1- لما بعض الأطباء يضربوا عن العمل وتكون النتيجة اعتماد كادر خاص بيهم قدره 1300 جنيه للطبيب اللى لسه بقاله يوم فى الشغل
2- لما يصرفوا 3 شهور منحة للعاملين فى الكهربا بمناسبة عيد الفطر بالاضافة الى 500 جنيه منحة اضافية على ال 3 شهر
3- لما يزودوا بتوع الشرطة اللى كان فيهم زبانية النظام القديم بكل اللى عملوه فى بعض المواطنين من تعذيب وامتهان واحتقار وحبس وخلافه
4- لما تلاقى محاسب لسه نونو ابن امبارح بياخد من 2500 الى 3000 جنيه مرتب شهرى وانت ياللى بقالك سنين مطحون فى التربية والتعليم وتخرج من تحت ايدك كل الفئات دى ولسه مرتبك يمكن ماحصلش 900 جنيه وليك بدل الابن اتنين وتلاته ومسؤولياتك تهد جبال مش زى أخينا اللى لسه نونو واللى أكيد كان لسه بياخد مصروفه من ابوه امبارح
5- لما ياخدالعامل اللى بيشتغل معاك ومفروض انه تحت ايديك فى كل طلباتك لما ياخد مرتب مقارب ليك ويتساوى بيك مع احترامى
6- لما الادارى اللى معاك فى المدرسة واللى ملوش شغلانة طول اليوم الا الأكل والشرب وقرايه الجرايد ده اذا كان أصلا بيعرف يقرا يكون متميز عنك أو حتى زيك فى المرتب بل أحسن منك
7- لما يخدوا منك بدل الاعتماد ونسب الكادر الملعون اللى ذلونا بيه والمكافأة ويوزعوها على الحافز ويقولوا أهو شفتم المعلم بياخد 335 % مش 200% ويحاولوا يألبوا الناس والشعب ضدنا بحيلهم ****** الدنيئة
8- لما غيرك اللى أقل منك يكون عايش ومرتاح ماديا واجتماعيا وانت ياللى علمته وشقيت لحد ماخرجته وخرجت غيره من تحت ايدك وكان ليك الفضل بانه يكون فى الوضع ده... تكون مطحون وحقوقك كلها منهوبة ومسروقه منك بدون وجه حق وبحيل والاعيب واطية كلها مكشوفة ومفيش حد خالص عايز يعترف بيها و يمد لينا ايد المساعدة اللى علمناه وكان لينا الفضل فى انه أصبح فى الوضع والمكانة اللى هو فيها
9- لما تكون رخيص في نظر كل اللى علمتهم وتتعامل منهم أوسخ معاملة والكل ينظر لك على انك ولاشيئ
لما تعيش الظلم البين ويمرمطك فى الطين والوحل ياللى من المفروض انك خليفة للرسل والانبيا بحكم عملك ورسالتك
10 – لما ولما ولما ......مستنى أيه الكلام كتيييييييييييييييير جدا .....انت بقى يامربى ومعلم للأجيال ....فين دورك ورسالتك .....تيجى فى أهم مرحلة ...المرحلة والخطوة المهمة واللى تخصك انت مش حد تانى .....تيجى وعايز تنام ....عايز تتكتف وتتقيد وتكون سلبى ومقامك للأسف أوطى من مقام ال .....ولا بلاش ملوش لازمه ....ده حتى ال ....بيدافع عن نفسه وحقه لو حد قرب منه .....ياخسارة .....ياألف خسارة فعلا .....ياريت الظلم كان ع الكل ....كنا قلنا ماشى ....حتى السكوت عليه فى الحالة دى حراااااااااااام .....لكن للأسف الظام ماطلش حد تانى غيرنا احنا .....ياريت تكون رااااااااااااااجل راااااااااااجل بمعنى الكلمة ......وماتقليش انك راجل ....لأن الرجولة فعل مش كلام ....وفرق كبيييييييييير جدا بين الرجولة والذكورة ......تحياتى وأتمنى أنك تنفض من على ضهرك ريحة زمان وحال زمان اللى جبنا ل ورا وماادناش لكن أخد مننا كتير...

استاذى الفاضل خلاص المعلم صحا من نومه العميق وبدايرتب افكاره ويخطط لمستقبله والمطلوب من المعلم تحويل طاقة الغضب والاحتقان الى اشياء نبيله وخلاقة يستفيد منها ويفيد غيره والان كل ما هو مطلوب فى هذة المرحلة تحقيق اهداف هذة المرحلة كى ننتقل الى مرحلة اخرى واهم اهداف هذة المرحلة تصحيح الوضع المادى للمعلم والقضاء على عناصر الفساد داخل اقة مؤسسة التعليمية واهمها اقالة الوزير وحل نقابة المعلمين لاعادة صياغة نظام جديد

ياريت الكل يفوق ويصحصح علشان ناخد حقنا ونرجع لينا كرامتنا المهدورة

ولازم ناخد حقنا المهضوم من زمان وكفاية ذل ومهانة بقى للمعلمين

المعلم فاااااااااق من النوووووووووووم
و ناوى يرجع حقه بالذوق أو القوة
بس نكون كلنا "إيد واحدة

بارك الله فيك أبو رضوى وسدد خطاك

لن يضيع حق وراءه مطالب
أخى المعلم /
حقك وحق أولادك أن تعيش عيشة كريمة ، لا أن تلهث وراء متطلبات الحياة التى تزداد يوما بعد يوم .

وا عجبا كيف يمنح الإستقرار للتلاميذ من لا يحس بالإستقرار أصلا ، وكيف يعلم الكرامة من أهينت كرامته قى كادر مهين وإمتحانات مخجلة ودريهمات لا تغنى ولا تسمن من جوع ؟

أتراه يعطى بالصف من حرم الحد الأدنى للمعيشة ، ويلهث باقى يومه من أجل لقمة العيش ؟ أتراه يعطى وهو يرى تلاميذه من حملة المؤهلات الأدنى يأخذون راتبا أكثر من راتبه فى كثير من الوزارات والشركات التابعة للدولة ؟

هل النظام البائد يكرمنا والثورة المجيدة تهيننا ؟
هل آن الأوان أن نقول لمبارك ونظامه الفاسد وا أسفا عليكم ليت أيامكم تعود ؟

أتراهم يشجعوننا لإعطاء الدروس الخصوصية ، وأن تمد أيدينا إلى الطالب إضطرارا ؟

ماذا جينت أيها المعلم الأبى الذى علمتنى وعلمتهم ، هل جزائك أن تحرم من أدنى موقومات الحياة ، وهل جزاء الإحسان إلا الإحسان ؟

هل تقدرون أن أطأطىء الرأس خجلا و إبنى يطلب منى مصروفا مثل مصروف ابن عامل فى شركة كهرباء ؟

كل موظفى الدولة أعطتهم الثورة وحرمت المعلمين ، فما جريمتك أيها المربى الفاضل ؟
درجاتنا موقوقفة ، وترقياتنا معطلة ، وحوافزنا متدنية ، وملأوا الدنيا ضجيجا بأرقام لا تسمن ولا تغنى من جوع ، فهل نطعم أولادنا أرقاما ؟

أيها العقلاء أدركوا السفينة قبل أن تغرق
والله المستعان