تعالووووووووو نتناقش................... [الأرشيف] - بوابة الثانوية العامة المصرية

الرهينه

02-02-2008, 10:09 PM

حبيبتى زى ما احمد قالك الفكره مش هتلاقلها قبول كتير واظن ده واضح

وبالنسبه لرأيى فى موضوع

ايه رايك فى دخول الفلسطينيين مصر و الطريقة؟؟؟ و هل تعتقد ان ده حاجة عادية و لا وراها ايد خفية

بصى يا ستى رأيى انا

انهم مجبورين على كده يعنى دول ناس جعانين وقاعدين فى بلدهم مش لاقيين لا اكل ولا شرب ولا دوا ولا كهربا

عايزنهم يعملوا ايه ؟؟ وخصوصا ان الدول العربيه خاصة دول الخليج قاعدين حاطين ايديهم ف مياه بارده وعاملين نفسهم مش شايفين حاجه

بس مصر وقفت جمبهم وساعدتهم ولا زالت تساعدهم ورغم انهم دخلوا مصر عافيه الا ان حسنى مبارك قال ان محدش يتعرض ليهم "شخصيه سياسيه بحته ما شاء الله"

بس عن جد الفلسطينين فيهم جبروت مش عارفه الصراحه جايبينه منين

يعنى انا دخلت فى حوار مع واحد فلسطينى يوم ما الفلسطينين دخلوا مصر "هو اساسا عايش فى القاهره" المهم بيقولى "ان العرب اغبياء ردا على واحد قاله ان الفلسطينين باعوا ارضهم ويستاهلوا اللى بيحصلهم" رديت على حكاية اغبياء بس ده مش موضوعنا
المهم هو قال ان مفيش حد بيساعدنا من العرب فالحين بس ياكلوا كبسه ويعدوا يتفرجوا
قولتله " واللى مصر عملته ولسه بتعمله معاكوا ده برده من صمن الغباء؟"
قالى "عشان ماتفتكروش انكم عملتوا جميله احنا دخلنا مصر بالعافيه "

وفى الاول والاخر دول مسلمين واحنا لو دافعنا عنهم هيبقى دفاعنا عشان حرمة الاسلام ومقدساتنا اللى موجوده فى ارضهم

سورى على الاطاله

شموخ مسلمة

02-02-2008, 10:13 PM

ردك جميل جداااااااااااااااا يا جيجو و بجد عجبنى

M I D O

02-02-2008, 10:15 PM

انا شايف ان احنا اىل محتاجين مساعدة !!

انا شايف انها بالعامية حركة جدعنه مش ليها لازمة خالص!!

M I D O

02-02-2008, 10:17 PM

شايف انه قرار مش حكيم خالص

شموخ مسلمة

02-02-2008, 10:18 PM

ميدو انا مش فهمت قصدك ممكن توضح شوية

شموخ مسلمة

02-02-2008, 10:35 PM

يعنى يا جماعة انتو شايفين ان الموضوع ده طبيعى ان الفلسطينيين يعملوه و يعملوه ليه و مين اللى مسئول عليه من السلطة الفلسطينية و

_GUIDE_

04-02-2008, 12:07 AM

يعنى يا جماعة انتو شايفين ان الموضوع ده طبيعى ان الفلسطينيين يعملوه و يعملوه ليه و مين اللى مسئول عليه من السلطة الفلسطينية و

يعنى انتى معترضه على طريقة دخولهم مصر ومش معترضه على تجوعهم
ناس جعانه شعب بيموت من الجوع هيعمل ايه قبل تفجير سور رفح بيوم النساء الفلسطنيات قاموا بمظاهرة على بوابة المعبر وتم تفريق المظاهرة بخراطيم المياه
احنا ليه ديما نبص على الحقيقة ولا الواقع من زاوية وحده يعنى انتى مثلا مفكرتيش قبل ما تسالى سوال زى ده وتقولى الطريقة اللى دخله بيها تسالى نفسك الاول
ايه اللى خلهم يعمله كده ؟

Ahmad™

04-02-2008, 12:09 AM

بصو يا جماعة بما اننا مش جيل فاشل و لينا تفكيرنا المستقل عن اباءنا او حكومتنا انا عملت الموضوع ده عشان نناقش فيه قضايانا المعاصرة سواء سياسية او اجتماعيية

والله سوف اترك الموضوع للفاشلين ليتكلموا مع بعضهم البعض

MohammeD el_SadaT

04-02-2008, 12:19 AM

بسم الله الرحمن الرحيم
السلام عليكم ورحمه الله وبركاته

لكل جيل صفاته وسماته فيه منها الكويس وفيه منها الوحش بس جيلنا ما شاء الله عليه
أغلب صفاته وسماته وحشه وللأسف قليل لما نلاقى له حاجه كويسه

بس يا ترى العيب فى مين
؟؟؟

إحنا
التربيه
الحكومه
الظرو ف

أنا رأيى كلنا غلطنا كل واحد بيرمى الحمل على التانى كله بيقول يلا نفسى كل بيبص لإيد غيره
كله باع ضميره

فلو إدونى الحكم وقالو ا إحكم على جيلك

هقول إحنا جيل ضايع وليس فاشل
جيل تاه فى ظلمات الدنيا وبحر العالم الواسع وملقاش إيد تشده لبحر الأمان

......................

شموخ مسلمة

04-02-2008, 02:31 AM

والله سوف اترك الموضوع للفاشلين ليتكلموا مع بعضهم البعض

شكراااااااااا يا احمد على المرور

بس لو احنا فاشلين مش كنا فكرنا فى السياسة و كان لكل واحد فينا رايه

شموخ مسلمة

04-02-2008, 02:41 AM

يعنى انتى معترضه على طريقة دخولهم مصر ومش معترضه على تجوعهم
ناس جعانه شعب بيموت من الجوع هيعمل ايه قبل تفجير سور رفح بيوم النساء الفلسطنيات قاموا بمظاهرة على بوابة المعبر وتم تفريق المظاهرة بخراطيم المياه
احنا ليه ديما نبص على الحقيقة ولا الواقع من زاوية وحده يعنى انتى مثلا مفكرتيش قبل ما تسالى سوال زى ده وتقولى الطريقة اللى دخله بيها تسالى نفسك الاول
ايه اللى خلهم يعمله كده ؟

اسلام لو قرات الموضوع وطريقة الكتابة كويس كنت هتعرف انى لسة بحب الفلسطينيين و كان مافيش حاجة حصلت بس انا اعتقادى و رايى

ان مش اللى محبوسين ف غزة هيسيبو ارضهم و ييجو عشان يدخلو مصر بالطريقة ده ايوة الطريقة غلط لانهم لو هيسيبو ارضهم كانو سابوها من بدرى لاسرائيل و ارتاحو مش الام اللى ضحت بابنها و شافته و هو بيموت قدامها اللى هتسيب ارضها اللى ساقتها بدم ابنها و تيجى عشان تضرب المصريين و مش الزوجة اللى ترملت هى اللى هتعمل كده و الابن اللى بيترفع فى وشه السلاح الابن الطفل البرئ هو اللى هيضرب المصريين و يسيب الاسرائيليين

سؤال تانى اشمعنى مصر اللى دخلوها مافى دول تانية ع الحدود زى سوريا و لبنان مش هقول الاردن لان فى بحر بينهم

بصو يا جماعة من الاخر كده انا من وجهة نظرى ان فى حد هو السبب هو اللى زرع كده بينا ليه الصحافة شغالة بان المصريين ما اخذوش سينا من اسرائيل عشان يسيبوها لفلسطين

فين سلطة حماس و السلطة الفلسطينية تتعاون مع مصر وتنظم الدخول اشمعنى اما اتحبس الحجاج ماعملوش مظاهرة و دخلو رفح!!!!!!!!!!!!!!!!!!!!!!!!! اكيد فى حاجة

و بكرر انا مش بلوم اى فلسطينى بس بلوم السلطة

و اخر حاجة سووووووووووووورى جدااااااااااا لو الموضوع ضايقكواو زعلكو بس انا قلت رايى و انا لما بدخل ع موضوع حد فيكم مش بتعامل معاه كده:(:(

شموخ مسلمة

04-02-2008, 02:46 AM

نسيت شكراااااااااا يا سادات ع رايك بجد جميل

MohammeD el_SadaT

04-02-2008, 02:48 AM

معلش أنا إتكلمت فى أول جزئيه ونسيت الجزئيه التانيه
بس رى عليها مش طويل
فلسطين شعب بينتهك على مرأى ومسمع من العالم كله من سنين كتير فاتت بصراحه تعبت من عدها
حصل فيهم وبيحصلهم كل ما يخطر ببالك من أساليب تعذيب وإنتهاك لكل معانى الإنسانيه كل ده ومحدش حرك ساكن ودافع عنهم والكل بيقول يلا نفسى
جايه إنتى تقولى إيه رأيك على طريقه دخولهم مصر
بيتهيأى إن ده سؤال أقل من إن حد يجاوب عليه
؟؟؟

شموخ مسلمة

04-02-2008, 02:55 AM

واضح ان مافيش حد قدر يفهم وجهة نظرى اوكى بس صراحة مش كنت متوقعة ان الردود كده انتو لو كان حد شلف ردى فى اى موضوع عن فلسطين كنتو هتعرفو ان انتو فهمتو غلط

ياريت لو سمحتو الموضوع يتحذف

MohammeD el_SadaT

04-02-2008, 03:05 AM

واضح ان مافيش حد قدر يفهم وجهة نظرى اوكى بس صراحة مش كنت متوقعة ان الردود كده انتو لو كان حد شلف ردى فى اى موضوع عن فلسطين كنتو هتعرفو ان انتو فهمتو غلط

ياريت لو سمحتو الموضوع يتحذف

ليه متقوليش إن إنتى اللى فهمتى ردودنا غلط
أنا عارف وحاسس باللى إنتى عاوزه تقوليه بس المشكله
إن إنتى اللى عرضتى القضيه بطريقه خطأ

شموخ مسلمة

04-02-2008, 03:17 AM

بصو يا جماعة بما اننا مش جيل فاشل و لينا تفكيرنا المستقل عن اباءنا او حكومتنا انا عملت الموضوع ده عشان نناقش فيه قضايانا المعاصرة سواء سياسية او اجتماعيية او..................

و اكيد ان شاء الله ده هيكبر عقلنا

اول موضوع انا عايزة اعرف رايكم فيه هيبقى سؤال هو ط

ايه رايك فى دخول الفلسطينيين مصر و الطريقة؟؟؟ و هل تعتقد ان ده حاجة عادية و لا وراها ايد خفية

لو تدققو فى اخر سطر (وراها ايد خفية ) معنى ده ان انا مش بلوم ع الشعب الفلسطينى

MohammeD el_SadaT

04-02-2008, 03:49 AM

تقصدى إيه بإيد خفيه
؟؟؟؟؟؟؟

شموخ مسلمة

04-02-2008, 03:52 AM

ان مش اللى محبوسين ف غزة هيسيبو ارضهم و ييجو عشان يدخلو مصر بالطريقة ده ايوة الطريقة غلط لانهم لو هيسيبو ارضهم كانو سابوها من بدرى لاسرائيل و ارتاحو مش الام اللى ضحت بابنها و شافته و هو بيموت قدامها اللى هتسيب ارضها اللى ساقتها بدم ابنها و تيجى عشان تضرب المصريين و مش الزوجة اللى ترملت هى اللى هتعمل كده و الابن اللى بيترفع فى وشه السلاح الابن الطفل البرئ هو اللى هيضرب المصريين و يسيب الاسرائيليين

سؤال تانى اشمعنى مصر اللى دخلوها مافى دول تانية ع الحدود زى سوريا و لبنان مش هقول الاردن لان فى بحر بينهم

بصو يا جماعة من الاخر كده انا من وجهة نظرى ان فى حد هو السبب هو اللى زرع كده بينا ليه الصحافة شغالة بان المصريين ما اخذوش سينا من اسرائيل عشان يسيبوها لفلسطين

فين سلطة حماس و السلطة الفلسطينية تتعاون مع مصر وتنظم الدخول اشمعنى اما اتحبس الحجاج ماعملوش مظاهرة و دخلو رفح!!!!!!!!!!!!!!!!!!!!!!!!! اكيد فى حاجة

و بكرر انا مش بلوم اى فلسطينى بس بلوم السلطة

و اخر حاجة سووووووووووووورى جدااااااااااا لو الموضوع ضايقكواو زعلكو بس انا قلت رايى (:(

حاول تفهم قصدى من الاقتباس ده

شموخ مسلمة

04-02-2008, 04:59 AM

_GUIDE_

05-02-2008, 12:24 AM

انا كان كل قصدى انى بجد حاسة ان فى لعب فى الموضوع يعنى حاسة ان فى ناس عايزة توقع بين مصر و فلسطين و الشعبين فعملت كده او عشان تبين مصر وحشة اما تدافع عن ارضها ماهو برضه العقل مش بيقول خالص ان اللى مش لاقيين اكل بقالهم فترة يروحو يقتحمو مكان و يعتدو على جنود معاهم اسلحة

و بعدين اشمعنى مصر من حدود فلسطين اللى يعملو فيها كده مع انها اكتر دولة مجاورة بتساعدهم

اقولك ليه ياستى
بصى انا هكتب رد مختصر كده بس حاولى تركزة معايا
نرجع بالتاريخ لوره شوية
الكونغرس الامريكى قام با ايعاذ من اسرائيل بخفض 100 مليون جنيه من المعونة او بمعنى اصخ علق الجزء ده وكان فيه كلام ان المبلغ ممكن يزيد وده بحجة ان مصر مش قادرة تظبط حدودها مع اسرائيل والانفاق وتهريب السلاح والكلام ده
اسرائيل بعد تضيق الحصار على الفلسطينين اتجهوا الى مصر ول تتزكرى مظاهرة الفتيات الفلسطينيان واللى قابلها رجال الامن المصرييت بخراطيم المياه
واللى خلت فيه حالة من الاستياء بسبب تصرف قوة الامن معاهم
نرجع لوراء تانى شوية
زيارة بوش الاخيرة للمنطقة لدفع عملية السلام زار مصر لمدة 3 ساعات فقط لكن لو رجعنا بالتاريخ لورءا نعرف ان بوش كانت مصر ديما محطته الاولى فى اى زيارة للمنطقة وهنا بان دور مصر المهمش والضغط اللى اسرائيل بتمارسه عليها
فى اليوم الثانى لمظاهرة الفلسطنيات على بوابة رفح قام مقاومين فلسطينين بتفجير الجدار الفاصل بين غزة ورفح وعبرت الجموع الفلسطينيه الى مصر
مبارك حب يستفاد من الحدث ده فى حاجتين
الاولى مبارك خرج بعد الحادث ده وقال انه لن يسمح بتجويع الشعب الفلسطينى وهنا هو كسب تاييد الشارع المصرى والعربى من خلال فتح الحدود مع انه فى الاساس مش هو اللى فتاحها ده هو اجبر على فتحها
النكسب التانى هو انه بيقول لى امريكا واسرئيل اوراق اللعب لسه فى ايدى
وانا اقدر اضبط الحدود واقدر افك الحصار واقدر اشدد الحصار لو انا عايز وان اسلوب التهديد مش بيجيب نتيجه
اعتقد ان مبارك كسب كتير جدا من الموضوع الاخير ده والدليل على ده هو ازدياد شعبيته لدى الشعوب العربية فى موقف فك الحصار واحتضان الفاصل الفلسطينيه (فتح - حماس )
ودى وجهة نظرى فى الاول والاخر وياريت اكون اقدرت اوصل فكرتى
وشكرا

شموخ مسلمة

05-02-2008, 12:38 AM

فكرتك وصلت يا اسلام و بجد فعلا رايا ممتااااااز جدااااااا _راى محلل سياسى _ بس انا حسيت فيه بكره جامد اوى لمبارك

_GUIDE_

05-02-2008, 12:50 AM

فكرتك وصلت يا اسلام و بجد فعلا رايا ممتااااااز جدااااااا _راى محلل سياسى _ بس انا حسيت فيه بكره جامد اوى لمبارك

ده شى طبيعى انى اكره الراجل ده يمكن يكون ليه حسنات بس سيئاته طغت على حسناته
بصورة اوضح انا عمرى ما هحب الحصا اللى بيدخل فى جزمتى

شموخ مسلمة

05-02-2008, 12:52 AM

ده شى طبيعى انى اكره الراجل ده يمكن يكون ليه حسنات بس سيئاته طغت على حسناته
بصورة اوضح انا عمرى ما هحب الحصا اللى بيدخل فى جزمتى

بس مش ممكن يبقى انت بنيت كل تحليلك للموضوع على كرهك ده

_GUIDE_

05-02-2008, 01:01 AM

بس مش ممكن يبقى انت بنيت كل تحليلك للموضوع على كرهك ده

لا طبعا لان التحليل فى اساسه لزم يكون موضوعى بيعرض وبيشمل كل الجهات والنواحى من زوايه مختلفه فى اى موضوع
ثم انا مش متحيز لفلسطين على حساب مصر ولا متحيز لمصر على حساب فلسطين
ثم انا مومن بالفكر الناصرى القائم على القومية العربية

MohammeD el_SadaT

05-02-2008, 01:15 AM

الموضوع كبر وكده الحكايه بقى فيها أمن دوله

مبارك حب يستفاد من الحدث ده فى حاجتين
الاولى مبارك خرج بعد الحادث ده وقال انه لن يسمح بتجويع الشعب الفلسطينى وهنا هو كسب تاييد الشارع المصرى والعربى من خلال فتح الحدود مع انه فى الاساس مش هو اللى فتاحها ده هو اجبر على فتحها
النكسب التانى هو انه بيقول لى امريكا واسرئيل اوراق اللعب لسه فى ايدى
وانا اقدر اضبط الحدود واقدر افك الحصار واقدر اشدد الحصار لو انا عايز وان اسلوب التهديد مش بيجيب نتيجه
اعتقد ان مبارك كسب كتير جدا من الموضوع الاخير ده والدليل على ده هو ازدياد شعبيته لدى الشعوب العربية فى موقف فك الحصار واحتضان الفاصل الفلسطينيه (فتح - حماس )

دا لو دل يدل على حنكه مبارك ودرايه الواسعه بإمور السياسه

شموخ مسلمة

05-02-2008, 01:44 AM

انا متفقة جداااااا مع السادات خاصة اخر سطر لان فعلا مبارك واكل الدولة اه بس مش هو اللى يسيب بلده و يسلمها لاسرائيل لانه دفع تمن الارض دى التمن اللى احنا مادفعناهوش

_GUIDE_

05-02-2008, 01:56 AM

انا متفقة جداااااا مع السادات خاصة اخر سطر لان فعلا مبارك واكل الدولة اه بس مش هو اللى يسيب بلده و يسلمها لاسرائيل لانه دفع تمن الارض دى التمن اللى احنا مادفعناهوش

انا متفق معاكى فى النقطة دى والدليل على ده ان موضوع بيع اراضى طابا لى مستثمرين يهود الغاء الصفقة والتجاء المستثمرين اليهود الى القضاء الدولى واتحكم ليهم بتعويض
ما يقارب 120 مليون دولار رغم انه اشتروا متر الارض فى طابا ب 35 قرش:D

شموخ مسلمة

05-02-2008, 02:30 AM

انا متفق معاكى فى النقطة دى والدليل على ده ان موضوع بيع اراضى طابا لى مستثمرين يهود الغاء الصفقة والتجاء المستثمرين اليهود الى القضاء الدولى واتحكم ليهم بتعويض
ما يقارب 120 مليون دولار رغم انه اشتروا متر الارض فى طابا ب 35 قرش:D

لا انا بتكلم من ناحية انه لما اسرائيل تدخل ان شاء الله مصر مش هيسلمها ع طول مش تخاف هههههههههههه

_GUIDE_

05-02-2008, 02:41 AM

لا انا بتكلم من ناحية انه لما اسرائيل تدخل ان شاء الله مصر مش هيسلمها ع طول مش تخاف هههههههههههه

يدخله مصر
مينفعش فى اعتبرات كتير للموضوع ده لو اسرائيل فكرت فى ده
احنا لينا التفوق تحبى نتكلم بتوسع فى الموضوع ده ؟

شموخ مسلمة

05-02-2008, 02:47 AM

اه ياريت يا اسلام نتكلم بتوسع لانى بحب جداااااااااااا اتكلم مع حد فى السياسة خاصة لو واحد فاهم اللى حواليه زيك

_GUIDE_

05-02-2008, 03:16 AM

اه ياريت يا اسلام نتكلم بتوسع لانى بحب جداااااااااااا اتكلم مع حد فى السياسة خاصة لو واحد فاهم اللى حواليه زيك

بصى ياملاك تعداد مصر حوالى 80 مليون واسرائيل تعدادهم حوالى 6 مليون
لو مصر حبت تعمل تعبئة عامة هيكون عندك حوالى 30 مليون مقاتل اما اسرائيل هيكون عندها حوالى مليون ونص
التفوق العدادى واضح جدا
بالنسبة للسلاح
مصر عندها اسلحة من مختلف دول العالم ده بجانب ان الدول العربية اللى ممكن تمدها بالسلاح موجوده
واسرائيل نفس النظام امريكا ممكن تمدها بالسلاح برضه وهنا هيكون فيه توازن الى حد ما فى القدرة التسليحية
السلاح النواوى هيكون بره المعادلة لان اسرائيل لو فكرت تضرب مصر بالنووى تاثيره هيتمد ليها فا بالتالى النووى بره الحسابات هو سلاح ردع فقط
ده بجانب ان الجيش الاسرائيلى مشغول ومتوزع فى الجولان وفى الاراضى الفلسطينيه والحدود اللبنانية
لو امريكا ادخلت الوضع مش هيختلف كتير لانها مشغولة بحروبها الخاصة فى العراق وافغانستان
ده بجانب انها هتكون محاطة من جانب العرب واسطولاها فى الخليج هيكون فى مرمه النيران المصرية وبطاريات الصواريخ ده بجانب الراى العام الدولى
ثم ان مصر عندها اهم ورقة ضغط فى الظروف الحالية وهى (قناة السويس) اللى لو اغلقت فى الظروف دى الاقتصاد العالمى بشكل عام والاقتصاد الامريكى بشكل خاص هينهار لان سعر برميل النفط هيضاعف اضعاف مضاعفة والاقتصاد الامريكى لا يحتمل المزيد من الهزات وهو فعلا فى طريقه للانهيار
فى حسابات كتير جدا قبل ما اسرائيل تفكر هى او امريكا انهم يهجمه مصر او اى دولة عربية اخرى
ياريت اكون وضحت وجهة نظرى بالشكل المطلوب

شموخ مسلمة

05-02-2008, 03:22 AM

_GUIDE_

05-02-2008, 03:30 AM

رايك بجد تحفة بس اسرائيل متهيالى الاول هتقلب الراى العام العربى قبل العالمى ع مصر زى موضوع الحجاج الموضوع ده كان فعلا ضغط ع ذكاء مبارك يعنى تخسر مصر دول كتير ممكن تقف جنبها و بعدين تضرب

و بعدين فى حاجة كمان ان اسرائيل دلوقتى بتحاول تفصل العرب عن بعضهم عشان مش يبقى فى تعاون خالص بينهم فطبعا هيسهل جداااااااا دخول اى دولة فيهم يعنى سوريا ولبنان واقعين فى بعض و عايزة توقع بين مصر و فلسطين وما خفى كان اعظم

كلامك مظبوط ده جزء من مشروع الفوضى الخلاقه اللى هى جزء من مشروع الشرق الاوسط الكبير اللى المحافظين الجدد حاوله يروجله تصغير المصغر وتجزاءت المجزاء نفس مشرةغ الاستعمار لكن هنا بيتم تحت شعار حقوق الانسان والحريات
انتى عارفة ان المشروع ده تم الاعداد ليه من سنة 91 بعد حرب الخليج بس ده حوار تانى

MohammeD el_SadaT

05-02-2008, 03:34 AM

شموخ مسلمة

05-02-2008, 03:35 AM

فعلا انا عرفت حاجات كتير جدااااااااا من الموضوع ده بجد استفدت منكم كلكم و خاصة اسلام و ان شاء الله فى مواضيع سياسة تانى هنطرحها
احنا اساسا شكلنا هيتقبض علينا امن دولة زى ما السادات قال

شموخ مسلمة

05-02-2008, 03:38 AM

إحنا أى نعم كتير ولو رحنا كل واحد طوبه هنخلص على إسرائيل بس متنساش إن فيه حاجه
إسمها سياسه دوله وإقتصاد
إنت تعرف دخل مصر دلوقتى حرب هيكلفها إيه
؟؟؟؟؟؟؟؟؟؟
هنرجع تانى لأيام العصر الحجرى لا حجرى إيه الجيرى
يا إسلام الكلام سهل لكن الفعل صعب
لما ترمى30 مليون مواطن يموت من 10 إنت الخسران آلاف مؤلفه بل ملاين من الأسر هتشرد
وعلى فكره اللى إنت بتفكر فيه ده
اللى إسرائيل وأمريكا نفسهم يحصل ساعتها
مصر هتتتلقى درس عمرها ما هتنساه هيردو هزيمه 6 أكتوبر
يعنى الألم ألمين
إحنا مش مستعدين لأى حاجه
لا عسكرياً ولا إقتصادياً
إحنا بنقول يا حيطه دارينا على ما نوقف على رجلينا

ولسه يا ما هدق على الرؤوس طبول

بص يا سادات احنا اكيد عارفين ان مصر مش حمل حرب تانى بس لو تراجع تاريخ شعب مصر انه بيبقى فى غفلته كالعادة و اول ما ييجى الاستعمار بيفوووووووووووق و يحارب و يصلح

فالمو ضوع كله ان اسرائيل هتدخل و نتهزم بعدين تحصل الحركات السياسية فى مصر زى ما حصل قبل كده و ع فكرة اسرائيل عن قريب ان شاء الله فى مصر فجهزو نفسكو

_GUIDE_

05-02-2008, 03:39 AM

إحنا أى نعم كتير ولو رحنا كل واحد طوبه هنخلص على إسرائيل بس متنساش إن فيه حاجه

إسمها سياسه دوله وإقتصاد
إنت تعرف دخل مصر دلوقتى حرب هيكلفها إيه
؟؟؟؟؟؟؟؟؟؟
هنرجع تانى لأيام العصر الحجرى لا حجرى إيه الجيرى
يا إسلام الكلام سهل لكن الفعل صعب
لما ترمى30 مليون مواطن يموت من 10 إنت الخسران آلاف مؤلفه بل ملاين من الأسر هتشرد
وعلى فكره اللى إنت بتفكر فيه ده
اللى إسرائيل وأمريكا نفسهم يحصل ساعتها
مصر هتتتلقى درس عمرها ما هتنساه هيردو هزيمه 6 أكتوبر
يعنى الألم ألمين
إحنا مش مستعدين لأى حاجه
لا عسكرياً ولا إقتصادياً
إحنا بنقول يا حيطه دارينا على ما نوقف على رجلينا

ولسه يا ما هدق على الرؤوس طبول

لا مهو فى حاجة اسمها المخزون الاستراتيجى وده موجد فى كل دولة
كل دولة بتكون فتحه ليها حساب بره فى عدد من البنوك ومن فوائد الاموال دى بتشترى سلاح ده بجانب ان بيكون عندها المخزون الاحتياطى من القمح وخلافه ثم اسرائيل تخاف جدا على الفرد عندها
لان المواطن اللى بيموت من الصعب انه يتعوض
وكمان اسرائيل بتعتمد بشكل كبير رغم انها دولة عسكريا على المعونة

MohammeD el_SadaT

05-02-2008, 03:50 AM

حوشيا حواش يا إسلام الشعب مش لاقى ياكل دى الناس بتاكل بعض
دا أنا سمعت إنم غلو الزفت
عشان المواطن معدش يلاقى حاجه يكولها
:(

_GUIDE_

05-02-2008, 04:15 AM

حوشيا حواش يا إسلام الشعب مش لاقى ياكل دى الناس بتاكل بعض

دا أنا سمعت إنم غلو الزفت
عشان المواطن معدش يلاقى حاجه يكولها
:(

ايوه بئا ب1500 جنيه الطن والزفت ده فى بعض افران العيش بتستخدمه بديل عن البنزين رغم انه ممنوع من الاستخدام با اوامر من وزارة الصحة والتموين
وبيسبب السرطان كمان

MohammeD el_SadaT

05-02-2008, 04:26 AM

ايوه بئا ب1500 جنيه الطن والزفت ده فى بعض افران العيش بتستخدمه بديل عن البنزين رغم انه ممنوع من الاستخدام با اوامر من وزارة الصحة والتموين
وبيسبب السرطان كمان

وتقلى نحارب يا راجل صلى على النبى
بلا كلام فاضى
عيش ندل تموت مستور

_GUIDE_

05-02-2008, 04:31 AM

وتقلى نحارب يا راجل صلى على النبى
بلا كلام فاضى
عيش ندل تموت مستور

او عيش حمار تموت في بياكم زى ما قال عالم اغتيل بعد كده :D

MohammeD el_SadaT

05-02-2008, 04:41 AM

او عيش حمار تموت في بياكم زى ما قال عالم اغتيل بعد كده :D

مين قال العلم نور
أكيد معرفش إن الجهل نعمه وراحه :(
أهو على الأقل مش عارف عشان كده مريح الطاسه ونايم فى الذره :D

الجرى نص الجدعنه
وإن كانت المرجله هلاك الشعب بلاشها

_GUIDE_

05-02-2008, 08:00 AM

خلاص يامحمد
مرجع للموضوع ولو فيه اى مناقشة عن اى موضوع سياسى ياريت نتكلم فيه

شموخ مسلمة

05-02-2008, 10:24 PM

gamal saber

05-02-2008, 11:05 PM

احنا ليه ديما نبص على الحقيقة ولا الواقع من زاوية وحده يعنى انتى مثلا مفكرتيش قبل ما تسالى سوال زى ده وتقولى الطريقة اللى دخله بيها تسالى نفسك الاول

ايه اللى خلهم يعمله كده ؟

يا جماعة اعتقد ان الموضوع دة اكبر من مجرد اختراق حدود مصر بطريقة غير مشروعة ودة شيى غير قابل للجدال او النقاش
لاكن الموضوع الا جدر بالنقاش هو نتائج الى حصل دة اولا كل الى حصل من تفجير حدود مصر ودخول اعداد كبيرة جدا من الفليسطينيين بطريقة غير مشروعة وعشوائية للاراضى المصرية كان بتخطيط مسبق من حركة حماس
هل فعلا كلام هيكل عن خطة اسرائل لاقامة وطن لاهل غزة فى مصر ويخلصو من همها نهائى صحيح
لو بصينا للموضوع من اولة هنلاقى ان اسرائيل بدات تقرف اهل غزة وتضغط عليهم بشكل غير طبيعى كان نتيجتها الى حصل على حدود مصر ودة ممكن يجعل الفرض الاخير يتمتع بشيى من المنطقية
وبناء على ذللك فان وجود اهل غزة فى مصر لفترة من الوقت شيى مقبول لا وكمان تحتمة روح الاخوة والتسامح فى الاسلام
لاكن وجودهم بشكل مستمر ودائم على ارض مصر وبالتحديد سيناء دة شيى غير مقبول لانة يعد اعتداء على سيادمة مرص الا قليمية وفرض سيطرتها على سائر اراضيها
كما انة يعد مساعدة للمخطط الصهيونى بالنجاح
وللاسف العرب يتحملو قبل اسرائيل مسئولية الى حصل على الحدود مع فلسطين
وفى الاخر احب اوجة شكر حقيقى من قلبى للرئيس محمد حسنى مبارك على تعليماتة بعدم التعرض للفلسطينيين وكمان لما اصدر قرارة بارسال كل انواع الوقود للعريش بعد ما نفذ كل انواع الوقود منها مع دخول الفلسطينيين فيها
لانة كان ممكن يتخذ خطوات عنيفة ضدد من فجرو الحود واقتحمو مصر بالعافية ومحدش كان هيقدر يلومة لانة ساعتها كان بيعمل على تحقيق قاعدة اساسية من قواعد القانون الدولى والدستور المصرى والى هو اقسم عليها فى اليمين الدستورية لرئيس الجمهورية بحماية امن الوطن وسلامة اراضية

شموخ مسلمة

05-02-2008, 11:11 PM

ردك جميل يا جمال بس هل فعلا كده فى تعدى ع مصر اقولك اه بس مين بقى من الفلسطينيين اللى تعدو او بداو بالتعدى وكمان فى زيهم فى مصر و عايزين السلطة

و الحدق يفهم

MohammeD el_SadaT

05-02-2008, 11:14 PM

لبنان وسوريا
ده رأى الشخصى

على ما أظن إننا كلنا عارفين إن سوريا دخلت في لبنان عام 1976 بطلب من الحكومة اللبنانية ومن الاطراف المسيحية بالذاتوالسبب انهم شعروا ان هناك فيه خطر على تواجدهم في لبنان وفي المقابل كانت القوى الوطنية والاسلامية في لبنان كانت هي المعارضة للدخول وكانت هناك معارك بين الجانبيين واما الهدف من التدخل السوري كان حفظ توازن بين القوى بين اطراف النزاع في لبنان , وبالفعل إستطاعت سوريا ان تقف في وجه تقسيم لبنان إلى دولتين مسيحيه وإسلاميه .
وخطة " هنري كيسينجر "المعروفة في السبعينات كانت تنص على نقل المسيحين ولانهم اقلية من لبنان إلى دول غربية وإعطاء الفلسطينيين وطن بديل لهم في لبنان ,ولولا تصدىسوريا لتلك الخطة لنجحو فى ذلك ولكن بحمد الله تم إحباط تلك الخطه .
وبعدين الحرب الأهليه اللى بتدور فى لنان الخاسر الأول فيها لبنان والخاس الثانى فيها سوريا الأول لبنان لأنهم هم أهلهاوسوريا لأنها تعتبر جارتها وأكيد النار هتمسها بالسوء ودى حاجه مفروغ منها متجيش تولع فى بيتك اللى جنب بيتى وتقولى إنت مالك هو بيتك

وكان الصراع العربي الاسرائيلي في لبنان بدل من فلسطين وكانت إسرائيل هي الرابح الاول من ذلك الصراع , وكانت المفاوضات السورية والامريكية تدور لشهور احياناً ولاجاد صغية توافق لوقف الحرب وجعل السلم للبنان ولكن كانت هناك اطرف مدعومة من إسرائيل تحرض وتوسوس وكانت لها يد في لبنان وليبقى لبنان حلبة الصراع بعيداً عنها . وكم من مرة كانت هناك اتفاقات حول انهاء الحرب والحل السلمي ولكن لم يكتب لها النجاح بل الفشل وده اللى هما عاوزينه طبعاً

لحد ما جه صدام وإحتل الكويت وتوجهت الانظار إلى الكويت ولم يعد لبنان الشغل الشاغل بالنسبة لامريكا ومصالحها في المنطقة وكانت امريكا تريد ان يقف معها كل الدول العربية ومنها سوريا , وكان بوش الاب رئيساً وكانت المفوضات مع سوريا لتكون في قوات التحالف ضد إحتلال الكويت
وهنا لعبت سوريا لعبتها السياسية الذكية وعندما شعرت ان العالم العربي كله ضد إحتلال الكويت فلما هي لا تكون في قوات الحلف ولكن في المقابل تريد ان تكون اللاعب الوحيد في لبنان , هنا استغلت الوضع وطلبت من أمريكا خروج الجميع من لبنان وتبقى سوريا ويبقى لبنان
وهكذا حصلت سوريا على ما تريد واخرجت إسرائيل وقواها من لبنان وعاد الامن وعادت الدولة وعاد لبنان ووقفت الحرب وانتصر لبنان وانتصرت معها سوريا وخرجت إسرائيل وحلفائها من لبنان ثم إستطاعت سوريا ان تواجه إسرائيل بطريقة ذكية وكلنا يعلم ان حرب المواجهة بين سوريا وإسرائيل هي ليست من مصلحة لا سوريا ولا العرب والسبب واضح وهو عدم تكافأ إتزان القوى العسكرية ولكن وجدت ان ورقة المقاومة في جنوب لبنان ورقة قوية تستطيع ان تلعبها وهكذا كان وتصاعدت المقاومة وكانت تضرب وكانت إسرائيل تتوجع احيناناً وكانت تفش " غلها " بالمدنيين اللبنانيين والفلسطينيين

وهنا سنعرف أنها كانت في كثير من الاحيان محشورة ولا تعرف ما تريد ان تفعل وكان كل يوم يسقط الجنود بين القتلى والجرحى وكان جنوب لبنان الجحيم بالنسبة للجنود او اهل الجنود , وإلى ان قرر يهود بارك في حملته الانخابية تعهد بسحب قواته في المسنتقع في لبنان وكان يواجه خصومه : بماذا استفدنا في إحتلال جنوب لبنان . وهكذا كان وبعد عشرة سنوات من الهدوء والسلم الاهلي في بيروت ولبنان وكانت هناك سلطة قوية تريد الامن وتريد ان يعود لبنان , وبعد السنوات العشر عاد جنوب لبنان إلى لبنان وإلى اهله وانتصر لبنان كل لبنان وانتصرت سوريا كل سوريا وانتصر معها كل عربي شريف ومسلم في العالم وانهزمت إسرائيل مزعورة وخرجت وكلنا يعلم انها خرجت من سيناء
وكانت هناك اتفاق كمب ديفد , واتفاق وادي عربا مع الاردن , وفي نفس لبنان كان اتفاق 17 ايار الذي فرضته قوات الاحتلال الاسرائيلي على الحكومة في لبنان ولكن سوريا كانت اللاعب في الغاء ذلك التفاق , ولو نفذ اتفاق 17 ايار في ذلك الوقت كان لبنان الان دولة متصهينة وقاعدة عسكرية وانتهت الحرب وعاد لبنان , والان يردون الرد على سوريا بالقرار بالانسحاب من لبنان !!:(
هل جزاء الإحسان إلا الإحسان
النكر للجميل بقه عادى
إمته هنقول شكراً بقه ونقر بالجميل يخرب بيت كده

شموخ مسلمة

05-02-2008, 11:30 PM

ما شاء الله عليك يا سادات بس انا كان قصدى الخلافات حاليا ايه رايك فيها و متوقع نهايتها ايه

وكمان مش جاوبت ع السؤال : هل تعتقد ان اسرائيل بنت امريكا المدللة و لا العكس

MohammeD el_SadaT

05-02-2008, 11:37 PM

بصى من ساعات الحرب العالميه التانيه ومجازر هتلر واليهود بقو حلفاء أمريكا وإبتدت بعهد بلفور عهد ( من لا يملك لمن لا يستحق ) واليهود من ساعتها هما اللى شايلين أمريكا فى كل حاجه
إنتى تعرفى حالياً إن أكبر إقتصادين فى أمريكا أساساً يهود وهما الى بيسيطرو على أكبر عدد أصوات ومتحكمين فى مجلس الشيوخ بالأصوات دى
والجماعات الضاغطه واللوبى الإسرائيلى الصهيونى
بيمثل ضغط كبير جداً على القياده الأمريكيه فى جميع القرارت

أكيد اليهود هما اللى عاملين أمريكا أمريكا ما هلى اللى ساتر حتى لا ينقلب عليهم الراى العام

شموخ مسلمة

05-02-2008, 11:46 PM

على فكرة انا متفقة معاك تماما كمان فى سبب تانى دلوقتى امريكا بتنهار حضاريا و ده معروف عند السياسيين و اسرائيل الوحيدة تقريبا اللى بتنافسها فلو هى بنتها هتقتلها عشان مش تطلع عليها

بس هل تعتقد ان موضوع سوريا و لبنان ده محاولة لتقسيم العالم العربى ككل الى دول تحارب بعضهل فيكون دخول كل دولة سهل و هل اللبنانيين هيظلو صامتين ع اللى بيحصل عندهم

MohammeD el_SadaT

05-02-2008, 11:57 PM

على فكرة انا متفقة معاك تماما كمان فى سبب تانى دلوقتى امريكا بتنهار حضاريا و ده معروف عند السياسيين و اسرائيل الوحيدة تقريبا اللى بتنافسها فلو هى بنتها هتقتلها عشان مش تطلع عليها

أيوه هى دى مهو مش طبيعى إن أمريكا تحتضن إسرائيل الإحتان ده إلا لو فيه حاجه من الباطن

بس هل تعتقد ان موضوع سوريا و لبنان ده محاولة لتقسيم العالم العربى ككل الى دول تحارب بعضهل فيكون دخول كل دولة سهل و هل اللبنانيين هيظلو صامتين ع اللى بيحصل عندهم

لعبه قديمه ومحفوظه لكن مبنتعلمش الدرس
زمان
العراق والكويت
العراق وإيران
مصر وسوريا
سوريا ولبنان

بسس إحنا اللى قفانا إتعود على الضرب

شموخ مسلمة

05-02-2008, 11:59 PM

قفانا اتعود ع الضرب هههههههههههههههههه
عامة طب اقترحو انتو يا جماعة اى موضوع تانى عشان مش ابقى انا اللى دايما بقترح بس بجد استفدت جداااااااااااااااااااااااا

_GUIDE_

06-02-2008, 12:45 AM

أوكى يا اسلام ياريت نتكلم عن موضوع سوريا و لبنان نطلع بره مصر شوية و بعدين نرجعلها و لو عندك موضوع احلى ياريت نتكلم فيه

بس الاول معلش هسال سؤال من وجهة نظرك الكل طبعا بيقول ان اسرائيل بنت امريكا المدللة هل تعتقدو ان الكلام ده صح و لا العكس

بصى ياملاك مفيش حاجة اسمها بنت وولد فى حاجة اسمها مصالح مشتركة
اسرائيل لو لقيت حليف ليها اقوى من امريكا هتنطر امريكا خالص وهتتحالف حتى مع الشبطان
نفس النظام مع امريكا لو ولقيت ليها حاليف ممكن يحقق اهدافها وده صعب لان اسرائيل شوكة فى ضهر العرب والامتداد الاستراتيجى لى امريكا فى الشرق الاوسط
بس فى الوقت الحاضر لا بدليل عن التحالف الاسرائيلى الامريكى
واسرائيل تعتبر احد الخطوط الامامية لى امريكا فى المنطقة والدليل على ده اتفاقيات الدفاع المشترك بين الدولتين والدليل الاكبر اكتشاف صواريخ اطلقت من اسرائيل بتجاه العراق ابان الحرب الاخيرة يعنى اسرائيل كانت مشتركة بشكل فعلى مع امريكا فى الحرب
بس برضه هرجع واقول ان اللى بيحكم الدول المصالح المشنركة مش اكتر من كده

_GUIDE_

06-02-2008, 01:00 AM

نحبوا نتكلم عن مشروع القرن الامريكى

شموخ مسلمة

06-02-2008, 03:21 AM

شموخ مسلمة

06-02-2008, 03:43 AM

سورى يا جماعة انا ممكن اتاخر شوية فى الدخول لو خلصتو الموضوع ده مناقشة ياريت تتناقشو فى غيره اوكى

عبدالله القديمي

06-02-2008, 04:04 AM

من نفس عن مؤمن كربة من كرب الدنيا ، نفس الله عنه كربة من كرب يوم القيامة ،

ومن يسّر على معسر ، يسّر الله عليه في الدنيا والآخرة ،

ومن ستر مؤمنا ستره الله في الدنيا والآخرة ،

والله في عون العبد ما كان العبد في عون أخيه ،

ومن سلك طريقا يلتمس فيه علما ، سهل الله له به طريقا إلى الجنة ،

وما اجتمع قوم في بيت من بيوت الله يتلون كتاب الله ويتدارسونه بينهم ، إلا نزلت عليهم السكينة ، وغشيتهم الرحمة ، وحفتهم الملائكة ، وذكرهم الله فيمن عنده, و من أبطأ به عمله لم يسرع به نسبه
فياأخت ملاك الموضوع سهل جدا
لاتدعي اخوانك المسلمين يفكروا تفكير خاطىء لدخول أخوانهم عندهم وخاصة في هذه الظروف القاسيه
اخوك / عبدالله القديمي

مس رانيا حسن

06-02-2008, 04:56 AM

انا رايى ان طريقتهم فى الدخول فيها همجيه علاوة على رفعهم العلم الفلسطينى على ارض سيناء

للاسف حاجه تحزن

_GUIDE_

06-02-2008, 05:21 AM

انا رايى ان طريقتهم فى الدخول فيها همجيه علاوة على رفعهم العلم الفلسطينى على ارض سيناء

للاسف حاجه تحزن

انا نفسى اعرف همجية من اى نوع بالظبط
من حيث كسر البوابة والدخول
طيب ما حضرتك ما احنا ياما كسرنا بوابات الجامعة ايم المظاهرات اختلاف الوضع فى ايه مهى دى برضه مش همجية
وصدقينى لو حضرتك حطيتى نفسك مطرحهم ممكن تعملى اكتر من كده حاجة كده بالعقل 24 مواطن توفوا نتيجة انقطاع الكهرباء فى المستشفيات مفيش اكل مفيش شرب مفيش اى حاجة هيعمله ايه
هنبئا احنا واليهود عليهم
وفى الاخر نقول احنا اخوات و1 و2 الجيش العربى فين
هو احنا شاطرين غير فى الكلام نشجب وندين
صحيح العرب جرب

_GUIDE_

06-02-2008, 08:14 AM

بصو يا جماعة صراحة انا مش كنت اسمع عن القرن الامريكى قبل كده بس بحثت و لقيت حاجات تخوف عنه و اللى انا فهمته ان حرب اسرائيل ع لبنان كانت خطوة لتنفيذ الموضوع ده و دخول العراق برده كان من المخطط ده قدرو ينفذو العراق و لسة لبنان بس متهيالى هيقدرو لانهم بيحاولو يفصلوها و يوقعو بينها و بين سوريا و هما كمان عايزين سوريا و ايران و استعانت امريكا باسرائيل لانها الترتيب الخامس فى اقوى دول عسكريا و بكده امريكا لو اتنفذ المخطط ده هتستولى ع الجزيرة العربية و تضمها مع سوريا و لبنان و اذربيجان ويبقى كلهم كولايات امريكية و النحية التانية اسرائيل خطتها من الفرات للنيل يعنى بمعنى اصح الغاء كامل للوطن العربى و الشرق الاوسط و ع فكرة اللى انا علرفته ان اللى حط المخطط ده شخص مزدوج الميول يعنى عميل لامريكا و اسرائيل فعمل المخطط ع اساس ان مصالحهم تتوافق و مش يبقى فى تعارض بينهم

ياريت يا اسلام لو فى معلومة غلط تصححها لى لانى زى ما قلت انا لسة قارئة عن الموضوع دلوقتى

فى الاول احب اقول ان مشروع القرن الامريكى بدايته كانت فى عام 1997 فى ولاية بيل كلينتون وكان ايامها دور المحافظين الجدود محدود
وقام بوضع مشروع القرن الامريكى كل من ديك تشيني نائب الرئيس ودونالد رامسفيلد وبول وولفويتز و رامسفيلد وآي لويس ليبي الشهير ب “سكوتر” صاحب الفضيحة الأحدث في سلسلة فضائح المحافظين الجدد إضافة إلى إليوت إبرامز وويليام كريستول وتوماس دونللي وروبرت كاجان وريتشارد بيرل وكلهم شخصيات سياسية مرموقة
ومضمون المشروع ان :
اذا ارادت الولايات المتحدة السيطرة على العالم فى القرن الحالى فعاليها وضع مختلف قواتها فى الاماكن الاستراتيجية فى العالم من خلال اقامة قواعد عسكرية دائما او مؤقتة فى هذه الدول وذكر التقرير انه عليها احتلال 7 دول عربية او شرق اوسطية وذلك لضمان تدفق النفط الى امريكا والاحتلال هنا ليس عسكريا فقط وانما اقتصاديا اذا ما فشل الاحتلال العسكرى وهذه الدول هى (سوريا العراق لبنان ايران ليبيا السودان افغانستان )
وتم اختيار العراق لتكون نقطة الوصل بين هذه الدول وذلك لان فى عام 97 كانت العراق قد وصلت لدرجة من العجز الاقتصادى والسياسى نتيجة العقوبات المفروضة عليها وبالتالى من السهل غزوها ويمكن من خلالها غزو سوريا بحكم الحدود المشتركة وكذلك لبنان ومن الشمال ايران والتى تشترك فى الحدود مع افغانستان وبالتالى يسهل عليها مهاجمة الدولة الاسلامية الوحيدة التى تمتلك السلاح النووى (باكستان) ومذلك التدخل السريع فيها اذا ما حدث اى انقلاب واستولاه الاسلاميين على الحكم فيها اما بالنسبة لى السودان فيمكن احتلالها عن طريق الاسطول المرابط فى خليج عدن ومن السودان يمكن الوصول الى ليبيا وبالتالى تكون الشبكة قد اكتملت والمرحلة الاولى قد انتهت يواتى دور المرحلة الثانية
المرحلة الثانية تتكون من تقسيم المقسم وتجزءت المجزء وسيتم التقسيم على النحو التالى
التقسيم الجديد يقوم اساسا

على القومية والمذهبية فإن الشرق الأوسط الجديد سيحتوي

على الدول التالية

دولة للشيعة (جنوب العراق ، شرق السعودية، غرب إيران)

دولة إسلامية مقدسة (الحجاز)

دولة للأكراد (شمال العراق ، جنوب تركيا، اجزاء من ايران وسوريا)

دولة سنية وسط العراق واجزاء من سوريا

ودولة مسيحية فى شمال ووسط لبنان

دولة وسط السعودية

الاردن الكبير (الاردن الحالي مع شمال شرق السعودية وجزء من الضفة الغربية وستكون موطن فلسطينيي الشتات )

اليمن ستتوسع لتأخذ جنوب السعودية كما تمتد يد التقسيم لتشمل باكستان وافغانستان لخلق دول جديدة مثل بلوشستان ووزيرستان

http://img514.imageshack.us/img514/3300/newmideatbeforexh7.jpg
خريطة الشرق الاوسط اليوم

http://img261.imageshack.us/img261/7919/newmideastafteruv1.jpg
خريطة الشرق الاوسط الكبير

وتقوم امريكا حاليا بتقليب الاقليات فى الدول بهدف اثارة النزعة الطائفية والمذهبية لديها حتى تلجأ تلك الدول فى النهاية الى خيار التقسيم
مع العلم ان للولايات المتحدة الخطط البديلة فى حال حدوث اى تطور فى هذه الدول
وعلى ما اتزكر ان فى حرب الصيف الماضى كانت كوندليزا ريس كل يوم تخرج وتقول ان هذه الحرب بداية مخاض الشرق الاوسط الكبير الا ان حزب الله قلب الموزاين وقلب الاوراق كلها مما استدعه لوقف القتال سحب الحزب الى جنوب نهر الليطانى اى انه فى حالة نشوب حرب اخرى ستكون لى اسرائيل الاسبقية وحرية التوغل السريع داخل الاراضى اللبنانية دون مقاومة من الجانب اللبنانى وهذا هو الشرط الوحيد لوقف الحرب انسحاب حزب الله الى ما وراء نهر الليطانى
فى النهاية اقول ان امريكا دولة استعمارية ومن حقها ان تبحث عن مصالحها ولو على حساب الشعوب
السوال ماذا نحن فاعلون ؟

_GUIDE_

07-02-2008, 12:57 AM

هى فين صاحبة الموضوع

شموخ مسلمة

07-02-2008, 02:43 AM

انا موجودة يا اسلام و كمان عندى موضوع ايه رايكم نتكلم عن ايران و امريكا و البرنامج النووى لايران و انهم اخطر علينا

_GUIDE_

07-02-2008, 02:58 AM

انا موجودة يا اسلام و كمان عندى موضوع ايه رايكم نتكلم عن ايران و امريكا و البرنامج النووى لايران و انهم اخطر علينا

عمتا الكلام عن ايران وامريكا هيطول اوى لان العلاقة بينهم ممتده من عقود من ايام الشاه الايرانى والثورة الاسلامية وحرب الخليج الاولى وفضيحة ايران جيت
عمتا حددى جزء معين نتكلم فيه

شموخ مسلمة

07-02-2008, 03:04 AM

لا قصدى موضوع الاختلافات المعاصرة بينهم و توقعنا مين هيفوز ومين احسن لينا

_GUIDE_

07-02-2008, 03:07 AM

لا قصدى موضوع الاختلافات المعاصرة بينهم و توقعنا مين هيفوز ومين احسن لينا

بصراحة هى ايران تعتبر احسن الوحشين
بالنسبة لموضوع مين يفوز مش عارف تقصدى ايه بالظبط لو تقصدى بالنسبة لو دخله فى حرب يبئا فى كلام تانى فى الموضوع ده
لان الكفه بتميل فى الظاهر لصالح امريكا لكن فى الباطن ايران عندها القدرة على سحق امريكا

شموخ مسلمة

07-02-2008, 03:15 AM

دكتور تامر المصرى

07-02-2008, 03:16 AM

شموخ مسلمة

07-02-2008, 03:19 AM

احب ارحب بكل الاعضاء انا معاك ياسلام فى موضوع مشروع القرن الامريكى هى امريكا مش هتجبها لبر واهى دقنى بكره بعد ماتخلص مشروعها هتتدور على مصر ويعالم هتكون بحجه ايه المره دى بصراحه الله اعلم ربنا يستر

اهلا بيك يا دكتور تامر

ع فكرة امريكا مش هتيجى مصر بلاش نخاف اصل مصر واقعة تحت خطة اسرائيل و اللى عمل مشروع القرن الامريكى قدر انه مش يعمل اى تعارض بين مصالح امريكا و اسرائيل

_GUIDE_

07-02-2008, 03:25 AM

المرة دى مختلفة معاك يا اسلام فى حاجة من وجهة نظرى ان ايران هتبقى اوحش لينا لان صراعنا مع امريكا صراع ارض و صراعنا مع اسرائيل صراع عقيدة واليهود بس الشيعة_ايران _ هيبقى حاجة مختلفة لان دول مش بيطيقو الصحاية و لا السنة فمن وجهة نظرى دول يموتنا بطريقة ابشع بكتييييير من امريكا ع الاقل احنا عارفين ان امريكا عدوتنا اما ايران فممكن كتير منا يحصل عنده لبث

سورى لو اتكلمت عن الدين شوية او مذهب الشيعة بس ده راية

وعامة الاختلاف فى الراى لا يفسد للود قضية بس هل تعتقد ان مصر هتقف مع امريكا و لا ايران لو حصل حرب

على فكرة الدعاية الامريكية هى اللى صورت ايران بالشكل ده امريكا مش هتستحمل ان يكون فيه دولة اسلامية نووية تانية ده بجانب ان صوراخها تطال اسرائيل الحليف الاستراتيجى ليها
ولان امتلاك ايران للسلاح الننوى بيقلب موازين القوة فى المنطقة لى صالح ايران
وعلى فكرة الشيعة فيهم المتصوفين زدول فعلا الخطر الحقيقى انا معاكى ان فيه خطر شيعى بس صدقينى امريكا اخطر بكتير

شموخ مسلمة

07-02-2008, 03:29 AM

مش عارفة و الله يا اسلام بس امريكا بدات تنهار

_GUIDE_

07-02-2008, 03:39 AM

مش عارفة و الله يا اسلام بس امريكا بدات تنهار
مش انهيار بالمعنى الحرفى لان الدول العربية مش هتسمح بده لان انهيار امريكا يعنى انهيار الاقتصاد العالمى بالكامل لان الدولار هو العملة الرسمية فى العالم

شموخ مسلمة

07-02-2008, 03:41 AM

اوكى ما انا عارفة انه مش انهيار بالمعنى المفهوم بس امريكا بدات يقل مستواها فى حاجات كتير

_GUIDE_

07-02-2008, 03:52 AM

اوكى ما انا عارفة انه مش انهيار بالمعنى المفهوم بس امريكا بدات يقل مستواها فى حاجات كتير

ده صحيح لكن عندها الاحتياطى من الذهب والعملات النقدية ده غير الاقتصاد العسكرى كبير يعنى هتقدر رغم كل ده انها تتخطه اى صدمة اقتصادية

شموخ مسلمة

07-02-2008, 03:54 AM

بس فى حاجة امريكا بتدخل حروب كتير وانت طبعا عارف الخسائر بتاعت الحروب

شموخ مسلمة

08-02-2008, 10:28 PM

طيب بصو يا جماعة احنا نطلع شوية بره السياسة البحتة عشان عايزة نتناقش فى موضوع انا عارفة ان معظمكم هتولعو فيا عشانه لان معظم اللى بيدخلو ع الموضوع شباب

اوكى
المهم الموضوع هو طبعا احنا كلنا عارفين مقولة(ما اخذ بالقوة لا يسترد الا بالقوة ) بس بعد فوز المنتخب العراقى فى الكرة و انا عارفة انه من بدرى طلعت مقولة تانية بتقول (ما اخذ بالقوة لا يسترد بالكورة )

ايه رايكم هل تعتقدو ان الكورة ممكن تنصر شعب مهزووووووووووم خاصة بعد ما شفنا اللى عمله ابو تريكة و لا ده كلام و خلاص

_GUIDE_

08-02-2008, 11:25 PM

شموخ مسلمة

08-02-2008, 11:34 PM

طيب كان محمد صبحى قال قبل كده اننا عاملين زى الم اللى ابنها سقط _مش عارفة املائيا صح و لا لا_فى كل المواد و نجح فى الالعاب فعملتله فرح
ايه رايك فى المقولة دى

_GUIDE_

08-02-2008, 11:38 PM

طيب كان محمد صبحى قال قبل كده اننا عاملين زى الم اللى ابنها سقط _مش عارفة املائيا صح و لا لا_فى كل المواد و نجح فى الالعاب فعملتله فرح
ايه رايك فى المقولة دى

مهو المشكلة اننا فشلنا فى كل حاجة
ونجحنا فى حاجة هايفة وخدى بالك نجحنا مش تفوقنا فا بنحاول ندارى فشلنا ده
ثم محمد صحبى هنا بيقول الكلام ده بدافع السخرية من الوضع الراهن

شموخ مسلمة

08-02-2008, 11:43 PM

لا يا اسلام محمد صبحى كان بيقولها كوصف لدلوقتى

بس سؤال تانى معلش انتو كان احساسكو ايه لما مصر كسبت انبارح

_GUIDE_

08-02-2008, 11:59 PM

لا يا اسلام محمد صبحى كان بيقولها كوصف لدلوقتى

بس سؤال تانى معلش انتو كان احساسكو ايه لما مصر كسبت انبارح
مش هقدر اوصفلك
انتى عارفه لفينا الشوارع كلها ومصر وتحيا مصر وابو تريكة وارقص ياحضرى :D
كنا فرحنين بجد
انتا عارفة ياملاك احنا بنحب مصر اوى وانا بالذات مش ممكن تتخيلى حبى للبلد دى
بس المشكلة انى حاسس اننا بلد محتلة عايشين فى احتلال

شموخ مسلمة

09-02-2008, 12:10 AM

الله يا اسلام و لفيتو الشوارع كمان بالليل فى الشتاء اوكى ما انتو شباب مش بنات

انا بقى كل اللى عملته انى حسيت انى طايرة بجد و مش عارفة ليه فى الوقت ده حسيت ان المصريين كلهم اسرة واحدة بجد مش كلام و حسيت ان مبارك بجد ابونا بس فى نفس اللحظة افتكرت محمد عبد الوهاب اللى وقع و هو بيتدرب و افتكرت العبارة و افتكرت فلسطين و كده بجد مش بقيت عارفة اعيط و لا اضحك و لا افرح مش عارفة بجد

بس عامة اقترح انت حاجة نتكلم فيها عشان مش ابقى انا اللى مسيطرة هو موضوعى اه بس التعاون حلو

_GUIDE_

09-02-2008, 01:47 AM

ايه رايك نتكلم عن حرب لبنان واسرائيل واحتماليت قيام حرب اخرى

شموخ مسلمة

09-02-2008, 01:56 AM

اوكى يا اسلام موضوع جميييييييييييل جدااااااااااا بس هكمله معاك بعدين لانى مضطرة اقوم دلوقتى

_GUIDE_

09-02-2008, 02:06 AM

اوكى يا اسلام موضوع جميييييييييييل جدااااااااااا بس هكمله معاك بعدين لانى مضطرة اقوم دلوقتى

اوك وانا متابع معاكى وشوفى نبتدى منين

شموخ مسلمة

09-02-2008, 11:13 PM

حرب لبنان و اسرائيل اللى فاتت كانت جامدة و خسرت اسرائيل اكيد و طبعا لبنان دلوقتى تشجع اى حد ع احتلالها بسهولة بس مش اظن ان اسرائيل هتحاول تحارب لبنان تانى الا لو ضامنة مليون فى المائة انها هتنتصر بدون خسائر تذكر لان خطة اسرائيل الاكيدة و هدفها دلوقتى مصر و ع فكرة الاحداث بتعيد بعضها يعنى اسرائيل و قعت بين سوريا و لبنان و بعدها حاربت لبنان و هى محتلة الجولان فى سوريا و دلوقتى بتوقع بين مصر و فلسطين و هى محتلة فلسطين

و الحدق يفهم

gamal saber

24-02-2008, 10:02 PM

شموخ مسلمة

25-02-2008, 02:12 AM

معتقدش ان اسرائيل هتعمل مواجهة مسلحة بينها وبين لبنان فى الوقت الحالى
لانهم اتفاجئو بقوة حزب الله فى حرب 2006 وهيحولو يقضو علية من برة برة عن طريق تضيق الخناق علية سياسيا وتصفية ابرز قادتة
وبعدها تكون المواجهة المسلحة
ودة طبعا زى ما قلتى يا ارق ملاك جزء من خطة بتم بالتعاون بين اسرائل وامريكا
لحصار مصر من كل ناحية
بس ان جيتو للحق البلد اساسا بتعتهم منغير ما يدخلوها

هههههههههههههههههههههههههه

هى اساسا بتاعتهم امال احنا وظيفتنا ايه ناخد مفاتيحها من الريس و نسلمها ليهم ههههههههههههه

بس شكراااااااا لمرورك يا جمال و مش اقترحت موضوع ليه؟؟؟؟؟؟؟؟

اوركيديا

05-08-2008, 12:05 AM

شمووووووووووووووووووخ
ايه نمتى ليه و لا احنا اللى نمنا
و لا مبقاش فى موضوعات يعنى
بصى بقى اختاريلنا حاجه
عشان انا فعلا زهقت
كل حاجه بتوجع
فقلت بلاش اختار انا
يلا مستنياكى
فى رعايه الله

ABSG

02-12-2008, 02:22 PM

يا جماعه كل الى انتو بتتكلموا فيه ده متحدد من 50 سنه تقريبا مخططات صهيونيه والى قراء كتاب برتكولات صهيون ........ حيلاقى كل حاجه متحدده قبل مايخشوها ودخلهم لمصر ده كان من ضم تخططهم علشان بعد كده يعرفو يخوشلنا الي يعرف لينا من غير ولا كلمه زى مدخلة امريكا العراق الكلام ده بقولو وبعيده والى يعرفه اوليلين اوى اول من اكتشف المخططات الصهيونيه دى روسيا " التحاد السوفيتى "

nancyali9

29-12-2008, 08:26 PM

ايه رايك فى دخول الفلسطينيين مصر و الطريقة؟؟؟ و هل تعتقد ان ده حاجة عادية و لا وراها ايد خفية
انا مع دخول الفلسطينين مصر مش كفايه مش عارفين نحارب معاهم ونقف معاهم بجد يبقى اقل حاجه نقدها ليهم
اننا نعلجهم ونزودهم بالمعونات - اما بالنسبه للطريقه هى طريقه همجيه شويه بس انا مش بلومهم علشان اى حد
لم بيبقى فى ضيق بيبقى مستنى اى بصيص امل علشان يريحه ويساعده_ وفعلن الحكايه دى فيها ايد خفيه وانا
حسه كده واكيد كلنا حسين بالحكايه دى وعلشان نحافظ على الامن لازم الحكومه تزود المراقبه ويجهزوا قوات امن
كبيره على الحدود علشان يا منوها ويساعدوا طوائف الفلسطينين فى تلبيه احتيا جانهم ولو حسوا باى تعدى يبقوا
مستعديين كويس علشان يدافعوا عن ارض مصر الغاليه ويبقى كده ساعدنا الفلسطينين وحمين الحدود.

وهوده راى المتواضع
وبجد مناقشه جميله جدا على شان لازم يبقى لينا راى علشان المستقبل لينا
ومرسى على الموضوع الجميل ده