مشاهدة النسخة كاملة : الاكاديمية نصبت علينا ياناس؟؟؟ العصابة هى هى!!!!


أبو إنجى
28-08-2011, 06:15 PM
السلام عليكم ورحمة الله وبركاته

نحن المعلمين الذين اختبروا الكادر فى مدرسة أحمد عرابي الابتدائية بالبدرشين يوم الاثنين 15 أغسطس 2011،،، تعرضنا لعملية نصب من الاكاديمية المهنية ولا ندرى ماذا نفعل؟؟؟؟؟؟؟


>>> نحن ياسادة ذهبنا للبدرشين بعد معاناة فى الوصول إليها من المحافظات والادارات المختلفة،،، وووصلنا قبل موعدنا الذى كان مقررا فى الثانية عشرة ظهرا فوجدنا أن زملائنا من الفترة الاولى الصباحية لم يختبروا بسبب مشاكل النت وسيرفرات الوزارة،،، المهم جلسنا لقرب العصر و بعد ذهابنا لقسم الشرطة لعمل محضر اثبات حالة تدخل مدير الادارة الاستاذ عصام حمدان وطلب مننا سحب المحضر و(توسط)لدى اللجنة لكى ندخل الاختبار مع الزملاء فى الفترة الثالثة،،،،المهم أثناء الاختبار كان الانترنت بطىء جدا جدا وكان الوقت يضيع مننا وكانت عملية الانتقال من السؤال الى مابعدة تستغرق عدة دقائق،،، فشكونا للمراقبين فاتصلوا بالاكاديمية فقالوا لهم سوف نوافيكم بالحل بعد قليل،،، وبعد مرور نصف الوقت اعترضنا مرة أخرى وفاتصل المراقب على بالاكاديمية فقالوا له لقد فكلرنا فى حلين: اما نمد لهم الوقت أو نحاسبهم على ماحلوه فقط،، أى لن يحتسبوا الاسئلة المتبقية نتيجة مشاكل النت،،،،وبالفعل وافقنا واكملنا الاختبار وانتهىى الاختبار فى وقته دون تمديد ،،،ومنا من تبقى له عشرة أسئلة ومنا من تبقى له أكثر،،،،،،،،،،،،وبعد عدة أيام اتصل أحد زملائى الذين امتحنوا معنا على الاكاديمية (هو يقول على الدكتور رمضان) فقالوا له من قال لك هذا الكلام ،، سوف نحاسبكم على كل شىء فى الاختبار ولا علاقة لنا بما حدث من مشاكل النت ،، واحنا قلنا اللى عاوز يعيد الاختبار يعيده فى مقر الاكاديمية؟؟؟؟؟؟؟؟؟؟؟؟؟؟؟؟؟


>>> يعنى اية يعنى احنا انضحك علينا وضاع علينا الكادر ولا اية،،،اما مش فاهم اية اللى بيحصل فى البلد ولا حاجة بتتغير وكأن مبارك هو اللى لسة بيحكم البلد هوعصابته,,,,,,مازال المسؤلون مضللون كما كانوا من قبل ومازال الفساد فى كل مكان’,,,,,,,ارجوكم وصلوا صوتنا,,,,, ويمكن التحقق من كلامنا من الاخ اللى كان بيراقب علينا اسمة(سالم) ويعمل فى مدرسة أحمد عرابي الابتدائية فى البدرشين

عبدالنبي الحداد
28-08-2011, 08:34 PM
ما عند الله خير للصابرين

Minamira
28-08-2011, 08:35 PM
اخبار سخيفه جدا بعد الاجتماع المزعوم
يعني ايه يشيل المكافاة من الحسبه المستفيد هم
موظفين الشمس والهوا - اصحاب شغل اليوم الواحد في الشهر
الظاهر الوزير دة مفكرنا طرابيش
الاعيبه خايبه هو و جماعه الاخوان ( الوطني الجديد )
ليس لنا سواك يارب لان الجميع خزلونا

آسر على
28-08-2011, 09:09 PM
لا لامتحان الكادر انه اهانة للمعلم
اساتذة الجامعات لهم كادر بلا امتحان
الاطباء لهم كادر بلا امتحان
القضاة لهم كادر بلا امتحان

امتحان الكادر اهانة للمعلم

أبو إنجى
29-08-2011, 05:22 PM
لو الناس دى حاسة ان المعلمين ايد واحدة كانوا عملوا لنا حساب،،،لكن كل مايكون هناك اعتصام وتجمع تلاقى عشرات هم اللى متجمعين والباقين منتظرين النتائج!!!!!!!!!!!!!!!!!!!!!!!!!!!!!!!!!!!

>>> لو وقفنا ايد واحدة وقاطعنا الدراسة يوم واحد هايعرفوا قيمتنا ولاد ال.........................



>>وبعدين دلوقتى اية الوضع،، لو رسبونا فى الاختبار نعمل اية ونروح لمين بعد الله سبحانة وتعالى،،، ياناس دول عصابة ماسكة البلد مافيش فايدة,,,,,أحمد موسي يمسك التعليم بتاع اية ،،، اية دخله فى التعليم؟؟؟؟

ahmzz
29-08-2011, 05:47 PM
الحل فى خروج المعلمين للمطالبة بحقوقهم ايد واحدة ـفى الاتحاد قوةـ الدولة تفتقد قيمة مقولة عرابى" الحق فوق القوة والامة فوق الحكومة"

هيما2011
29-08-2011, 10:34 PM
لا لامتحان الكادر انه اهانة للمعلم
اساتذة الجامعات لهم كادر بلا امتحان
الاطباء لهم كادر بلا امتحان
القضاة لهم كادر بلا امتحان

دعبس2000
30-08-2011, 12:27 AM
فى الزمن المقلوب والوطن المنكوب أتسامح وأصالح وأبوس المركوب) أصبحنا فى مجتمع كله بيبيع لكله كلام ومفيش فايده

عبدالله10
30-08-2011, 03:44 AM
مش عارف ليه الاصرار على اهانة المعلم