عاوزة اخد رايكم ف حاجه [الأرشيف] - بوابة الثانوية العامة المصرية

مشاهدة النسخة كاملة : عاوزة اخد رايكم ف حاجه

هجورة 2011

19-08-2011, 04:04 AM

انا والله عاوزة اخد رايكم ف حاجه بس ياريت تفيدونى
انا علمى علوم وجايبه 368 وفرقت معايا كليه العلوم ع نص درجهوكان عندى امل كبير انى ادخلهاماعلينا
المهم انا جاتلى تجارة عربى المنصورة ونا من المنصورة
بس انا ليا تجارة انجليزى بورسعيد بس مجاتليش لانى مش كنت كاتبه تجارة انجلش كليات كتير المهم
وليا بردو تربيه دمياط بس مش المنصورة
انتوا ايه رايكم
اخلينى ف تجارة عربى المنصورة ولا احول تجارة انجليزى بورسعيد طيب لو حولت هقعد سنه ف بورسعيد:(ولا ينفع احول المنصورة:blush:
ولا احول تربيه دمياط

يعنى انا محتره بين التلات كليات
1- تجارة عربى المنصورة ودى جاتلى
2-تجارة انجليزى بورسعيد او شبين
3- تربيه دمياط

يلا قولى بقى رايكم

hishamonline

19-08-2011, 04:29 AM

بصي علي حسب معلوماتي

ان تجارة انجليزي السنة دي بالذات خدت تنسيق لواحدها وبقت كلية منفصلة عن تجارة عربي

يعني في الاول كانت تجارة انجلش عبارة عن قسم في تجارة عربي

المهم دي حاجة في صالحك طبعا انها بقت كلية منفصلة

انتي ممكن تحولي تجارة انجليزي بورسعيد وتقعدي فيها سنة بس تجيبي جيد وتحولي المنصورة عادي

هجورة 2011

19-08-2011, 04:44 AM

as.smsm

19-08-2011, 06:01 AM

highlight

19-08-2011, 04:00 PM

انا موافقة على كلام استاذ هشام

varios

19-08-2011, 04:03 PM

انا راي تجارة انجليزي.....وممكن تسالي في مكتب التنسيق اذا كان في طريقه انك تحولي السنه دي

hishamonline

19-08-2011, 08:31 PM

منفصله ازاى يعنى طيب يعنى دى كليه ودى كليه ولا ايه
طيب هو انا ماينفعش احول بورسعيد بعدين ف نفس السنه احول المنصورة

ايوة منفصلة يعني دي كلية ودي كلية تانية خاالص

وانتي ممكن تحولي تجارة انجليزي بورسعيد لو مجموعك جايبها

بأستخدام التحويل الغير مناظر طبعا

بس دلوقتي تحويل النت اتقفل وهتضطري تروحي جامعة بورسعيد نفسها وتسألي في مكتب التحويلات

عن ميعاد التحويلات الورقية

بس مش ينفع تحولي تجارة انجليزي بورسعيد وتحولي في نفس السنة المنصورة

لازم تقعدي سنة وتجيبي فيها جيد وتحولي بعد كدة

hishamonline

19-08-2011, 08:35 PM

امممممممممممممممم
بصى-راى-وبصراحه-ومنتهى-الامانه
تجاره-انجليزى-دى-ملهاش-اى-لازمه-اولا-بتاخد-فلوس-كتير-عالفاضى-يعنى-من4-ل-6-الاف-جنيه-ويمكن-اكتر-الله-اعلم
واعرف-ناس-متخرجين-منها-واتبهدلو-فى-تعليها-طبعا-لانها-اصعب-من-تجاره-عربى-واخدو-كورسات-كتير-وفى-الاخر-ملقوش-اى-شغل
وانا-شايفه-ان-التلاته-واحد-واستخيرى-ربنا-وان-شاء-الله-يوفقك-للى-فيه-الخير

لألأ حضرتك انا اختلف معاك في الرأي جدا

فرق شاسع بين تجارة انجلش وتجارة عربي طبعا

انا علي فكرة في الفرقة الرابعة تجارة عربي جامعة الزقازيق

واسمع كلامي دة لأنه مؤكد وبناء علي تجارب صحاب ليا كتير اتخرجوا

تجارة انجلش ممكن ببساطة يشتغل في اي بنك من البنوك الاجنبية بسهولة جدا من غير ميحتاج انه ياخد دورة انجلش حتي زي بنك ال سي اي بي والأن اس جي بي واي بنك اجنبي

غير طبعا ان بيبقي لية اولوية في الشغل في البنوك الحكومية

ولو اخد دورة cma (المحاسب المالي المعتمد) يقدر يشتغل في اي حتة في العالم وبسهولة كمان

وعلي فكرة الدورة دي متاحة لخريج تجارة عربي

بس علشان ياخدها لازم ياخد دورة انجلش لغاية مستوي التويفل ويخلصها كاملة وبعد كدة ياخد دورة مصطلحات محاسبية واقتصادية

وبعد كدة يبدأ انة يبدأ في الدورة دي

دي امثلة بسيطة علي الفرق بين الكليتين