السلام عليكم

بصو ياجماعة انا علمى رياضة وجبت 92.6% وطبعا ملحقتش هندسة ولا حاسبات ولا حتى فنون عمارة ومش باقى قدامى غير كليتين وهما تربية رياضة او كلية العلوم

انتو اية رأيكم انا عارفة ان تربية فى الاخر هطلع مدرسة ولو علوم انشاء الله هدخل قسم كيمياء سبشيل او جيولوجى بس فى ناس كتير قالتلى انو جيولوجى مش حلو واقسام الكيمياء احسن وانا بصراحة مش عارفة اقرر وخلاص الدراسة قربت تبدأ وانا جاتلى تربية رياضة وبعدين حولت على علوم رياضة بس تقريبا ينفع فى كلية سوهاج انى احول من كليه لكليه لحد بعد الدراسة باسبوع او اتنين هما بيقولو علوم صعبة عشان كلها انجليزى بس انا مش هتفرق معايا حكاية الانجليزى انا الحمد لله شاطرة فية

ياجماعة بليييييييييييييييييييييييييز كل اللى يشوف الموضوع يرد لانى متوترة ومش عارفة اقرر

هو لية مفيش حد رادى يرد عليا

:( :( :( :( :( :( :( :( :( :( :( :( :( :(

على فكرة انا جايبه قدك بالظبط وبردو مقدميش غير علوم رياضه او تربيه رياضه
بس انا فكرت كتييييييييييييييير ولقيت ان تربيه رياضه افضل بكتير
اول حاجه فرصه التعينات اكتر لانه قسم نادر شويه تقريبا مش هتلاقى غير 20 واحد فى القسم
تانى حاجه الدكترة والمعيدين محترمين اوى مع الطلبه لان كان مكانا هندسه وطبعا فيه ناس متميزة فى القسم دا
تالت حاجه ان علوم صعبه اوى ورخمه وكمان لما تتخرج لازم تاخد شنه تربوى علشان تشتغل
فكر كتير وقرر
ربنا معاك

هو بالرغم ان انا مش بحب التدريس....بس انا شايفة ان تربية رياضة افضل من حيث الشغل لو انت غاوي تدريس وكده....اما لو مش عايز يبقى علوم احسن...وهي الحكاية في الاخر انت بتحب ايه؟؟؟؟؟؟

وربنا يوفقك ان شاء الله......:)

هو الفرق بين علوم رياضة او تربية رياضة
1- الرياضة فى الاتنين واحدة بالانجليزى
2-الكيميا فى علوم بس
3- الفيزيا فى علوم انجليزى فى سنة تانية
لكن فى تربية عربى
وعلى فكرة دكاترة علوم هى دكاترة تربية
يعنى نفس المنهج وكلو عايز مذاكرة
بس من ناحية الشغل
قسم كيميا فى علوم ليه مميزات كتير وممكن تعملى سنتين تربوى بعد ما تخلصى وتبقى مدرسة
لكن تربية لازم تشتغلى مدرسة مينفعش حاجة تانية:rolleyes:

تربية رياضة افضل

انا كنت في نفسك الحيرة دي من 2006 دخلت تربية رياضة وقولت خلاص الحمد لله لما اتخرجت لقيت وقتها شغل فسالت نفسي سؤال واحد لو انا دخلت علوم رياضة ايه مجالها ؟ قولت بردوا التدريس يعني اخد دبلومة عامة في التربية يعني بعد اربع سنين من علوم اخد واحدة خامسة في تربية والتربية بطلع بكالويورس علوم وتربية شعبة رياضيات
الافضل تربية رياضة طبعا بس خلي بالك من اول سنة دايما غريبة جدا والسقوط كتير حاول تذكر كويس لو مش فاهم حاول تحفظ المسائل عارف ان الكلام ده مش في الرياضيات بس بجد احفظ دلوقتي وحتفهم بعدين والله

خلي بالك لان فيه حقايق غايبه عن ناس كتير هنا

علوم رياضه مش معناها قسم رياضه

علوم مابيطلعشي مدرس

علوم ينتمي لنقابه العلميين وليس المعلميين

اخر حاجه عشان خريج تربيه يبقي زي علوم عليه انه يدرس اربع سنين في كليه علوم عشان ياخد بكالوريوس علوم والسنه الواحده ب 8 الاف جنية