بسم الله الرحمن الرحيم
احنا بكره هيكون تاريخ مجيد بالنسبة لنا
ياريت اليافطات تكون بشكل يدل علي تحضر المعلم
ياريت كمان لا نطالب بمطالب منفصلة او شكاوي خاصة احنا هنطالب بحق عام للمعلم
كمان لازم نوحد هتافاتنا بحيث نظهر بشكل منظم
رجاء خااااااااااااااااااااص
كل واحد له حد قربية صحفي او اذاعي او اعلامي ياريت يدعوه ليكون شاهدا علي ثورتنا المجيدة
كل واحد لديه قريب يعمل بمهنة الطب او التمريض يدعوه بشكل محترم للوقفة لعلنا نحتاج اسعاف لاحد الحالات
بس اكيد ربنا هيقوينا في صيامنا
اخوتي معلمي المدارس الخاصةمن سكان القاهرة وضواحيها هكون في قمة السعادة لو اتعرفت بحضراتكم بكرة خلال الاعتصام فياريت تشرفونا
دعوة خاصة جدا لمعلمي الازهر الشريف طول عمري اعرف ان دمكم شريف ومش ممكن ترضولنا بالظلم لدرجة اننا منتساواش بعامل في وزارات ابو كيفة علشان كدة انا متاكد انكم هتشرفونا بكره
الاداريين ليسوا فئة مستقلة هم اخواتنا وياريت يشاركونا في اعتصامنا المثالي
اي حد شغال بعقد او بالاجر معانا مطلبنا الاول تعيين اخوتنا بدون قيد او شرط
اي حد يقرا كلامي حتي لو كان ولي امر لازم ييجي لان تعديل حال المعلم هو السبيل الوحيد ان ابنك يكون له مستقبل افضل
ياريت الي هيجيب سيارة خاصة يركنها في مكان بعيد منعا للزحام
ياريت الشباب المحترم من المعلمين يقسموا انفسهم من بداية الوقفة الاحتجاجية علي الامور الخدمية للاخرين
مثل
تنظيم المرور
اسعاف من يحتاج لاسعاف
تنظيم الشعارات
تنظيم الوقفات
الادلاء بالتصريحات للاعلاميين
وانا يسعدني اني اسجل كل لحظة بتمر علينا خلال هذا الحدث الجلل للتاريخ
اي حد عندة شنطة (خفيفة) للاسعافات الاولية ممكن يخليها معاه تحسبا لوجود حالات طارئة
عاوزين نظهر بشكل منظم بقدر الامكان
لا للالفاظ الخارجة لا للعنف لا للمطالب الشخصية لن نقبل بفتات المال حقنا كااااااااااامل او لا
اخيرا ننام بدري علشان نستقبل لحظاتنا التريخية واحنا في قمة التركيز
انا عارف ان هيكون بيننا عدد كبير من كبار السن معلهش ربنا هيساعد حضراتكم واحنا ولادكم هنكون في خدمتكم
تصبحوا علي الف خير وان نصر الله قريب
لو حد كان بيقرا خطابي من غير المعنيين بالخطاب
ياريت يسمحلي اقدم لسيادته دعوة بالحضور وتأييدنا في اعتصامنا
كلنا اخوه وهدفنا العدالة:049gc0:

يا مسهل يا رب

ارجو ان تكون هناك نتيجة لكل هذا

والله كان نفسي اكون معاكم بجد يوم ان شاء الله هيكون مشرِف بس للاسف انا من سوهاج وانتم عارفيين المسافة قد ايه مستحيلة 600 كم هي المسافة بين سوهاج والقاهرة . بس بجد ربنا معاكم