السلام عليكم يا جماعة النهاردة احنا رحنا لوزارة التعليم العالى فى شارع القصر العينى وكان فيه طلبة عندهم نفس المشكلة اترشحوا لسياحة وفنادق او حولوا ومعملوش اختبار القدرات وبعد طلوع الروح ومشاوير بين وزارة التعليم العالى ورئاسة مجلس الوزراء ومكتب التنسيق بجامعة القاهرة ووقفة احتجاجية ولفة تانيةعلى كل دول حضر وزير التعليم العالى ووعد ان هيجتمع مع رئيس مكتب التنسيق وهيرد علينا الاربعاء ان شاء الله بالله عليكو كل اللى عنده المشكلة ده يروح بكرة ان شاء الله لوزارة التعليم العالى علشان يحسوا ان العدد كبير فيفتحوا اختبار القدرات مرة تانية ومتعتمدوش على انكم تسالوا فى الكليات بس وان شاء الله لن يضيع حق وراءه مطالب وربنا ييسر للجميع

ربنا يخليكي دة احنا اتبهدلنا

بوصي كام واحد على الموقع بس زينا بس من اليكس واحنا كنا متبهدلين في اسكندرية

دة اللينك بتاع التوبيك

http://www.thanwya.com/vb/showthread.php?p=3881034#post3881034



ولو كان عندك اخبار ابقي قوليلنا اول باول

ان شاء الله خير وكلمك هتخوشو

بس ازاى الكلية تقبلكم وانتم معملتوش القدرات انا واصحابى متقبلناش فى الكلية الا لم عملنا الاختبارات بتاعت الكلية وكان معانا ناس مش عملينها وكتبين سياحة وبعدين اثار جابلهم اثار الى اعلا من سياحة ورفض سياحة بسبب القدرات

ازيكو يا شباب

انا الحمد لله من الطلبة اللي عمل القدرات وقبل سياحة وفنادق انجليزي حلوان

اولا الكلية مصاريفها 3500 رغم انها جامعة حكومية عشان فيها سفر وفيها كذا حاجة
بالنسبة لموضوعكم دة اختبار القدرات دة اتقفل وفتح تاني واتقفل بعد 6 اغسطس
دلوقت الطلبة نوعين طلبة مرحلة تانية قبلوا في الكلية واسماء مكتوبة في موقع الاستاذ بس معملوش القدرات دول احتمال يتفتح لهم الباب

النوع التاني المرحلة التالتة دول عشان يقفلوا بيهم الاعداد ودول عاوزين منهم لا يزيد عن 10 طلاب عشان يقفلوا الاعداد كمان محتاجة اكتر من 35 في الانجليزي كمان القدرات مش سهلة ودة احتمال كبير ميتفتحلهمش القدرات المشكلة دلوقت في الطلبة اللي اتقبلوا
هنا تقدروا تشوفوا الطلبة اللي قبلوا بس معملوش القدرات هتلاقوا مجموعهم ما زادش
http://natiga.elostaz.com/as7ab.php

فدلوقت سياحة وفنادق حلوان عربي عاوزة تقفل اعدادها لحد دلوقت خدت 358 طالب عاوزة بتاع 10 طلاب من المرحلة التالتة لو خدوهم اصلا اهم حاجة الطلبة اللي قبلوا دول هيتفتح لهم القدرات عشان الكلية تاخدهم

معاكم في اي استفسار

ماشي بس اسكندرية 160 طالب بس هم الى قبلو ولما رحت سالت في الكلية قالولى لو في مرحلة رابعه هتنزل فيها الكلية لانها محتاجة اعداد كتير محدش فاهم حاجة وانا مرحلة تالتة وقدمت فيها معرفش بقي الحال اية بس في ناس كتير زيي متعرفش حاجة عن جامعه اسكندرية

هما قالو هيفتحو الامتحان عشان في طلبة كتير عايزة تقدم مرحلة تانية قبلو ومرحلة تالتة لس مقبلوش وفي الكلية عايزين اعداد كتيرة

ماشي بس اسكندرية 160 طالب بس هم الى قبلو ولما رحت سالت في الكلية قالولى لو في مرحلة رابعه هتنزل فيها الكلية لانها محتاجة اعداد كتير محدش فاهم حاجة وانا مرحلة تالتة وقدمت فيها معرفش بقي الحال اية بس في ناس كتير زيي متعرفش حاجة عن جامعه اسكندرية

يعـنى من رأيك أشيـها من الرغبات واحط كلية تانية احسن ؟ وياريـت لو أشوف حكاية شعبة أنجليزى أنا لأنجويـش سكول :022yb4::022yb4:

طب يا جماعة انا اصلا جاتلي كلية تانية وبعدين حولت سياحة و اتقبلت و بعدين بعدها بكام يوم ببص في موقع التنسيق في النتيجة لقتهم كاتبين الكلية اللي جاتلي الاول ولما سالت في الكلية قالولي حسب اسمك مكتوب في اي كشف و كلمي مكتب التنسيق و لسه الكشوف مجتش و بكلم مكتب التنسيق مش بيرد و انا في اسكندرية و مكتب التنسيق في القاهرة صعب اني انزل.... ارجوكم حد يقولي اعمل ايه

شعبة انجليزي اغلقت بوابها

محدش عارف اي حاجة وربنا يستر

ها الوزير رد وقال اية ردوو عليا

عبر المئات من الطلاب الحاصلين على الثانوية العامة والراغبين في الالتحاق بكلية السياحة والفنادق عن غضبهم الشديد، بسبب "تعنت" إدارة الكلية التي امتنعت عن قبول أوراق التحاقهم بالكلية، بعد وضع معايير "صعبة" أمام تحقيق رغبتهم، بإجراء مقابلة شخصية واختبارات قدرات للمتقدمين- على حد قول الطلاب.
وكان العشرات من الطلاب قد تقدموا بشكاوى للدكتور "عمرو عزت سلامة"- وزير التعليم العالي- والدكتورة "هند حنفي"- رئيس الجامعة- تطالب بتغيير المعايير التي يتم على أساسها قبول الطلاب للالتحاق بالكلية، حيث أكد الطلاب أن معايير الاختيار "غير منطقية" ،وتعتمد على "الواسطة والمحسوبية"، والمستوى المادي للطلاب.
وقال مصدر مسؤول بالكلية- طلب عدم ذكر اسمه- إن إدارة الكلية قبلت فئات على حساب فئات أخرى، بعد أن رفضت حاصلين على مجموع 97% ، بينما قبلت طلاب مجموعهم أقل من 85%، مؤكدًا أن عدد الطلاب الذين تم قبولهم لا يزيد عن 120 طالب وطالبة، رغم أن الكلية تتسع لنحو 600 طالب.
وكشف خضوع طلاب المعاهد المتوسطة الحاصلين على مجموع يبدأ من 92% لاختبارات القدرات، بالمخالفة للقانون لأنهم أحق بالقبول، على اعتبار أنهم خريجو معهد فندقي، مشيرًا إلى أن المسؤول عن قبول الطلاب حدد معيار اللغات الأجنبية-بشكل مبالغ فيه- على حد قوله.
وكان الطلاب المستبعدون قد نظموا عدد من التظاهرات أمام مقر إدارة الجامعة بالشاطبي، مطالبين بتدخل وزير التعليم العالي لحل الأزمة التي تتعارض مع مبدأ العدالة الاجتماعية التي نادت بها ثورة 25 يناير.
ورفض الدكتور "محمود أحمد حمدي"- عميد الكلية- الإدلاء بأي تصريحات في الوقت الراهن، خاصة بعد تضارب الأقوال، بينما صرحت وزارة التعليم العالي ومجلس إدارة الجامعة بشأن حل أزمة الطلاب ومشاكلهم.


ودة الينك بتاع المقالة ديhttp://www.amlalommah.net/new/index....ticle&id=18963 (http://www.amlalommah.net/new/index.php?mod=article&id=18963)

السلام عليكم ورحمة الله وبركاته اولا وزير التعليم العالى اسمه د معتز خورشيد ثانيا كان رده النهارده بعد البهدلة كالعادة طلب كتابة الطلبات اللى احنا عايزنها وهى فتح باب القدرات للجميع لانها مش مشكلة سياحة وفنادق بس وقال انه عنده اجتماع مع رؤساء الجامعات بعد الفطار وهيناقش الموضوع وهيرد ان شاء الله يوم الاحد مش عارفة ليه الاحد ولكن نستبشر خيرا ان شاء الله وييسر الامور روحوا يا جماعة للوزارة

سؤال ياجماعه اه امتيازات سياحه وفنادق على اساس ان واحد جايب 97% يقدم فيها ويسيب طب او صيدله او هندسه

سؤال ياجماعه اه امتيازات سياحه وفنادق على اساس ان واحد جايب 97% يقدم فيها ويسيب طب او صيدله او هندسه
اه ممكن ليه لأ لو دي ميوله و هو حابب المجال ده و بتحصل على فكرة مش حاجة غريبة

ممكن يكون ادبي وبعدين بتخرج مرشدين سياحين شكرا يا جماعه على المعلومات دي وخلينا على متابعه مع بعض

عبر المئات من الطلاب الحاصلين على الثانوية العامة والراغبين في الالتحاق بكلية السياحة والفنادق عن غضبهم الشديد، بسبب "تعنت" إدارة الكلية التي امتنعت عن قبول أوراق التحاقهم بالكلية، بعد وضع معايير "صعبة" أمام تحقيق رغبتهم، بإجراء مقابلة شخصية واختبارات قدرات للمتقدمين- على حد قول الطلاب.
وكان العشرات من الطلاب قد تقدموا بشكاوى للدكتور "عمرو عزت سلامة"- وزير التعليم العالي- والدكتورة "هند حنفي"- رئيس الجامعة- تطالب بتغيير المعايير التي يتم على أساسها قبول الطلاب للالتحاق بالكلية، حيث أكد الطلاب أن معايير الاختيار "غير منطقية" ،وتعتمد على "الواسطة والمحسوبية"، والمستوى المادي للطلاب.
وقال مصدر مسؤول بالكلية- طلب عدم ذكر اسمه- إن إدارة الكلية قبلت فئات على حساب فئات أخرى، بعد أن رفضت حاصلين على مجموع 97% ، بينما قبلت طلاب مجموعهم أقل من 85%، مؤكدًا أن عدد الطلاب الذين تم قبولهم لا يزيد عن 120 طالب وطالبة، رغم أن الكلية تتسع لنحو 600 طالب.
وكشف خضوع طلاب المعاهد المتوسطة الحاصلين على مجموع يبدأ من 92% لاختبارات القدرات، بالمخالفة للقانون لأنهم أحق بالقبول، على اعتبار أنهم خريجو معهد فندقي، مشيرًا إلى أن المسؤول عن قبول الطلاب حدد معيار اللغات الأجنبية-بشكل مبالغ فيه- على حد قوله.
وكان الطلاب المستبعدون قد نظموا عدد من التظاهرات أمام مقر إدارة الجامعة بالشاطبي، مطالبين بتدخل وزير التعليم العالي لحل الأزمة التي تتعارض مع مبدأ العدالة الاجتماعية التي نادت بها ثورة 25 يناير.
ورفض الدكتور "محمود أحمد حمدي"- عميد الكلية- الإدلاء بأي تصريحات في الوقت الراهن، خاصة بعد تضارب الأقوال، بينما صرحت وزارة التعليم العالي ومجلس إدارة الجامعة بشأن حل أزمة الطلاب ومشاكلهم.


ودة الينك بتاع المقالة ديhttp://www.amlalommah.net/new/index....ticle&id=18963 (http://www.amlalommah.net/new/index.php?mod=article&id=18963)

شكرا على المقال بس هو قديم و اعتقد المقصود بيه الطلبة المستبعدين اللي عملو المقابلة و سقطو فيها و الله اعلم هو مش هينفع غير نعمل وقفة احتجاجية لان كل ما اسال في الكلية مش بيقولو حاجة اكيدة

طيب نعملها بعد نتيجة المرحلة التالتة ولا دلوقتي انا معاكو اشطة يلا بينا

يـاجدعان انا من القاهرة و عايز حل و أجابة تخلصـنى !! أنا عايز أخش سياحة وفنادق وحطيتها تانى رغبة !! قولولى اعمل اية بالظبط و اية الحل فى اختبار القدرات مع العلم انى مرحلة تالتة وجايب 64 %

ياريت نعملها في اسرع وقت عشان مستقبلنا مفيش حل غير كده

يـاجدعان انا من القاهرة و عايز حل و أجابة تخلصـنى !! أنا عايز أخش سياحة وفنادق وحطيتها تانى رغبة !! قولولى اعمل اية بالظبط و اية الحل فى اختبار القدرات مع العلم انى مرحلة تالتة وجايب 64 %
طب ليه تاني رغبة كده ممكن متجيش لو عندك امل خليها الاولى و لو مفيش اختبار قدرات يبقى هتجيلك حاجة تانية

ياريت نعملها في اسرع وقت عشان مستقبلنا مفيش حل غير كده



ماشي من بعد العيد كل الى عندهم المشكلة دي والى يعرف حد يجي ونروح كلنا الكلية ونعملهم مشكلة شوية عشان يحسو

ها يا جماعة حد عنده اخبار جديدة لحد دلوقت كل متصل بالكلية يقولو لسه مفيش جديد حد فيكم عرف حاجة

طب دلوقتى يعني اختبارات القدرات دي بتكون عباره عن ايه ؟؟ وسياحه وفنادق عربي بتكون مصاريفها قد ايه ؟؟ وبيكون فيها ارشاد برضه ولا لا ؟؟ ولو مفيهاش يبقى سياحه انجليزي مصاريفها قد ايه ف الترم ؟؟ ولو محدش عمل القدرات دي يعني هيدخل كده الكليه ولا هتروح عليه ؟

للاسف اللي مدخلش القدرات مينفعش يخشها والكلية عاوزة بس عدد قليل اوي عشان تقفل اعدادها

لان فيه طلبة كانوا مرحلة تالتة وعملوا معانا اختبار القدرات فدول اللي هيخشوها ويقفلوا العدد ومش هيفتحوا القدرات تاني مش احباط لكن عشان تفكروا قبل كل خطوة بتعملوها


بالتوفيق

حد عندو جديد يا جماعه انا لسة معرفش حاجة واخر حاحةى سالت عنها قالو كلو هيبان بعد نتيجة المرحلة التالتة هي امتة بقي؟؟؟؟؟؟؟؟؟؟؟

يا جماعة انا سالت امبارح في الكلية قالولي احتمال النهارده يقولو حاجة جديدة ربنا يستر ان شاء الله خير

يارب خلاص انا هسال انهردة ولو في حد سال يقولنا

يا جمالعه انا جايبه 322 يعني 87ونص راحت مني المرحله الثانيه علي درجتين وجاتلي سياحه وفنادق ف المرحله بتاعتي وحطيتها اول رغبه ممكن تيجيلي ولا مستحيل

ياشباب انتو بتسالو في جاااااااااااااااااااااااامعه ايه

احنا زيك بس مع اختلاف المجموع هتجيلك ان شاء الله بس انتي عملتي اختبار القدرات ولا لا احنا مشكلتنا اننا ملحقناش اختبار القدرات وعملين مشاكل عشان لو قبلنا في الكلية مش هيبقي لينا غيرها وممكن ميبقلوناش عشان اختبار القدرات دة


انتي دخلتي الاختبار

جامعه اسكندرية بس المشكلة هي هي في جامعه القاهرة وكذا جامعه

لا مدخلتش لاختبارات عشان كدا بسال

يا جماعة اللي لسه مرحلة تالتة الاحسن ميكتبش سياحة الاول و ممكن اصلا متجيش انا كنت مرحلة تانية و حولت من الكلية اللي جاتلي لسياحة و لقيتهم رجعوني اللي جاتلي الاول عشان محضرتش القدرات

طيب والى كتبها بقي يعمل اية يارب بقيييييييييييييييييييييييييييييييييييييييييييييييي يييييي

لو رضيوا يعملوا اختبار تاني يبقى ممكن تجيلك لو مفيش يبقى غالبا هتجيلك حاجة تانية ربنا يسهل و يوافقوا بقى المهم خليك متابع مع الكلية

معلش يا جماعة انا اسفة انى اتاخرت عليكو بس الكمبيوتر بتاعى كان بايظ ... المهم يا جماعة احنا اخر مرة روحنا لوزارة التعليم العالى يوم الاحد قبل العيد على طول و قالولنا نروح يوم الاثنين ال هوا بكره فياريت كلنا نروح يا جماعة عشان دا مستقبلنا و احنا تعبنا كتير بس هانت انشاء الله و يارب يوافق و احنا قررنا لو الوزير مرديش هنطلع على المجلس العسكرى لاننا روحنا لمجلس الوزارة اكثر من مرة و محصلس اى حاجة وبجد دا حقنا ان كل واحد يدخل الكلية ال عايزها و يحقق حلمو فياريت اكبر عدد يكون عند وزارة التتعليم العالى بكره باذن الله و لو حد عرف اى حاخة يقولنا بردوا:excl: :excl: :excl:

ياريت كله يروح يا جماعة لان شكلهم كده مش ناويين يعملو حاجة على حسب كلام الكلية اللي قالوهولي امبارح

السلام عليكم ورحمة الله وبركات اخيرا ردوا علينا النهارده فى وزارة التعليم العالى انهم هيفتحوا اختبارات القدرات بس للى معاه بطاقة ترشيح للكلية مبروك يا جماعة لكل اللى معاه بطاقة الترشيح بس من فضلكوا اللى يرد يئول هو فعلا معاه بطاقة الترشيح ولا كان عاوز يحول زينا ومعملش الاختبار

فعلن انا روحت امبارح وقالولي هات بطاقة الترشيح عشان نقدر نساعدك فعلن هيفتحو باب القدرات للي معاه بطاقة الترشيح بس انا مرحلة تالتة ومستني النتيجة قالولى لو قبلت اجيب بطاقة الترشيح وارحلهم يارب والتوفيق للجميع اخبار حلوة دعواتكو

بجد يا جماعة انا مرحلة تانية حولت من ايام التحويلات ومعايا بطاقة الترشيح يعني اروح النهاردة ولا ايه

طب انا روحت يوم الاحد جامعة اسكندرية و قالو مفيش امل و كلمتهم النهاردة قالو مفيش حاجة جديدة ده بقى معناه ايه و انتو يا جماعة متاكدين من انهم هيعملو الاختبار تاني ولا ايه لان كلامكم عكس كلام الكلية خالص ياريت يا جماعة حد يسالهم تاني ضروري

والله لما روحت قالولي في شوؤووووووووووووووووووووووووووووون الطلبة هات بطاقة الترشيح عشان نقدر نساعدك وتدخل خدي معاكي حد كبير وروحي اعملي مشكلة لو مرضيوش انا مستني النتيجة تطلع ولو قبلت هروح ابات هناك يا قاتل يا مقتول بقي بس ولو حد عندو اخبار او عايز مساعدة انا موجود

السلام عليكم ورحمة الله وبركاته ان شاء الله يا جماعة هيفتحوا القدرات زى ما ئلتلكوا وده من مكتب الوزير نفسه ما انا ئلتلكوا ان كان فيه ميعاد ان الوزير يرد علينا امبارح بعد سفر وبهدلة للقاهرة وعلى فكرة الموضوع كله فى وزارة التعليم العالى مش فى الكليات علشان كده الكليات لسه معندهاش معلومات بس انتو تابعوا وان شاء الله خير وعلى فكرة اعتقد انهم هيعملوها بعد نتيجة المرحلة الثالثة علشان هى اصلا نازلة مرحلة ثالثة بس تابعوا برضه مع الكليات وربنا ييسر للجميع ان شاء الله

يعني نتابع مع الكلية في اسكندرية ولا نسافر القاهرة نمتحن هناك ولا اية انا هستني لحد ما النتيجة تطلع ولو قبلت ان شاء الله هروح الكلية وربنا يستر

طب انا ياجماعة كلمتهم تاني و قالولي لسه مفيش اي حاجة خالص و لما روحت كان معايا حد كبير و قالو مفيش اي لازمة لورقة الترشيح الا لما يصدر قرار من الوزارة و ان مفيش حاجة في ايدهم ممكن يعملوها اعمل ايه بقى دلوقت

و الله العظيم ياجماعة هو ده اللي حصل طب الوزير مقلش هيبعت القرار للكليات امتى يعني استنى لحد نتيجة المرحلة التالتة متطلع ولا اعمل ايه ياريت يا جماعة الي ساكن في القاهرة او اللي ساكن قريب من الكلية يروح تاني يتاكد عشان بجد هو ده الي اتقال وانا خايفة يكونو بيسكتونا وخلاص

هى منى ساكنة في القاهرة وقالت الوزير الى قال كدة ولسا الخبر متنقلش في باقى المحفظات هنشوف بعد المرحلة التلتة كلو هيبان وان شاء الله خير وخلينا في تواصل مع بعض لحد ما نلاقي حل

طب هي نتيجة المرحلة التالتة هتطلع امتى

جريدة الجمهورية كتبت ان النتيجة بكرة يوم الخميس

يا جماعه يعني ايه الوضع الوقتي هنعمل ايه؟ هنستني نتيجه المرحله الثالثه؟ ولا هيبقي في حاجه اليومين دوول

جريده الاهرام كاتبه ايه يا مووووووووووودي

المرحلة التالتة قفلت على الموقع الالكتروني بتاع التنيق يوم الخميس الساعه 3 عصرا وجريدة الاهرام كتبت في صبيحة يوم السبت ستظهر النتيجة هي باذن الله بكرة يا بعدة


بوصي انا هجبلك الخلاصة من الاخر يا ندي انتي لو من اسكندرية او من اي حتة مش شرط

تروحي لو معاكي بطاقة ترشيح وتقولي ان الوزير قال واصدر قرار ان هيعملو اختبار القدرات للي معاهم بطاقة الترشيح بس لو ممعكيش يبقي خلاص فهمتي ولو حبيتي اي مساعدة انا موجود

والكلام بتاع الوزير دة قالتو مني العربي عشان هي ساكنة في القاهرة وكانت في الوزارة اي اسئلة تانية انا عن نفسي مرحلة تالتة اول ماتجيلي بطاقة الترشيح ان شاء الله هروح الكلية وهاخد معايا كل الى من اسكندرية ودي دعوة عامة

طيب اللى عايز يختبر فنون جميلة هاينفع ولا لاء

طب انا قولتلهم كده قالوا مش هنقدر نعمل حاجة من غير مايكون عندنا قرار رسمي نعمل ايه بقى

يا محمد الكلام دة لاي اختبار قدرات بس تكون مترشح للكلية اه ممكن مكنوش يعرفو في جامعه الاسكندرية او يكون القرار منزلش بس انا لما رحت قالولى فين بطاقة الترشيح عشان نقدر نساعدك روحي تاني مش هتخسري اي حاجة دة مستقبلك برضو وعشان تعرفي راسك من رجلك برضة


وان شاء الله خير احنا مستنينين نتيجة المرحلة التالتة كلو هيبان بعيديها

يا جماعه حد يعرف نتيجه المرحله الثالثه دي هتظهر تمتي حراك يسيبونا ع اعصابنا كل دا

انا كنت فى جامعة اسكندريه النهرده وقال الاختبارات مش حتفتح تانى خلاص

يا جماعه حد يرد عليا نتيجه المرحله الثالثه امتي _محمد انت سالت في اسكندريه بس ممكن تفتح في جامعات تاني صح ولا لا

maaafish 7d byroood leeeeeeeeeeeh

مكناش فاتحين الله اعلم الى معاه بطاقة ترشيح هيمتحن وهما زالين ابونا على المرلحة التالتة احنا على اعصبنا والله ومستنين

بس هي اتاخرت عشان الى حصل في السفارة وكدة وان شاء الله بكرة هتبان وهتلاكي كذا توبك وموضوع على المنتدي هتهمي منو المرحلة التالتة هتبان امتة

يعني هتبان علي امتي كدا زهقت من الانتظار

يا جماعة كل يوم بكلمهم مفيش جديد مفيش اي قرار وصل طب ليه قرار الوزير موصلش و لا رجع في كلامه

والله محدش يعرف التنسيق كلو متكهرب عشان موضوع السفارة وحكاية الادلال بشهادة سيادة المشير طنطاوي ادعولنا تبان انهردة

هيفضلووووو سايبنا كدا علي اعصابنا ربنا يستر وتبان النهارده

لالالا هنعمل وقفة بجد لازم هنروح نعمل وقفة قدام مكتب التنسيق عشان كدة هيضغطونا مش هنلحق نقدم وهيبقي زحمة والى عايز يحول مش هيعرف والى عايز يقدم في مدينة جامعية برضو مش هيعرف

ياجماعة اية الى بيعملوة فينا دة احنا لازم نعمل حاجة فى الكلية يقولو منعرفش وفى الوزارة كل ما اتصل يقولولى بكرة

بجد لو هتعملو واقفة كلنا لازم نروح لان دة مستقبلنا

هنعمل وقفة احتجاجية https://www.facebook.com/pages/وقفة-احتجاجية-لطلاب-المرحلة-الثالثة/173060602755708?sk=wall

ودة كمان http://www.facebook.com/groups/229817583733184/

يعنى الناس كلها هتيجى

يعني يا جمااااااااااعه مش شايفين تنسيق الاسبوع دا ولا ايه والله حرام اللي هم بيعملوه فينا داا

الناس الى هنا فين محدش بيرد لية

اصلا مقعدين جنب التليفون بتاع الوزارة شوية حيوانات

اشترك في الصفحة بتاعت الفيس عشان تبقي معنا ونطلع عين الحيونات

اوك انت حضرتك مرحلة تالتة ولا علشان الاختبارات بتاع سياحة

اه انا مرحله تالته وطاتبه سياحه وفنادق لو مظهرتش النهارده هيبقي ايه العمل يا حماعه_حتي لو كش هتبان ادولنا معاد نتستناه مش يسبونا بالطريقه دي

يعني يا جمااااااااااعه مش شايفين تنسيق الاسبوع دا ولا ايه والله حرام اللي هم بيعملوه فينا داا



اشتركي يا ندى همعمل وقفة احتجاجية

ويا مصطفة انا مرحلة تالتة وبرضضو عشان السياحة يعني الاتينين

يا ندي اشتركي هنا دي صفحة هنتجمع وننزل نعمل وقفة احتجاجية انا وضعي زيك بلظبط والله يا ندي لو مبنتش انهردة هننزل بكرة عشان كدة مش هنلحق هيبقي التقديم زحمة ومش هنلحق نحول ولا نقدم في مدن جامعhttp://www.facebook.com/pages/%D9%88%D9%82%D9%81%D8%A9-%D8%A7%D8%AD%D8%AA%D8%AC%D8%A7%D8%AC%D9%8A%D8%A9-%D9%84%D8%B7%D9%84%D8%A7%D8%A8-%D8%A7%D9%84%D9%85%D8%B1%D8%AD%D9%84%D8%A9-%D8%A7%D9%84%D8%AB%D8%A7%D9%84%D8%AB%D8%A9/173060602755708ية اشتركو في الصحفة

ياجماعة لسة مفيش اخبار عن التنسيق

ياجماعة لسة مفيش اخبار عن التنسيق
والله كلنا مستنين زيك علي اعصابنا يارب تظهر النهاردلنهارده بقي

ياجماعة لسة مفيش حاجة لحد دلوقتى عن التنسيق

هما بيعملو فينا كدة لية والله بجد حرام عليهم

هما بيعملو فينا كدة لية والله بجد حرام عليهم
حسبي الله ونعم الوكيل

حسبي الله ونعم الوكيل في كل مسئول عن اللي بيحصل دا

ربنا ينتقم منهم

ياجماعة نتيجة التنسيق بانت بس انا مش عارفة اجيبها حد يقولى ازاى

ها يا جماعة حد من المرحلة التالتة جاتله سياحة

محدش يعرف سياحة وفنادق خدت من كام

شوف على موقع التنسيق هتلاقي الحدود الدنيا للكليات اللي اعرفه سياحة الاسكندرية اخدت 264 ادبي يعني 64 و شوية في المية

محدش مرحلة تالتة جاتلة سياحة ولا ايه

تجارة مفتوح كفر الشيخ وهحول اليكس ان شاء الله دعوتاكو

ياجماعة الى جالة سياحة وفنادق مرحلة تالتة القدرات فتحت النهاردة واخر يوم بكرة

الحفوا بقى اعملوها بسرعة

طيب اللى مجتلوش سياحة وفنادق بس مجموعه يدخلوا الكلية مرتاح فى فرصة يعمل اختبار القدرات ولا لأ

الى مجتلوش يحول تحويل الكتروني ويعمل اختبارات القدرات ولا يعمل اية حد يقولى

يا جماعه لوسمحتوا حد يرد هيردوا نعمل اختبار بعد التحويل ولا لأ

اة ياجماعة انا زيكم جتلى زراعة وهروح اعمل اختبار القدرات بعدين احول الكترونى

يا جماعه لوسمحتوا حد يرد هيردوا نعمل اختبار بعد التحويل ولا لأ
اعملى الاول الاختبار وبعدين تحولى

ياجماعة اختبار القدرات الاربعاء والخميس بس الى صاحى يروح اقرب كلية جنبة ويقول لكل اصحابة

ياجماعة اختبار القدرات الاربعاء والخميس بس الى صاحى يروح اقرب كلية جنبة ويقول لكل اصحابة

افهم من كدا انو فى اختبارات النهارده الخميس

اة فى انت منين

انت عارف الحاجات الى مطلوبة علشان التقديم للاختبار

أنا من اسيوط وهقدم فى المنيا
بس معرفش الحاجات الى مطلوبة علشان التقديم للاختبار

بص صورتين ليك شخصية وصورتين من رقم الجلوس و100 جنية

لو معاك رقم الكلية حاول تكلمهم لان انا من الفيوم وهعملها هنا ف الفيوم

واحد صاحبى اتصل بيهم امبارح قالوله مفيش اختبارات خلاص اتقفل
وبعدين انا معيش رقم الجلوس

سياحة وفنادق المنيا فيها 322 معرفش بقى محتاجة تانى ولا لا ع العموم انت حاول تعمل الاختبارات وبعدين ممكن تحول اى كلية تانية مش شرط المنيا

طيب هى النتيجة بتظهر فى نفس اليوم

طيب استمارة النجاح بدل رقم الجلوس وبردة صورتين

لا بس هتعرف من شكل الدكتور اذا كنت اتقبلت ولا لا ومن طريقة كلامة معاك وبعدين قالولنا ف الكلية مفيش حد بيسقط كلة بينجح

وبعدين الاختبارات بتاعة الفيوم بتبقى سهلة

طيب لو كانت المنيا قفلت ينفع اعمل اختبارات فى الفيوم مثلا

اة عادى احنا كان معانا النهاردة ناس من القاهرة

انهارده ازاى قصدك الاربعاء
طيب عملت الاختبارات ولا لسه

طيب ممكن تليفون كلية الفيوم
وبرضو تليفون كليه الاسكندرية وحلوان لو معاك

اة الاربعاء لا مشونا علشان بتوع القاهرة قلولنا هما يعملو الاول علشان بيسفرو ومينفعش ييجو تانى

طيب ممكن عنوان الكلية بالتفصيل ورقم تليونها
ويريت رقم تليفونك

084352181 دة بتاع الفيوم حاول تدخل ع موقع كلية اسكندرية وحلوان وتجيب الارقام

بص انت هتنزل ف الموقف بتاع الفيوم وتركب تاكسى وتقولة عند كلية سياحة وفنادق وهوا هيوصلك قدام الباب

طيب ممكن عنوان الكلية بالتفصيل ورقم تليونها
ويريت رقم تليفونك

طيب انا اتقبلت فى معهد عالى لغات المنصوره
ينفع اعمل الاختبارات وبعدين احول سياحة وفنادق
انا مجموعى اعلى منها

يلا ربنا معانا كلنا

انا روحت سالت ف الكلية الى جاتلى وقولتلهم انى عايزة احول قالولى عادى جدا اعملى الاختبار وبعدين تحولى مفيش مشكلة

طيب هى الكلية بتفتح الساعة كام علشان اتصل بيهم والحق اروح من اسيوط

بس لازم يكون مجموع الانجلش اكتر من 35

الانجلش بتاعى 37.5
طيب هى الكلية بتفتح الساعة كام علشان اتصل بيهم والحق اروح من اسيوط
وربنا تاعبك معاى

بص انت ابدا اتصل من الساعة 8 ونص كدة لحد محد يرد عليك

لا عادى ولا يهمك

خلاص بإذن الله هتصل بيهم ولو قالوا ينفع قهتلقينى عندكوا فى الفيوم

تشرف وتنور وربنا معاك ومعايا

ربنا يخليك
حاجة اخيره
بيقفلوا امتى الاختبارات يعنى على الساعة كام فى النهار

سورى قفلت بس انا معرفش بس تقريبا كانو موجودين لحد الساعة 3

يا جماعة انا لسه مكلمة شئون الطلبة في جامعة اسكندرية و قالو مفيش اختبار انتو جبتو الكلام ده منين ارجوكم يا جماعة ردو عليا

فيه اشاعة ان الاختبارات فتحت اتاكدوا

فيه اشاعة ان الاختبارات فتحت اتاكدوا على فكرة دى مش اشاعة لان انا روحت امبارح الكلية ودفعت الفلوس وقدمت الاوراق بتاع الاختبار بس روحت النهاردة اعمل الاقدرات قالولى مجتلناش ورقة رسمية علشان نعملكم بس الكلام دة متقلش امبارح

طيب اعمل اية اجي الفيوم انا من اليكس ومجموعي والانجلش معدي كلو اعمل اية اروح فين انا انهردة كنت في الكلية قالى مجلناش حاجة زي دي حد يرد علينا يا ناس

دة مستقبل اية الكلام دة حد يرد

احنا رايحين تانى يوم الحد الكلية هنشوف لو ف حاجة جتلهم ولا لا

الكلام ده في اي جامعة

الكلام دة ف جامعة الفيوم وانا قولت كدة من الاول انا معرفش ف حاجة جات ف الكليات التانية ولا لا

ياجماعه انا كنت فى جامعة اسكندريه النهردق وقال خلاص مفيش اختبارات
اتأكدومن الحاجات اللى بتقولوها لانى معتقدش حيفتحوها فى جامعه وجامعه

المشكلة ان محدش عارف حاجة بعد ما اخدو منا الفلوس امبارح قلولنا النهاردة مفيش حاجة ازاى دى بقى محدش فاهمها

الفيوم محتاجة كتير جدا مفيهاش غير 72 بس عادى ممكن تتفتح

وبعدين لو مكنش ف اخبار انها تتفتح لية ياخدو منا ورقنا

اسكندرية 160

كل كلية حسب احتياجها وحسب العدد المقرر انها تاخدة

طب ينفع الوزير ينزل قرار ان الاختبارات تتفتح فى الفيوم واسكندريه لا؟؟؟؟
برغم ان اسكندريه عددها 238 بس
ربنا يوفقكم وشوفو ورقكم والنظام ايه

اة ممكن ينزل قرار لية لا لان الفيوم محتاجة

ع العموم ياجماعة انا هنا ف الفيوم اقرب منكم كلكم لو ف اى اخبار جديدة هكتبها

طب مالمنصوره والمنيا وجنوب الوادى اعدادها قليله اشمعنى الفيوم اللى تفتح
ان شاء الله تحققوا اللى عايزينه بس برضه بصو للامور بمنطقيه شويه

ان شاء الله ادعيلنا انت بس لان انا مش بحب الاحباط مدام ف امل ولو بسيط وهوا احنا بنعمل الى علينا وخلاص والى ربنا عايزة هيكون

ياجماعه ربنا معاكم كلكم بجد موضوعكم مهم ربنا معاكم بس لو بجد الكلام دة انا مش لاقية حاجة من الكلام دة فى حلوان لو حد عملو فى حلوان يقولى ومحمد سيبهم بلاش احباط متنساش ان الفيوم54 طالب واسماعلية 34 طالب فى كليات محتاجة كتير عقبالهم زينا يامحمد

يا جماعه انا من الفيوم احنا اخدنا قرار النهارده وياريت تشتركوا معانا جميع المحافظات هنروح الوزراه يوم الاحد بس لازم العدد يكون كبير وربنا يسهل لنا وكمان الا هيروح اولياء امور وطلبه كتير من الشرقيه اسيوط بنى سويف

انا لسا خارج من شؤن الطلبه بكليه السياحه والفناده بأسكندريه و اختبار القدرات هيفتح من اول بكره انا بكتب رسالتي دي من نت الموبيل وقالولي قول لكل زمايلك
كلو يروح يا جماعه
لاهل اسكندريه يروحو المدينه الجامعيه بعذبه سعد ومعاهم صورتين شخصيه وصورتين من رقم الجلوس و25 جنيه بس خدو فلوس ذياده احطياتي
دعواتكو

يعنى القرار نزل ف كل الجامعات ولا لا

يا جماعة عاوز كلام مؤكد علشان أنا من أسيوط فحرام اخد مشوار للاسكندرية عالفاضى فى الايام ديه
أولا أنا مجموعى ميدخلنيش سياحة اسندرية فممكن اعمل الاختبارات عادى واحول لاى مكان تانى ولا مينفعش

'طيب ما تسال ف الكلية الى جاتلك

ده لكل الكليات و لا بس سياحه و فنادق يعني فنون جميله مفتحتش الاختبارات تاني ؟؟؟

السلام عليكم بجد يا جماعة فتحوا الاختبارات بالله عليكو اللى يروح يمتحن فعلا يبلغنا واحنا هنروح بكرة ان شاء الله الكلية عندنا هنا وربنا ييسر للجميع

انا رايح دلوقتي امتحن انا بكتب رسالتي دي الساعه 8.30 هبلغكو اول ما اطلع من نت الموبيل زي امبارح بس ادعولى

ربنا يوفقك ويكون فيه اختبارات

ربنا معاك لو عملت الاختبار ابقى قولنا سالوك ف اية

انا روحت النهارده وفعلا ف اختبار ان شاء الله يوم الاربعاء الخميس والا هيروحوا الفيوم لازم يروح بكره اوقبل الامتحان وياخد 125 وصورتين وصورتين من رقم الجلوش اومن استماره النجاح وربنا يوفق الجميع واى حد عايز يعرف اى حاجه انا تحت امركم

بقولك ياريرى هوا ترتيب ابجدى ولا لا اصل قالو للناس كلها تروح يوم الاربع

السلام عليكم ورحمة الله وبركاته فعلا يا جماعة رحنا النهارده الكلية وجالهم فاكس بفتح اختبار القدرات بس هتبدا الاربعاء او الخميس ان شاء الله لان ملفات القدرات لسة مجتش الكلية احنا سياحة وفنادق اسماعيلية اعتقد ان كده فتحت فى كل الكليات ربنا ييسر لنا الامور

السلام عليكم ورحمة الله وبركاته فعلا يا جماعة رحنا النهارده الكلية وجالهم فاكس بفتح اختبار القدرات بس هتبدا الاربعاء او الخميس ان شاء الله لان ملفات القدرات لسة مجتش الكلية احنا سياحة وفنادق اسماعيلية اعتقد ان كده فتحت فى كل الكليات ربنا ييسر لنا الامور

ممكن توضحيلى يعنى ايه ملفات القدرات

السلام عليكم انا قصدى بالملفات الدوسيه بتاع اختبار القدرات اللى بتدفعى عشانه الفلوس فى الكلية ويثبت انك امتحنتى اختبار القدرات

طيب ياريت أنا عاوز تليفون كلية السياحة الاسماعيلية

تقرر فتح الاختبار القدرات بكلية السياحة والفنادق بالاقصر للمرحله الاولى الثانية والثالثه ودبلوم الفندقة خمس سنوات + معاهد السياحة والفنادق للحصول على بطا قة الاختبارات من الكلية بشرط حصوله على الأقل من المجموع انجليزي 70%اعتبارا من 19/9/2011 الى 22/9/2011 الأوراق المطلوبة:1. رقم الجلوس الاصلى+ صورتين منه2. صور شخصيه للطالب3. توريد 105 جنيه بالخزينة...................منقووووووووووووووووول.. ...........

طيب يا جماعة كدا الاسكندرية والاسماعلية والفيوم والاقصر اوكى تمام
مفيش اخبار عن المنيا أنا اتصلت بيهم دلوقتى محدش بيرد
خلاص هتصل بيهم بكره بس لو فى حد عنده اخبار عن المنيا يطمنى

ياجماعة حد هنا ارشاد او يعرف الانترفيو بتاعة ازاى

ياجماعة حد هنا ارشاد او يعرف الانترفيو بتاعة ازاى

صراحة مش فاهم قصدك

صراحة مش فاهم قصدك
اصل انا سمعت ان الانترفيو بتاع ارشاد بيبقى صعب ومش اى حد بيعدى منة دا فعلا صح ولا لا

فا انا عايزة اعرف اذا كان ف حد مرحلة تانية وعملت الانترفيو لقسم ارشاد

يعنى انت قصدك ان كل قسم من الثلاث اقسام ليه اختبار مختلف
طيب ايه اسهل اختبار

بقولك ياريرى هوا ترتيب ابجدى ولا لا اصل قالو للناس كلها تروح يوم الاربع


والله مش عارفه سبيها ع الله

بصوا الا انا اعرفه انه بيبقى الاختبار كله موحد لانك بتتخصصى ف الكليه بعد ما تتدخلى ودخول اى قسم ع حسب تقديرك

بصى انتى لو ارشاد حيتوصو جامد فى الاسئله الانجلش
انا عن نفسى باذن الله خدخل ارشاد بس قلت دراسات سياحيه عشان اهرب شويه
:d:d

بصى انتى لو ارشاد حيتوصو جامد فى الاسئله الانجلش
انا عن نفسى باذن الله خدخل ارشاد بس قلت دراسات سياحيه عشان اهرب شويه
:d:d
محدش يخاف من الانترفيو انا كنت زيكم كدة بس لما دخلت لقيتوا اسئلة عبيطة وكل بينجح فيها ومحدش بيسقط

ربنا يسهل هما ممكن يسهلوا الامتحان عشان احنا مرحله تالته وهما محتاجين طلاب كتير ف الكليه

ربنا يسهل هما ممكن يسهلوا الامتحان عشان احنا مرحله تالته وهما محتاجين طلاب كتير ف الكليه
الامتحان بيبقى عبيط بمعنى الكلمة بيسالك معلومات عامة عن العواصم واسماء البلاد وسؤالين انجلش وخلاص على كدة

ميرسى طمنتنى

ميرسى طمنتنى
مش تقلقى الامتحان اتفه مماتتخيلى خشى هادية خالص ومش تقلقى من اى حاجة

ان شاء الله

يا جماعة أنا روحت النهاردة جامعة المنيا ولقيت فعلا فى اختبارات فى كلية سياحة وفنادق وبالفعل سحبت استماره ودفعت الفلوس وخلصت كل الورق وامتحنت كمان واى حد عاوز اى معلومة انا موجود

امتحنت طيب مبروك قلولك اية بقى ف الانترفيو

انا سالت النهاردة في جامعة اسكندرية قالولي تعالي بكره بس طبعا اجيب الحاجات اللي قالو عليها من المدينة الجامعية اللي في سموحة ده معناه ان لسه الاختبار متقفلش عشان الناس اللي مراحتش تلحق نفسها وتروح بكره

اولا ربنا يوفقكم وان شاء الله عشان عايزين اعداد كبيره وباذن الله كلكم تنجحو
وعلى فكره انا امتحنت السنه دى فى اسكندريه واتسألت اسئله معقده جداااا وكلها بالانجلش عشان قلت حدخل ارشاد
انا بنصحك تقولى حاجه غير الارشاد

وعلى فكره يا hassen superstar
السنه دى فى اليكس نجح 174 وسقط 700 امتحاناتها كانت صعبه على فكره

وعلى فكره يا hassen superstar
السنه دى فى اليكس نجح 174 وسقط 700 امتحاناتها كانت صعبه على فكره
احنا فى الفيوم التخصص من سنة تانية وعددنا بيبقى قليل عشان كدة بيقبلو اى حد احنا دفعتنا فى سنة اولى كانت 250 واحد

اى خدمة يا جماعه انا اول واحد سالت وقولتلكو زى ما قلولى بس لاهل اسكندرية انا رحت المدينة الجامعية سحبت ملف ومليتو وعطتهم صورتين وصورتين من قم الجلوس و 25 جنية وقالولى اروح المعاد الخميس الساعه 9 في كلية السياحة في اليكس همتحن واجيب 100 جنية واى حاجة انا موجود

امتحنت طيب مبروك قلولك اية بقى ف الانترفيو

والله دخلت الانترفيو سئلونى 3 اسئلة بالظبط بس صعبين جدا
1- اسمك ايه
2- مجموعك كام
3- درجة الانجلش كام

وفى واحد زميلى دخل يعنى سئلوا شوية اسئلة زى
اتكلم عن نفسك بالانجلش
ما هى عاصمة ليبيا والسودان
القاهرة عاصمة ايه
ايه عملة فرنسا

السلام عليكم ورحمة الله وبركاته الحمد لله امتحنت النهاردة سالونى تقدمى نفسك بالانجلش كل معلومات عنك وليه عايزة تدخلى سياحة وفنادق وبعدها الدكتورة ئالتلى مبروك معانا ان شاء الله وعقبال الجميع يا رب

مبروك عقبالى بقى احنا كان عندنا حتة دكتور كنا عايزين نضربة بس قلولنا متقلقوش كلكم هتنجحوا

ان شالله يا توتى انا وانتى والجميع

السلام عليكم حد فيكم يا جماعة راح يعمل تحويل ورقى لسياحة بعد ما عمل اختبار القدرات يا ريت اللى عمل يئولنا حصل ايه معاه لانهم عندنا ئلولنا لازم ننزل القاهرة مكتب التنسيق الرئيسى علشان يدلنا بطاقة ترشيح لكلية سياحة يا ريت تردوا عليا بسرعة

مستنين النتيجة بس الامتحان كان رخم اوي

يا رب ننجح كلنا

ياجماعة هوا لسة مفيش اخبار عن نتيجة اختبار القدرات الجامعات يوم الاحد هما بيهزروا

لا انا نتيجتي بانت وللاسف ربنا موفقش

الحمد لله اخيرا دخلت كلية سياحة وفنادق ودفعت المصاريف الحمد لله بعد معاناة من شهر رمضان ربنا ييسر للجميع ان شاء الله وربنا يوفق اللى مدخلش فى كلية تانية ان شاء الله

وانا كمان الحمد لله دخلت الكليه وقدمت وبطاقه الترشيح نزلت بسياحه ودفعت المصاريف مبرووووووووووووووووووووووووووووووووك علينا وربنا يوفق الا ما دخلش الكليه فى كليه تانيه