مشاهدة النسخة كاملة : يوميات التحويل في المنصورة
ningooooo 23-08-2011, 01:08 PM بسم الله الرحمن الرحيم
صحيت النهاردة من النوم الساعة 8.30 و نزلت من البيت تقريبا الساعة 9 و ركبت تاكسي لمدينة الطالبات بشارع جيهان وو جدت تجمع أمام المدينة عند أحد المكتبات فاستفسرت و وجدتهم يبيعون ورق طلب التحويل بخمسين قرش فاشتريتها و ملأت البيانات
و بدأت رحلة العذاب و بعد استفسار و جدت ان الخطوات تبدأ باخذ بركة توقيع شخص كده في شباك و بعد كده تروح تدفع الفلوس
فروحت الشباك بتاعي و لقيت طابور طوييييييييل قلت هحترم نفسي و اقف في الطابور و كان بها و بعد فترة من الزمن بتاع ساعة كده أو أكتر وجدت نفسي في الامام في زمام المعركة و كانت اللحظة الحاسمة حينما وجدت نفسي امام الشباك مباشرة فإذا بفرد يأخذ من الورق و يتفحصه و قام الحمد لله بالتوقيع علي الورق
و عاوز اقولكم بعض السلبيات في الاول كان الرجالة و اخدين الشباك تقريبا كله و مكنش في غير واحده بس اللي قدام الشباك و لكنهم لم يستسلموا فوجدناهم استطاعوا تحرير مكانهم و السيطرة عليه و منعوا اي تدخل ذكوري بل وكانوا احيانا تكون لهم الأغلبية عند الشباك و كنت عاوز اقولكم ان تقريبا سبب هذه الزحمة في الغالب أولياء الامور و بعض الطلاب الذين يرفضون الوقوف في الطابور و يقتحمون المكان من الجنب
و نكمل بقه اوعو تكونوا زهقتوا احنا لسه مدفعناش الفلوس و بعدين لقيت تجمع لناس قدام شباك سداد مصاريف التحويل فوقفت شوية كده بتاع ربع ساعة و اكتشفت ان البيه الموظف مش موجود و مشي و برضه مستسلمتش و روحت علي الشباك اللي بعده و بعد زق من الناس مش مني و زحمة جامده جدا تمكنت من الوصول لمنتصف الطابور و تقريبا كده مكنش حد من اللي قدام الشباك بيمشو بعدين البيه قلنا خلاص النهاردة هقفل و طبعا ده بعد ما فطر الناس بسبب السباب و الشتائم
و كان في إغماءات و ناس قلعت هدومها و الجو حر جدا و الواحد مش عارف يتنفس فقررت أخيرا أني أروح البيت و اجيلهم تاني بكرة الأربعاء بعد عذاب دام فوق الساعتين و انتظرونا مع اليوميات بكرة بإذن الله
amalsayed 23-08-2011, 01:31 PM حلوة اوى اليوميات وانت/ى كاتبها حلو اوى ينفع تطلع كاتب قصص قصيرة ومنتظرة بكرة باقى اليوميات وبالتوفيق وانشاء الله تحول وتقبل فى الكلية
malk sami 23-08-2011, 01:51 PM أنا بقى رحت هناك 9 وروحت الساعة 2 ولا تتخيل العذاب
Black memory 23-08-2011, 02:31 PM ربنا يسهل يا دكتور معندكش خلفيه نتيجه التححويل امته ؟؟
issac-newton 23-08-2011, 02:50 PM في القاهرة قالي تعالى يا حبيبي بعد اسبوعين .
على فكرة الموافقة بتيجي من عميدة الكلية .
Black memory 23-08-2011, 03:03 PM في القاهرة قالي تعالى يا حبيبي بعد اسبوعين .
على فكرة الموافقة بتيجي من عميدة الكلية .
ها عملت ايه ؟؟
اكيد حكايه بعد اسبوعين دى ؟؟
اه ما انا عرفت انه العميد اللى بيوافق عليها و ربنا يسهل و يوافق بدرى بدرى :d
issac-newton 23-08-2011, 03:04 PM الحمد لله بلاكو عملتو انهرده
و مقلق اوي , , , اصل عايز النتيجة تبان قبل الدراسة , , , بعد الدراسة هتبقا مشكلة
قالي تعالى اسأل بعد اسبوعين ( مش تعالى اعرف بعد اسبوعين )
و انت عملتي ايه ؟
Black memory 23-08-2011, 03:11 PM الحمد لله بلاكو عملتو انهرده
و مقلق اوي , , , اصل عايز النتيجة تبان قبل الدراسة , , , بعد الدراسة هتبقا مشكلة
قالي تعالى اسأل بعد اسبوعين ( مش تعالى اعرف بعد اسبوعين )
و انت عملتي ايه ؟
و انا كمان عملته النهارده بعد معاناه و خنقه و قطع نفس حاجه كانت قرف بجد
ربنا يستر و تبان بقى بس الكل بيقول هناك انهم سالو و قالولهم ان النتيجه بعد العيد و التقديم بعد العيد برده لما التحويل يبان كله مع بعضه الله اعلم بقى الكلام ده صح و لا غلط بس يارب يكون صح
issac-newton 23-08-2011, 03:20 PM التقديم في هندسة القاهرة بدآ , , ,
لاء كانت سهلة
في هندسة ملقتش حد بيقدم اطلاقا
Black memory 23-08-2011, 03:23 PM فى المنصورة قالولهم بعد العيد علفكره و فى اسنان و صيدله نفس النظام تقريبا كل الكليات بعد العيد ع النظام ده
ربنا يسهل و ييسر الحال
mostafahero 23-08-2011, 03:31 PM انا برضه روحت النهارده المنصوره وعملت التحويل وتقريبا النتيجه 5/9 على حد قول احد الموظفين المعرفه
ويااااااااااااااااااااااااااااارب
Black memory 23-08-2011, 03:34 PM انا برضه روحت النهارده المنصوره وعملت التحويل وتقريبا النتيجه 5/9 على حد قول احد الموظفين المعرفه
ويااااااااااااااااااااااااااااارب
طب الحمد لله بس الكلام ده اكيد و لا كلام فى الهوا افهم برده علشان كل واحد بكلمه
issac-newton 23-08-2011, 03:48 PM يارب يا جدعان لحسن احساس مش ظريف انو الدراسة تبدأ و انت من منازلهم
Black memory 23-08-2011, 03:53 PM اللهم آمين
ningooooo 23-08-2011, 04:32 PM انتم عرفتوا تدفعوا الفلوس ؟؟؟؟
أنا أتخنقت منهم و روحت
دول موظفين مش شايفين شغلهم و الجو كان حر موت فقولت أخذها من قاصرها و اروح احسن و اجيلهم بكرة
Black memory 23-08-2011, 04:33 PM اه انا دفعت بس مش عارفه حكايه الوصل دى ايه
ningooooo 23-08-2011, 04:37 PM اه انا دفعت بس مش عارفه حكايه الوصل دى ايه
مبرووووك
بس أنا شفت ناس كتير كانت جايه تاخذ وصولات
و شوفت واحد بيوري واحد تاني وصل بس مش عارف إذا كان وصل النور وكده و لا وصل الدفع
و للاسف لسه هروحلهم تاني بكره و انا اصلا اتخنقت منهم
Black memory 23-08-2011, 04:46 PM الله يبارك فيك عقبالك يا رب
انا هنزل بكره اشوف الحكايه دى برده انا اتخنقت من الجامعه كلها اصلااااااااااااااا
issac-newton 23-08-2011, 05:00 PM الوصل دا لما الراجل بيحط كل حاجة في الظرف الاصفر بيكتب وصل باسمك و المجموع و الكلية المحول منها و الكلية المحول اليها و تاريخ التحويل , , , عادي ممكن يكون في المنصورة اصلن مش بيدو وصولات .
ningooooo 23-08-2011, 05:06 PM الله يبارك فيك عقبالك يا رب
انا هنزل بكره اشوف الحكايه دى برده انا اتخنقت من الجامعه كلها اصلااااااااااااااا
ده الواحد كره كل حاجه ده احنا قضينا الاجازة كلها نتيجة و تنسيق و تحويل الكتروني و ورقي
بس واضح كده ان ممكن تكون المنصورة ما فيهاش وصولات و هو فاتح لمدة اسبوع بيتهيألي فمفيش قلق بإذن الله
بس انا مش عارف ايه الاعداد المهولة دي معقول كل دول عاوزين يحولوا شكلها هتبقي اعداد ضخمة جدا السنة دي
الوصل دا لما الراجل بيحط كل حاجة في الظرف الاصفر بيكتب وصل باسمك و المجموع و الكلية المحول منها و الكلية المحول اليها و تاريخ التحويل , , , عادي ممكن يكون في المنصورة اصلن مش بيدو وصولات .
هو فعلا واضح ان المنصورة مش بيدوا وصولات و مبروك التحويل و بإذن الله أبارك لك علي القبول قبل الدراسة
issac-newton 23-08-2011, 06:08 PM يسمع من بؤك ربنا , , , لحسن انا كرهت نفسي وانا الي كنت بحلم اني دي اول اجازة من غير دروس طلعت اوحش اجازة
الواحد دب مشوار من المنصورة للقاهرة بتاع 6 مرات في رمضان و رايح جاي في نفس اليوم , , , عشان ام التحويل دا .
في القاهرة في هندسة ماكنش كتير بس في كذا كليه كانو كتير
yami677 23-08-2011, 07:12 PM طيب ممكن استفسار انا من بني سويف
وعايز احول من حاسبات حلوان لهندسة حلوان
اروح مكتب التنسيق اللي في بني سويف ولا اسافر حلوان
tuck ever lasting 23-08-2011, 08:50 PM انا كمان كنت فى معركة جيهان النهاردة كنت بحول من هندسة الزقازيق لهندسة المنصورة ولقيت ناس كتير جدا اعرفهم من بلدى كانو هناك تقريبا كل الى كانو عايزين يحولو كانو هناك النهاردة المهم بعد معانة شديدة زى كل الناس استطعت ان امضى الورقة وبرضة زى كل الناس او معظمهم معرفتش ادفع الفلوس لان تقريبا قالو ان الموظف جوز خالته بيولد اوحاجة زى كده
الهم حوالى الساعة 12.40 بعد الناس مكانت استوت اخرحاجة ادركوا ان العدد كبير جدا ولا يمكن استيعابه فقالو ان تحويل طب هيبقى بكره الاربعاء وتحويل الهندسة هيبقى الخميس والجمعة وخصصوا لكل كلية يوم دول بس الى سمعتهم وبعدين روحت نمت 3 ساعات لانى كنت هلكان. وربنا يوفق الجميع
tuck ever lasting 24-08-2011, 12:03 AM انا كمان كنت فى معركة جيهان النهاردة كنت بحول من هندسة الزقازيق لهندسة القاهرة ولقيت ناس كتير جدا اعرفهم من بلدى كانو هناك تقريبا كل الى كانو عايزين يحولو كانو هناك النهاردة المهم بعد معانة شديدة زى كل الناس استطعت ان امضى الورقة وبرضة زى كل الناس او معظمهم معرفتش ادفع الفلوس لان تقريبا قالو ان الموظف جوز خالته بيولد اوحاجة زى كده
الهم حوالى الساعة 12.40 بعد الناس مكانت استوت اخرحاجة ادركوا ان العدد كبير جدا ولا يمكن استيعابه فقالو ان تحويل طب هيبقى بكره الاربعاء وتحويل الهندسة هيبقى الخميس والجمعة وخصصوا لكل كلية يوم دول بس الى سمعتهم وبعدين روحت نمت 3 ساعات لانى كنت هلكان. وربنا يوفق الجميع
عفوا المنصورة
tamtam messi 24-08-2011, 12:05 AM انا ماما راحت النهارده السعه 9 ورجعت 2 :d
رجعت مستويه طبعااااااا وانا اللى اتدبست ف الطبيخ هههههههه ما علينا انا كل اللى قالقنى انها مش خدت وصل ؟؟!!
وقالتلى الكل ماخدش وقالولنا هو كده الوصل بنحطه ف الملف بتاع كل واحد ... وقالوا النتيجه اول يوم دراسه :( :(
قلقانه اوى من دى برضه ربنا يستر بقي يااااااااااااااااارب
منمووونه 24-08-2011, 12:07 AM انا بردة رحت جيهان رحنا وكبنا طلب التحويل وبعدين دخلت على شباك الكلية بتاعتى ساعتين عشان امضى على الورق دة طبعا بعد عذاب وبهدلة والولاد الحمد لله ماحدش عندة زوق والولاد بيستهبلو وسط الزحمة مش مقدرين ان دية بنت ماينفعش تقف كدة وسط الولاد ولا انها اولى مليون مرة وسط الايام اللى احنا عايشنها ولا انها تروح بلد بعيدة عن اهلها وبيستغلو الموضوع وبعدين رحنا لشباك التحصيل وطبعا مادفعتش الفلوس وقالو ان كل كلية ليها يوم دة يرضى حد هيا دى مصر بعد الثورة على فكرة بقى انا متاكدة ان التحويل دة هيمشى بالفلوس ولو حد عندة واحد قريبة فى اى حاجة هناك هيمشية الموضوع وفعلا فية واحد قالى انهاردة ان ممكن يدخل من جوة ويمشى امورة ويدفعلهم فلوس ويقدر يحول اه هيا دى بقى مصر بعد الثورة ثورة اية بس الثورة لازم تكون من جوانا فى نفسنا احنا فى كل واحد فى البلد
dr /nada 24-08-2011, 12:37 AM ربنا يطمنكوا يارب
كويس اني محولتش
mostafahero 24-08-2011, 01:04 AM طب الحمد لله بس الكلام ده اكيد و لا كلام فى الهوا افهم برده علشان كل واحد بكلمه
تقريبا ان شاء الله وان شاء الله نسبه كبيره تبان قبل الدراسه
والراجل اللى قلى دا انا اعرفه (من بلدنا شغال ف مكتب التنسيق) بثق فيه
Black memory 24-08-2011, 02:59 AM الوصل دا لما الراجل بيحط كل حاجة في الظرف الاصفر بيكتب وصل باسمك و المجموع و الكلية المحول منها و الكلية المحول اليها و تاريخ التحويل , , , عادي ممكن يكون في المنصورة اصلن مش بيدو وصولات .
هما فعلا مش بيدو لحد وصولات
ده الواحد كره كل حاجه ده احنا قضينا الاجازة كلها نتيجة و تنسيق و تحويل الكتروني و ورقي
بس واضح كده ان ممكن تكون المنصورة ما فيهاش وصولات و هو فاتح لمدة اسبوع بيتهيألي فمفيش قلق بإذن الله
بس انا مش عارف ايه الاعداد المهولة دي معقول كل دول عاوزين يحولوا شكلها هتبقي اعداد ضخمة جدا السنة دي
هو فعلا واضح ان المنصورة مش بيدوا وصولات و مبروك التحويل و بإذن الله أبارك لك علي القبول قبل الدراسة
اعداد مهووووووووووووووووووووله ههناك ربنا يستر بقى و يسهل و التحويل نتيجته تظهر
فعلا مش بيدو بس انت اسال برده و اسال ع النتيجه و شوف هيقولك ايه
Black memory 24-08-2011, 03:10 AM تقريبا ان شاء الله وان شاء الله نسبه كبيره تبان قبل الدراسه
والراجل اللى قلى دا انا اعرفه (من بلدنا شغال ف مكتب التنسيق) بثق فيه
طب الحمد لله ربنا يطمنك و يريح بالك يا رب و يسمع منك و فعلا الحكايه تتم ع التوقيت ده ^^
mad love 24-08-2011, 04:52 AM طب ياجماعه التحويل بيبقى فين ف المنصورة؟؟؟؟؟؟؟؟
mad love 24-08-2011, 04:59 AM طب التحويل بدا ف كل كليات المنصورة ولالا؟
ردوا عليا ياجماعه لانى انا راحه كمان كام ساعه احول
tamtam messi 24-08-2011, 05:12 AM طب التحويل بدا ف كل كليات المنصورة ولالا؟
ردوا عليا ياجماعه لانى انا راحه كمان كام ساعه احول
التحويل ف المدن الجامعيه اللى ف جيهان .. اما بدا ف كله دى مش عارفها الصراحه :)
issac-newton 24-08-2011, 09:38 AM بص في القاهرة كانو تربيزات و كل كلية لوحدها يمكن في المنصورة نفس النظام , , , بس عشان الزحمة اتوزعت على حسب كلام احد الاعضاء , , ,
بلاك : - الي بيحكم النتيجة عدد الي عملين التحويل يعني عميد اودامو 200 طلب مش زي واحد اودامو 50 . عندي تفاؤل ربنا يسهلها
بس المنصورة يا جماعة اكيد في اعداد كتير لكلية هندسة يعني كل الي من الدقهلية او الغربية او حته المنصورة فيها كانت أ . جايب اقل من 395 لحد مجموع اقل هندسة و طلبت معاه تحويل و رقي فا الطلبات بتكون كتير و ممكن يتآخر
احمد عزمى محمد 24-08-2011, 10:15 AM التحويل بدأ فى المنصورة من يوم الاثنين
Black memory 24-08-2011, 11:46 AM بص في القاهرة كانو تربيزات و كل كلية لوحدها يمكن في المنصورة نفس النظام , , , بس عشان الزحمة اتوزعت على حسب كلام احد الاعضاء , , ,
بلاك : - الي بيحكم النتيجة عدد الي عملين التحويل يعني عميد اودامو 200 طلب مش زي واحد اودامو 50 . عندي تفاؤل ربنا يسهلها
بس المنصورة يا جماعة اكيد في اعداد كتير لكلية هندسة يعني كل الي من الدقهلية او الغربية او حته المنصورة فيها كانت أ . جايب اقل من 395 لحد مجموع اقل هندسة و طلبت معاه تحويل و رقي فا الطلبات بتكون كتير و ممكن يتآخر
هو فعلا المفروض و ده المفروض خلى بالك كويس ان فيه كل مجموعه كليات مع بعضها بس تقول لمين و تفهم مين بقى
طب ربنا يسهلها و يسترها ان شاء الله
ده صحيح كان فيه اعداد مهوله ع هندسه بالذات بس ربنا يستر ان شاء الله لان فى المنصورة ماجلين التقديم لغايه بعد العيد يتحدد الميعاد علشان التحويلات و التقديمات تكون مع بعضها مش عايزين يوجعوا دماغهم كل شويه يفتحو باب التقديم
Black memory 24-08-2011, 11:48 AM التحويل بدأ فى المنصورة من يوم الاثنين
بدأ فين بالظبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا اصحابى فى هندسه و اسنان كانو هناك امبارح و قالولهم بعد العيد !!!!!!!!!!!!!!!!!!!!!!!!!
احمد عزمى محمد 24-08-2011, 12:19 PM بدأ فين بالظبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا اصحابى فى هندسه و اسنان كانو هناك امبارح و قالولهم بعد العيد !!!!!!!!!!!!!!!!!!!!!!!!!
فى مدينة الطلبة الى عند جيهاااااااااااااان
Black memory 24-08-2011, 12:41 PM فى مدينة الطلبة الى عند جيهاااااااااااااان
انا اسفه جدا انا قرأتها تقديم مش تحويل انا عملت التحويل امبارح
احمد عزمى محمد 24-08-2011, 12:56 PM انا اسفه جدا انا قرأتها تقديم مش تحويل انا عملت التحويل امبارح
اوك ولا يهمك مافيش مشكلة خالص وعموما التوفيق للجميع
Black memory 24-08-2011, 01:22 PM اوك ولا يهمك مافيش مشكلة خالص وعموما التوفيق للجميع
و اياكم آمين ^^
اكسيد امل 24-08-2011, 03:03 PM هاهاهاها انا باه سواء عن البهدله والضرب وقله الذوق من الاولاد انا اغمى عليا وبعد محاولات كتتتتتتتتتتتتتتتتتتتتتتتتتتيره اوى عرفت امضى الورقه بس بضره مش دفعت الفلوس وقالوا هندسه يوم الخميس والجمعه ودا فى المنصوره وكمان دكتور وليد قال النتيجه اول يوم الدراسه وللهى انا زهئت وبفكره اعد فى بيتنا اكرم ليا من دا
issac-newton 24-08-2011, 04:49 PM دكتور وليد دا راجل فلة يا امل كنت نزلتلو اسألو قلتلو الحوار بتاعي و ان الاسرة هتنقل قالي بص ريح راسك و اعمل التحويل الورقي و رغم ان الناس كلها في كل مكان قالتلي ما نعرفش و اصلن الورقي اتلغى طلع كلامو مظبوط
ningooooo 24-08-2011, 06:25 PM هاهاهاها انا باه سواء عن البهدله والضرب وقله الذوق من الاولاد انا اغمى عليا وبعد محاولات كتتتتتتتتتتتتتتتتتتتتتتتتتتيره اوى عرفت امضى الورقه بس بضره مش دفعت الفلوس وقالوا هندسه يوم الخميس والجمعه ودا فى المنصوره وكمان دكتور وليد قال النتيجه اول يوم الدراسه وللهى انا زهئت وبفكره اعد فى بيتنا اكرم ليا من دا
واضح انك طلعتي محترمة و مشيتي من الأول لو كنتي قعدتي كنت هتدفعي الفلوس عادي أحنا في مصر بين قوسين ( أم الدنيا )
بس سلوكك ده أحسن و أكرم
بيتر رافت 13-09-2011, 01:06 PM يا جماعه انا قبلتني كليه غير الكليه بتاعه محافظتنا علشان الكليه بتاعه محافظتنا بتزيد نص درجه في الميه وانا تعليم مفتوح ممكن التحويل الورقي يقبلني ولا لازم اقعد سنه في الكليه
ارجووووووووووووو الرد بليز
ningooooo 14-09-2011, 02:52 AM يا جماعه انا قبلتني كليه غير الكليه بتاعه محافظتنا علشان الكليه بتاعه محافظتنا بتزيد نص درجه في الميه وانا تعليم مفتوح ممكن التحويل الورقي يقبلني ولا لازم اقعد سنه في الكليه
ارجووووووووووووو الرد بليز
عادي إن شاء الله تحويلك هيتقبل
ningooooo 25-07-2012, 02:13 PM لا إله إلا الله
|