بصوا يا جماعه انا طالع تالته ثانوي والحمد لله ربنا كرمني وجبت 94 % (ادبي)
--
وكنت ناوي اختار مع الجيولوجيا فلسفه واقتصاد واحصاء
بس بعد ما سمعت كلام كتير عن الفلسفه وراى الاعضاء هنا نصحوني بعلم النفس
فـ قررت اني اختار علم نفس واقتصاد واحصاء
----
المهم عايز منكم تقولولي
1 - يا ترى اغير رأيي ولا لأ يعني اخد ( علم نفس واقتصاد واحصاء ) ؟؟ ولا الفلسفه احلى ؟
2 - ازاي احول من المدرسه من فلسفه لعلم نفس وهل التحويل بيبقى في الدراسه ولا قبل كده

----
واسف للاطاله
شكرااااا

ياريت يا جماعه تردو عليا الدراسه قربت تبتدي

بص يا درش فى انت لازم تصلى صلاة استخارة وربنا هيدلك لان شكلك متردد وابقى اسال فى مدرستك امتا التحويل لانة ممكن يختلف :blush:

أنا لسه مخلص 3 و كنت علمي
و كنت واخد علم نفس و هي مادة سهلة و جميلة جدا و هتحس بمتعة فيها
بس انا حصلتلي مشاكلفيها علشان كنت عند مدرس في الشرح و كنت بجيب في الامتحانات الدرجة النهائية بس كنت حاسس اني مش متمكن منها فروحت عند مدرس تاني في المراجعة فلقيت المذكرات مختلفة لان كل مدرس بيلخص علي مزاجه
فنصيحة مني ذاكر من كتاب المدرسة أحسن لك و هو صحيح هتحس بصعوبة في الأول لكن هتخدمك جامد لأن الأمتحان سعات بيعتمد علي كلمات بين السطور و محدش هيعرفها غير اللي بيذاكر من كتاب المدرسة و ممكن تستعين بالمذكرات في التلخيص بتبقي حلوه برضه بس خلي مصدرك الأساسي كتاب المدرسة

الفلسفه وعلم النفس أغلس من بعض لكن علم النفس ممكن يتحفظ عن الفلسفه

شكرا على الردود يا جماعه وشكرا على اهتمامكم
----
ان شاء الله كده هختار علم نفس
بس لو حد يعرف احول من المدرسه امتى ياريت يقولي
شكراااااااااااااا

طب ممكن سؤال طب مختارتش ليه فلسفة وعلم نفس وبلاش اقتصاد واحصا اصلى نفسي اوى ادخل اقتصاد بدال علم النفس اصلى مش بحب احفظ

انا اخترت اقتصاد واحصاء عشان اساسا انا بحب الرياضه وجبت فيها السنه دي 49/50
واى حد اقوله على الاقتصاد والاحصاء يوافقني رايي فـ مكنتش متردد في حكاية اقتصاد واحصاء لانها ماده سهله وصغيره

طب مثلا لو خيروك بين علم النفس واقتصاد واحصا هتختار ايه بجد راى حضرتك ممكن يفيدنى

انا عن نفسي هختار اقتصاد واحصاء لانها ماده صغيره وعدد محاضرتها صغيره يعني الاحصاء بتخلص في 7 او 9 محاضرات
والاقتصاد في 6 او 7 محاضرات يعني شهرين ونص وتكوني مخلصه المنهج وده ممكن يديكي فرصه اكبر لمذاكرة المواد التانيه باهتمام
بس لو انتي مش بتحبي الرياضه اوي
فـ اختاري علم نفس اضمن .. عشان ميبقاش عندك مشكله من الاحصاء مع انها سهله

الاقتصاد والاحصاء اسهل بكثير
والماده كلها بتخلص فى تيرم واحد فقط يعنى الواحد يكون عنده وقت كافى لمذاكرة المواد الأخرى والله على ما أقوله شهيد
اما الفائده الثانيه منها أنها ماده إجبارى على العديد من الكليات
سواء تجاره أو حقوق اوشرطه وجميعه المعاهد والجامعات ( نظم ومعلومات وإدارة اعمال )