منشور التجديد وصل محافظة قنا :stickjo4:
تم التنسيق بين معلمين المحافظة على ان موعد الاعتصام
الاحد 21/8/2011 امام المنطقة ةالرجاء من المعلمين التوجه الى المنطقة
الازهرية بقنا فى صباح يوم الاحد من اجل الاعتصام المفتوح
قال رسول الله صلى الله علية وسلم
( ان لصاحب الحق مقال )
التربية والتعليم تم تثبيتهم
هذه اخر فرصة من اجل التثبيت

الله اكبر ولله الحمد معكم منسق الجبهة بقنا كلنا هنروح ان شاء الله و لو محدش جه انا هاجى لوحدى وهبيت هناك و مش هسيب حقى ارجو من الاخوة الزملاء ان يستيقظوا لانه قد حان الوقت

علشان خاطرى بلاش العنوان ده بيطلع بمبه فى الاخر

يا عم محدش عامل حاجة اهو كلام

الساعة كام يا قناوية يا رجالة

ياجماعه المناطق الازهريه ملهاش دعوه بالكلام دا
عليكم بالادارةبمصر

الكلام المفيد
منسقي جميع المراكز ببني سويف يجرون اجتماعات منذ اسبوع وكان اخر اجتماع بالامس الجمعة 19/8/2011 وتم الاتفاق علي كل شئ خاص بالاعتصام وما بعده بخطوات منظمة جدا وان شاء الله سنتقابل جميعا امام منطقة بني سويف الازهرية وسننتظر قرار اللجنة الاعلامية التي تم تشكيلها فيما اذا كنا سنكمل الاعتصام امام المنطقة او سنخرج جميعا الي القاهرة امام المشيخة حسب التنسيق مع المحافظات الاخري الرجالة
والله الموفق والمستعان

إن المستشارين الألمان أثاروا ونظموا وقفة احتجاجية للمساواة بالمعلمين في المرتب فحضرت لهم المستشارة الألمانية أنجلي ميركل وقالت لهم هل تريدون المساواة بما علموكم معاها حق طبعا في كل كلمة قالتها ؟؟؟؟

اهه الكلام ولا بلاش
هو ده اللى يستاهل نعمل اى حاجة عشانه
التثبيت اولا وقبل كل شىء
هو ده الموضوع اللى يستاهل تقطع عشانه القطارات والطيران والسكك والاعلام وكله
امال بس فالحين تقطعوا السكة الحديد فى موضوع المحافظ اللى هو لايسمن ولا يغنى من جوع
التثبيت هو اللى يستاهل المظاهرات هو اللى يستاهل نعمل اى حاجة عشانه
اشمعنة قطعتوا السكة الحديد علشان المحافظ قبطى وهو لو كان مسلم يعنى ايه الجديد؟
احنا مش واخدين حاجة لا من المسلم ولا المسيحى ولا اليهودى هو من الاساس موضوع تافه
؟ اما التثبيت شوف هينفع كام اسرة ؟ شوف هيفتح كام بيت؟ شوف هيأمن كام مستقبل
التثبيت ياقناوية التثبيت فينكم؟ رحتوا فين مش عايزين المحافظات تتكلم علينا
التثبيت مطلب اساسى ......والله العظيم مطلب التثبيت بالنسبة لمطلب المحافظ كنسبة الجبل الى النملة
هل تستطيع النملة ان تحرك الجبل من مكانه؟

عايزين قنا تسترد كرامتها ولا يقال عليها مثل ما قيل سابقا فى ميدان التحرير..(لو عايز نسوان روح قنا او اسوان)

اتمنى ان تكونوا على قدر قدركم فى نظرنا يا قناوية

يارب المره دي تصدقوا يا رجالة قنا ونتقابل الصبح قدام المنطقة والاقي معايا اعداد كبيره مش الناس تكون نايمه في بيوتها

يارب انصرهم

والمناطق حتعمل ايه المفروض القاهرة

مافيش تثبيت يبقا مافيش تجديد ومافيش تدريس

يارب تقفوا وقفة رجاله يا متعاقدى قنا

الحمد لله كان هناك وقفة ممتازة من متعاقدي الأزهر ببني سويف مازال الاعتصام مفتوحا الااااااااااااااااااااااااااااااااااااااا أن العدد مازال قليلا

بالرغم من الصيام وحرارة الجو المرتفعة

رجالة اسوان تحركوا

حيث تجمع اكثر من خمسين معلم ومعلمة من المتعاقدين من مركز دراو وكوم امبو واسوان - في ديوان منطقة اسوان الازهرية بعد الاتفاق المسبق تليفونيا - و رفضوا تجديد التعاقدات المهينة - والغريب اننا وجدنا ترحيبا من موظفي المنطقة بذلك وشجعونا علي المطالبة و دخلنا مكتب وكيل الوزارة وكان غير موجود فقابلنا مدير مكتبه ثم قابلنا وكيل المنطقة و تحدث معنا وعرضنا مطالبنا وهي

1- عدم التجديد
2- سرعة انهاء اجراءات التثبيت الفوري للجميع
3- احتساب مدة سنوات الخبرة
4- صرف كل المستحقات المالية باثر رجعي
5- انشاء نقابة لمعلمي الازهر

و عرض مساعدتنا في الاتي
1- ارسال فاكس لشيخ الازهر من المنطقة بكل طلباتنا ووقع عليها 72 متعاقد من العاملين بالمعاهد و بديوان المنطقة
2- مساعدتنا في عدم منعنا من الاعتصام في المنطقة لحين تحقيق مطالبنا

والغريب ايضا ان هناك من كان يذهب للتجديد
والمفاجأة الاخري ان الكثير منهم اقتنع بعدم التجديد بسهولة ووقفوا معنا


و غدا نواليكم بالاخبار و الصور وصور الاوراق

والله الموفق والمستعان

ايوة يا وديع فرحنى شوية