السلام عليكم ورحمة الله وبركاته



انا في تانية ثانوي وبدات دروس خلاص

الحاجة العجيبة بئا ان كل مدرس اقوله اجيب كتاب خارجي ايه يقولي لا هجيب مذكرات

وكل مدرس يجيب مذكرات × مذكرات

انا خايفة لا تكون المذاكرة منها مش زي الكتب الخارجية ؟؟

هو دا الطبيعي ولا ...؟؟

منتظرة ردكم وربنا يحبكم :)

هو كل مدرس كده يقولك انه هيديك مذكرات ومذكرات فى مذكرات لحد ما تزهقى انا بقى بحكم خبرتى بحس ان المذكرات دى مش كل شى يعنى مثلا فى اشياء خارجيه كتيييره بتبقى مش مكتوبه فى المذكرات وحتى لو لقيتيها هتلاقى انها مش كامله يعنى مفيش اسئله واجابات ولا حتى التمارين يعنى انتى مثلا لو كنتى علمى هتلاقى انك لازم تجاوبى على كل التمارين اللى فى كل الكتب الخارجيه انا مش عايزاكى تتخضى بس هى دى الحقيقه لازم ماتعتمديش على المذكرات فقط لازم على الاقل تجيبى ملخصات كيمياء وانجليزى ورياضه وممكن العربى لكن الفرنساوى ممكن تكتفى بالمذكرات ولازم تذاكرى دليل التقويم وتحفظى صم بجد زى ما بقولك كده وخصوصا فى الرياضه والكيمياء كتييير اوى من امتحانات الثانويه العامه بتكون من التقويم وماتقوليش ده صعب مابيجبوش حاجات صعبه اصل انا جربت والله زى ما بقولك كده كلامى صح والله العظيم وياريت ماتقلقيش اوى الثانويه العامه عاوزه صبر كتييييييييييييييير اكتر من صبر ايوب وما تيأسيش وما تمليش من المذاكره وياريت تدعوووووووووووووووووولى كتييييييييير اوى انا رايحه تالته ثانوى

بص هو الكتاب مش هيبقى فيها اسئله زى المزكرات طبعا الكتاب اكتر بكتير انت هات كتب من نفسك وحل وريلوه ال ماتعرفوش وبنصحكتجيب كتب ال بيبقى فيها الحل زى الامتحان والمعاصر

يا جماعه انا عاوزه اى شخص يكون من مدرسة يحيى كيلانى الثانويه بنات او من فاطمه الزهراء الثانويه بنات علشان نتبادل الاراء حول اشياء كتيييييييييره اوى او حتى لو كان مدرس من اى مدرسه من مدارس ديروط فقط

بصى اهم حاجة كتاب المدرسة ف كل المواد
لو المذكرة دى من الكتاب يبقى كويس
وجيبى انتى كتب خارجية واشتغلى مع نفسك

اة عادى عشان الكتب الخارجية بتبقى مملة اوووى وطويلة يعنى بتبقى نفس المعلومة هنا وهناك لكن المستر مختصرة عشان تقدر تحفظها ومش تنساها بسهولة

انت هات الكتب الخارجية اكيد عشان تحل منها

وشوف انت متعود تذاكر من اية الكتاب الخارجى ولا المذكرة

على راحتك انت اكيد

ديروط دي فين

ده الطبيعي واللي هتشوفيه في السنتين بس ده شغلك مع المدرس هاتي كتب خارجية واشتغلي فيها وهاتيله اسئلة والمدرسين بتحب كده وبتشجع كده حتى لو قالك متجبيش وربنا يوفقك ان شاء الله

ازيك يا نونااا واخبار اي واخبار الدورس اي
انا عندي نفس المشكلة المدرسين كلهم مذكراات لكن هما حريين في رأيهم انا جبت كتب في كل المواااد
وبحاول احل في كل المواد على اد ما اقدر انهردة كان اول يوم في درس الفرنسي وبردو قالنا مذكرات بس عارفة
المذكراات عيبها انها مش فيها تمارين كتيير وممكن متبقاش ملمة بكل التفاصيل مهما كان المدرس بيقول هاتي بردو كتب وذاكري من الاتنين ودي الكتب اللي انا جبتها :
العربي ... الاضواء وكتاب الحل بتاع الامتحان .
الانجليزي : سربرايز وتوب ستيودنتس . الاتنين رووووعة كل واحد لي ميزة سربرايز في آخره في جلوسري 20 صفحة عبارة عن كلمات خارجية بجد كلمااات رووعة وتوب ستيودنتس مميز جدااا وفيه تمارين دقيقة وصعبة وكلماته في الوحدات والشباتر كتيييييرة ومش سايب ولا حرف .
الرياضيات : المعاصر ولامي .
الاحياء : الامتحان المدرس ملوش مذكرة لكن بذاكر من الامتحان مؤقتا لغايت ما المدارس تبدأ واخد كتاب المدرسة ..
واعتقد انتي معندكيش فرنسي ...


ربنا يوفقك يا قمر :)

ديروط دى فى اسيوط

بصي حسب المذاكره و المواد يعني
يعني انا عندي العربي حليت مذكرات و حليت كتاب خارجي مع ان المذكرات كانت كتيره بس حليت برده كان في وقت قبل الامتحان
الانجليزي كنت بحل من كتاب خارجي
الفرنساوي والرياضه لا