اوجد مجال الدالة جذر س -1 على جذر س+3, -1 اعمل ايه و(-1)دي بره الجذر اللي في المقام
عارف بنعمل ايه غي حالة الجذور بس دفيه ناقص واحد بره الجذر اللي في المقام

انا بعتلك الاجابة س اكبر من او تساوى 1 بس الاول اعرف يعنى ايه مجال وانت تحل اى حاجة المجال هو مجموعة قيم س المعرفه عليها الدالة يعنى ايه القيم اللى احطها ل س تطلعالدالة موجودة هنا عندنا 3 حالات : اولا فى البسط جذر س - 1 يبقى لازم الاول نشوف قيم س اللى تخلى الجذر موجود اصلا يبقى لازم اللى تحت الجذر ميبقاش سالب ومعنى مش مسالب يعنى صفر او موجب يبقى نعملها متفاوتة (متباينه) س-1 اكبر او تساوى صفر تطلع س اكبر من او تساوى 1 ودة رقم واحد (1)
ثانيا الجذر اللى تحت لازم يبقى اللى تحتيه موجب او صفر يبقى نعمل متباينه س+3 اكبر من او تساوى صفر اذن س اكبر من او تساوى-3 (2)
ثالثا يجب الا يساوى المقام الصفر المطلق وهنعملها متباينه
جذر (س+3)-1 اكبر من الصفر (وليس اكبرمن او يساوى)
اذن جذر س+3 اكبر من 1
بتربيع طرفى المتباينه
س+3 اكبر من 1
س اكبر من 2- (3)
المفروض نجيب التقاطع (وليس الاتحاد) اعملها انت وهتطلع س اكبر من او تساوى 1 (جرب كدة اى قيمة ولو اقل من الواحد بواحد من عشرة هتلاقى الدالة غير موجودة جرب بالواحد هتلاقيها موجودة جرب باى رقم اكبر من الواحد هتلاقيها موجودة يبقى هو دة المجال ) اسف على الاطالة
khaled yassien

انا الللي اسف على اازعاجك وتعبك معيا ربنا يخلي حضرتك لينا يارب كل ده علشان مسألتي والله ماعارف اشكرك ازاي ياخويا ده ادتني اجابة ولا مدرسين الرياضيات انا عارف يعني ايه مجال وخدت الحمد لله كل التعريفات الاولى الخاصة بالدوال الحقيقة بس الحالة دي بس هي اللي كانت ملخبطاني بصراحة كل كلمات الشكر تعجز عن التعبير وقاعد متهم اني لازم اعرف الحل مش يايدي شيء اعملهولك غير اني اقولك ربنا يوفقك يارب وتكون من الاوائل ومرسي اوي على جمايلك اللي مغرقاني
اخوك جهاد

بس يعني اللي انا مستغربه ازاي نحط الرقم اللي بره الجذر في المتباينة يعني مثلا جذر س+2 -1 مع ان ناقص واحد مش معاهم في الجذر تبقى المتابينة س+2-1 اقل من او يساوي الصفر والقانون بيقول ماتحت الجذر مش ماتحت الجذر واللي جنبه وحاجة اخيرة بعد ماجيب مجال الدالة الاولى والتانية والمجال المشترك مفيش اصفار مقام علشان هي دالة على دالة المثال اهو
2
ـــــــــــــــ
جذر س-2 -1 والواحد بره الجذر مجالة الدالة الاولى ح والتانية بقا ماتحت الجذر وكمان -1 معاه اكبر من الصفر اقصد اخد ال -1 في المتباينة وهل في اصفار مقام ولا لأ هو ده السؤال الصحيح وسامحني على كترت زني اصل الحجات الدقيقة دي مبلقهاش في المذكرات وانا منازل ومش لاقي والله حد يفهمني

السلام عليكم ورحمة الله وبركاتة
مفيش ازعاج بس ركز فى دة بص
اولا اول خطا ليك انك لما كتبت المثال قولت مجال الدالة الاولى ح اكبر غلط اللى فى البسط والمقام على بعضها كلها كدة دالة لا يمكن تقسيمها ثانيا انت عاوز تجيب مجال دالة يعنى قدامك خيارين لابد منهما : اولا اصفار المقام ودة شىء مفروغ منه وهرجع اقوله فى الاخر بالتفصيل
ثانيا ماتحت الجذر لابد وان يكون موجب مش سالب (يعنى كميه تخيليه)
يعنى لو قاابلتك دالة فيها جذر قبل ماتبدا فى الحل لازم تشوف امته اللى تحت الجذر يبقى موجب او صفر ودة بنمثله بمتباينه مثلا : جذر س - 3 عاوز تشوف امته اللى تحته موجب او يساوى صفر يبقى خلاص الجزء دة اتحل تقول س-3 اكبر من او يساوى صفر وتحل المتباينه
بالنسبه لاصفار المقام لالالالالالالالابد وان يكون المقام لايساوى صفر ابدا يبقى لو فى المقام س-5 يبقى اصفار المقام هى 5
تمام لحد هنا؟؟؟؟؟
ممكن بقى يضربلك عصفورين بحجر زى المساله دى يجيب جذر فوق وجذر تحت وحاجة برة الجذر تعمل ايه بقى؟؟ تمسك اولا اللى تحت الجذر وانت عندك جذرين واحد فى البسط والتانى فى المقام تقوم تشوف اولا الللى فى البسط نشوف امته اللى تحته يبقى موجب او صفر ونعملها متباينه ونحلها ونسمى دى رقم واحد
تجيب الجذر اللى فى المقام وتعمل معاه نفس اللى عملته فوق تشوف اللى تحت الجذر امتى ميبقاش سالب(موجب او صفر)
وتحل المتباينه وتسمى دى رقم اتنين
اطلع كدة للسطر الرابع تقريبا فى المشاركة دى هتلاقينى كاتب شرطين او خيارين اصفار المقام والجذر احنا دلوقت فى الخطوتين واحد واتنين حلينا مشكلة الجذر يبقى حققنا شرط من اللى كتبته فى السطر الررابع ناقصلك شرط الا وهو اصفار المقام
ازاى بقى تجيب اصفار المقام
ايا كان اللى فى المقام جذر مش جذر لازم تساوى كل اللى فى المقام بالصفر المطلق وتحل المعادلة فى المشاركة الاولى كانت متباينه اسف تسرع بس
عندك جذر س+3 - 1 = صفر
جذرس+3= 1 (بالتربيع)
س+3 = 1 اذن س = 2- يبقى انت ما عليك الا انت تستبعد العنصر 2- من المجال لو طلعلك فيه يعنى لو طلع المجال س اكبر من 3- مثلا يعنى تقوم تقول س اكبر من -3 فرق العنصر 2-
هنا بقى انت اصلا هتجيب تقاطع الفترتين مش هيطلع معاهم سالب 2 ولو طلع يعنى استبعدة بس كدة و مفهمتش قول وبلاش تشكرنى لو سمحت
khaled yassien

ازاي بلاش اشكرك وكل اللي بتعمله معايا ده وعايزني مشكركش ليه انا بقى ابقى ندل دي يجي تالت مسألة تفهمهالي وياريت مرة وحدة الا انك بتكرر الشرح وبالتفصيل دي اقل حاجة ممكن اقدامهالك وياسيدي انا الحمد لله فهمت كويس اوي واوعدك هحل عليه وسامحني لو مكنتش فهمت الشرح من اول مرة اعذرني لسه جديد في الثانوية العامة ربنا يارب يوفقك علشان كل اللي بتعمله معايا ده وبرده هشكرك شكرا شكرا شكرا لانك فعلا تستاهل اكتر من كده

اخر حاجة معلش انا كده فاهم صح
5 على جذر س -2 يبقى المجال ]2 ,ملانهاية [
جذر س -2 على جذر 3 -س يبقى المجال [3,2[ - {3}
2 على جذر س-2 -1 وناقص واحد دي بره الجذر يبقى المجال ]2,موجب مالانهاية [ - {3}
انا كده صح اصل لقيت مذكرة هتجنني في المثال التاني مش جايبهالمذكرة اصفار المقام وهل المثال الاخيرصحيح اصلي وانا بحل قولت ماتحت الجذر اكبر من الصفر وطنشت السالب واحد اللي بره انا والله فاهم الدرس كويس بس المسائل اللي زي ديه عايزة تركيز وسامحني على زني دكلوه واوعدك انو هيكون اخر سؤال
حلي ده صح

السلام عليكم ورحمة الله وبركاته
بسم الله الرحمن الرحيم

http://files.thanwya.com/do.php?img=6480
http://files.thanwya.com/do.php?img=6480

" اللهم انك عفو تحب العفو فاعفو عنا "