أنا بقالى يومين دايخ فى المديرية عشان أسأل على الدرجات والترقيات
الموظف المختص قالى ان اللى مادخلش امتحان الكادر يستحق الدرجة من 1-7-2010 واعمل شكوى وقدمها
طاب ما حدش بلغنا الكلام دا قبل كدا على الرغم انى سألت السنة اللى فاتت على الدرجات فى المديرية والتنظيم والإدارة قالو كل اللى دخل الكادر مالوش درجات
رحت الاكاديمية اسألهم على الترقيات رد الاستاذ المحترم المدير وقالى الترقيات الموجود للى دخل الامتحان بتاع الكادر وهى مش درجات مالية والى انتا الغلطان مادخلتش الامتحان ليه
رجعت المديرية اسأل على تغيير المسمى الوظيفى ردت الاستاذة المختصة بأنها ماتعرفش حاجة
طيب لما أروح لكل موظف يقولى انه مليعرفش مين اللى يعرف
المهم ان حقى فى الترقية والدرجة ضاع عليك العوض يا رب

يا اخى الفاضل الموظيفين كلامهم مظبوط وانا حصلت على الدرجة فى 1/7/2010 لانى لم ادخل امتحان الكادر من قبل وعديت المدة البينية.اما الترقيات اللى بيتكلموا عنها حاليا فهى ليست للدرجات المالية ولكن للتسكين على مستويات الكادر

ما تقوليش ان حضرتك من الشرقية
طاب ليه احنا مخدناش الدرجة زيكم

وأنا كمان أخذت الدرجة الأولى فى 1/ 7 / 2010 ولم أدخل اختبار الكادر حتى الآن

أرجو التوضيح سريعا .هل من حصل على الدرجة المالية 1-7-2010 وهو تعيين 2000 هل له فى ترقيات الكادر الآن علما بأنه على درجة معلم؟

والله ماحد عارف حاجة
انا احترت ومش عارف
ياريت اللى عارف يفهمنى

انا واخد الدرجة الثانية 2003 ومش عارف اخد الاولى امتى فى كام سنة بين الثانية والاولى مش هما 6 سنين مش معنا التربية والتعليم ملهاش مواعيد حسبوا علينا الكادر حوافز طيب يساوينا بالموظفين فى الدرجات ربنا ينتقم من كل ظالم ساهم فى صنع هزا القرار ومن بقايا النظام الفاسد

حسبي الله ونعم الوكيل في الظلمه اللي ضيعوا حقوقنا