|
مشاهدة النسخة كاملة : حد فاهم الموضوع بتاع المسمي الوظيفي ممكن يفهمني الخبر ده hamada331 29-08-2011, 03:22 PM الخبر ده لاقيته ع اليوم السابع وانا اخصائي مكتبات علي درجة معلم مساعد هل الخبر ده يشملني وممكن بالقرار ده اغير المسمي الوظيفي بتاعي لاني تربية انجليزى وممكن ابقي مدرس انجليزى ارجو الافادة من الناس اللي فاهمةhttp://www.youm7.com/News.asp?NewsID=483022 hamada331 29-08-2011, 03:23 PM بعد 5 أشهر من التظاهر أمام وزارة التربية والتعليم بدأت المديريات التعليمية فى المحافظات تنفيذ قرار الدكتور أحمد جمال الدين موسى وزير التربية والتعليم رقم 275/2011 بفتح الباب أمام المعلمين لتعديل مسمياتهم الوظيفية والانتقال من مرحلة لأخرى. وقال أحمد عطوة، ممثل الحركة المؤقتة لتعديل المسمى الوظيفى، إن مديرية التربية والتعليم بمحافظة الشرقية أصدرت القرار رقم 37/2011 بتطبيق أحكام قرار وزير التعليم بنقل شاغلى وظائف المعلمين من مرحلة تعليمية إلى أخرى ومن وظيفة أخصائى إلى معلم ومن معلم مادة إلى معلم مادة أخرى ومن معلم فصل إلى معلم مادة ممن تتوافر فيهم الشروط الخاصة بالمهارات والمعارف المذكورة فى القرار الوزارى مع تناسب المؤهل الدراسى مع المرحلة التى يتم النقل إليها طبقاً للكشوف التى ستنتهى المديرية من إعدادها. وأوضح "عطوة"، فى تصريحاتٍ لـ"اليوم السابع"، أن "تعليم الشرقية" أصدرت قراراً بالسماح لـ 302 معلم بتعديل مسمياتهم على أن يكونوا موزَّعين على جميع الإدارات التعليمية بالمحافظة التى وافقت أيضاً على إرجاء تنفيذ بند الحصول على شهادة الصلاحية المقررة للمرحلة التى تم النقل إليها لمدة عام من تاريخ التوقيع على أوراق الوظيفة الجديدة لحين اجتياز الدورات التدريبية اللازمة لشغلها. وستتولى الأكاديمية المهنية للمعلمين إعداد الدورات التدريبية لهذا الغرض على أن يُلغَى قرار تعديل المسمى فى حالة عدم حصول المستفيدين منه على شهادة الصلاحية خلال المدة المحددة أو فى حالة ثبوت استفادة معلم منه رغم عدم انطباق الضوابط الواردة فى القرار الوزارى 275/2011 عليه مع إحالة المتسبب فى هذه الحالة إلى التحقيق أمام إدارة الشئون القانونية بالمديريات. وكانت أزمة "المسمى الوظيفى" قد بدأت فى مارس الماضى حينما كشفت الحركة المؤقتة لتعديل المسمى عن إجبار المديريات التعليمية الآلاف من المعلمين على إبرام عقود عمل فى تخصصات وعلى مراحل لا تتناسب مع مؤهلاتهم مع تهديدهم بالفصل إذا أصروا على العمل وفق تخصصاتهم. أيمن البدري 29-08-2011, 04:11 PM طبعا القرار يشملك ولاحظ فى الخبر مكتوب ( ومن معلم مادة إلى معلم مادة أخرى ) أى أنه يمكنك التحويل من أخصائى مكتبات إلى معلم لغة انجليزية hamada331 29-08-2011, 05:54 PM طبعا القرار يشملك ولاحظ فى الخبر مكتوب ( ومن معلم مادة إلى معلم مادة أخرى ) أى أنه يمكنك التحويل من أخصائى مكتبات إلى معلم لغة انجليزية بجد والله؟؟ دي تبقي فرحة العمر لما ابقي مدرس ف تخصصي بس انت واخد بالك اني معلم مساعد ولم يسبق لي دخول امتحان الكادر أيمن البدري 29-08-2011, 06:22 PM بجد والله؟؟ دي تبقي فرحة العمر لما ابقي مدرس ف تخصصي بس انت واخد بالك اني معلم مساعد ولم يسبق لي دخول امتحان الكادر كلمة معلم تشمل أى معلم سواء معلم مساعد أو غيره ، وهذا ما حدث منذ أشهر حيث تم تحويل زملائنا المعلمين المساعدين الذين تخصصهم لغة انجليزية من معلم فصل إلى معلم لغة انجليزية hamada331 29-08-2011, 09:40 PM كلمة معلم تشمل أى معلم سواء معلم مساعد أو غيره ، وهذا ما حدث منذ أشهر حيث تم تحويل زملائنا المعلمين المساعدين الذين تخصصهم لغة انجليزية من معلم فصل إلى معلم لغة انجليزية ربنا يطمنك يااستاذي الفاضل علي هذه المعلومات والبشارة الحلوة وعيدك سعيد باذن الله واتمني اني اتعرف عليك رناتا 29-08-2011, 10:36 PM جزاك الله كل خير يارب يتنفذ hamada331 30-08-2011, 01:26 AM يارب ياكريم دعواتكم معانا أيمن البدري 30-08-2011, 02:54 AM ربنا يطمنك يااستاذي الفاضل علي هذه المعلومات والبشارة الحلوة وعيدك سعيد باذن الله واتمني اني اتعرف عليك كل سنة وانت طيب وعيد سعيد علينا وعلى جميع المسلمين إن شاء الله صفاء الجمل 02-09-2011, 12:23 AM الف مبرررروووك مقدما hamada331 02-09-2011, 11:09 PM دي هتبقي عزومة كبيرة جدااااااااااا لو تم تغير مسماي الوظيفي سارةسارة 03-09-2011, 12:20 AM ما هى شروط تعديل المسمى الوظيفى؟ hamada331 03-09-2011, 02:45 PM ما هى شروط تعديل المسمى الوظيفى؟ هيا ليها شروط تغيير المسمي الوظيفي؟؟؟ سندس وشهد 03-09-2011, 10:02 PM طب أنا اخصائية صحافة خريجة اداب اجتماع شعبة اعلام + تربوي ينفع احول مدرسة اجتماع أو مواد فلسفية ثانوي على فكرة أنا المفروض حاعمل اجراءات التعيين اعدادي ان شاء الله انصحوني ولو ينفع اعمل ايه؟؟ flowersmell1 04-09-2011, 03:18 AM بخصوص موضوع المسمى الوظيفى الى كل من يريد تغيير المسمى الوظيفى من ابناء محافظة الغربية التجمع يوم الثلاثاء الساعة 10 صباحا امام مديرية التربية والتعليم بطنطا للمطالبة بتنفيذ القرار 275 والخاص بتغيير المسمى الوظيفى من حيث التخصص او المرحلة ومعه اوراقه ومؤهلاته لان القرار لن ينفذ الا بحشد عدد كبير لارغام المسئولين على التنفيذ flowersmell1 04-09-2011, 03:26 AM بخصوص موضوع المسمى الوظيفى الى كل من يريد تغيير المسمى الوظيفى من ابناء محافظة الغربية التجمع يوم الثلاثاء الساعة 10 صباحا امام مديرية التربية والتعليم بطنطا للمطالبة بتنفيذ القرار 275 والخاص بتغيير المسمى الوظيفى من حيث التخصص او المرحلة ومعه اوراقه ومؤهلاته لان القرار لن ينفذ الا بحشد عدد كبير لارغام المسئولين على التنفيذ ارجو ممن يريد الحضور تاكيد ذلك على جروبنا على الفيسبوك(معلمو الغربية الثاثرون) سندس وشهد 04-09-2011, 08:40 AM ماحدش جاوبني على سؤالي أرجوكم أفيدوني بشكل واضح hamada331 07-09-2011, 04:18 PM ماحدش جاوبني على سؤالي أرجوكم أفيدوني بشكل واضح ع فكرة ممكن تغيرى للمجال اللي انتي عاوزاه بس انصحك اختارى تخصصك اللي انتي غوياه hamada331 07-09-2011, 04:20 PM انا روحت النهاردة قدمت اوراقي ف الادارة وقالولي اخر ميعاد وبعد كده هيبعتوا الورق بتاع الناس كلها ان شاء الله يوم 15-9 sara201184 07-09-2011, 04:28 PM معلش يا جماعه انا كنت عايزه اعرف هل تغيير المسمى الوظيفى يشمل المعلمين المساعدين وهل القرار ده تم تطبيقه على جميع الادرات انا من اداره مصر القديمه ولما سألت الموجه قالت مفيش حاجه جت من القرار انا مدرسه بقالى ست سنين معملم مساعد ابتدائى هل من حقى انى اغير المسمى الوظيفى لاعدادى لانى اصلا تربيه عام وعامله دبلومه مهنيه فى طرق التدريس ولو فى ارجو من احد مساعدتى اعمل ايه بالضبط؟؟؟؟؟؟؟؟؟؟؟؟؟؟؟؟؟؟؟؟؟؟ ولكم جزيل الشكر hamada331 08-09-2011, 02:05 AM معلش يا جماعه انا كنت عايزه اعرف هل تغيير المسمى الوظيفى يشمل المعلمين المساعدين وهل القرار ده تم تطبيقه على جميع الادرات انا من اداره مصر القديمه ولما سألت الموجه قالت مفيش حاجه جت من القرار انا مدرسه بقالى ست سنين معملم مساعد ابتدائى هل من حقى انى اغير المسمى الوظيفى لاعدادى لانى اصلا تربيه عام وعامله دبلومه مهنيه فى طرق التدريس ولو فى ارجو من احد مساعدتى اعمل ايه بالضبط؟؟؟؟؟؟؟؟؟؟؟؟؟؟؟؟؟؟؟؟؟؟ ولكم جزيل الشكر ايون ليكي الحق يااختي القرار نازل لكل المعلمين وانا مثلك بالظبط معلم مساعد وروحت قدمت ورقي النهاردة ف الادارة المؤهل الدراسي والدبلومة التربوية وطلب مقد م الي وكيل الوزارة وارجو من الله تعالي ان يوفقني في طلبي ويوفق كل الناس سارةسارة 08-09-2011, 08:22 PM معلم بالمرحلة الابتدائية حاصل على الدكتوراة فى التربية هل يحق له تعديل المسمى الوظيفى لمعلم بالمرحلة الثانوية أم يجب أن يتم التعديل للمرحلة الثانوية hamada331 09-09-2011, 11:59 PM لو ف دولة محترمة انت اكيد تبقي في اي مرحلة انت عاوزها ghada osman 13-09-2011, 06:06 PM الله يخليكم حد يقول لى تعديل المسمى الوظيفى ده بالرغبة ام جبر خاصة وانا اريد الاستمرارفى عملى كاخصائية مكتبة مع انى حاصلة على اداب فرنسى لكن ظروفى العائلية تمنعنى من هذا القرار خاصة وانه مشمول بالنقل لخارج االمركز الذى اعمل به |