مشاهدة النسخة كاملة : شوفوا لكم حل في البلطجه


hala azzam
20-08-2011, 09:59 PM
انا انهارده يا جماعه كنت راحه درس الكيمياء الساعه11 الصبح وكنت ماشيه في شارع علي الرصيف لوحدي وفجاه طلع شاب لابس شيك جدااا علي الرصيف وفضل ماشي عادي لغايه ما وصل لعندي وشد الشنطه مني بس انا صرخت وطلعت اجري في الشارع جريت الشارع كله لغايه ما وصلت الدرس وطبعا واصله في حاله مش طبيعيه كنت بعيط وبنهج وبرتعش كنت في حاله الله لا يكتبها علي احد منكم انا لغايه دلوقتي مش عارفه اهدي مش عارفه انام قاعده افكر انه لو كان معاه مطوه او سكينه كنت هعمل ايه؟؟؟ ربنا يسطرها معانا ومع بنات المسلمين
انا انهارده بس عرفت يعني ايه كلمه امن يعني ايه كلمه امان كلمات لا يفهماها الا من فقدها
وبعدين يا جماعه هتفضل لحد امتي عايشين كده البلطجه كل يوم بتزيد انا كل يوم بسمع عن حاجات بالشكل ده كتير من ناس قريبين مننا جدااااا هنفضل ساكتين لحد امتي ؟؟؟؟؟؟؟؟؟؟؟؟؟؟ده سؤال معرفش هلاقي اجابته فين لو حد عنده ليه اجابه يرد عليا
اللهم احفظ بلدي امنه سالمه

mo2men be allah2
20-08-2011, 10:47 PM
بتمني اني الاقي الاجابة دي برضو ..بس الحمد لله انها جت ع الشنطة و ربنا يستر
والله بشوف حاجات مايعلم بيها الا ربنا ..من سنة تقريبا ف شارعنا شوية حثالة بموتوسيكل سرقوا شنطة واحدة كانت ماشية وفيها الدهب بتاعها
عارفة من سنة نقريبا اختي كانت راجعة من برا وواحد مشي وراها لحد ما وصلت البيت وجاية تقفل باب العمارة قعد يزق الباب عليها ومعرفش نيته كانت ايه
ربنا يستر ويا رب همك يفرج

bent aboha
20-08-2011, 10:52 PM
كويس انها جات ع الشنطة وبس
اهم حاجة انتى كويسة
اكيد طبعا الموقف مش سهل واعصابك تعبانة
خلى بالك من نفسك وابقى خلى حد يوصلك

قلبي ملك لربي
20-08-2011, 10:52 PM
والهي كويس فعلا انها جت علي الشنطه ربنا يستر بس ياتري ده فين بالظبط حصل كده

miss_egypt
20-08-2011, 11:18 PM
الحمد لله ان ربنا ستر
ابقي اقري قران وانتي ماشية في سرك وان شاء الله ربنا هايحفظك
وبلاش تروحي لوحدك لو مفيش حد يوصلك ابقي مثلا اتفقي انتي وصاحباتك وروحوا كلكم مع بعض
لان الكلام ده زي ماحصلك ممكن يحصل مع اي حد
ربنا يحفظنا كلنا ويسترها معانا يا رب


ومش مهم يا هبة الكلام ده حصل فين لانه بيحصل في كل مكان

منه الله(منمن)
21-08-2011, 02:11 AM
قولى الحمد لله وكويس انها جت ع الشنطه المهك الشنطه كان فيها كام ها؟ههههههه بهزر معاكى ربنا يهديهم او يهدهوم

hala azzam
21-08-2011, 03:29 AM
ديه كانت اول مره امشي لوحدي علشان صحبتي كان عندها درس قبل الدرس بس احنا علي طول بنعدي علي بعض وبنمشي مع بعض
الكلام ده حصل يا هبه في مساكن الشناوي عندنا في المنصوره عند ابراج المهندسين

hala azzam
21-08-2011, 03:35 AM
علي فكره انا الشنطه ما اتخدش مني انا شلتها وجريت بيها اصل كان فيها مذكرات الدروس الكيمياء والفيزياء ودول ما يتقدروش بثمن ولا ايه (هههههههه) سبحان الهادي بجد اللي اداني القدره اني اتصرف كده واجري المسافه ديه كلها يلا الحمد لله علي كل شئ اللهم لا اعتراض
بس انا الحمد لله بقيت كويسه وشبه نسيت الموضوع

bent aboha
21-08-2011, 04:09 AM
الحمد لله انك كويسة
ده هو لو عرف ان الشنطة كان فيها مذكرات فيزياء وكيمياء كانت جاتله ازمة قلبية هههههه
ربنا معاكى ويحفظك انتى وكل الناس فى ظل الظروف الى احنا فيها

MoHammed Youssef
21-08-2011, 07:08 AM
الحمد لله
احمدى ربنا ( الحمد على كل شئ )
وخلى بالك من نفسك البلطجية دول ملهوش غير ربنا ( ربنا ينتقم منهم )
امشى مع صحابك دايما خصوصا لو كانت الشوارع مفهاش حد كتير
ربنا يحفظك ويحميكى يا رب

mo2men be allah2
21-08-2011, 09:39 AM
بجد انتوا خوفتوني اكتر منا بخاف
انا كل دروسي بروحها لوحدي وبرجع لوحدي وبرجع بليل كمان و منطقتنا هادية خالص والله الحفيظ
ربنا يحمينا و يحفظنا كلنا انه ولي ذلك والقادر عليه

*moon*
21-08-2011, 11:07 AM
الحمدلله انها جت على اد كده
وكويس انك بخير
حاولى تبقى تمشى مع اصحابك اوعى تمشى لوحدك
الدنيا معدش فيها امان
وربنا هو الحافظ

منه الله(منمن)
22-08-2011, 01:31 AM
علي فكره انا الشنطه ما اتخدش مني انا شلتها وجريت بيها اصل كان فيها مذكرات الدروس الكيمياء والفيزياء ودول ما يتقدروش بثمن ولا ايه (هههههههه) سبحان الهادي بجد اللي اداني القدره اني اتصرف كده واجري المسافه ديه كلها يلا الحمد لله علي كل شئ اللهم لا اعتراض
بس انا الحمد لله بقيت كويسه وشبه نسيت الموضوع
ههههههههه انا لو مكانك ولو كان عايز الملازم انا هعرفه طريق البيت ومكان المكتب كمان او انا اجيبهملو لغايه عنده بس هو يخدهوم بس

hala azzam
22-08-2011, 04:36 PM
ههههههههه انا لو مكانك ولو كان عايز الملازم انا هعرفه طريق البيت ومكان المكتب كمان او انا اجيبهملو لغايه عنده بس هو يخدهوم بس
والله انا لو كنت في وعي كنت هدي له المكتب و مكتبه الكتب كلها بس للاسف انا كنت مخضوضه ومش عارفه اتلم علي اعصابي انا بجد مش عارفه ربنا سترها معايا ازاي الحمد لله
بس علي فكره هو كان امور جداا ولابس شيك اوي انا كنت عايزه اخد نمره موبايله بس خلاص خيرها في غيرها

ArabianPDA
22-08-2011, 10:00 PM
والله انا لو كنت في وعي كنت هدي له المكتب و مكتبه الكتب كلها بس للاسف انا كنت مخضوضه ومش عارفه اتلم علي اعصابي انا بجد مش عارفه ربنا سترها معايا ازاي الحمد لله
بس علي فكره هو كان امور جداا ولابس شيك اوي انا كنت عايزه اخد نمره موبايله بس خلاص خيرها في غيرها
:d
كان نفسي اشوفك وانتي بتجري
كان اكيد كده:p
http://www.aafrican-safari.com/Cheetah_071.jpg

mo2men be allah2
22-08-2011, 10:15 PM
:d
كان نفسي اشوفك وانتي بتجري
كان اكيد كده:p
http://www.aafrican-safari.com/cheetah_071.jpg



دا لو مكنتش اسرع يا دوك
لو كنت ماشي ف الشارع يا محمد ف الوقت دا كنت هتجري وراه و تساعدها ولا؟؟
اكيد هتساعدها

mo2men be allah2
22-08-2011, 10:17 PM
والله انا لو كنت في وعي كنت هدي له المكتب و مكتبه الكتب كلها بس للاسف انا كنت مخضوضه ومش عارفه اتلم علي اعصابي انا بجد مش عارفه ربنا سترها معايا ازاي الحمد لله
بس علي فكره هو كان امور جداا ولابس شيك اوي انا كنت عايزه اخد نمره موبايله بس خلاص خيرها في غيرها

يا نهار كروهات ..ادي اخرة نيتك
و خيرها ف غيرها كمان شكلك محرمتيش
ربنا يحميكي و يحفظك ياhala:)

ArabianPDA
22-08-2011, 10:38 PM
دا لو مكنتش اسرع يا دوك
لو كنت ماشي ف الشارع يا محمد ف الوقت دا كنت هتجري وراه و تساعدها ولا؟؟
اكيد هتساعدها
اكيد طبعاً
الي مرضاهوش علي اخواتي مرضاهوش علي بنات الناس

hala azzam
23-08-2011, 10:28 AM
اكيد طبعاً
الي مرضاهوش علي اخواتي مرضاهوش علي بنات الناس


ربنا يكرمك يا ArabianPDA ,ويا ريت الشباب كلهم يبقوا زيك ويحسوا ان احنا اخواتهم بجد ده هيحل مشاكل كتير جدااا من البلطجه والمعاكسات اللي بيتعرض ليها بنات كتير وغيرها

hala azzam
23-08-2011, 10:35 AM
:d
كان نفسي اشوفك وانتي بتجري
كان اكيد كده:p
http://www.aafrican-safari.com/cheetah_071.jpg


انا نفسي عايزه اعرف انا كنت بجري ازاي انا لغايه دلوقتي معرفش ايه اللي حصل وانا ازاي عرفت اجري وهو كان لزقني في السور وكنت ماسكه الموبايل في ايدي وموقعش مني وانا بجري بجد انا مش عارفه ربنا سطرها ازاي الحمد لللللللللللللله (احبك ربي)

المصمم محمد
23-08-2011, 01:36 PM
يا قمر انتى بنت , لا ينفع تمشى لوحدك فى اى وقت حتا لو الصبح عشان انتى عارفه الايام دى , :stickjo4:

يعنى مفيهش حاجة لو اخواك راح وصلك او اى حد من قرابيك , عشان تكونى فى امانه اكتر

عشان المر دى جت فى الشنطة وربنا سترها متعرفيش الا هيحصل المرة التانيه , :confused:

يلا ربنا سترها وحمد لله الا جت ع الشنطة , :unsure:

PrinCeSs MeRaMar
23-08-2011, 05:51 PM
حمدلله علي سلامتك
والحمدلله ان محصلش حاجه
بصي هقولك علي حاجه حلوه امشي في الشنطه و خلي معاكي اسبراي صغير من اي حاجه
بس خليكي جهزه بيه لو حصل حاجه في اي وقت ترشيه علي عين الشخص ده وتجري
انا كنت حضرت ماده قبل كده للحوارات بس كانت فيها مشكله شويه بس انا قلت مثلا برفان او اسبراي او اي حاجه كده ان شاء الله حته ازازه بيرسول لما تترش علي علينه هتتعبه غصب عنه هيغمضها تقومي انت جاريه بعيد
فهمه قصدي ؟؟ وان شاء الله مش تحتاجي لاي حاجه