مشاهدة النسخة كاملة : النت رخممممم وبطييئ .. ادخل عشان تخليه سريع
احمد رضا 31-01-2008, 10:57 AM أصيبت شبكة الإنترنت الدولية في مصر أمس بشلل جزئي بسبب قطع في كابلات الاتصالات البحرية للألياف الضوئية في البحر المتوسط, ووصلت نسبة التعطل في مصر إلي 70 %, بالإضافة إلي تأثر خدمات مراكز خدمة العملاء, التي تقوم بتصدير خدماتها للخارج بنسب متفاوتة تتعدي الـ30%, وبالإضافة إلي ذلك تأثرت بعض المكالمات التليفونية مع أوروبا وأمريكا, كما تأثرت حركة التداول داخل البورصة المصرية.
وقد شكل الدكتور طارق كامل وزير الاتصالات وتكنولوجيا المعلومات مجموعة عمل طارئة لمتابعة آثار القطع, واستعرض الوزير أمس ـ في اجتماع مع قيادات الوزارة وقطاع الاتصالات ـ تقريرا للشركة المصرية للاتصالات بشأن القطع المفاجئ, الذي حدث في الساعة السادسة من صباح أمس في منطقة بالبحر المتوسط تبعد نحو عشرة كيلو مترات شمال مدينة الإسكندرية
حيث حدث هذا القطع في كابل شركة فلاج العالمية وكابل مؤسسة سيمي وي4, اللذين يداران بمعرفة الشركات العالمية بالتنسيق مع الشركة المصرية للاتصالات, ولم يتم بعد تحديد سبب القطع بطريقة نهائية. وأكدت الشركات العالمية, التي تقوم بتقديم الخدمة, أن التأثير شمل دولا عربية أخري في المنطقة وخارجها بدرجات متفاوتة, منها: السعودية, الإمارات, قطر, الهند, البحرين, واليمن, حيث وصل الانقطاع في بعضها إلي صورة شبه كاملة لخدمات الإنترنت.
وقامت الشركة المصرية للاتصالات وجهاز تنظيم الاتصالات بالاتصال بمنظمة( ميكما) العالمية المتخصصة في إصلاح الكابلات البحرية للتوجه إلي مكان العطل بالتعاون مع الشركات العالمية المالكة لهذه الكابلات, لبدء إجراءات إصلاح العطل, والانقطاع الذي ينتظر أن يأخذ عدة أيام حتي تعود الخدمة لمستواها الطبيعي.
......................................
:rolleyes::rolleyes::rolleyes::rolleyes:
ده الأهرام بتاع 31 يناير
المصيبة بقى ان أصلا مصر كان بتتغذى على 80 جيجا تقريبا
دلوقتى على الكابل الإحتياطى مش أكتر من 3 جيجا :D
محدش يبحبح إيده والنبى يا جدعان فى النت :confused:
.................................
صحيح اللي عايز يسرع النت ياخد مايو كدا زي الشاطر و يروح ينزل في البحر المتوسط ويلزق الكابلات بسولتب ولا شيكرتون .. انا كنت هعمل كدا بس للأسف رايح مشوار
:D
عايز لما اجي ألاقي النت سريع هه
استمروا بقه
:D
مغترب وبس 31-01-2008, 11:13 AM هههههههههههههههههههههههه
انا كمان عندي مشوار يا احمد ومش فاضي خالص :d
ويارب يتصلح بسرعة بقة
ومحدش يقعد يعمل في داونلودز يا جماعة دي هيا اساسا متصلبة :d
mR . mOstafa Fathi 31-01-2008, 11:27 AM والله انا من امباح بليل
مفيش بروزنج نهائى
ههه
طيب انزل ياابوحميد زبط الكابلات دى
هههه
ولا نقضيها ستالايت
شكرا على اجمد حاجة سمعتها منك يا احمد
thanks MaN
عبقرينومان 31-01-2008, 12:06 PM للعلم المشكلة ستستمر قرابة 6 أيام
شكرا على الخبر يا بطل
Hun.a 31-01-2008, 12:23 PM شكرا اوي علي الخبر
وعموما متالقوش
اصل انان اشتريت ميوه جديد وعايرز اجربه
ههههه
عاشقـــ الانمى ـــة 31-01-2008, 01:18 PM أنا عندى النت مدمر بسبب الحكاية دى إمبارح
ومازال مدمر
nanes 31-01-2008, 01:32 PM شكرا يا احمد علي المعلومات
بجد والله الواحد هيتشل من النت
يااااااااااه لسه هنستنى 6 ايام يا عبقر
=========================
والموضوع ده مأثر جدا عندنا هنا
عشان تفتح جوجل بياخد دقيقتين اما الايميل بياخد 5 دقايق وفي الاغلب بيفشل فتحه
ولوعاوز تحلم بأنك تفتح موقع (ثانويه مثلا) اصبر بقى يا جميل 10 دقايق
=========================
بجد أزمه فظيييييييييييييييييعه
وعلي ما تتصلح هاكون كرهت النت اصلا
========================
يارب ارحمنا برحمتك
اميييييييييييييين
Ahmad™ 31-01-2008, 03:09 PM شكرا عالموضوع يا عم اللذيذ ههههههههه
انا قريت الخبر ده فعلا امبارح بليل
zizo2_2 31-01-2008, 03:37 PM بس هنا في الامارات لم تحدث اي مشكلة بل ان النت يعمل بكفاءة جيدة ربما يكون انقطع في بعض مناطق لست متواجدا بها
ولكن هنا في دبي لم ينقطع
وايضا في ابو ظبي لم ينقطع
وكذلك الشارقة وعجمان
فلي ابن عمي في ابو ظبي
وابن عم اخر في الشارقة واصدقاء في عجمان
وقد تحدثت معهم عبر الانتر نت وحتى الان ما زلنا على اتصال ببعض عبر الشبكة
اعتقد ان الامارات لم يصل اليها الخلل
شكرا ليك اخي احمد
fares elnet 31-01-2008, 04:27 PM طيب يا احمد انا هاخد بدلة الغطس بتعتى هروح
اصلحة بس عاوز اتنين ولا تلاته معايا وانت واحد منهم
هههههههههههههههه
بجد الواحد على مايدخل هنا بيكون زهق من النت
يالا ازمة وتعدى وشكرا
wafaaanany 31-01-2008, 04:56 PM تفتكر كده ينفع
nanes 31-01-2008, 05:12 PM معلش بس الموضوع ده مش بأيد حد ده بسبب سوء الاحوال الجويه
صحيح انا هتنقط بس يلا عشان نعرف قيمة السرعه ومش نتأمر بعد كده
يا بختك يا استاذ زيزو .....انا مش بنؤ انا بحسد بس ...هههههههههههه
بس عندي احسن من مفيش في ناس مش بيفتح عندها اصلا
الحمد لله علي كل شئ
بس ياريت الحوار ده يتصلح بسرعه عشان مش هينفع كده فعلا قولوا يارب
الرهينه 31-01-2008, 05:28 PM على فكره يا استاذ زيزو لو حضرتك بعتلى استضافه للامارات مش هرفض:d
حضرتك عارف انا مقدرش ارفضلك طلب:d
ميرسى ياابو حميد على الخبر
Ahmad™ 31-01-2008, 05:55 PM على فكره يا استاذ زيزو لو حضرتك بعتلى استضافه للامارات مش هرفض:d
حضرتك عارف انا مقدرش ارفضلك طلب:d
ميرسى ياابو حميد على الخبر
...........................................
no comment
MohammeD el_SadaT 31-01-2008, 07:51 PM أنا هاخد أنبوبه الغاز والمنظم
وأطلع أغطس
ألحم الكبل بتاعى
حد عاوز حاجه من هناك
عاشقـــ الانمى ـــة 31-01-2008, 07:58 PM أنا هاخد أنبوبه الغاز والمنظم
وأطلع أغطس
ألحم الكبل بتاعى
حد عاوز حاجه من هناك
إيه ياعم سادات الانانية دى:(طيب واحنا نفضل كدا
ماشى ماشى مردودالك إن شاء الله
MohammeD el_SadaT 31-01-2008, 09:04 PM إيه ياعم سادات الانانية دى:(طيب واحنا نفضل كدا
ماشى ماشى مردودالك إن شاء الله
منا قولت حد عاوز منى حاجه يعنى عرضت خدماتى قبل ما اغطس أهوه
وبالعجل عشان الغاز قرب يخلصمنى وكده هتخنق تحت
alkrwan 31-01-2008, 09:05 PM خلاص ياجماعة كل واحد فى مكانه ...خلاص اتصلح ماحدش يتعب نفسه ..... جربوا كده حتلاقوه سريع اسرع من الاول ميت مره ...طب حاولوا تانى كده .....طب حاولوا عاشر ....طب احلموا انه اتصلح ....ولا حد يزعل نفسه
Ahmad™ 31-01-2008, 10:11 PM خلاص ياجماعة كل واحد فى مكانه ...خلاص اتصلح ماحدش يتعب نفسه ..... جربوا كده حتلاقوه سريع اسرع من الاول ميت مره ...طب حاولوا تانى كده .....طب حاولوا عاشر ....طب احلموا انه اتصلح ....ولا حد يزعل نفسه
....................................
no comment
nanes 31-01-2008, 10:51 PM ....................................
no comment
enta mesh 3andk 3`eer no comment
no comment
عاشقـــ الانمى ـــة 01-02-2008, 01:32 AM النت إتعدل يا جدعان
الحمد لله
nanes 01-02-2008, 01:34 AM مش اوي يا حنان
لسه برضه بطئ بس مش اوي
يلا ربنا يكملها علي خير
عاشقـــ الانمى ـــة 01-02-2008, 01:40 AM بس أنا عندى الحمد لله صاروخ
nanes 01-02-2008, 01:49 AM عندك ممكن
احنا لسه علي مايتعدل يمكن بكره يكون رجع زي الاول هو بدء يتحسن من النهارده
عاشقـــ الانمى ـــة 01-02-2008, 01:56 AM إن شاء الله بكره هيتعدل عندكو
mR . mOstafa Fathi 01-02-2008, 02:44 AM النت بقى تمام
احمد رضا زبط الكابلات
هه
احمد رضا 01-02-2008, 02:57 AM ههههههههه ياربي
الدنيا كانت برد بجد ( سجع )
بس المشكلة اني كنت عاوز واحد معايا عشان يمسك لفه الشيكرتون
يالا اهوه انا صلبته كدا عبال ما يبقوا يظبطوه:d
TEMO_KHALED 01-02-2008, 03:41 AM هههههههههههههههههه مشكور يا شديد والله الواحد مش عارف مصر من غيرك كانت هاتعمل اية.....؟؟؟....
nanes 01-02-2008, 03:49 AM الحمد لله النت ظبط خلاص
ورجع زي الاول
zizo2_2 01-02-2008, 09:40 AM بس فعلا انقطعت صلتي بمصر يا فرحتي في نت هنا ومش عارف اكلم اي حد من مصر
ولالله شيء مؤسف
كل شوية تيجي رسالة النت قاطع في البلد كلها
طيب لما هو قاطع ازاي انتم داخلين دلوقتي
احمد رضا 01-02-2008, 11:01 AM الحمد لله يا استاذ زيزو كله تمام
وكان النت بطئ مش مقطوع تماما
بس انا نزلت وظبط الكيبل ياباشا عشان خاطر حبايبك اللي في مصر
ههههههههه نورتوني يا رجاله
--------
الحمد لله يا رجاااااال حصولنا علي بس وتش
manar 01-02-2008, 11:10 AM الظاهر ان الناس لسا حافظه no comment فبتسمعها فى الموضوع.. ما علينا:rolleyes:
شكرا يا احمد سرعتلنا النت ربنا يكتر من كابلاتك:D
dr.zomba 01-02-2008, 01:46 PM اممممممم طب يا احمد عايزين نعمل حاجه في المشكله القوميه دي
النت رجع ودا واقع ولازم نتعايش معاه
النت بطئ ودا اوقع ولازم نتعايش برضو معاه
وانا بدعوه كل الاخوه الاعضاء عشان نقوم بثوره ضد النت الظالم
ونهاجم الكابل الي في البحر الاحمر
والسلام عليكم ورحمة الله وبركاته
Ahmad™ 01-02-2008, 02:39 PM الظاهر ان الناس لسا حافظه no comment فبتسمعها فى الموضوع.. ما علينا:rolleyes:
شكرا يا احمد سرعتلنا النت ربنا يكتر من كابلاتك:D
معلش بقه لسه متعلمها
عاشقـــ الانمى ـــة 01-02-2008, 05:04 PM مبرووووووووووووووك عليكم يا جماعة النت
fares elnet 02-02-2008, 11:05 AM لا النت كده تمام النهردة
تسلم ايدك يا ا حمد بس انا مشوفتكش هناك
انا كنت هناك ونزلت بالغواصة الصغيرة بتاعتى
يالا حصل خير
|