كل ما تقول لحد زود المعلمين يقولك دي وزارة خدمية مش بتجيب فلوس انما البترول بتجيب فلوس يبق الحل هو كالآتي

أولاً :- الحل الفنتازي الميلودرامي المكوكي الجهنمى
1 ) نقل العاملين في البترول إلى التربية والتعليم لمدة أربع سنوات فقط والمبادلة بينهم وبين المعلمين ؟؟؟ اربع سنين
في البترول يا عم كأنك طلعت إعارة

2 ) إعطاء وزارة التربية والتعليم كام بير بترول على كام منجم فوسفات على 2 كيلو من قناة السويس تصرف بيهم على
نفسها ومش عايزين حاجة تاني

3 ) المعلمين يأخدوا أجازات بدون مرتب ويدوا دروس خصوصي وبالنسبة للإخوة معلمين الأنشطة والإداريين قدامهم حل
من إثنين * ياإما يعملوا مجموعة وياخدوا درس في المنهج الركيك وبعدين هما يستقلوا يودوا دروس * ياإما يشتغلوا
صبيان عند المعلمين يصححوا واجب يضربوا العيال يلموا الفلوس ولهم نسبة طبعاً

4 ) على المعلمين من السيزون اللى جاي يغلوا الدروس 4 أضعاف لأن كل العاملين في الدولة زادت مرتباتهم

ثانياُ الحل الواقعي :مش هناخد من وزارة المالية أية قرش -

1 ) إلغاء كافة أعمال المطبعة السرية والكنترول في المحافظات إللي هما بياخدوا ألوف الجنيهات وجعلها بالتكليف مثل
إمتحانات النقل شوف هتوفر كام مليون

2 ) إلغاء مدينة مبارك التعليمية إللي بيتصرف عليها ملايين بدون فائدة أنا كنت هناك والله وشوفت بعنيا شوف هنوفر كام
من البند ده

3 ) تقليل الحشو في الكتب وتعديل المناهج وطبع الكتب في مطابع الوزارة ولو مكانش فية مطابع ورارية نعمل شوف
هنوفر كام مليون من عمولات وسمسرة وأسعار خرافية للكتاب إللى لو إطبع في الوزارةيكلف أقل

4 ) عمل لجنة من المعلمين في كل إدارة تراقب أوجة الصرف كالمحليات مثلاً

5 ) عدم مد إللى طلعوا معاش إلى شهر ثمانية شوف هنوفر كام مليون

6 ) إعاده هيكلة الأجور في الوزارة ووضع حد أدنى وأقصى للوزارة فقط شوف المستشار ولا الموظف الكبير إلى كان
بياخد مئات الألوف لما يأخد حد أقصى عشرون ألف فقط يرفع معاه كام واحد لفوق الحد الأدني كمان

:giljotiiniug3: أرجو تقديم إقتراحات أخرى سواءاً كانت جهنمية أو واقعية :giljotiiniug3:

عايز ترجع المحليات تانى ياراجل داحاميها حراميها

الحد الادنى للاجور .... امتى هيظهر بقى للنور
يعشمونى ابنى قصور .... وفى النهاية هاموت محسور
مش باتمنى اكون ميسور ... لكن نفسى اعيش مستور

يعني ايه وزارة خدمية
هما البترول بيصنعوا حاجة ولا ده مال الشعب كلة
زي ما يكون المعلمين مش من الشعب
العدالة يا جماعة لا تعني فئه تزيد على فئة
معنى ذلك
ان كل واحد خريج جامعى ( مؤهل عال ) ياخد زي الثانى في أى مكان
التفكير في الانتاج وزيادة الرواتب يجعل التفكير عنصري وانحيازى
واذا كان المطلوب انتاج
فالمعلمين لابد وان يكون لهم نسبة من جميع الوزارات لأنها علمت كل الوزارات
يعنى
10% من البترول 10% غاز وخلافة والله نوصل اكثر منهم

هما شكلهم ايلي بيجيبوا البترول من بيتوهم الجامعة ماهي خدمية البترول ده مش علي ارض مصرية ولا بيتجاب من برة

اذا كانت الحكومة بتطبق مجانية التعليم على حساب المدرس يعني الحكومة بتاخد من مرتبات المعلمين اللي مفروض يصرفوها و يصرفوا بيها على التعليم يعني المدرس هوة اللي بيشيل ليلة مجانية التعليم لوحده

خلاص نخلى المعلم يبيع جاز علشان يبقى تبع البترول والا اقولك كان الوزير المخنس حسين كامل بهاء الدين بيقول كمبيوتر لكل معلم نحن الان نقول تكتك لكل معلم واهو كله اكل عيش