ريم سيد
23-08-2011, 09:50 AM
انا رشحت لهندسة حلوان بفارق درجة واحدة عن هندسة القاهرة
اريد التحويل للقاهرة يقولون لاتحويل داخل القاهرة الكبرى
لانها نطاق جغرافى واحد
فهل يمكن ان اكون ساكنة فى كرداسة اكتوبر واذهب لهندسة حلوان يوميا
بينما لو كنت فى محافظة بعيدة يمكننى التحويل للقاهرة
من وضع هذه القوانين بااتاكيد لايعرف المواصلات والمرور داخل ما يسمى بالقاهرة الكبرى
فهل من احد عنده اى طريق لحل هذه الفزورة
فكروا معايا واللى يحل الفزورة له منى دعوات خالصة بالتوفيق والنجاح فى مستقبله
رمضان كككككككككككرررررررررررررريييييييييييييييمممممممممم مممممممم
Mm_2010
23-08-2011, 10:43 AM
بصى انا معرفش كتير عن الموضوع دة بس انا قريت موضوع محطوط فى الصفحة الثانية بعنوان (ينفع !!!!!!!!!!!!!!!!!!!!!!!!!!!!!!!!) واسم صاحب الموضوع mohamed yhia وتقريبا الموضوع مكتوب فية نفس مشكلتك ممكن تدخلى على الموضوع دة بس للاسف انا جربت احط الرابط بتاع الموضوع منفعش عموما انتى لو جبتى الصفحة الثانية هتلاقى الموضوع دة وياريت اكون قدرت افيدك
princeoftears
23-08-2011, 11:13 AM
متهيالى ينفع لان ايام التحويل من ع النت كان فى تحويل داخل النطاق الجغرافى الواحد فمتهيالى انتى تروحى جامعة القاهرة و تسألى هناك احسن بس يكون معاكى حد كبير او حد من الجامعة عشان الى هناك يعبروا و يفهموكى كويس
Ahmed Hassan97
23-08-2011, 01:09 PM
انا نفس الكلام ده معايا كنت عايز احول من علوم / رياضة حلوان الى علوم / رياضة القاهرة و فعلا قالو مفيش تحويل داخل القاهرة الكبرى و مش عارف اعمل ايه انا ساكن في الجيزة و حلوان بعيدة عني
Nitro Of LoVe
23-08-2011, 02:36 PM
نفس الكلام معايا منفعش انى احول من اداب حلوان لأداب القاهرة يقولك عشان
تابع لمنطقة جغرافية أ
issac-newton
23-08-2011, 02:47 PM
لاء انا كنت هناك و قالوا مفيش قاهرة كبرى يعني نطاق أ لا يحول لنطاق أ
ahmed-alaa
23-08-2011, 03:18 PM
بصي يا ريم انا نفس مشكلتك بالظبط احنا حتي نفس المجموع انا برضو فرق درجة علي هندسة القاهرة ونص درجة علي هندسة عين شمس و برضو داخل حلوان زي بعض بصي دي ارادة ربنا واكيد ده خير لينا عشان بس متوجعيش قلبك انا لفيت الدنيا ورحت هنا وهناك وجربت كل الحلول بس مفييش تحويل من كلية في أ لكلية تانية في أ اول حاجة جربت من علي site التنسيق لقيت الموقع طلعلي بتاعة كده مكتوب فيها لقد تم ترشيحكم لكلية في النطاق الجغرافي أ لا يمكنكم التحويل . و قبل التحويل من علي النت ما يبدا كنت رحت هندسة حلوان و سالتهم برضو قالولي مينفعش تحويل عشان دي كلية في أ . بعد كده رحت هندسة عين شمس وعلي مكتب العميد دغري ويا ريتني ما رحت قابلت السكرتارية بتوعو و قالولي نفس الكلام مينفعش تحول من حلوان لعين شمس او القاهرة او باقي الكليات اللي في أ بس قالولي حاجة مبشرة يعني قالولي انت زعلان ليه اصلا حلوان كويسة جدا و الكلية بيتصرف عليها و الدكاترة احسن من الدكاترة المعقدين بتوع عين شمس
مش تزعلي ان شاء الله خير يعني مثلا انا بيتي في النزهة الجديدة عند المطار وهروح المشوار ده كلو بس عادي هنتعود
ريم سيد
23-08-2011, 10:03 PM
ربنا يوفقكم جميعا
وشكرا لكل الزملاء اللى شاركوا معايا
ريم سيد
23-08-2011, 10:08 PM
اللى بيعذبنى انى لو كنت فى محافظة بحرى او قبلى
كان بسهولى احول للقاهرة
لكن من حلوان الى القاهرة او عين شمس لايمكن
بذمتكم مش كده تبقى انت اكيد اكيد
فى مصر
وسلم لى على الثورة