقاوى ناس صالحه متلوثتش قبل كده يمكن نقدر نحصل على جيل اخلاقيا واجتماعيا وسياسيا افضل من الاجيال اللى ادمرت بسبب الفساد الادارى والاخلاقى والسياسى والاجتماعى
اللى عشنا فيه
حسبى الله ونعم الوكيل
khreaba 20-08-2011, 04:43 PM طبعا بحى صاحب الموضوع على طرحه للنقاش فعلا انا معاه
حرام امتحنا كادر وتربوى
واى سى دى ال هو دة لكل مجتهد نصيب وتتساوى الاجور دة حتى الزيادة متساويش الى احنا دفعناه فى كل دول مش فلوس وبس دة جهد ووقت واعصاب والله حرام
انا طبعا اتمنى الخيرللجميع وليس معنى هذا اننا نتمنى للمعلم المساعد القليل بل نتمنى لنا التقدير
khreaba 20-08-2011, 04:46 PM عزيزى اتكلمت عن ادارة شرق استغربت من الارقام
ادارة غرب 400 المعلم المساعد
275 للمعلم كارثه والله
mmagdy_81 20-08-2011, 10:52 PM طبعا بحى صاحب الموضوع على طرحه للنقاش فعلا انا معاه
حرام امتحنا كادر وتربوى
واى سى دى ال هو دة لكل مجتهد نصيب وتتساوى الاجور دة حتى الزيادة متساويش الى احنا دفعناه فى كل دول مش فلوس وبس دة جهد ووقت واعصاب والله حرام
انا طبعا اتمنى الخيرللجميع وليس معنى هذا اننا نتمنى للمعلم المساعد القليل بل نتمنى لنا التقدير
فعلا بعيد عن اى تعصب هذا مااردت قوله ولكن الناس فاهمه انى بستكتر على الناس الخير لكن للاسف
انا طرحت سؤال واحد فقط هل يكون اتنين عاملين بالدوله على مسمى وظيفى مختلف ومرتبهم واحد ؟
mmagdy_81 20-08-2011, 10:59 PM عزيزى اتكلمت عن ادارة شرق استغربت من الارقام
ادارة غرب 400 المعلم المساعد
275 للمعلم كارثه والله
هذا عندنا فى اداره شرق والله اعلم
هشام الحامولى 21-08-2011, 03:18 AM يا عم قبل ما تقول و تزعل قوى كده ازاى يتساوى المعلم المساعد بالمعلم اقول ازاى يبقى مرتب الفراش الامى اعلى من مرتب المعلم مربى الاجيال
(( ولا هى دى العدالة الاجتماعية اللى بيتكلموا عنها ))
وزير بلا وزاره 21-08-2011, 04:10 AM التدريب على حرق مكتب وزير التربيه والتعليم
1- شاهد كل يوم منظر قطرات دماء او اذبح دجاجه او حيوان فالم تستطع اذهب الى الجزار وشاهد منظر الدماء
2- انظر الى اطفالك الجوعا وتذكر يوم 10 من كل شهر وهو يوم انتهاء الراتب
3- تذكر دائمأ انك بغيض و انك حيوان وليس انسان كباقى فئات المجتمع الذين يحصلون على الرواتب المرموقه
4- تذكر الوزير الجاحد على المعلمين والذين يريدهم ان يتسولون وياكل اموالنا بغير حق فليكن مع لترات البنزين او اكتفى بالاعواد الكبريت واشغل مكتب الوزير ليزوق طعم الزل الذى يزوقهم المعلم
mmagdy_81 21-08-2011, 06:08 AM السلام عليكم ورحمه الله وبركاته
على العموم انا بشكر كل من وجهه ليا اى رساله نقد دون ان يفهم مغزى موضوعى وده امر عادى لان كل واحد بياخد الكلام على هواه وعلى حسب الضغوط الواقعه عليه ولكن انا ردت مره واتنين والف وقلت ان سؤالى هو فقط عن المنطق ليس اكثر وليس له علاقه بالمعلم المساعد لانى اشتغلت برده معلم مساعد وعملت بالعقد برده من 2003 وحاجات كتير بس المهم والشىء المحزن ان رسالتى لم تصل الا لعدد قليل
اما بالنسبه لدخولى لمنتدى المعلم المساعد ووضع موضوع فيه من وجهه نظرك الضعيفه انه ضد المعلم المساعد فده مش من حقك ولا من حقك اى شخص سوى اداره المنتدى فالمنتدى ليس حكر عليك او على غيرك
انا بس عايز اسالك سؤال علشان اثبت ليك انك مش فاهم اى حاجه.
ليه انت وغيرك كتير قوى زعلوا لما قالوا ان احتمال العمال المحترمين يعدوا المعلمين المعينون والمعلمين المساعدين الجدد فى المرتبات ؟
وكله قعد زعلان ازاى انا معلم بمؤهل عالى وغيره اتساوى بعامل بالابتدائيه والاعداديه ؟
عارف ليه ؟
لان ده الطبيعى جو اى انسان ,انه بيبذل مجهود فى حياته من اجل الحصول على مقابل يعينه على حياته
وبغض النظر عن النظام السابق الظالم او اى ظروف تسببت فى تاخير تعيينك زيك زى ملايين شباب مصر فهذا لا يعنى ان كل من تم تعيينه معلم لم يمر بمثل هذه الظروف بل اكثر منك بمراحل ولكنكم قوم لاتعلمون
كل واحد بيبص على نفسه على انه الشخص الوحيد اللى اتهان واتظلم واتبهدل وزى مايكون مفيش حد غيره شاف الظلم رغم ان حضراتكم كنتم معانا وشوفتوا الظلم اللى اتعرض ليه كل زملائنا من المعلمين
وعلى العموم شكرا برده على ردودكم لانها تعبير عن المعلم الحقيقى:d!!!!!!!!!!!!
111سمسمة 21-08-2011, 11:17 AM طبعا بحى صاحب الموضوع على طرحه للنقاش فعلا انا معاه
حرام امتحنا كادر وتربوى
واى سى دى ال هو دة لكل مجتهد نصيب
سعيدالخولى 21-08-2011, 11:50 AM اناشايف الكل عمال يتكلم عن الحافز وتارك موضوع ضم سنوات الخدمة السابقة (الخبرة) مع ان هذا الموضوع هيفرق معانا كتير اوى فى الحصول على الدرجة الثانية قبل ان نشيب وشعرنا يبيض وهتفرق فى ضم خمس علاوات دورية لنا حسب نص قانون العمل 47لسنة1978 المادة 27 وحسب تصريحات الدكتور صفوت النحاس وحسب الكتب الدورية الصادرة من النظيم والادارة0
eslamic 21-08-2011, 04:44 PM خلاص الموضوع دا اتلغي وفاكس النسب المقررة من مجلس الوزراء اتبعت للمديريات ودا اللي هيمشو عليه
النسب كالآتي:
معلم مساعد 75%
معلم 50%
معلم أول إلي الأخر 25%
محمد أحمد كمال بسيوني 22-08-2011, 04:25 AM مع احترامي الكامل لصاحب الموضوع
المعلم عموما له حقوق هي ما نطالب به وليس هذه الفتات التي نتناقش فيها
تعرف حضرتك إنك مثلا يعني لو خرجت بعد 40 سنة من التربية والتعليم مكافأة نهاية الخدمة بتاعة سعادتك كام بالمقارنة لجميع الوظائف المتخصصة ولا معاش حضرتك كام
بلاش احنا لسة صغيرين على الكلام ده تعرف في سن حضرتك مرتبه كام في جميع القطاعات المتخصصة وخلي بالك من المتخصصة مش المدرس يعامل معاملة الموظف سواء كان تعاقد مساعد ولا أساسي
يجب أن ندرك حقوقنا حتى نتكلم فيها ولا نتكلم في الفتات هذا ليس لمصلحتنا فقط ولكن لمصلحة هذه البلد الذي تحول فيها التعليم من المدارس إلى البيوت وبيوت المدرسين ومراكز ونسى الناس القيم التي ترسيها المدرسة في الطالب
mmagdy_81 22-08-2011, 06:25 PM خلاص الموضوع دا اتلغي وفاكس النسب المقررة من مجلس الوزراء اتبعت للمديريات ودا اللي هيمشو عليه
النسب كالآتي:
معلم مساعد 75%
معلم 50%
معلم أول إلي الأخر 25%
بس يااسلام احنا بعتنا الاستمارات بتاعت الفرق على الاتى
كل من هو اقل من 200 فى الميه سيصل الى 200 فى الميه
المعلم المساعد 125 فى الميه
المعلم 75 فى الميه
المعلم ا الى الاخر 25 فى الميه
eslamic 22-08-2011, 11:18 PM احنا كنا عاملين كدا برضه بس امبارح الاستمارات رجعت وقالو اعملوها ع النسب الجديدة
أحمد سعيد عبد العظيم 22-08-2011, 11:52 PM والله ظلم بين ................المفروض يبقى فيه فوارق فى المرتبات للاسبقية فى الشروط
المفروض المعين بقرار 53 ، 74 ياخدوا اعلى مرتب ...............
وبعد كده القرار 244 ..............
والمعلم المساعد المرتب الاقل
اللي بالحتة ملكوا الحتة
mmagdy_81 26-08-2011, 06:24 AM لله الامر من قبل ومن بعد
mmagdy_81 27-08-2011, 04:53 AM وده اثبات اخر على ان المعلم المساعد سوف يحصل على مقابل مادى اعلى من المعلم فى محافظه الشرقيه
http://www.thanwya.com/vb/showthread.php?t=361344
الاميرة2010 27-08-2011, 10:17 PM ياعم انا كنت معلم بالحصة من اربع سنوات مكناش بناخد اى فلوس والان مدرس مساعد لسة مخدناش اى فلوس
انت يامعلمين بتقبضو كل شهر وعاييشين لكن احنا مقبضناش ولا جنية وعملين تقولو المعلم المساعد هيقبض كذا وكذا
ارحمونا بقى
يا اخي تلك نقرة وتلك نقرة
احنا بنتكلم عن حقنا اعتقداننا نستحق الزيادة واننا نقبض اكتر من المعلم المساعد لاننا تعبنا اكتر منكم
نيفين رمضان نصار 28-08-2011, 12:57 AM حرام عليكوا في مصيبه اكبر من مصيبه الفلوس الا وهي اننا لسه بنتعامل ع اننا معلم مساعد مش معلم . في اداره غرب طنطا عملوا لنا الزياده 75% وليس 50% مثل المعلم وهذا دليل ع اننا لسه معلم مساعد وأمر التثبيت كان وهممممممممم كبيييييييير فأنا قيضت اليوم 495.90 جنيه وبعد الزياده اللي هي 75% (147ج ) هيكون الراتب ان شاء الله 642ج وده اتعمل فعلا وراح الاداره . شفتو اللعب بينا وصل لحد فين .
mmagdy_81 28-08-2011, 04:50 AM حرام عليكوا في مصيبه اكبر من مصيبه الفلوس الا وهي اننا لسه بنتعامل ع اننا معلم مساعد مش معلم . في اداره غرب طنطا عملوا لنا الزياده 75% وليس 50% مثل المعلم وهذا دليل ع اننا لسه معلم مساعد وأمر التثبيت كان وهممممممممم كبيييييييير فأنا قيضت اليوم 495.90 جنيه وبعد الزياده اللي هي 75% (147ج ) هيكون الراتب ان شاء الله 642ج وده اتعمل فعلا وراح الاداره . شفتو اللعب بينا وصل لحد فين .
فى البد ايه السلام عليكم
وكل عام وانتم بخير
بصى يااستاذه نفين مفيش مصيبه ولا حاجه ارجو الهدوء لان المنشور اللى وصل من الوزاره دليل على التخبط وان الوزاره لاتعلم اى شىء عن مرتبات المعلمين ولا عن اى شىء يدور داخل المديريات التعليميه او الادارات
الوزير المبجل قال ان كل الناس سوف تصل الى 200 فى الميه
فالمعلم المساعد كان بيقبض قبل حافز الاداء 75 فى الميه فرفعوه الى 200 فى الميه باضافه 125فى الميه تمام
ام المعلم كان بيقبض قبل الحافز 125فى الميه فرفعوه الى 200 فى الميه باضافه 75 فى الميه تمام
وهذه هى الحقيقه ان كل من هو اقل من 200فى الميه وصل الى 200 فى الميه باضافه الفرق اللى وضحته
فانت معلمه معينه رسمى غصبن عن اى انسان
صفاء الجمل 28-08-2011, 08:47 PM ارحمونا وسيبوا المعلم المساعد فى الهم اللى هو فية وربنا اللى موزع الارزاق
mmagdy_81 29-08-2011, 01:53 AM ارحمونا وسيبوا المعلم المساعد فى الهم اللى هو فية وربنا اللى موزع الارزاق
فعلا كلامك صح وكل عام وانتم بخير وعيد سعيد
ايهاب2323 29-08-2011, 11:34 AM دى وزارة متخلفة
anass_math 31-08-2011, 06:56 PM السلام عليكم ورحمه الله وبركاته
انا كتبت هذا الكلام من تعبى النفسى بسبب الظلم الواقع على المعلم المعين حديثا
ومش عايز الجماعه المعلمين المساعدين يزعلوا بس ده الحقيقه حتى وان كانت فيها بعض المشاكل , هذا رزقهم ولا جدال ولا شك فى ذلك وليس هذا عيبهم بل عيب من وضعوا هذا الحافز الفاشل
ازاى المعلم المساعد يحصل على 125 فى الميه والمعلم يحصل على 75 فى الميه ؟
المعلم الذى ادى كل ما يلزمه من اجل الترقيه الى معلم واستحقاق التعيين
بكده فرق ال 50 فى الميه بتوع المرحله التانيه من الكادر اصبحت غير موجوده بالمره
ولو تلاحظوا ان كل الناس زادت وفرقت عن غيرها الا المعلم
كيف يكون اتنين تعيين مختلف ومسمى مختلف ومرتبهم واحد ,حد يحل اللغز ده ؟
يعني أظن يا سيد مجدي ان المعلم المساعد مش بيقول ريان يا فجل وانت اللي بتشرح مادة علمية الطل سواء وبعدين انا واحد من الناس بقي لي 3 سنين ولسة واخد مميز السنه دي وللعلم زمايلي من نفس الدفعة اتعينوا ليه بقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اقول لسيادتك انهم اخدوا المميز بالواسطة ولما جات الفرصة طبعا هما اولي ........................ وللعلم انا معايا تربوي بس ما كنتش مميز علشان كدة ماكانش ليا الحق ان انا ادخل الكادر
عيب ..... عيب ....... عيب .... اما يكون واحد محترم يطلع الكلام ده من بقه وبعدين يا سيدي الفاضل بتبص لزميلك اللي معاه مؤهل عالي زي حضرتك تمام وناسي انك مش محصل العامل اللي ما دبش ايده في التعليم خالص كان اولي انك تتكلم في نقطة زي دي
عجبي !!!!!!!!!!!!!!!!!!!!!!!!!!!!!!!!!!!!
mmagdy_81 03-09-2011, 06:41 AM يعني أظن يا سيد مجدي ان المعلم المساعد مش بيقول ريان يا فجل وانت اللي بتشرح مادة علمية الطل سواء وبعدين انا واحد من الناس بقي لي 3 سنين ولسة واخد مميز السنه دي وللعلم زمايلي من نفس الدفعة اتعينوا ليه بقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اقول لسيادتك انهم اخدوا المميز بالواسطة ولما جات الفرصة طبعا هما اولي ........................ وللعلم انا معايا تربوي بس ما كنتش مميز علشان كدة ماكانش ليا الحق ان انا ادخل الكادر
عيب ..... عيب ....... عيب .... اما يكون واحد محترم يطلع الكلام ده من بقه وبعدين يا سيدي الفاضل بتبص لزميلك اللي معاه مؤهل عالي زي حضرتك تمام وناسي انك مش محصل العامل اللي ما دبش ايده في التعليم خالص كان اولي انك تتكلم في نقطة زي دي
عجبي !!!!!!!!!!!!!!!!!!!!!!!!!!!!!!!!!!!!
انا متفق معاك تماما ولم اقصد اى اهانه اى شخص فنحن جميعا اخوه وانا لم اعين مباشره بل مريت بكل المراحل ومنها المعلم المساعد
ولكن انا اوضح وجهه نظر . هذا الامر لن يضر المعلم او المعلم المساعد ولكن سيضر المنظومه كلها
نعم هذه ارزاق ولا يمكن لاحد ان يمنع رزق احد ولكنى اوضح كلام حدث عندنا واحاول ان اطرحه للنقاش
وكل عام وانت بخير
وعيد سعيد
RABIAFAYED 03-09-2011, 03:40 PM عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج
وفرق الحافز شهرين للمعلم اول أ 197 جنيه
والمعلم 282 جنيه
مع العلم ان المعلم المساعد والمعلم نفس النصاب 21 حصة للاعدادى
والمعلم الاول 19 حصه
والمعلم الاول أ 18 حصه
اين هو الحافز من تلك الانصبة
محمدابوماجد 03-09-2011, 06:17 PM والله حرام بس اكيد التاس بتوع المديريه مش عارفين حاجه
|