السلام عليكم ورحمة الله وبركاته

مجهوود رائع فى المنتدى وربنا يجعله فى ميزان حسانتكم جميعا
دى اول مشاركه ليا وبجد مبهورة بكل الشغل اللى لقيته ..بس انا عندى مشكله كبيرة ..انى معنديش خبرة ف كل اللى موجود ..انا ابنى لسه رايح الصف الاول واحنا خارج مصر ..المشكله ببساطه عشان ما اطولش عليكو ا انا جيت السعوديه هنا وهو فى kg1 وكملتله السنه فى مدرسه انترناشونال مدرسات ما بيعرفوش عربى ..وكم المناهج تقيل جدا ..مقارنة بالمناهج المصريه ..طبعا لما استقريت شويه عرفت موضوع التسجيل فى السفارة وانه يدرس مناهج مصريه نظرا لاسعار المدراس هنا وكمان انه مش قادر يتكيف معاهم ..قالولى ان هو عندة فى 1-10 5 سنسن و6 شهور ونص وده سن قبول الصف الاول ..هو عنده خلفيه لاباس بها ..بس قولت انا اكمل قبل الدراسه دخلت عشان اشوف المنهج ..اولا كواحده مستجده زى حالاتى توهت ..ليه مفيش حد يفهمنا من البدايه ايه كل اسامى المناهج دى وبتختلف فى ايه عن التانى ..ولقيت فيه علوم باللغه الانجليزيه ده نازل فى كل المدارس ولا ايه المنهج اللى بيدرسوه فى المدارس التجريبيه للغات ؟؟ بجد انا تايهه كتير ياريت حد يقولى ...هنا انا هابعت اجيب الكتب الخارجيه من مصر فى طرد واشتغل معاه انا ..مع مجموعات عاملينها مدرسات مصريات ...بس ايه المنهج ؟؟المدرسان قالولى انهم بيشتغلو من bit by bit والمعاصر وسلاح التلميذ ...بجد ياريت يكون فيه قسم لينا فى المنتدى للطلبه المصريين فى الخارج وامتحانتهم اللى بتكون يوم 9-4 والتيرمين مع بعض ...اتمنى ان حد يفيدنى ..مشكورين جميعا

فعلا فيه في المنتدى قسم لابنائنا في الخارج ولكنه يبدأ من سنة تالتة لان قرار الامتحان في السفارة لسنة اولى وتانية لسه جديد
http://www.thanwya.com/vb/forumdisplay.php?s=&daysprune=-1&f=759

اما المناهج في مصر ممكن تنزلي الكتب بناعتها وتوزيع المناهج وكمان امتحانات واسطوانات من موقع الوزارة وكمان لما بتحصل ظروف بينزلوا المحذوف من المناهج
http://www.emoe.org/
وده رابط لكتب الكمبيوتر
http://knowledge.moe.gov.eg/Arabic/Departments/ecd/scolar_books/books.htm

اما عن المواد اللي يتم دراستها في الصف الاول
1- اللغة العربية
2- اللغة الانجليزية -O Level- hand in hand
3-تربية اسلامية
4- رياضيات \ math
5- حاسب الى /computer
6-انشطة\علوم\ science
*اللغة الانجليزية A Level

عربي وانجليزي ورياضيات
http://www.thanwya.com/vb/forumdisplay.php?f=356
قواعد الاملاء والتعبير والحاسب الالي
http://www.thanwya.com/vb/forumdisplay.php?f=309

اما بالنسبة للغات او التجريبي
فيتم دراسة الرياضيات باللغة الانجليزية math بدل الرياضيات.....وCOMPUTER بدلا من الحاسب الالي.....وSCIENCE بدلا من العلوم
ودراسة لغة انجليزية A Level -اضافية -وده منهج متقدم عن O Level لانه يحتوي على كلمات وقواعد و قصة واساسيات الكتابة وتكوين جملة وحاجات تانية كتيير
طبعا فيه مناهج A Level كتيرة بتدرس في مصر
ممكن تسالي عن المنهج المستخدم في المدرسة اللي كان ابنك فيها في مصر قبل ما يسافر اذا كنت تريدي تدريسه له
http://www.thanwya.com/vb/forumdisplay.php?s=&daysprune=-1&f=73

اما بالنسبة لمادة العلوم او الانشطة او science فدي للصفوف الثلاثة الاولى لا يوجد كتاب لها ولكن كل مدرسة تقوم بعمل بعض الاوراق لتدريس الاساسيات مثل الكائنات الحية والغير حية...الخضراوات والفاكهة...اجزاء الجسم...الحواس الخمسة...اجزاء النبات....انواع الحيوانات واين تعيش...انواع البيئات ....النظام الشمسي.......الخ

التربية الاسلامية
http://www.thanwya.com/vb/forumdisplay.php?s=&daysprune=-1&f=768

كما يوجد قسم للاسطوانات التعليمية
http://www.thanwya.com/vb/forumdisplay.php?s=&daysprune=-1&f=301

والله الموفق والمستعان