مشاهدة النسخة كاملة : مين هنا ناوى يدخل كليه زراعه القاهره ؟
amrsaso 20-08-2011, 09:15 PM ياريت لو حد كاتب الرغبه الولى زراعه وانه ناوى يخشها ان شاء الله يعرفنا على نفسه عشان ان شاء الله
احاول اساعده انا 2 زراعه وبجد الكليه دى من اجمل كليات مصر و دراستها ممتعه جدا وبجد الى هيخشها مش هيندم
بس هى مطبقها برنامج الساعات المعتمده ودى بتبقى عايزه حد يفهما في الاول
المهم الى ناوى يدخل زراعه يقول
فتاة مصرية متعاقدة 20-08-2011, 09:19 PM انى جايب 75.5ومرحلة تالته ممكن يدخل زراعة الاسكندرية ارجو الرد
amrsaso 20-08-2011, 09:23 PM حضرتك دى كليات الزراعه الى اتحددت درجاته اي كليه زراعه في اي محافظه تانيه هيكون مجموعها اققل من دول
زراعه بالبستان دمنهور ج اسكندرية 330.5
زراعه شبين الكوم ج المنوفية 329
زراعه الوادي الجديد إقليمي 326.5
زراعه كفر الشيخ 324
زراعه المنصوره 324
زراعه الزقازيق 324
ا
mody1111 20-08-2011, 09:40 PM انى جايب 75.5ومرحلة تالته ممكن يدخل زراعة الاسكندرية ارجو الرد
انا زيك وجايب 73.5 وكاتب زراعه اسكندرية وسابا باشا وعلى الله وربنا يستر بقي
dinalovespink 20-08-2011, 10:41 PM انا دخلت زراعه اسكندريه انا كنت مرحلة تانيه وجبت 86 وفيه وحده صحبتى مرحله تالته جابت 77 وكاتبة زراعه اليكس
mody1111 20-08-2011, 10:52 PM لسة زراعة اليكس متحددش الحد الادني
amrsaso 21-08-2011, 01:34 AM اه فعلا لسه متحددتش عموما والله الكليه دى مش زى مابنسمع انها كليه خراطيم وفلاح برخصه والشغل التعبان ده بالعكس والله
اي حد هيخشها هيقول الحمد لله
amrsaso 21-08-2011, 04:27 AM ههههههههههه شكل محدش داخل زراعه السنه دى
dinalovespink 21-08-2011, 06:42 AM انا زراعه اسكندريه ومعايا اصحاب ليا فيهاا
amrsaso 21-08-2011, 10:40 PM على كده زراعه اسكندريه ماشيه بنظام الساعات المعتمده ولا عادى؟
وليدصاوى 21-08-2011, 11:20 PM انا جايب 270 هلحق زراعه القاهرة
amrsaso 22-08-2011, 05:16 AM بص هي السنه الى فاتت كانت واخد من 228 السنه دى بقى مكهربه ومتوق طبعا انها مجموعها هيزيد اوى بس ان شاء الله تلحقها
وتنور الكليه كلها ان شاء الله
amrsaso 23-08-2011, 08:29 PM بص هي السنه الى فاتت كانت واخد من 228 السنه دى بقى مكهربه ومتوق طبعا انها مجموعها هيزيد اوى بس ان شاء الله تلحقها
وتنور الكليه كلها ان شاء الله
وليدصاوى 23-08-2011, 08:32 PM مامعنى ان لا تكون زراعه القاهرة فى تنسيق 2008
amrsaso 23-08-2011, 09:00 PM موجوده ياباشا وكانت واخده من 247.5
تغريد وائل 23-08-2011, 10:02 PM انا زراعة الزقازيق ومش عارفه هى كويسة ولا لا
amrsaso 24-08-2011, 02:03 AM ابصى هى الميزه في زراعه القاهره انها ماشيه بنظام الساعات المعتمده والنظام ده بيتيح ليكى انك تختارى موادك وتتعاملى معاها يعنى تختار المواعيد وتقيتاتها وممكن تاخدى مواد زياده او اققل و بتاخدى الماده الى تعجبك يعنى ممكن واحد في سنه اولى ياخد نفس الماده بتاعت واحد تانى في سنه تانيه فى نفس الترم
غير ان ان شاء الله السنه دى هتحصل على اعتماد الجوده وده هيخلى شهادتها معمتده في الدول الاجنبيه
يعنى عشان دلوقتى حد يتخرج من زراعه ويشتغل بيها بره لازم ياخد دورات وحاجت كده بره عشان هما مش بيعترفو بالشهاده بتاعت مصر
لما نحصل على الجوده باذن الله يبقى رسما اى دوله معترفه بالشهاده بتاعت زراعه القاهره وبس
اما الزقازيق فمعرفش عنها حاجه
ديمه صلاح 24-08-2011, 11:57 AM انا كاتبه رغبه اولي زراعه القاهره و انا جايبه 75 و نص يا تري هدخلها ولا لا
تغريد وائل 24-08-2011, 02:34 PM كلية الزراعة لها مستقل ولا لا ودراستها متعبه
بلدو الجبار 24-08-2011, 03:17 PM سؤال بس
هي زراعه بتاخد علمي علوم بس ولا علمي رياضه كمان؟
amrsaso 24-08-2011, 07:07 PM انا كاتبه رغبه اولي زراعه القاهره و انا جايبه 75 و نص يا تري هدخلها ولا لا
ان شاء الله هتدخليها وتنورى الكليه كلها وباذن الله مش هتندمى وهتعجبك اوى واى حاجه هتلاقيها صعبه في التقديم واختيار المواد انا تحت امرك
amrsaso 24-08-2011, 07:12 PM كلية الزراعة لها مستقل ولا لا ودراستها متعبه
بصى ان شاء الله ليها مستقبل واديكى شايفه ان دلوقتى كله هيهتم بالزراعه غير ان الكليه فيها 18 قسم تقدرى تختارى الى يعجبك
اما بخصوص متعبه فهى كليه علميه عمليه اكيد طبعا دراستها هتختلف عن اى كليه ادبيه
يعنى لازم يبقى في التزام بالحضور لان في سكاشن عمليه بس بجد الدراسه فيها ممتعه اوى
ومنكرش ان في بعض المواد الصعبه الى عايزه شويه مذاكره لكن لو الواحد ذاكر فيها زى مذاكره الثانوى هيجب تقدير
اه والله
amrsaso 24-08-2011, 07:13 PM سؤال بس
هي زراعه بتاخد علمي علوم بس ولا علمي رياضه كمان؟
علمى علوم او عملى متادب
شرط كليه زراعه انك تكون واخد احياء وكيمياء لو واخد المادتين دول تدخل زراعه
لكن علمى رياضه مينفعش واعتقد كمان انها مش هتظهر في التنسيق لطلاب العلمى رياضه
وليدصاوى 24-08-2011, 08:35 PM وحياة النبى انا بنسبه كام ممكن ادخل كليه زراعه القاهرة
وليدصاوى 24-08-2011, 08:37 PM انا جايب 273 ممكن ادخلهاااااااااااااااااا وكمان قولى زراعه القاهرة 2009 كانت كام
وليدصاوى 24-08-2011, 08:58 PM عدد المتقدمين لكلية زراعه القاهرة سنويا
amrsaso 24-08-2011, 10:39 PM بص ياباشا مجموعك مش قليل باذن الله بنسبه 75 % انت في كليه زراعه
والدفعه في زراعه بتبقى في حدود 1400
تغريد وائل 24-08-2011, 11:30 PM طيب افضل اقسام كلية الزراعة ايه
amrsaso 25-08-2011, 05:20 AM بصى هي فيها اقسام كتيير بتتدى تتخصصى في سنه تالته اما في اولى وتانيه بتاخدى مواد من كل قسم عشان تقدرى تحددتى القسم الى انت عايزه تخشيه عن طريق المواد الى درستيها وانك حابه ايه
فممكن قسم انا شايفه حلو بالنسبالى انت تشوفيه مش كويس دى مساله نسبيه تفرق من شخص لشخص على حسب ميوله واهدافه
بس انا ممكن اديكى فكره عن الاقسام
في قسم بيوتكنولجى وده تشتغلى منه في معامل التحليل الطبيه بتاعت الانسان
وقسم صناعات غذائيه تشتغلى مراقبه جوده في الشركات الغذائيه زى فيتراك وفرجلو وجهينه وكده
قسم بساتين تشتغلى في مزارع الفاكهه والخضر او مصممه حدائق
قسم وراثه مسئول عن التهجين الى في النبات والجينات الوراثيه
قسم اراضي خصوبه التربه واستصلاح الاراضى
قسم انتاج حيوانى مزارع الماشيه
قسم النبات الزراعي اللتركيب الداخلى للنبات
قسم مبيدات ووقايه نبات : مصممه مبيدات ومعالجه النباتات من الامراض ومكافحه الافات
قسم ارشاد زراعى واقتصاد : اداره المزارع والمشاريع الزراعيه
قسم الميكرو لوجيا :خاص بعالم الميكروبات النافع والضاره والاستفاده منها
دى اغلب الاقسام المعروفه في الكليه وطبعا في سنه تالته هتتخصصى في القسم الى انت تحبيه
معنصم 25-08-2011, 05:40 AM طيب جبتوا النسب دى منين حد يساعدنى انا نفسى فى كلية زراعة وجايب 70% بالظبط
والمشكله انى طالع بفيزياء ومنتظر النتيجه
ديمه صلاح 25-08-2011, 02:49 PM لو سمحت ممكن تقول لنا ايه هي المواد الي درستها في سنه اولي
amrsaso 25-08-2011, 06:47 PM لو سمحت ممكن تقول لنا ايه هي المواد الي درستها في سنه اولي
لا بصى هى نظامها ان بيبقى ليكى 21 ماده بتختارى منهم الى يناسبك كل ترم
في مواد ب3 وحدات وماده ب2 وحده
المهم انت ليكى في الترم تاخدى من 12-21 وحده المواد الى تحبيها
هى الحكايه سهله وكل حاجه بمزاجك
وكل حاجه هتتفهم
وليدصاوى 25-08-2011, 08:29 PM توقعك الشحصى للحد الادنى لكليه الزراعه
amrsaso 25-08-2011, 10:22 PM والله دى في علم الغيب بس اتوقع 64-70 %
amrsaso 25-08-2011, 10:23 PM هنا هتلاقو صور كتيير انا حاطتها لكيه زراعه ومنظرها من جوه
http://www.facebook.com/pages/%D8%A7%D9%84%D8%B7%D9%84%D8%A7%D8%A8-%D8%A7%D9%84%D8%AC%D8%AF%D8%AF-%D9%84%D9%83%D9%84%D9%8A%D9%87-%D8%B2%D8%B1%D8%A7%D8%B9%D9%87-%D8%A7%D9%84%D9%82%D8%A7%D9%87%D8%B1%D9%87-2011/226644340715163?sk=wall
amrsaso 26-08-2011, 10:40 PM التقديم هبدا بكره في الكليه زراعه
beh000 29-08-2011, 02:37 AM هيبدا ازاى مش فاهمه ممكن توضح مش لسه فيه تنسيق
amrsaso 29-08-2011, 06:01 AM هيبدا ازاى مش فاهمه ممكن توضح مش لسه فيه تنسيق
بصى المرحله الاولى والتانيه ظهرتلهم نتايج التنسيق وقادرين يقدمو في كلياتهم حاليا
لكن المرحله الثالثه لسه مظهرتش نتيجه التنسيق ولما تظهر برضو يقدرو يقدمو
beh000 29-08-2011, 04:49 PM طيب هى فى الغالب بتاخد من كام
amrsaso 29-08-2011, 06:49 PM السنه دى زراعه المنصوره وقنا والوادى خلاص قفلو كانو مرحله تانيه
اما باقى كليات زراعه السنه دى نزلو مرحله تالته
هى كانت واخده سنه 2010 من 55 %
وسنه 2009 57 %
اما السنه دى هتبقى عاليه عشان ناس كتيير نجحت والتنسيق عالى فممكن تاخد من 65 % او اكتر
وليدصاوى 31-08-2011, 09:44 AM ممكن تقولى اخر توقع
حسن على حسن محمد 08-09-2011, 11:14 PM انا جايب 75.6 وكنت علمى علوم ممكن اخش زراعه عين شمس
احمد احمدي 09-09-2011, 01:56 AM انا في التنسيق عملت فني صحي الاول بس لا قدر الله لوجاتني زراعة هل ينفع اعمل تقليل اغتراب واكون في قنا بلدي يعني
amrsaso 12-09-2011, 05:55 AM انا في التنسيق عملت فني صحي الاول بس لا قدر الله لوجاتني زراعة هل ينفع اعمل تقليل اغتراب واكون في قنا بلدي يعني
بعد متبقى في سنه تانيه وتجيب تقدير عشان قنا مجموعها عالى في زراعه
قلبي لربي 15-09-2011, 11:30 AM انا الحمدلله جتلي زراعة مشتهر وحولت القاهرة:bosyht9:
amrsaso 15-09-2011, 02:51 PM انا الحمدلله جتلي زراعة مشتهر وحولت القاهرة:bosyht9:
مبرووووووووووووووووووووووووووووووووووووووووك وكويس انك دخلتى القاهره بجد حاجه جميله اوى
وعشان تفهمى النظام فيها ياريت تدخلى الجروب ده على الفيس
http://www.facebook.com/pages/%D8%A7%D9%84%D8%B7%D9%84%D8%A7%D8%A8-%D8%A7%D9%84%D8%AC%D8%AF%D8%AF-%D9%83%D9%84%D9%8A%D9%87-%D8%B2%D8%B1%D8%A7%D8%B9%D8%A9-%D8%A7%D9%84%D9%82%D8%A7%D9%87%D8%B1%D8%A9-2011/226644340715163
هتلاقى كل حاجه تخص نظام الكليه لازم تكونى داخله فاهمه هتختارى مواد ايه وهتعملى ايه وكده
قلبي لربي 15-09-2011, 08:26 PM الله يباااارك في حضرتك :022yb4:
اهااا انا لسة مستنية نتيجة التحويل وان شاء الله خير
ااه ما هيا ديه المشكله انا مش فاهمة حاجة واتلخبطت اكتر لما حاولت افهم :bosyht9:
بالذات في حكاية الوحدات ديه :(
amrsaso 16-09-2011, 01:55 AM بصى انت خشى كليه القاهره بس ان شاء الله
ومتقلقيش هتخشي الكليه وكانك بقيتى في سنه تانيه هتفهمى كل حاجه ان شاء الله قبل ماتخشي
ده الاكونت بتاعى على الفيس
http://www.facebook.com/amr.saso
لو مبتعمليش ادد لحد كلمينى رسايل :D
قلبي لربي 16-09-2011, 02:43 AM ان شااااء الله انا منتظره نتيجة التحويل
تمااام ان شااء الله رسايل ^_^
amrsaso 16-09-2011, 07:33 AM مفيش اي مشكله :dd
وليدصاوى 16-09-2011, 05:53 PM السنه دى زراعه المنصوره وقنا والوادى خلاص قفلو كانو مرحله تانيه
اما باقى كليات زراعه السنه دى نزلو مرحله تالته
هى كانت واخده سنه 2010 من 55 %
وسنه 2009 57 %
اما السنه دى هتبقى عاليه عشان ناس كتيير نجحت والتنسيق عالى فممكن تاخد من 65 % او اكتر
هههههههههههههههههههههههه
لا داكتر واكتر
amrsaso 19-09-2011, 11:19 AM والله انتا كنت متوقع الرقم ده بس كنت خايف اققوله اعقد الناس يلا قدر الله ما شاء فعل
abst2010 05-10-2011, 12:12 PM في قسم بيوتكنولجى
هو القسم ده ف القاهره بس ولا في كل الكليات
abst2010 05-10-2011, 12:14 PM حد يرد عليا بالله عليكم
abst2010 05-10-2011, 12:16 PM حد يرد عليا بالله عليكم وبسرررررررررررررررررررررررررررررررررررررررررررعه
amrsaso 05-10-2011, 09:58 PM بيوتكنولجى في القاهره
بس معرفش فير في بقيت الكليات ولا حضرتك ممكن تقول عايز تعرف هو في كله زراعه جامعه ايه ؟؟
او ادخل على موقع الكليه وشوف الاقسام
abst2010 06-10-2011, 12:41 AM طب هو بيوتكنولجى غير لقسم الميكروبيولوجيا ولا ا2 واحد
amrsaso 06-10-2011, 11:38 AM بس قسم البيو تكنولوجى بعتمد على دارسته على المواد دى الوراثه والكيمياء والميكروبيولوجيا
abst2010 06-10-2011, 11:47 AM اصل مكتوب في موقع الكليه قسم ميكروبيولوجيا مش البيو تكنولوجى
معلش انا بتقل عليك معلش اعذرنى
amrsaso 07-10-2011, 11:38 PM لا ولا يهمك بس ياريت
توضح الموضوع كله وانك عايز ايه وكليه ايه الى بتسئل عليها في انهى جامعهع وكده عشان اعرف اجاوبك صح قول مشكلتك ايه
abst2010 13-10-2011, 05:17 PM جامعه عين شمس
abst2010 13-10-2011, 05:19 PM قسم بيوتكنولجى وده تشتغل منه في معامل التحليل الطبيه بتاعت الانسان
الكلام ده صح
حسناء2012 15-10-2011, 05:47 PM هى كلية الزراعة بتقبل من قسم اية انا كنت فى تانية علمى وحولت فى تالتة ادبى ارجو الرد
amrsaso 15-10-2011, 07:49 PM ايوه قسم البيو تكنولجى يبشغلك في معامل التحاليل الطبيه ,,,
-----------------
زراعه بتاخد من علمى علوم
او علمى متادب
العلمى المتادب هو الى واخد مواد احياء وكيمياء وجولوجيا
المواد دى لو اخديها بتبقى علمى متادب مش ادبى وبيهم تقدرى تخشي كليه زراعه وكلام عن ثقه لانى انا كنت كده
يبقى كده انت من دلوقتى الحقى وغيرى بدل التاريخ خدى احياء
وتبقى موادك احياء جولوجيا عربى انجلش وخدى فلسفه او علم نفس
واى استفسار اكتر انا موجود
وكليه زراعه حلوه اوى ياريتك لو نويتى عليها اسعى من دلوقت بجد مش هتندمى
sh mohamed 18-07-2012, 07:23 AM السلام عليكم
انا كنت علمى رياضه ومافيش نصيب انى الحق هندسه
مش عارفه بقى انهى احسن كليه علوم او كليه زراعه شعبه هندسه زراعيه قسم ميكنه يعنى
ياريت يا دكتور عمرو تقولى انهى احسن دراسه وشغل
وانهى بتاخد من مجموع اعلى
ارجو الرد
|