|
مشاهدة النسخة كاملة : ممكن صيدلة ولا صعب mido.tmsah 21-08-2011, 04:37 AM انا جبت فى سنة تانية ثانوى 93% هل ممكن الحق كلية صيدلة لو ربنا كرمنى فى سنة 3 و الموضوع دة ممكن و لا صعب جدا الحق صيدلة والمطلوب منى كام مجموع لان مجموع فى تانية ثانوى 191 bent aboha 21-08-2011, 04:43 AM مجموعك جميل جدا صدقنى ما فيش حاجة صعبة ان شاء الله هتقدر تجيب مجموع يدخلك كلية صيدلة ما تخليش حد يقف فى طريق طموحك وما تقولش مستحيل ما فيش حاجة مستحيلة ولا صعبة بعد ارداة ربنا ربنا معاك ويوفقك باذن الله Asa7be Wawa 21-08-2011, 06:32 AM ممكن جدا لو شدت في تالتة جدا جيب في تالتة 204.4 + 5 درجة مستوى رفيع هيبقى مجموعك 400.5 يعني صيدلة يوم ماتزيد مش هتزيد عن كده أميري 21-08-2011, 11:32 AM ان شاااء الله تجيب انا جايب بردووو 95 وهكمل علوم بس ناوي أشد حيلي شوية عن تانية كمل ووشد حيلك ولا يهمك mido.tmsah 22-08-2011, 11:33 PM شـــــكرا ليكم omar25 23-08-2011, 12:03 AM انا جبت 95 وهكمل علمي علوم . بس انا تعبانه من كتر الضغط عليا بسبب المجموع ده من كل اللي ف البيت . لو حد معاه حل يقولي بسرعه bent aboha 23-08-2011, 04:38 AM قدامك فرصة وهى تالتة ثانوى تثبتى لنفسك وليهم انك تقدرى تدخلى كلية كويسة صدقينى انتى دلوقتى تقدرى تعملى حاجة معايا صحبتى جابت نفس مجموعك وهى دلوقتى فى صيدلة لانها كانت عاوزة تبقى حاجة وتحقق هدفها وربنا معاكى ومعاكم جميعا وتدخلوا الكليات الى بتحلموا بيها بس نتعب شوية صح و لا لا hala azzam 23-08-2011, 08:02 PM كل حاجه ممكن مافيش حاجه اسمها مستحيييييييييييييل احنا بنعمل اللي علينا والباقي علي ربنا انا كمان جايبه96%ونفسي ادخل كليه طب قسم علم نفس والفتره اللي فاتت كنت محبطه جداااا وبقول لنفسي اني مش هلحق وكنت مقرره اني خلاص اكبر وادخل تجاره بس لالالالالالالالاوالف لا انا ان شاء الله هذاكر السنه ديه وهلحق يعني هلحق باذن ربنا واذا ملحقتش اكيد ربنا هيختار لنا الاحسن طول ما احنا بنعمل اللي علينا وياريت ترفع معايا شعار (مستقبلي بيد الله فانا لا اقلق عليه) محمود محسن مصطفى 24-08-2011, 06:38 AM هذة نصيحة لوجهة الله تعالى لا اشاء ان اكسر واضعف من كموحك لكن انا الان فى كلية تجارة انجلش بمجموع 95 وكنت علمى علوم وكنت جايب فى تانية 93 عايز اقولك ان الموضوع صعب انا رايى تحول رياضة وان شاء الله لو شديت وعديت 95 هتضمن هندسة لكن فى علمى علوم صعب يابنى دا اللى جايب 96 ملحقش طب ولا صيدلة ولا حتى علاج طبيعى لكن لو ربنا كرمك تخش هندسة مستريح واسف على الاطالة محبه الاسلام 24-08-2011, 04:19 PM هذة نصيحة لوجهة الله تعالى لا اشاء ان اكسر واضعف من كموحك لكن انا الان فى كلية تجارة انجلش بمجموع 95 وكنت علمى علوم وكنت جايب فى تانية 93 عايز اقولك ان الموضوع صعب انا رايى تحول رياضة وان شاء الله لو شديت وعديت 95 هتضمن هندسة لكن فى علمى علوم صعب يابنى دا اللى جايب 96 ملحقش طب ولا صيدلة ولا حتى علاج طبيعى لكن لو ربنا كرمك تخش هندسة مستريح واسف على الاطالة كلالالالامك مظبوط جدا على فكره انا كمان كنت جايبه فى تانيه ثانوى 192 يعنى 93.6 % وكملت علمى علوم ومجموعى الكلى 95.4 ودخلت علوم اسكندريه وللاسف مش لحقت لا صيدله ولا علاج طبيعى ولا حتى طب بيطرى وقف معايا على ثلاثه من عشره وطبعا لانى بنت كان صعب ان اهلى يخرجونى بره اسكندريه بس انا شايفه انك لو حولت علمى رياضه ان شاء الله هتدخل هندسه وانت حاطط رجل على رجل وكمان انت ولد وهندسه احسن للولاد بكتير عن الطب والصيدله ودا رايى بصراحه ........ اسفه جدااااا للاطاله وتقبل مرورى mido $tar 24-08-2011, 06:08 PM كلالالالامك مظبوط جدا على فكره انا كمان كنت جايبه فى تانيه ثانوى 192 يعنى 93.6 % وكملت علمى علوم ومجموعى الكلى 95.4 ودخلت علوم اسكندريه وللاسف مش لحقت لا صيدله ولا علاج طبيعى ولا حتى طب بيطرى وقف معايا على ثلاثه من عشره وطبعا لانى بنت كان صعب ان اهلى يخرجونى بره اسكندريه بس انا شايفه انك لو حولت علمى رياضه ان شاء الله هتدخل هندسه وانت حاطط رجل على رجل وكمان انت ولد وهندسه احسن للولاد بكتير عن الطب والصيدله ودا رايى بصراحه ........ اسفه جدااااا للاطاله وتقبل مرورى تمام اتفق معاك تماما و ان شاء الله تكون احلى باشمنهندس نور يوسر 28-08-2011, 09:47 PM احنا لازم ما نحطش قدامنا كلمة مستحيل انا جايبه 96% وهكمل علوم وان شاء الله هكل وهدخل صيدله أميري 31-08-2011, 12:58 AM انا جبت بردووووو 95 في تانية وانا علوووووووووووم ياجماعة بس اتظلمت اووي بسبب التصحيح والغش بس ربنا كريم لازم يكون عندنا ثقة بربنا كبيرة وثقة بنفسنا لان دي مهمة اووووووووووووووووووي وربنا مش بيضيع تعب حد والله كل اللي عليكوا انكم تصمموا على اللي انتوا عاوزووونوا وتذاكرو بكل طاقتكم وربنا مبيضيعش تعب حد ابدااااااااااااااااااا لانه كريم رحيم حنان احن علينا من امهاتنا ... Eng.Ahmed Hagag 31-08-2011, 03:25 AM بص بصراحة أنا رأيي تحول ادبي أقسم بالله العظيم نصيحة اخويه وهقولك ليه 1/إنت أول حاجة عايز طب أو صيدلة أو علاج طبيعي تمام السنة اللي احنا فيها ده اللي هي 2011 الي جاب 96% ملحقتش ولا حاجة من ال3 دول ودخل علوم حلو وبعدين مش هنضحك على بعض إنت جبت 93% في 2 يبقى هتجيب 102 % في 3!! لنفرض مثلا إنك جبت 99% بالمستوى الرفيع لو يبقى مجموعك 96% وهتدخل علوم أو تجارة انجليش من الاخر يعني لو عايز علوم أو تجارة انجليش يبقى كمل علمي علوم ده أول حاجة 2/في ناس بتقولك حول رياضة طيب أول حاجة إنت بتحب الرياضة ؟؟ لو مبتحبهاش يبقى اكني مقلتش حاجة وسيبك من موضوع الرياضة ده خالص بص إنت 93% يعني قول في علمي رياضة 3 وعندك رياضة 2 دمار مع إني جبت فيها 50 بس الامتحان كان سهل لو شد شوية والله محدش كان هيحل حاجة طيب ماشي إنت لو حاسس إن عندك القدرة في علمي رياضة وخلي بالك من رياضة 2 مش أي حد يفهمها إنك تجيب 97% بالمستوى الرفيع يبقى هتدخل هندسة اقاليم اصل السنة دي هندسة واخدة من 94.2 طبعا آخر واحدة وتنسيق السنة الجاية ممكن يعلى عن كده بكتير يعني من الاخر لو حاسس إنك تقدر تجيب 97% في 3 بالمستوى الرفيع يبقى حول رياضة بس على فكرة مش مضمونة هندسة برده عشان تنسيقوا ده مش عارف بصراحة هيوصل لحد فين بالمجاميع ده !! 3/وده نصيحتي ليك حول ادبي !! هتقولي ليه 93% واحول ادبي قولك آه إنت في ادبي بال 93 % في تنسيق 2011 تلحق اقتصاد وعلم سياسية والسن واعلام يعني أي كلية أدبية إنت عايزها ده نصيحتي ليك عشان ابقى خلصت ضميري وده اختيارك آه صحيح إنت لو هتدخل هندسه خاصة أو طب خاص أو كده يبقى كمل رياضة أو علوم علطول وإنت مطمن أنا عالفكرة كنت 86% في 2 وجبت في 3 98.5% بس ال 2 مع بعض 92.2%تقريبا وكنت علمي رياضة بس دخلت هندسة الشروق الخاصة لو هتكمل علمي رياضة يبقى انصحك بيها لان هي اعلى تنسيق هندسة خاصة واخدة السنة دي من 89% وسنين كتير كان بتعدي ال90%والسنة الجاية أكيد هتعدي ال 90% بس هي مصاريفها 12 ألف عالعموم شوف ظروفك المادية وقرر DR_MOHAMED_97 31-08-2011, 08:45 PM ربنا يوفقكم ان شاء الله والكل يدخل الكلية الي بيحلم بيها |