آلـسـلآم عـلـيـكـم و رحـمـه آلـلـه و بـركـآتـه .

آلـمـصـدر : - آحـد آلـمـحـولـيـن ورقـي .

شـوفـوآ يـآ شـبـآب هـقـيـس عـلـى صـآحـبـي .

جــآتـلـوآ هـنـدسـة بـورسـعـيـد , و كـآن عـآيـز يـحـول آلـمـنـصـورة
و قـدم فـي آلـتـحـويـل آلـورقـي .

قـآلـي : - لـمـآ آلـتـقـديـم بـدآ نـزـلـت قـدمـت فـي هـنـدسـة بـورسـعـيـد عـآديـ , , , و لـمـآ بـدآت آلـدرآسـة و آنـآ لـسـآ مـعـرفـش نـتـيـجـة آلـتـحـويـل كـنـت بـحـضـر فـي آلـمـنـصـورة و مـن وقـت لآخـر كـنـت بـسـآل فـي آلـشـئـون عـن نـتـيـجـة آلـتـحـويـل . و لـمـآ بـآنـت و آتـقـبـلـت ورقـي رآح آتـومـآتـيـك لـهـنـدسـة آلـمـنـصـورة .

تـمـآم ؟ :romarioxp6:

عآيز آضيف آنو و هو بيقدم في بورسعيد قآلهم على فكرآ آنآ عآمل تحويل للمنصورة .

طب معلش اعتبرنا اغبيه و قول عمل ايه بالظبط علشان انا خلاص كرهت التحويل للجامعه لليوم اللى فكرت اكتب فيه هندسه فى الرغبات

انا اعرف حد كدا بالظبط قدم طلب تحويل من هندسة بورسعيد للمنصورة وقالوا ان نتيجة التحويل هتبان اول الدراسة انا عاوزة اعرف هوا كدا كدا التحويل مضمون انه يتقبل ولا لأ يعنى الطالب يحضر فى المنصورة عادى وكدا كدا هوا فيها ولا ممكن ميتقبلش بعد كدا وبالنسبة للمدينة الجامعية بتبقى متاحة ليه ولا لأ؟؟؟؟؟؟ ارجو الافادة....

يعني الورق بتاعوا اتبعت من بورسعيد للمنصورة من غير ما يعمل اي حاجة ؟

شوفي يا بلاكو : - لما التقديم يفتح في الزقازيق هتنزلي تقدمي فيها عادي جدا و ابقي عرفيهم انك عاملة تحويل و في نفس الوقت هتابعي نتيجة التحويل بانت قبل الدراسة خير و بركة تابعي في شئون المنصورة بقا ورقك جه ولا لسا و هما هيجيبوه اتوماتيك من الزقازيق و مسئولين عنو , , , بانت بعد الدراسة اديكي بتحضري في المنصورة و بتسألي من وقت للتاني . بانت في اي وقت و ما اتقبلش هتحضري في الزقازيق . تمام ؟

منى سرحان

- بالنسبة للتحويل يحكمه
- التوفيق
- عدد المتقدمين للكلية + عدد الاماكن الشاغرة
- سرعة التقديم
- المجموع

عادي بيخلص ورقوا في الكلية الي جاتلو مدينة و كل حاجة و لو النتيجة اتأخرت ينزل يحضر في المنصورة و الله بان و اتقبل خير و بركة و رقوا هيروح المنصورة اوتوماتيك بان و اترفض يرجع يحضر في الحته الي جاتلو

عبدو : بالظبط كدا من غير ما يعمل اي حاجة الي عملوا انو قدم في بورسعيد و عرفهم انو عامل تحويل و حضر في المنصورة و سأل في الشئون عن النتيجة و الحمدلله اتقبل و قال نتيجتو بانت بعد الدراسة باسبوع و نص و المنصورة اعداد التحويل فيها لهندسة بتبقا كبيرة

يعنى للاسف فهمت صح طب يعنى لو متقبلش هحضر فى الزقازيق اازاى و اللى فاتنى ده هيبقى مصيره ايه

سؤال يا بلاكو , , , هيفوتك ايه بس , , , اصلن هتكوني رحتي المنصورة و الي فاتك انتي خدتيه + ما تقلقيش الدراسة بتنتظم بعد اسبوع ولا حاجة و السكاشن بعد اسبوعين في الاول شوية محاضرات تمهيدية ما تقلقيش ربنا معانا . .

ما اللى مقلقنى ان النتيجه تتاخر لشهر او اكتر و بيكون فيه اختلافات فى الدراسه ع حد علمى ربنا يستر و معانا فعلا

طالما عملاها بدري يبقا هتبان قريب باذن الله , , , اختلافات ايه بس دا انتي هتحضري في المنصورة يعني اقوى من الزقازيق لما تروحي الزقازيق و لقدر الله و ربنا ما يجبهاش مش هتلاقي اي حاجة اصعب من الي شوفتيه في منصورة

برده القلق واجب مهما كان السهوله و لعلمك دفعات الزقازيق مش عيال اغبيه و لا حاجه ربنا يستر مهما كان

طب هو النتيجه بتبان مع بعضها و لا اللى تحويله اتشاف بيخلص مع نفسه ؟؟؟

مش القصد مش بقارن كدا بلاك انا بقارن بيين الدكاترة و المعيدين في المنصورة احسن طبعا مش حكاية طلبة و طلبة . . .
لاء كل كلية لازم يخلصوا مع بعض عشان ينزل الكشف , , ,
ربنا هيطمنك باذن الله لا تقلقي

واخده بالى و اللى اقصده ان المعيدين دول مش هيبقو اغبيه برده و الحكايه سهله ده اعتقادى صحيح المنصورة احسن بكتير بس اكيد الزقازيق هتوصل فى مره تبقى كويسه مش زي ما احنا فاكرين اكيد و الاعتقاد ده بسبب اننا دفعه منحوسه حتى السهل هيصعب علينا :d

انا عاوزة اعرف ايه التحويل الورقى ده وده غير الى عالنت

حد يرد لانى اللى ع النت مقبلنيش ويقولى هو انتهى ولا لسه؟

ارجوكوا حد يرد ويقولى بنفع احول من حلوان للقاهرة

انا عاوزه اعرف ازاى التحويل الورقى وكمان انتهى ولا لسة وكمان ينفع احول من حلون للقاهرة

هنا كل حاجة عن التحويل الورقي
http://www.thanwya.com/vb/showthread.php?t=360238
اما من حلوان للقاهرة ما ينفعش لانهم في الاتنين أ

يا بلاك ما تفكريش في الزقازيق باذن الله انتي في المنصورة وش , , , و بكرا تشوفي . :romarioxp6:

اللهم آمين متشكرين يا بشمهندس و بالتوفيق اليك

لو سمحتوا يا جماعة ممكن حد يقولى لو يعرف التحويل الورقى بيقفل امتى لانى كنت عامل تظلم و الحمد لله خدت درجة و نص
و عملت تعديل الرغبات على موقع التنسيق بس مش عارف و لا هما عارفين نتيجة التعديل ده هتطلع امتى عشات اخد بطاقة الترشيح
انا المفروض باذن الله يجيلى صيدلة بنى سويف و كنت عايز احول صيدلة حلوان بس مش متفائل :]
و طبعا يعنى قلقان و مقضيها مشاوير طول رمضان
و لو حد عارف برده يعنى تعديل رغبات التظلم ده بيطلع امتى يا ريت يفيدنى و شكرا

ما تقلقش كلم مكتب التنسيق و اسال ع النتيجة 19468
و لما يجيلك و تحب تحول
هتنزل جامعة حلوان . و معاك
- بطاقة الترشيح
- وصل كهرباء من 6 شهور بالظبط باسم الوالد ( يعني شهر 2 سنة 2011 ) .
- صورة من استمارة النجاح
- 200 او 150 جنيه

و اعمل التحويل و باذن الله تيجي حلوان

- يا شبآب طآلمآ آلدراسة ها تتأجل يبقا نسأل النتيجة هتبان قبلها ولا لاء .
و لو بانت قبلها نقدم في الكلية الي جاتلنا على طول

شكرا ليك يا باشا على ردك هو اللى مقلقنى بس انى كلمت مكتب التنسيق و قالولى ما يعرفوش نتيجة التعديل هتظهر امتا ؛ فا انا بس كنت سمعت ان التحويل الورقى بيقفل بسرعة و ده اللى قلقنى فا هو يعنى لسه قدامه شوية ان شاء الله و لا ايه ؟