هام ..الى Dr/3beer [الأرشيف] - بوابة الثانوية العامة المصرية

dr.agwa

20-08-2011, 01:55 PM

لو سمحتى يا دكتورة انا شايف انك اكتر الناس هنا ف المنتدى متحمسه للكلية وكدة يعنى وبتنزلى اخبار وبتساعدى كل زمايلنا .. انا جاتلى فكرة كدة ممكن نعمل جروب ع الفيس بوك لينا كلنا دفعة صيدله 2011 ف كل الجامعات ويبقى كبير جدا جدا وننشره بطريقة كبيره ونبقى انا وحضرتك المسئولين عليه لأن لاحظت ان فى حد عمل الفكرة دى بس بيحصروا الجروب ف جامعه معينه مثلا المنصورة او حلوان او اليكس او كدة يعنى .. ف لو حصرتك عجبك الاقتراح نبدأ ونعمله انهردة وننشره بطريقة كبيرة وهيسهل علينا كلنا لأن الفيس اسهل بكتير ف المشاركه من المنتدى هنا .. ايه رأيك ؟؟

Ph Fouda

20-08-2011, 03:14 PM

http://www.facebook.com/Pharmacy.Mansoura

دى صفحه اعدادى صيدله المنصوره ع الفيس بوك

dr.agwa

20-08-2011, 03:20 PM

اوك يا دكتور بس انا كلامى لدكتورة عبير عشان عاوزين نعمل حاجة معينه غير اللى حضرتك ناشرها دى .. وشكرا ع مرورك

Dr\3beer

20-08-2011, 04:42 PM

شكرا لحضرتك

فيه جروبات كتيره على الفيس للصيادله وانا مشتركه فى معظمها بس اللى لاحظته ان مفيش بينهم اختلاف يعنى تقريبا الجروبات متشابهه
فياريت نفكر فى حاجه تكون متميزه فى الجروب اللى هنعمله قبل ما نبدا فيه
بمعنى اننا ممكن نجمع كل المعلومات اللى تخص صيدله بوجه عام
وكمان نخصص توبيكات لكل كليه صيدله زى صيدله المنصوره والقاهره وطنطا وهكذا.............
ويكون الاعضاء من طلبه صيدله بس
وطبعا هنجهز التوبيكات دى قبل ما نبدا فى الجروب
الفكره دى ممكن تاخد وقت شويه
اكيد حضرتك عندك اضافات

dr.agwa

20-08-2011, 05:41 PM

dr.agwa

20-08-2011, 05:43 PM

http://www.facebook.com/mohamed.3gwa
وده الاكونت بتاعى ع الفيس ممكن تضيفينى حضرتك ونتكلم عشان نشوف هنعمل ايه لانى بجد متحمس جدا للموضوع ده وهيفيدنا وهيبقى جميل .. وطبعا كل ده لو مش هيعمل مشكله لحضرتك انك تضيفينى وشكرا لأهتمامك ..

Dr\3beer

20-08-2011, 10:33 PM

والله فى حاجات كتير ممكن نعملها مميزة وخصوصا ان اصلا معظم الجروبات اللى ع الفيس اصلا مش بيهتموا بالصيدله اللى هما اساسا عملوا الجروب عشانها وبيهتموا يكتبوا كلام هزار وضحك وأى حاجة وخلاص واكيد انتى لاحظتى كدة يعنىى .. عامة عشان تشاور ف كل حاجة لازم نتكلم وكدة (لو مكنش يضايق حضرتك طبعا )
حضرتك رتب افكارك واعرضها قبل ما نعمل الجروب عشان يكون هدفنا واضح ونحقق التميز اللى عاوزينه
انا بدات فى تجميع بعض الموضوعات عن الصيدله بوجه عام
وممكن نتكلم ع التوبيك ده مادام حضرتك مخصصه لتنفيذ الجروب

Shamy shemo

20-08-2011, 11:46 PM

ههههههههههههههههه

Dr\3beer

21-08-2011, 02:53 AM

ههههههههههههههههه
!!!!!!!!!!!!!!!!!!!!!!!!!!!!!!

الأسطورة buffon

21-08-2011, 02:58 AM

ههههههههههههههههه

ايه اللي بيضحك يعني؟؟؟؟؟؟؟؟؟؟؟؟؟؟؟؟

dr.agwa

21-08-2011, 03:36 AM

ماهو انا قولت لحضرتك كدة عشان الناس اللى دمها خفيف !!

Dr\3beer

21-08-2011, 04:05 PM

ماهو انا قولت لحضرتك كدة عشان الناس اللى دمها خفيف !!
اها فاهمه
خفه الدم دى حاجه بسيطه بس مستفزه شويه
حتى انا ترفعت عن التعليق ع الاخ ده

Shamy shemo

21-08-2011, 05:21 PM

ترفعت ههههههههههههههههه واخ ههههههههههههههههه

اشطه كملوا هههههههههههههههههههههههههههههههههه

الأسطورة buffon

21-08-2011, 05:29 PM

ترفعت ههههههههههههههههه واخ ههههههههههههههههه

اشطه كملوا هههههههههههههههههههههههههههههههههه

عيب عليك و الله

Dr\3beer

21-08-2011, 05:35 PM

ترفعت ههههههههههههههههه واخ ههههههههههههههههه

اشطه كملوا هههههههههههههههههههههههههههههههههه
اخلاق دكاتره بقى
اكــــــــــــــيد هنكمل اللى يفيدنا ويفيد غيرنا

dr.agwa

21-08-2011, 07:20 PM

ع فكرة يا دكتورة .. ياريت تكلمينى ع الاكونت اللى انا كاتبه فوق ومش نتكلم هنا خالص .. شكرا جدا وانا بعدها هشيل التوبيك ده خالص

dr.agwa

21-08-2011, 07:37 PM

وياريت تردى يا دكتورة بسرعه عشان بجد اتخنقت من الحاجات اللى هنا دى وعاوز اشيل التوبيك ده نهائى

dr /nada

21-08-2011, 10:21 PM

Dr\3beer

21-08-2011, 11:32 PM

وياريت تردى يا دكتورة بسرعه عشان بجد اتخنقت من الحاجات اللى هنا دى وعاوز اشيل التوبيك ده نهائى
انا بعت لحضرتك اضافه بس انا مش بفتح الفيس غير دقايق كل يوم فى الوقت الحالى لاسباب تخصنى
ومتابعه ع المنتدى اكتر فهيكون الاتصال اسرع واسهل ع المنتدى
ولو فيه تطفل تانى ممكن نتغاضى عنه كأن المشاركه مش موجوده

Dr\3beer

21-08-2011, 11:39 PM

يا جماعة ياريت تكلموا على المنتدى ده احسن عشان في ناس كتير ما بتفهمش في الفيس بوك ده وانا اولهم وكنت عايزه استفيد بالمواضيع اللي تخص صيدله اللي بتحطوها هنا وملكمش دعوه بأي استفزاز وربنا يهديه ان شاء الله
انا كنت زيك بالضبط من شهرين يا دكتوره ( لا افقه شئ فى الفيس بوك ) بس الموضوع مش صعب ولا حاجه , ابدئى اعملى اكونت وهتلاقيكى بعدها هعرفتى كل حاجه عليه من غير اى مساعده . لان اغلب اللى هتحتاجيه هتلاقيه ع الفيس . وعشان كمان تكونى منورانا فى الجروب لما يتعمل
اما بالنسبه للتوبيكات اللى هنزلها ع الجروب فانا كنت ناويه انى انزلها هنا بردو ( وهبقى اتفق مع dr.agwa على كده ان شاء الله ) لان الهدف ف الاول والاخر ان الكل يستفيد سواء ع الفيس او ع المنتدى

E.m.shafik

22-08-2011, 12:26 AM

Dr\3beer

22-08-2011, 05:30 AM

فكرة جميلة جدااااااااااااااااااا وانا معاكو داخل اعدادي صيدلة المنصورة وياريت يكون بجد الجروب ده مميز اما بخصوص التغاضي عن هدف الجروبات والبوستات بنكون خارج المجال بس ممكن يكون ده سببه الاجازة مش اكتر ولسه معظم الناس مش تعرف حاجه عن دراسة كلية صيدلة
وطبعا اول حاجه ف الجروب ده يكون مش فيه شات لان الشات بوقف نشاط البيدج
ثانيا لا ينشر فيه غير البوستا العلمية والدينية والاخبارية (لان طبعا لازم نكون ف غني عن اي موقع تاني غير البيدج)
ثالثا يكون الادارة منتخبه من قبل اعضاء الجروب وده بعد فترة من بدء الدراسة والحكم علي مشاركات الاعضاء
رابعا وضع معظم المحاضرات من مختلف الجامعات لنفس الموضوع لكي تعم الفائدة لتخريج صيادلة اكفاء
طبعا دي كلها اقتراحات قد تكون صحيحة او خاطئة
فعلا جروبات الصيادله خارجه عن الاطار ده واغلبهم عللوا ده بانهم لسه فى الاجازه بس المشكله انهم بعدوا تماما عن هدف الجروب وفيه جروبات تانيه بتطور من نفسها ( عشان مش اعمم )
بالنسبه لاقتراحات حضرتك
1)لسه مافكرتش فى موضوع الشات لانى مشغوله بتجميع اكبر قدر من التوبيكات فى الوقت الحالى مع الاخذ فى الاعتبار باقتراح حضرتك ومناقشته لما نبدا فى عمل الجروب
2)الاولويه طبعا للبوستات العلميه
3) فكره هااااايله اننا نتابع مشاركات الاعضاء للتشجيع ومنع التكاسل . بس البوينت بتاعه الاداره مش فاهمه حضرتك تقصد فيها ايه !
4)الاقتراح ده انا كنت بالفعل بفكر فيه

شكراااااااااااااااا جزيلاااااااااااا ع الاقتراحات
وفى انتظار dr.agwa للتعليق عليها
واهلا بحضرتك فى كليه المنصوره

Dr_hadeer

22-08-2011, 06:22 AM

وانا كمان احب اشارك معاكوا ونشجع بعض ولو انى اولي صيدله الزقازيق

هاجر مسعد

22-08-2011, 07:16 AM

dr.agwa

22-08-2011, 07:25 AM

فكرة جميلة جدااااااااااااااااااا وانا معاكو داخل اعدادي صيدلة المنصورة وياريت يكون بجد الجروب ده مميز اما بخصوص التغاضي عن هدف الجروبات والبوستات بنكون خارج المجال بس ممكن يكون ده سببه الاجازة مش اكتر ولسه معظم الناس مش تعرف حاجه عن دراسة كلية صيدلة
وطبعا اول حاجه ف الجروب ده يكون مش فيه شات لان الشات بوقف نشاط البيدج
ثانيا لا ينشر فيه غير البوستا العلمية والدينية والاخبارية (لان طبعا لازم نكون ف غني عن اي موقع تاني غير البيدج)
ثالثا يكون الادارة منتخبه من قبل اعضاء الجروب وده بعد فترة من بدء الدراسة والحكم علي مشاركات الاعضاء
رابعا وضع معظم المحاضرات من مختلف الجامعات لنفس الموضوع لكي تعم الفائدة لتخريج صيادلة اكفاء
طبعا دي كلها اقتراحات قد تكون صحيحة او خاطئة

أولا موضوع الشات الشات مهم جدا لأنه بيخلى التقارب اسهل وتبادل الافكار سهل جدا .. وان شاء الله هنحلها بأن اللى هيدخل شات عشان يتعارف وخلاص ومش بيفيد الجروب هنحذره مرة وبعد كدة نشيله خالص من الجروب لأنه هيكون مش له أى لازمه معانا
ثانيا التوبيكات أكيد هيكون الاسبقيه للحاجات اللى حضرتك قولت عليها بس ميمنعش اننا ندخل حاجات غير دى تكون مفيده لينا .. واللى هيعمل زى ما بيحصل ف الجروبات الباقيه اننا نخليها هزار وكدة هيتشال ع طول من الجروب
ثالثا حكايه ننتخب ادارة الجروب دى مش كويسه لأن اصلا مش كله هيرشح الافضل وهتكون عاطفيه بنسبه كبيرة .. انما ممكن نعطى امتيازات حلوة للى بيفيد ويشارك اكتر
رابعا هنفيد بعض بالمحاضرات اكيد ومعلومات وحاجات تانية كتير
خامسا برأيك ورأى باقى الدكاترة واللى لاحظته من الردود ان بجد الجروب هيكون مميز عن أى جروب تانى خالص ..
وشكرااا ع أهتمام حضرتك بالموضوع واكيد هنستنى انا ود.عبير باقى الاقتراحات عشان نختار الافضل وتعم الفائده

dr.agwa

22-08-2011, 07:29 AM

وانا كمان احب اشارك معاكوا ونشجع بعض ولو انى اولي صيدله الزقازيق
أولا أهلا بحضرتك يادكتورة ف التوبيك بتاعنا وشكرا لأهتمامك

ثانيا يادكتورة الجروب مش مقتصر ع جامعة معينه زى المنصورة او عين شمس أو اى مكان ..
الجروب مفتوح لكل اللى داخل صيدله السنه دى (2011)
وكمان ده هيبان من الاسم اللى هنختاره واللينك بتاعه ع الفيس
وياريت حضرتك كمان تدعى كل اللى داخل صيدله السنه
دى ف أى مكان عشان الجروب يبقى كبير وكلنا نستفيد
من ثورة الانترنت ونستغلها عشان نسهل كل شىء علينا
بعد كدة ..

dr.agwa

22-08-2011, 07:34 AM

يا جماعة انا شايفة انة من الافضل اننا نبدأ مع الدراسة عشان يبقا عندنا فكرة بالمواد اللى هناخدها وعلشان فى ناس ممكن تتصدم لو نزلتو حاجة اول مرة يشوفوها مثلا ...دة رأيى
مستنية رأيكو...:)

رأى حضرتك جميل بس احنا بنفضل نبدأ قبل الدراسه بفتره عشان نقدر ننزل مواضيع كتير جدا وعشان مع بدايه الدراسه نقدر نستفيد مباشرة ومننتظرش بعد الدراسه بفترة عما نقدر نستفيد من الجروب.. ولا أيه رأى حضرتك يادكتورة ؟؟ ياريت أى اقتراح تتكرمى وتقوليه

وأكيد مستنى رأى د.عبير ف اقتراحك ده .. وكمان ردها ع الاقتراحات التانية

الأسطورة buffon

22-08-2011, 02:53 PM

و انا معاكم
اي حاجة عايزينها انا في الخدمة

Dr\3beer

22-08-2011, 05:32 PM

وانا كمان احب اشارك معاكوا ونشجع بعض ولو انى اولي صيدله الزقازيق

طبعا يا دكتوره حضرتك هتشرفينا فى الجروب
ويكفى انك من المشجعين للفكره
واكيد احنا محتاجين طلبه من كليات مختلفه لان مش هنقدر نجمع معلومات عن باقى كليات الصيدله غير بمشاركات واقتراحات وافكار الاعضاء

Dr\3beer

22-08-2011, 05:51 PM

يا جماعة انا شايفة انة من الافضل اننا نبدأ مع الدراسة عشان يبقا عندنا فكرة بالمواد اللى هناخدها وعلشان فى ناس ممكن تتصدم لو نزلتو حاجة اول مرة يشوفوها مثلا ...دة رأيى
مستنية رأيكو...:)

راى حضرتك يقدر
بس انا عندى وجهه نظر تانيه
لما يكون عندنا خلفيه عن نظام الكليه والمواد وبعض المعلومات عن نظام المذاكره فى اعدادى صيدله , ده هيبقى افضل لما ندخل الكليه , واكيد ده هيخفف شويه من مساله التشتت ويساعدك انك تتاقلمى بسرعه مع الحياه الدراسيه الجديده .
ولو نزلنا اى معلومه فى المنهج قبل الدراسه فده عشان ناخد فكره نظريه عنده قبل ما نشتغله عملى فى الجامعه ( ونكون بكده استفدنا من وقت فراغنا فى الاجازه باننا نمهد للجامعه )

اما بعد بدايه الدراسه
فهيكون مستوى المعلومات اعلى لاننا هنتناقش فى المحاضرات والمناهج

شكرا لاهتمام حضرتك
وياريت لو عندك افكار تانيه تعرضيها ونناقشها مع بعض

Dr\3beer

22-08-2011, 06:01 PM

و انا معاكم
اي حاجة عايزينها انا في الخدمة
شكراااا للاهتمام والتشجيع
وفى انتظار اقتراحات حضرتك وافكارك

snowite

22-08-2011, 09:38 PM

فكرة جميلة جدا ربنا معاكم

ان شاء الله يبقى جروب جامد جدا ونفيد بعض كلنا

وان في الخدمة معاكم انا صيدلة طنطا

تقبلوا مروري :022yb4::022yb4::022yb4:

elmahallawy

23-08-2011, 01:05 AM

فكرة بجد جامدة جدا وبالتوفيق انا معاكو اعدادى صيدلة طنطا

dr.agwa

23-08-2011, 05:44 PM

ألى snowite و elmahlawy حضراتكم تنورونا والله .. ومستنيين اقتراحاتكم عشان نتشاور فيها كلنا وشكرا لأهتمامكم

Dr. Hoda Ahmed

24-08-2011, 01:47 AM

dr.agwa

24-08-2011, 04:02 AM

دكتورة عبير فكرة الجروب اتكررت فعلا كتير وبتبدأ علمية برضه بس زى ما قلتى بمنطلق الاجازة بتتفرع لاكتر من كده

ف اول الدراسة هنضم للجروب معاكم ان شاء الله عشان يكون تعليمى زى ما قلتم فقط ليس اكتر

وان شاء الله الجميع يستفيد

بس يا ريت يا دكتورة لو نتابع ع المنتدى هنا افضل بكتييييييييير لانى جربت ع الفيس ومش محبوب الصراحه معظم البوستات بتفضل ف الاقدم مش بنستفيد منها تانى

لكن ع المنتدى بيبقى اجمل والموضوع بخط اوضح وافضل

انا مش معارضة فكرتم ولكم الحرية اكيد

وباذن الله لما يكتمل هدخل فيه مع بداية الدراسة

شكرا يا دكتورة

شكرا لرأيك يادكتورة .. بس احنا بناخد برأى الاغلبية وكلهم موافقين ومشجعين الفكرة يبقى فين انه مش محبوب ؟؟!!!!! ده رأيك يبقى بلاش تعممى لأن كل واحد حر ف رأيه وحقك تتكلمى عن رأيك وبـــس .. وشكرا لأهتمامك ولما تحبى تكونى معانا هتبقى تنورينا ولو تحبى تكونى معانا من البدايه تنورى برده واكيد احنا مش عاملينه لهيافه .. شكرا ليكى ..

Dr\3beer

24-08-2011, 01:33 PM

شكرا لرأيك يادكتورة .. بس احنا بناخد برأى الاغلبية وكلهم موافقين ومشجعين الفكرة يبقى فين انه مش محبوب ؟؟!!!!! ده رأيك يبقى بلاش تعممى لأن كل واحد حر ف رأيه وحقك تتكلمى عن رأيك وبـــس .. وشكرا لأهتمامك ولما تحبى تكونى معانا هتبقى تنورينا ولو تحبى تكونى معانا من البدايه تنورى برده واكيد احنا مش عاملينه لهيافه .. شكرا ليكى ..

اوكى يا دكتور بناخد براى الاغلبيه
لكن احنا كمان قبلنا كل الاقتراحات من البدايه وقلنا هنناقشها
ولغايه دلوقتى جالنا اقتراحين من د\ ماريا منتوسور , ومحبه اللغه بان التوبيكات اللى هتتعرض ع الفيس تتعرض كمان ع المنتدى وانا معنديش اى مانع فى الاقتراح ده وموافقه عليه تمااااما ( ايه راى حضرتك ؟)

Dr\3beer

24-08-2011, 01:55 PM

[

دكتورة عبير فكرة الجروب اتكررت فعلا كتير وبتبدأ علمية برضه بس زى ما قلتى بمنطلق الاجازة بتتفرع لاكتر من كده

ف اول الدراسة هنضم للجروب معاكم ان شاء الله عشان يكون تعليمى زى ما قلتم فقط ليس اكتر

وان شاء الله الجميع يستفيد

بس يا ريت يا دكتورة لو نتابع ع المنتدى هنا افضل بكتييييييييير لانى جربت ع الفيس ومش محبوب الصراحه معظم البوستات بتفضل ف الاقدم مش بنستفيد منها تانى

لكن ع المنتدى بيبقى اجمل والموضوع بخط اوضح وافضل

انا مش معارضة فكرتم ولكم الحرية اكيد

وباذن الله لما يكتمل هدخل فيه مع بداية الدراسة

شكرا يا دكتورة

عندك حق الفكره مكرره لكن احنا قصدنا التميز فى الجروب اللى هنعمله ان شاء الله
و الجروب هيبقى متميز بالاعضاء الجادين
ومنتظره ان حضرتك تشتركى معانا اول ما نبدؤه باذن الله
وهنبقى نحدد وقت معين كل يوم نتجمع فيه ع الجروب( وهتبقى فى الغالب ساعه)
انا فكرت فى موضوع ان اغلب التوبيكات تتنشر ع المنتدى بجانب الجروب , مميزات المنتدى ان التوبيكات بتبقى موجوده لاطول فتره ممكنه زى ما قلتى وبيبقى التوبيك منظم اكتر , وميزه الفيس انه بيبقى اوسع واشمل من المنتدى
شكرا لاقتراحات حضرتك

Dr. Hoda Ahmed

25-08-2011, 09:30 PM

شكرا لرأيك يادكتورة .. بس احنا بناخد برأى الاغلبية وكلهم موافقين ومشجعين الفكرة يبقى فين انه مش محبوب ؟؟!!!!! ده رأيك يبقى بلاش تعممى لأن كل واحد حر ف رأيه وحقك تتكلمى عن رأيك وبـــس .. وشكرا لأهتمامك ولما تحبى تكونى معانا هتبقى تنورينا ولو تحبى تكونى معانا من البدايه تنورى برده واكيد احنا مش عاملينه لهيافه .. شكرا ليكى ..

اظن يا دكتور ان كلامى موجه لدكتورة عبير ليس الا وانا كتبت ده وانا ما عممتش حاجة ابدا ف كلامى اللى حضرتك مش موافق عليه تقوله بالظبط من كلامى واظم ما جرحتش ف حد من كلامى او اقتراحى وده لزميلتى دكتورة عبير ليس لحضرتك

ويا ريت تتكلم معايا بأسلوب افضل من كده

وانا مش عاوزة اعمله مخالفة للادارة اصلا اظن ده مش من شروط المنتدى الموضوع بتاع حضرتك

Dr\3beer

25-08-2011, 11:19 PM

ياريت يا جماااااااااااااااااعه الامور متوصلش لاكتر من كده
الاختلاف فى الراى لا يفسد للود قضيه
لاننا زمايل واخوات مهما حصل
يا dr.agwa
محبه اللغه قصدت انها تساعدنا بتقديم اقتراحها ده ( وهى كمان مش مجبره انها تقدم اى مساعده )
وزى ما قلت قبل كده اننا اتفقنا ناخد اى اقتراح فى الاعتبار ونناقشه
ويا محبه اللغه
اكيدdr.agwa مش يقصد ابدا اى اهانه لراى حضرتك

وممكن سوء التفاهم ده حصل لانه متحمس للجروب فقطــ

dr.agwa

25-08-2011, 11:28 PM

أولا يعنى الفكرة بتاعتى انا ودكتور عبير .. يعنى حضرتك من باب ( الزوق ) تكلمى اصحاب الرأى وتشاوريهم .. وياريت بلاش تعصب أعمى وانك عاوزة تفرضى رأيك وخلاص .. ولو حضرتك مش عندك القدرة انك تكلمى اتنين دكاترة هيعملوا فكرة جديدة يبقى احسنلك متتدخليش اصلا .. وبلاش تحاولى انك تكلمى طرف واحد عشان تكسبيه لأنك مش هتعرفى ابدا وأولا واخيرا انا وهى اللى هنقرر نعمل ايه .. وانك تحاولى تكلميها هى عشان تاخد برأيك مش هيحصل لأن اول حاجة كل واحد فينا بيعملها انه يقول للتانى الرأى ونقرر سوا .. مش نقرر بناء ع رأى فرد ونهمل الاغلبيه .. ومستنى رد دكتور عبير لأنها شخصية محترمه واكتر شخصية محترمه هنا ف قسم الصيدله والا مكنتش هختارها هى عشان تكون معايا ف الجروب ومش مستنى ردك خااااااالص .. لأنه مش نقاش انما انتى بتعارضى من أجل المعارضه وخلاص .. ومستنى رأى باقى الاعضاء المحترمين اللى اسلوبهم كويس ..