ارجو مساعدة [الأرشيف] - بوابة الثانوية العامة المصرية

هارى12345

22-08-2011, 03:32 AM

اولا الف مبروك على المجموع
بص ثانوى سهله جدا جدا جدا
وصعبه جدا جدا جدا
1-سهله بالمذاكرة بفهم وحفظ وحل كتيييييير وتركيز واهتمام
2-صعبه للى واخدها لعب ونت وتلفزيون وتليفونات

اولى ثانوى سهله خالص
ذاكر فيها كويس جدااااا وخدها جد مش لعب
عندك يا سيدى
اما هتاخد فى الترم عربى ورياضه وانجليزى وفرنساوى وكيمياء واحياء وتاريخ
والترم التانى عربى ورياضه وانجليزى وفرنساوى وفيزياء وجغرافيا وفلسفه
عربى..سهل جدااا وقليل خاااااالص
الورقة من 24 واعمال السنه عليها 6 ترم اول و6 ترم تانى
الجديد عليك الادب والبلاغة
الادب كلام فاضى ودرجته مضمونه وسهل خالص
البلاغة فى الاول هتلاقيها صعبه شويتين تلاته
وهتاخد ابيات شعر مش هتبقى فاهم فيها حااااااااجة
بس مرةعلى مرة هتلاقى البلاغة اسهل فرع
القصه سهله جداااا بس رخمه اوى وكلام تافه يقولك قال عنترة وعبله
القراءة هما 4دروس مفيش اسهل منهم
النصوص والنحو 100%
2-الانجليزى
الورقة عليها 20 واعمال السنه 5 ترم اول و5 ترم تانى
احفظ اكبر قدر ممكن من الكلمات برة المنهج علشان يساعدك فى 2 و3
مثلا 10 كلمات فى اليوم ........هتقول بس!!!!!!
ايوة معاك اولى كلها ترم اول وتانى والاجازة كمان لوحفظت 10 كلمات فى اليوم هتبقى حافظ كلمات اكتر من المستر كمان
3-الفرنساوى
الورقة عليها 12
واعمال السنه 3ترم اول و3 ترم تانى
.....جميل ومنهج قليل بس ذاكره كويس اوى اوى
4-الرياضة
الجبر وحساب الملثات عليهم 8 والهندسه علها 8
واعمال السنه 4 ترم اول و4 ترم تانى
......تافهه تافهه تافهه اقل مذاكره هتجيب فيها الدرجه النهائية
هتلاقى عندك جبر وهندسه والجديد علك هيبقى حساب المثلثات
احفظه زى اسمك وحل كتيييييييير عليه وحل الصعب علشان معظمه هتلاقيه فى 2
5- الكيمياء
الورقه عليها 12 واعمال السنه 4 والعملى 4 حلوة جدااااا وكنت بحبها وهتجيب فيها 20 بكل سهوله
6-الجغرافيا .....رخمه شوية وممله شويتين بس ان شاء بالمذاكره هتجيب فيها 20
الورقة عليها 12 واعمال السنه 8
7-التاريخ
الورقه عليها 12 واعمال السنه 8 ........روووووووعه وجميييييييييل انا اصلا بكره التاريخ عمى بس منهج التاريخ ده هتخلصه فى يومين بالكتير
عندك الباب الاول ده كله كلام فاضى وكتيييييييير وفى الاخر سؤالين تلاته اللى بييجوا
8-الفلسفة
الورقه عليها 12 واعمال السنه 8
..............لو مجبتش فيها الدرجه النهائية ارمى نفسك قدام عربيه
سهله ومفيهاش مشكله خااااااالص
9-الفيزياء
الورقه عليها 12 واعمال السنه 4 والعملى 4
.........فى اول السنه هتلاقى نفسك بتنساها وهتلاقى الكلام داخل فى بعضه
بس افهم احفظ حل كتير ........هتلاقيها سهله جداااااااا
10- الاحياء
الورقه عليها12 والعملى 4 واعمال السنه4
.........رخمه وممله وكتيرة وسهله وحلوة
مش عارف انت هتحبها ولا لا .............اصل المعظم بيقول عليها ماده عايزة فرمها
بس والله تجيب فيها الدرجه النهائية عاااااادى

انا طبعا قاعد اديك نصايح وانت فاكرنى انا عملت بيهاااااااا
والله ما عملت ولا واحده من النصايح دى ولا ذاكرت ولا ماده هههههههه
هو كنت بصحى من النوم اشوف ايه اللى عندى النهاردة امسك الماده اقراها سريع سريع ولو ملحقتش اخد معايا الكتاب اذاكر شوية فى المواصلات وشوية وانا قاعد فى اللجنه (قبل الورقه طبعا)
بس اوعى تعمل كداااااا اعمل زى ما بقولك ...........اسأل مجرب ولا تسأل طبيب

موضوع اعمال السنه كل مدرس وعلى حسب ضميره
بس انت اقعد مركز فى الحصة سألك جاوب اجابات نموذجيه وهات الدرجات النهائية فى امتحانات الشهور واعمل كل اللى يقولولك عليه ونظم كشكولك وخليك كامل من مجميعه والمدرس غصب عنه هيديك الدرجات النهائية فى اعمال السنه حتى لو نقصك بتبقى حاجه قليله 1. او 2. (ده لو انت تمااااااااام اوووووووووى)
امشى على الكلام ده وان شاء الله مش هتقل ابداااااااا عن 298 من 300 (النقص ممكن فى اعمال السنه)