طبيب يرفع حذاءه المقطوع امام وزير الصحه

قام الدكتور أحمد سعيد الطبيب بوزارة الصحة برفع حذاءه المقطوع على المنصة أمام الدكتور عمرو حلمي وزير الصحة، حتى يرى أمام الحضور ما وصل إليه حال الطبيب في مصر بسبب تدنى مرتبه الذي يتقاضاه ويبلغ403جنيهات، مؤكدا أنه متزوج ولديه طفل ويدفع 220 جنيها إيجارا من المرتب .

وأشار الطبيب إلى أن هناك عاملة تدعى " أم السعد " في المستشفى التي يعمل بها تتقاضى 613 جنيها, ووصل راتبها إلى1200 جنيه بعد زيادة حافز أل 200%, جاء ذلك خلال الندوة التي نظمها ائتلاف شباب الأطباء مساء أمس الخميس بنقابة الأطباء لمناقشة تحسين أحوال الأطباء في مصر.

ورد الدكتور عمرو حلمي قائلا: " سوف أتجاهل رفع الحذاء على المنصة أثناء انعقاد الندوة لأنى مشفق على تدنى وضيق الحالة المادية عند الأطباء لكن مهما كانت الظروف كان يجب ألا نجهر بذلك أمام الجميع"، مشيرا إلى ان هذه الأحوال وصلت إليها فئات كثيرة في المجتمع وعلى رأسها الاطباء ليس مع تطبيق حد أدنى للأجور بل يجب تطبيق حد أدنى للتضخم، حتى تتماشى الخدمة المقدمة للمواطن مع ارتفاع وانخفاض الأسعار.

واوضح الوزير انه لا نيه لزيادة ميزانية الصحة هذا العام، حيث انه تم اعتمادها بشكل رسمي ولايمكن تغيرها فى ظل الظروف الحالية التى تمر بها البلاد، لافتا الى انه خاطب وزارة المالية حول زيادة مرتبات الاطباء المتدنية، وان المؤشرات حتى الآن تشير إلى ان المالية ستوافق على ما قدم من اقتراحات بشأن هذا الموضوع.

لا امتلك الا ان اقول حسبى الله ونعم الوكيل
طبيب بعد ماتعب طول سنين الثانوى والكليه ويطلع ياخد 400 وام السعد اللى مش متعلمه تاخد 1200
وربنا يعنا انا لسه داخل اولى طب وبفكر احول اى كليه تانيه بسبب اهمال المجتمع للاطباء
المصدر http://al-mashhad.com/Articles/10007.aspx

حاجة تكسف يعنى نبطل تعليم ونروح نشتغل مكان ام السعد

أدي أخرت التعليم !

ايه يا جماعة بس الله يرضى عليكو

يعني انا مش طايق الكلية اساسا وداخل غصب عني

ليه مصرين تكرهوني فيها اكتر

انا والله تعبت

انا للاسف معلم دخلت كليه التربيه 90%مرتب ادارى او مشرف احسن منى انا بعمل 24حصة هو قاعد بيشرب شاى الساعة 10يروح شكرا للحكومه

ايه يا جماعة بس الله يرضى عليكو

يعني انا مش طايق الكلية اساسا وداخل غصب عني

ليه مصرين تكرهوني فيها اكتر

انا والله تعبت

ده رزق على فكرة :) ممكن ربنا يكون كاتبلك رزق اكتر بكتير

و مادام مش بتحبها يبقى بجد نصيحة ماتدخلهاش عشان من اللى سمعته من بتوع السنين اللى فاتت ان لالى يدخل طب لازم يبقى حاببها جداااااااااا عشان يعرف ينجح فيها ^^ الكلية صعبة ومادام مش عجباك يبقى حاول تقنع اللى غصبك تدخلها انك تدخل واحدة تانية .... كلية طب محتاجة ناس بتحبها جدا وتتحمل ال 7 سنين وهي صابرة و متحملة كل حاجة ... ولو الحب مش موجود يبقى هتتعب جامد ^^

هو تدنى حال العلم ولعلماء جميعهم مش الطب بس
ومع ذلك برضوا هيفضل الطبيب طبيب ، وهذه الأوضاع لحال العلم لايمكن أن تستمر
بس المشكلة فى هذا هو ازدياد أعداد الأطباء عن حاجة المجتمع ، والموضوع دا فى مجالات كثيرة جدا مش الطب بس
علشان كدا لازم المجلس الأعلى للجامعات يشوف ايه احتياجات المجتمع قبل ما يحدد أعداد المقبولين من الثانوية العامة