السلام عليكم
ارجوكم يا جماعه ساعدونى
انا مش عارف اعمل ايه
انا رغم انى دخلت هندسه سوهاج وعندى مشاكل كتير منها لكن
المشكله الكبرى فى الاقسام
سوهاج مفهاش غير قسمين
(مدنى ) و(كهربه شعبه اتصالات فقط))
ناس كتير منهم استاذالرياضه
بيقولى ان مدنى احسن فى شغل وكده
لكن
انا مش عارف
كل ما اسال حد يقولى انت عاوز ايه
لو كليتى فيها اقسام كتير كنت سبت مجموعى فى اعدادى يخترلى لكن
00000000000
انا نفس ابقى من الناس الى بيتعدوا على الصوابع يعنى حاجه بتعوز ابتكار
ومدنى مفهاش ابتكار
اما اتصالات بيقولى ان شعلها فى الموبيلات والشبكات بس

ارجوكم ارجوكم ارجوكم
قلولى هو انا كده مستريح ولا ايه يعنى فى اقسام احسن من كده بره كليتى فاتحسر على نفسى
ولا ايه؟
اصل استاذ الرياضه قالى احسن قسم فى الهندسه مدنى
انا عندى حاله اكتئاب

شوف يا سيدي اودامك حلين
- لو مش عايز اي قسم فيهم , , , تجيب جيد جدا و تحول من تاني سنة للقاهرة او عين شمس .
- تدخل كهربا اتصالات لانو قسم جامد جدي حتى والدي بيزن عليا اني ادخلوا صدقني قسم عبقري

اهم حاجه تعرف انته عاوز ايه فى اقسام كتير زى منتا عارف انا راى انك تعرف انته عاوز ايه وتحاول تركز انك تحقق الهدف ده يعنى لو عاوز طيران مثلا اشتغل كويس فى اعدادى وزاكر كويس جدا بحيث تجيب مجموع تقدر تحول بيه للقاهره وتخش القسم الى انته عاوز وربنا يقدرلك الخير اى كان

مدنى شغله كتييييييييييير جدااااااااااا بس طبعا مرتباته اقل من كهربا الا لو حد هيسافر برا


اتصالات لو مستواك كويس و ربنا كرمك ممكن تشتغل فى فودافون او اتصالات او orange او اى مكان من الشركات المالتى ناشيونال

لو قفلت فى الشغل بياخدوا كورس شبكات و يشتغلوا مع قسم كمبيوتر


فرق الصعوبة بينهم فى الدراسة فرق السما للارض , اتصالات دراستها صعبة جدا جدا جدا و عايزة حفظ و فهم و عملى و كل حاجة

بس اللى بيجتهد فيها بيوصل لمستويات صعب او مستحيل خريج مدنى يوصلها

و حتى لو التحويل كان صعب مدنى و اتصالات دول من احسن الاقسام و دول اكتر قسمين معظم اللى بيدخلوهم بيكونوا مقتنعين بيهم جدااااا و مش عايزين اى قسم تانى

شكرا شكرا طمنتونى
الله يطمنكم