بسم الله الرحمن الرحيم

استكمالا لما بدأناه في ذلك الموضوع يوميات التحويل في المنصورة (http://thanwya.com/vb/showthread.php?t=360203) نقولكم إيه اللي حصل النهارده
انا قولت اطلع ذكي النهاردة و اصحي بدري علشان ألحق في الأول فصحيت الساعة 8 و وصلت هناك علي 9 إلا 10 كده و كانت الصدمة بوجود أعداد كبيرة جدا و إذا بشخص يقوم بلصق ورقة توضح انه تم تقسيم التحويل علي دفعات يعني كان المفروض النهاردة طب و بكرة هندسة فلقيت الأعداد زي ما هي و تساءلت هل كل هذه الأعداد طب !!!!!!
و في تمام الساعة التاسعة و خمسة بتوقيت المنصورة :p تم فتح الباب و إذا بأعداد غفيرة تقتحم المدينة و وجدت كل شبابيك الدفع عليها زحمة فلقيت واحد خفيف شوية و روحت وقفت و طبعا ولا كان في نظام و لا طابور و لا أي حاجة عبارة عن همج و كمان مكنش في مكان للبنات نهائي و الأمهات عماله تزعق للي واقفين علشان يسيبولهم مكان و لا حياة لمن تنادي
و لكن معقول كل دول طب و الاجابة طبعا لأ علشان البهوات بتوع الكليات التانية لم ينسوا انهم مصريين و كان معظم اللي قدام الشباك مش طب و الراجل مش راضي ياخذ منهم الورق و البهوات بيرزلوا و مش راضيين يمشوا يعني حاجة قمة في التناحة و طبعا علشان الحكومة ما بتجيش غير ب ..... فالراجل اللي بتدفعله الفلوس اخذ من كله يعني يرضي مين ده يعني ما المفروض كل واحد يحترم نفسه و يجي في يومه لكن طبعا الناس المحترمين بس اللي عملوا كده
المهم طبعا كان مسلسل زي بتاع امبارح و بعد كده وصلت للشباك بعد وقت طويل لاني كنت مخنوق و مرضيتش أزق و كده و فضلت واقف و خلاص مش فارقه الاول من الآخر و و كان في جوه اثنين رجاله و واحده ست و كان واحد من الرجاله بياخذ الورق يفحصه و الثاني كان بيعمل الوصولات و يدبسها في الورق و طبعا انتم عارفين الست دي كانت بتعمل ايه ؟ اكيد كانت بتكلم و تنظم الورق و بعد ما الراجل أخذ مني الورق مشيت و انتهت رحلة العذاب مع التحويل .
. تمت .
24 أغسطس 2011


و للأخوة هنا أقولكم بعض الملا حظات :

1 - الورق المطلوب هو ( طلب التحويل - شهادة نجاح الثانوية العامة - بطاقة الترشيح - وصل نور أو ميه أو كهرباء معدي عليه أكثر من 6 أشهر )و أنا كنت مديله وصل نور من 2009 و وصل غاز من 2010 و وصل تليفون من 2011 و هو أخذ وصل النور و الغاز بس و مأخدش صور البطاقة و لا شهادة الميلاد بس أكيد الحكاية دي بتختلف من جامعة لتانية .

2 - و بخصوص الوصل مكنش في حد بيأخذ الوصل لأنه كان بيدبس في الورق و لو كان في حد أخذه امبارح كان بيروح يوديه لشباك تاني فهما طبعا شعارهم راحة المواطنين فسهلوا علينا الحكاية دي يعني اللي مأخدش وصل ما يقلقش و يسأل برضه لو كان حد أخذ وصل امبارح و لا لأ علشان يطمن .

3 - و بخصوص النتيجة واحد سأله انا اعرف أزاي نتيجة التحويل فرد عليه بقرف كده و قاله تعالي أول يوم في الدراسة و واضح كده انه ما يعرفش حاجة .

4 - و آخر نصيحة بقه محدش يروح بدري علشان هيلاقي زحمة يعني روحوا بعد الساعة عشرة كده هتلاقوا الدنيا أهدي شوية .

انا كمان لسه راجعه بس للاسف كنت راحه من بدرى
بس انا كنت واقفه على شباك بيقبل كل الكليات ..انا حولت صيدله وما خدتش وصل .
حد عارف النتيجه امتى ؟؟؟

هههههههههههههههههههه و الله مسخره هناك الهكسوس و التتار كانوا فى نظام عن الموضوع هناك و الحمد لله انى مش لوحدى اللى قلت عليهم همج

علفكره فعلا هما مش عارفين حاجه هناك ع الشبابيك بس ع حد اللى سمعته من بعض الناس انهم سالو ناس هناك و قالو بعد العيد اكيد و فيه عضو هنا قال انه هيبقى يوم 5/9 و ده كلام اكيد فى موضوعك التانى

انا كمان لسه راجعه بس للاسف كنت راحه من بدرى
بس انا كنت واقفه على شباك بيقبل كل الكليات ..انا حولت صيدله وما خدتش وصل .
حد عارف النتيجه امتى ؟؟؟
ما هو محدش أخذ وصولات خالص و كان الوصل البامبي بيدبس في الورق
هههههههههههههههههههه و الله مسخره هناك الهكسوس و التتار كانوا فى نظام عن الموضوع هناك و الحمد لله انى مش لوحدى اللى قلت عليهم همج

علفكره فعلا هما مش عارفين حاجه هناك ع الشبابيك بس ع حد اللى سمعته من بعض الناس انهم سالو ناس هناك و قالو بعد العيد اكيد و فيه عضو هنا قال انه هيبقى يوم 5/9 و ده كلام اكيد فى موضوعك التانى
ما هو أكيد بعد العيد
يعني هو اول يوم الدراسة مش بعد العيد ؟؟:p
بس ما اعتقدش انها بعد الدراسة خالص
لأني ابن عمي كان محول في 2009 و النتيجة طلعت في الأسبوع اللي قبل الدراسة

و علي العموم الحمد لله أننا خلصنا من الموال ده و يا رب التحويل يتقبل

طب ياجماعة فى استفسار بسيط دلوقتى نروح نقدم ف الكلية الى جات فيها بطاقة الترشيح ولا دة ممكن يتسبب فى الغاء التحويل

لان فى ناس بتقول ان النتيجة بعد العيد او على الدراسة

بمعنى ان لقد الله لو التحويل اترفض كدة لحد الان مش هنكون سجلنا فى اى كلية وممكن السنة تروح علينا


ولا منسجلش ,,,,,,,,,,, ارجو الافادة

ما هو أكيد بعد العيد
يعني هو اول يوم الدراسة مش بعد العيد ؟؟:p
بس ما اعتقدش انها بعد الدراسة خالص
لأني ابن عمي كان محول في 2009 و النتيجة طلعت في الأسبوع اللي قبل الدراسة

و علي العموم الحمد لله أننا خلصنا من الموال ده و يا رب التحويل يتقبل

طب الحمد لله ربنا يسهل و فعلا تظهر قبل الدراسه و ربنا يتمها علي خير
طب ياجماعة فى استفسار بسيط دلوقتى نروح نقدم ف الكلية الى جات فيها بطاقة الترشيح ولا دة ممكن يتسبب فى الغاء التحويل

لان فى ناس بتقول ان النتيجة بعد العيد او على الدراسة

بمعنى ان لقد الله لو التحويل اترفض كدة لحد الان مش هنكون سجلنا فى اى كلية وممكن السنة تروح علينا

ولا منسجلش ,,,,,,,,,,, ارجو الافادة
هو صراحه محدش عارف الحكايه دى فيه اعضاء معانا قالو مترحش و فيه اعضاء قالو روح فالله اعلم بقى >_<

طب الحمد لله ربنا يسهل و فعلا تظهر قبل الدراسه و ربنا يتمها علي خير

هو صراحه محدش عارف الحكايه دى فيه اعضاء معانا قالو مترحش و فيه اعضاء قالو روح فالله اعلم بقى >_<



والله انا بحاول اسأل ولو عرفت حاجةة هبلغلها على طول وياريت اى حد يعرف حاجة عن الموضوع دة يقولها ضرورى لان دة موضوع مستقبل وبجد انا مش عارف لية هما بيعملو كدة معانا الواحد والله اعصابة تعبت اووووى
.................... وشكرا ليك

ربنا ييسر الحال و الشكر لله

انا عاجبنى اوى اسم الموضوع.........يوميات التحويل فى المنصورة

دا لحد الجزء الكام عشان اتابع معاكوا بس...........هههههههههه

عموما يا استاذ احمد انا سمعت ان حضرتك ممكن تدخل الكلية اللى بتحـــــــــــــول اليها بوصل الدفع

بس انا مش عارفة ازاى حضرتك هتدخل وانت مش معاك الوصل ده

عشان انا عندى على الوصل فوق موجود رمز جامعة اسكندرية .........دليل على ان الوصل تبع الكلية فا ممكن ادخل

الله يوفقك ويوفقنا جميعا ان شاء الله

هيدخل ببطاقة الترشيح الي جاتلو في ناس في المنصورة عملو الحكاية دي و دخلو و بعدين يا جماعة قلقانين ليه هتعرفوا تدخلوا يعني بذمتكم مفيش حد من اصحابكم قرايبكم دخل مثلن تجارة و جه من الكلية سألتو عملت ايه قالك والله انا حضرت محاضرتي و طلعت لهيثم في طب احضر معاه محاضرتين ., ولا مفيش حد من اصدقائك في الثانوي زوغ من المدرسة وقالك انا نازل الجامعة اهيس شويا . .
و لو الحكاية دي قلقاكم خدو والدكم او والدتكم او ولي امركم معاكم , , , و باذن الله مفيش اي مشاكل .
بخصوص التقديم من عدموا انا هسأل يوم السبت في شئون المنصورة . + لو حد سأل قبلي و عندو معلومة غير هاي لايت يقول هههههههههههه’’’ بس هاي لايت عايز اقول حاجة . هوا ممكن قاللوك قدمي لانو ممكن تروح عليكي المدينة الجامعية . بس هسأل برضوا اعتبري ما قلناش اي حاجة

أعتقد أن أول أسبوع في الدراسة ده بيبقي فيه دربكه و بتكون الحكاية مفتوحة علي البحري و فعلا كلامissac-newton (http://thanwya.com/vb/member.php?u=401989) صحيح كانت بتحصل كتير و بعدين معتقدش أن الدراسة هتبدأ 17 - 9 زي ما قال الوزير عشان بيتهيألي هيبقي الاسبوع اللي قبلها انتخابات مجلس الشعب و شكلها كده مش مبشرة

و highlight (http://thanwya.com/vb/member.php?u=573403)
كده خلاص اليويميات خلصت هههه و أعتقد الحكاية مش لازمها وصل و لا حاجه لأن عندنا في المنصورة محدش أخذ وصولات

-----------------

و فعلا حكاية نقدم و لا لأ مقلقة لأن الواحد خايف التقديم يروح عليه بس بإذن الله كل حاجه ربنا هيسرها ما احنا برده من أسبوع كنا قاعدين كده مش عارفين حاجه عن التحويل و بعدين كل حاجه تم توضيحها

عامة التعليم العالي , , , لسا ما قالوش امتى اخر كلام بتوع التعليم هما الي وجعوا دماغنا , , , في الغربية فيه مدرسة قالت لوالدتي نو جالهم نشره ان موعد الدراسة 3 اكتوبر . ربنا يسهل و بعدين هما يبقا هبل لو يخلوا فيه دراسة و بعدين بعد اسبوع تحصل انتخابات دا العبط بعينوا و مش بعيدة على مسؤلي مصر , ربنا يسهل و يخلوها وقت ما يخلوها بس النتيجة تبان . قبلها

هيدخل ببطاقة الترشيح الي جاتلو في ناس في المنصورة عملو الحكاية دي و دخلو و بعدين يا جماعة قلقانين ليه هتعرفوا تدخلوا يعني بذمتكم مفيش حد من اصحابكم قرايبكم دخل مثلن تجارة و جه من الكلية سألتو عملت ايه قالك والله انا حضرت محاضرتي و طلعت لهيثم في طب احضر معاه محاضرتين ., ولا مفيش حد من اصدقائك في الثانوي زوغ من المدرسة وقالك انا نازل الجامعة اهيس شويا . .
و لو الحكاية دي قلقاكم خدو والدكم او والدتكم او ولي امركم معاكم , , , و باذن الله مفيش اي مشاكل .
بخصوص التقديم من عدموا انا هسأل يوم السبت في شئون المنصورة . + لو حد سأل قبلي و عندو معلومة غير هاي لايت يقول هههههههههههه’’’ بس هاي لايت عايز اقول حاجة . هوا ممكن قاللوك قدمي لانو ممكن تروح عليكي المدينة الجامعية . بس هسأل برضوا اعتبري ما قلناش اي حاجة

يا نهار ابيض.........ههههههههههههه

اقدمله بطاقة الترشيح اللى مكتوب فيها المنيا..........هههههههههههههه

دا شكله هيعلقنى من قفايا و يرمينى برة..........

عموما يا ستاذ نيوتن انا مش هنطق خااااااااااااااااالص ولا هقول اى معلومات تانى عن اى حاجة

انا هنا هدخل اشوف الجديد وامشى على طوووووووووووووول

وانا فعلا قدمت ف المنيا و للمدينة الجامعية (بس محدش يفهم انى قدمت فى المدينة الجامعية دى غلط)

وكل واحد يعمل اللى يريحه انا مش هقوووووووووول اى شــــــــــــــئ لحد ما استاذ نيوتن يسال و يقلنا

بس بردو انا عايوة اقول حاجة لحضرتك يا استاذ نيوتن.......اللى حضرتك هتعرفه مش هيمشى على كل جامعات مصر

بصوا يا جماعة
التقديم ده مش شرط دلوقتى
لانى ايام ما قدمت فى 2004 كان يه ناس بتقدم بعد الدراسة ما بدات
يعنى ماتقلقوش ان شاء الله
ويارب النتيجة تظهر بعد العيد على طول

بصو يا جماعه كلمه اخيره حطوها فى اعتباركو انتو خلاص عملتو التحويلات القلق الزايد ده ممكن لقدر الله ينقلب لعدم ثقه بالله انا ليا اصحابى مرعوبين بمعنى الكلمه و دى حاجه مش مطمئنه خلاص احنا كل اللى علينا عملناه سيبو الامر لله و اللى عايزه ربنا هيكون و متقلقوش ^^

و لكن معقول كل دول طب و الاجابة طبعا لأ علشان البهوات بتوع الكليات التانية لم ينسوا انهم مصريين و كان معظم اللي قدام الشباك مش طب و الراجل مش راضي ياخذ منهم الورق و البهوات بيرزلوا و مش راضيين يمشوا يعني حاجة قمة في التناحة و طبعا علشان الحكومة ما بتجيش غير ب ..... فالراجل اللي بتدفعله الفلوس اخذ من كله يعني يرضي مين ده يعني ما المفروض كل واحد يحترم نفسه و يجي في يومه لكن طبعا الناس المحترمين بس اللي عملوا كده


اولا حضرتك بلاش تشتم الناس لان حضرتك ماتعرفش الناس راحوا ازاى انا هندسه ورحت النهارده وما اعرفش ان فيه جدول هينزل
ورحت انا وماما وانا تعبت جدا فى الطريق والطريق زحمه وطويل وبعدين مش كل الناس يعنى مش محترمين هى الحكومه ماشيه غلط ليه ما قالوش ان هيبقى فيه جدول وبعدين هناك كانت زحمه رهيبه زى ما يكون كل الناس هتحول المنصورة بس الحمد لله ماما قدمت ورقى وباحترام وياريت لو حد يعرف عن النتيجه يقول

بصوا يا جماعة
التقديم ده مش شرط دلوقتى
لانى ايام ما قدمت فى 2004 كان يه ناس بتقدم بعد الدراسة ما بدات
يعنى ماتقلقوش ان شاء الله
ويارب النتيجة تظهر بعد العيد على طول
يعنى يا جماعه اللى يعرف يرد ع السؤالين دول عشان نرتاح
لو النتيجه ظهرت بعد بدا الدراسه
1- هل يمكن حضور محاضرات الكليه المحول اليها قبل نتيجه التحويل او الكليه المحول منها قبل التقديم ؟
2- هل يمكن التقديم للكليه المحول منها بعد الفتره المحدده للتقديم؟
وبناء على ذلك نحدد اذا كنا نقدم دلوقتى او لا

[/FONT]
اولا حضرتك بلاش تشتم الناس لان حضرتك ماتعرفش الناس راحوا ازاى انا هندسه ورحت النهارده وما اعرفش ان فيه جدول هينزل
ورحت انا وماما وانا تعبت جدا فى الطريق والطريق زحمه وطويل وبعدين مش كل الناس يعنى مش محترمين هى الحكومه ماشيه غلط ليه ما قالوش ان هيبقى فيه جدول وبعدين هناك كانت زحمه رهيبه زى ما يكون كل الناس هتحول المنصورة بس الحمد لله ماما قدمت ورقى وباحترام وياريت لو حد يعرف عن النتيجه يقول
أسف لو كان كلامي أزعج حضرتك أو أي حد بس ليا تعقيب أن الجدول بتاع الكليات مش لسه نازل النهارده لأنهم قالوا كده يوم الثلاثاء و حضرتك تقدري تشوفي المشاركة رقم 23 في الموضوع ده و تتأكدي بنفسك http://thanwya.com/vb/showthread.php?t=360203
و أكيد حضرتك مكنيش تعرفي الجدول ده طيب انا واحد يومي النهاردة زمبي ايه افضل متزنب في الزحمة دي كلها هو مثلا بتوع طب هيجوا يعملوا بكره زي ما اتعمل النهاردة و كان المفروض مثلا بتوع الكليات التانية يرحوا شوية و كان زمان اللي يومهم النهاردة خلصوا و مشيوا لكن اللي كان عامل الزحمة النهاردة ان اللي واقفين قدام الشباك مش طب و مش راضيين يمشوا يبقي المفروض دول بقه يبقوا ايه و اكيد حضرتك شوفتي ان مكنش في و لا واحده عارفة تحول و كمان كل واحد لبس دور الشهامة و اول ما يقف قدام الشباك يجيب كل اصحابه و يقفدملهم هل ده سلوك محترم ؟؟ و ده سبب الزحمة دي كلها المفروض كل واحد يستني دوره مش يقدم لخمسين واحد
و آسف لتاني مره لو كان تعليقي أزعج حد بس معلش علشان كنت متنرفز ساعتها

]quote=mostafahero;3889371]يعنى يا جماعه اللى يعرف يرد ع السؤالين دول عشان نرتاح
لو النتيجه ظهرت بعد بدا الدراسه
1- هل يمكن حضور محاضرات الكليه المحول اليها قبل نتيجه التحويل او الكليه المحول منها قبل التقديم ؟
2- هل يمكن التقديم للكليه المحول منها بعد الفتره المحدده للتقديم؟
وبناء على ذلك نحدد اذا كنا نقدم دلوقتى او لا[/quote]
ما هي دي الأسئلة اللي احنا مش عارفين جوابها

و نصيحة يا جماعة بلاش تسرع لان خلاص احنا عملنا الصعب و التقديم ده بيفضل مفتوح لفترة طويل و مش باللي بيلحق طالما اسمك متسجل في كلية يبقي مفيش مشاكل و عندك و بلإذن الله شوية كطده ناخذ نفسنا و بعدين كل حاجه هتبان

أسف لو كان كلامي أزعج حضرتك أو أي حد بس ليا تعقيب أن الجدول بتاع الكليات مش لسه نازل النهارده لأنهم قالوا كده يوم الثلاثاء و حضرتك تقدري تشوفي المشاركة رقم 23 في الموضوع ده و تتأكدي بنفسك http://thanwya.com/vb/showthread.php?t=360203
و أكيد حضرتك مكنيش تعرفي الجدول ده طيب انا واحد يومي النهاردة زمبي ايه افضل متزنب في الزحمة دي كلها هو مثلا بتوع طب هيجوا يعملوا بكره زي ما اتعمل النهاردة و كان المفروض مثلا بتوع الكليات التانية يرحوا شوية و كان زمان اللي يومهم النهاردة خلصوا و مشيوا لكن اللي كان عامل الزحمة النهاردة ان اللي واقفين قدام الشباك مش طب و مش راضيين يمشوا يبقي المفروض دول بقه يبقوا ايه و اكيد حضرتك شوفتي ان مكنش في و لا واحده عارفة تحول و كمان كل واحد لبس دور الشهامة و اول ما يقف قدام الشباك يجيب كل اصحابه و يقفدملهم هل ده سلوك محترم ؟؟ و ده سبب الزحمة دي كلها المفروض كل واحد يستني دوره مش يقدم لخمسين واحد
و آسف لتاني مره لو كان تعليقي أزعج حد بس معلش علشان كنت متنرفز ساعتها

اسفه جدا لو كنت شديده فى الكلام مع حضرتك بس انا ما قراتش المشاركه دى للاسف وكنت متضايقه اوى لانى تعبت اوى فى الطريق ورحت هناك لقيت زحمه جامده زى ما يكون مفيش غير جامعه المنصورة وبعدين الغلط مش علينا احنا الغلط على بتوع التنسيق كان فيها ايه لو كانوا قبلوا التحويل الالكترونى وبعد كده دفعونا ال 200 جنيه وبعدين الشباب ما ينفعش ان كان حد يقدم لحد المفروض كانوا يسيبوا الطابور يمشى عادى وانا كنت شايفه شكل كتير بين الشباب والموظف اللى على الشباك والست اللى كانت جوه عند الشباك الموظفه دى كنت متغاظه منها اوى وهى عماله تتكلم فى الموبايل وسايبه اللى يتشاكل يتشاكل وعلى العموم انا اسفه مرة تانيه لو كنت رخمه فى طريقه كلامى
وياريت تقولولنا نقدم ولا نعمل ايه

اسفه جدا لو كنت شديده فى الكلام مع حضرتك بس انا ما قراتش المشاركه دى للاسف وكنت متضايقه اوى لانى تعبت اوى فى الطريق ورحت هناك لقيت زحمه جامده زى ما يكون مفيش غير جامعه المنصورة وبعدين الغلط مش علينا احنا الغلط على بتوع التنسيق كان فيها ايه لو كانوا قبلوا التحويل الالكترونى وبعد كده دفعونا ال 200 جنيه وبعدين الشباب ما ينفعش ان كان حد يقدم لحد المفروض كانوا يسيبوا الطابور يمشى عادى وانا كنت شايفه شكل كتير بين الشباب والموظف اللى على الشباك والست اللى كانت جوه عند الشباك الموظفه دى كنت متغاظه منها اوى وهى عماله تتكلم فى الموبايل وسايبه اللى يتشاكل يتشاكل وعلى العموم انا اسفه مرة تانيه لو كنت رخمه فى طريقه كلامى
وياريت تقولولنا نقدم ولا نعمل ايه
لأ عادي مفيش مشاكل و لا يهمك
و إذا كان في غلط فهي وزارة التربية و التعليم و اللي وضعوا الامتحانات اللي بهدلوا الدنيا بالامتحانات التافهة و الغش و اللي اتسبب في الارتفاع الجنوني في المجاميع و الأعداد الكبيرة للمجاميع التكرارية و نلتمسلك العذر انت و باقي الزملاء بالتاكيد لان العيب مش علينا لكن العيب علي الموظفين اللي هناك اللي معندهمش اي احساس بالمسئولية و مش عارفين ان كل الاعداد دي جاية
و بخصوص التقديم لسه مش عارفين هنعمل ايه

يا رب يكون موضوع مفيد