سلام الله ورحمته وبركاته
بداية كل عام وانتم بخير

ادينى نزلت موضوعى هنا ووفرت عليكم النقل او الحذف
ممكن اعرف سبب حجرة المعلم المساعد ايه اصلا؟
ياريت لو الاستاذة ام شاهندة موجودة هيه اللى ترد
او الانصارى
لانى باعرف اتفاهم معاهم
دلوقتى معظم الموضوعات بتتنقل لقسم ابداعات الاعضاء وهيه اصلا عباره عن خواطر منقوله
وحط تحتها ميت خط
يعنى مش مكانها اصلا

وكمان الجدير بالذكر ان المشرفين هما اللى بيشجعو على كده
بالله عليكم لما مشرفين الاقسام بينزلو موضوعات تهنئة بالعيد فى اقسامهم اللى متولين الاشراف عليها
وكمان يثبتو الموضوع
ده يبقى اسمه ايه؟
على اساس انهم مش عارفين مكان قسم الاهداءات
طب انا ممكن انزله لينك فى توقيعى:)

طب هددوا المشرفين فى حال وضع موضوعات مخالفة للقسم زى مابتهددوا الاعضاء وشوفو الوضع هايبقى عامل ازاى؟
وكمان وفرو على نفسكم كطاقم ادارة انكم تنقلو الموضوعات بنفسكم وتتحملو ضغط زيادة
امال المشرفين دورهم ايه؟

وياريت مش تقولو بتدخلى فى امور مش تخصك
انا عضوة ومن حقى اسجل اعتراضى وكمان ابدى اقتراحاتى
وياريت تؤخذ بعين الاعتبار

اتمنى الرد بدون ايقاف او حذف للموضوع
انا لو ليا صلاحيات فى قسم المحذوفات كنت وفرت عليكم ونزلت موضوعى هناك
اهو برضو اسمى باساعد فى التنظيم :)

تحياتى لوجين
اتمنى ارجع والقى الموضوع موجود

كويس ان الموضوع لسه موجود
بس مافيش رد
دلوقتى اللى شايف نفسه يقدر يتواصل معايا منكم كمشرفين او طاقم ادارة ياريت يعرض وجهة نظره
المناقشة مفتوحة للجميع
يا اما انزل الموضوع فى اى قسم تانى وافتح النقاش للاعضاء
اهو فرصة اشوف وجهات النظر شكلها عامل ازاى
انا نزلت موضوع امبارح والاستاذ مدحت مشرف الروابط حذفة
ليه بقى ياريت توضيح منه هوه شخصيا؟

بالله عليك يا استاذ مدحت
اهو رد الاستاذه ام شاهندة وغرضها من انشاء الحجرة

تم انشاء قسم بإسم حجرة المعلمين المساعدين

ونقل الموضوع له
ويمنكم فيه تناول الموضوعات الخفيفة بعيداً عن القسم وما يحمله من هموم قد تجعل البعض ينسى معنى الضحك

خالص تحياتى

ايه بقى اللى غلطنا فيه عشان تادبنا ونتقل الموضوعات وتحذفها كمان
عالاقل اعلن عن نفسك ورد علينا فى موضوع منهم
عشان بس نفهم وجهة نظرك
انا ضد تصرفك
لان فى تعدى على مشرفين القسم
وقبلهم تعدي علينا كاعضاء
طفح الكيل
اى حد يرد من الادارة او المشرفين
طالما انا اقل من ان مشرف الروابط يرد عليا

يعنى انتم كاداريين وطاقم اشراف
بتعملو زينا كاعضاء تتفرجو عالموضوع وتمشو
طب انا هانزله فى قسم طلبات الاعضاء وفى الحجرة وكمان لينك فى توقيعى
واتمنى اشوف رد من الاعضاء بدال مانا باغنى وارد على نفسي
بتعيدو يعنى والا بتعملو ايه؟
ده حتى نسبه المشاهدات عاليه
هو فى اعضاء ان شاء الله بتدخل هنا والا ايه؟

الناس دى فين
‏الأستاذة نغم محمد (http://www.thanwya.com/vb/member.php?u=262889),
محمد على عاشور1
‏leprince (http://www.thanwya.com/vb/member.php?u=67284),
اظن رسالتى وصلتكم
وده دوركم للرد

ياريت لو الاستاذة ام شاهندة موجودة هيه اللى ترد

او الانصارى
لانى باعرف اتفاهم معاهم

استاذة لوجين بالفعل انا شفت الموضوع
ولم ارد عليه لان حضرتك طلبت من الاستاذ ممدوح
او الاستاذة ام شاهندة لترد عليك
دلوقتى معظم الموضوعات بتتنقل لقسم ابداعات الاعضاء وهيه اصلا عباره عن خواطر منقوله
وحط تحتها ميت خط
يعنى مش مكانها اصلا
كل الخواطر المنقوله مكانها في القسم الادبي
وانا قمت بنقل 2 منها
وانتظر ان ينقل الاستاذ ضياء مشرف القسم
بقية الخواطر
وليس مكانها في حجرة المعلم المساعد

وكمان الجدير بالذكر ان المشرفين هما اللى بيشجعو على كده
بالله عليكم لما مشرفين الاقسام بينزلو موضوعات تهنئة بالعيد فى اقسامهم اللى متولين الاشراف عليها
وكمان يثبتو الموضوع
ده يبقى اسمه ايه؟
مشرف القسم يهنيء
يهنيء مرتادي القسم بصورة خاصة وهذا غير مخالف
على اساس انهم مش عارفين مكان قسم الاهداءات
طب انا ممكن انزله لينك فى توقيعى:)

طب هددوا المشرفين فى حال وضع موضوعات مخالفة للقسم زى مابتهددوا الاعضاء وشوفو الوضع هايبقى عامل ازاى؟
وكمان وفرو على نفسكم كطاقم ادارة انكم تنقلو الموضوعات بنفسكم وتتحملو ضغط زيادة
امال المشرفين دورهم ايه؟
المشرف طبعا هو اللي ينقل ويحذف
ولامانع من تدخل الاداري لمساعدة المشرف
في ذلك

وياريت مش تقولو بتدخلى فى امور مش تخصك
انا عضوة ومن حقى اسجل اعتراضى وكمان ابدى اقتراحاتى
وياريت تؤخذ بعين الاعتبار
من حق حضرتك تعترضي وتقترحي
ونحن تحت امرك

اتمنى الرد بدون ايقاف او حذف للموضوع
انا لو ليا صلاحيات فى قسم المحذوفات كنت وفرت عليكم ونزلت موضوعى هناك
موضوعك مش مخالف ولانقوم بحذفه
او ايقافه
اهو برضو اسمى باساعد فى التنظيم :)

تحياتى لوجين
شكرا لحضرتك

اتمنى ارجع والقى الموضوع موجود
الموضوع موجود والحمد لله


استاذة لوجين

شكرا لحضرتك لانك مهتمة بقسم حجرة المعلم المساعد
وانا متابعة لنشاط حضرتك
والاعمال الجميلة للاستاذ احمد علي بس مكانها في القسم الادبي
وكما تفضل الاستاذ مدحت لكل قسم اختصاصه
تقبلي تحياتي

انا بعتلك رسالة بمجرد مانزلت الموضوع وده معناه انى عايزة حضرتك تتدخلى
وكمان مشرف الروابط بينقل الموضوعات كلها وحطى تحتها ميت خط
لقسم الابداعات وضياء بينقلها تااااااانى للقسم الادبى
بالله عليكم انتم كمشرفين مش متفقين على القسم المناسب هانتفق احنا كاعضاء؟
والمشرفين اللى منزلين تاهنى بالعيد ومثبتين الموضوع دول موقفهم ايه ؟
ومشرف الروابط ساكت عليهم ليه؟
اتمنى حضرتك تاخدى موقف لانى كنت على وشك عرض الموضوع على الاعضاء ليصبو غضبهم فيه
مصيبه ليكون فى ايقاف بسبب الموضوع ده
لان بجد الاعضاء مستائيين جدا من الوضع ده
وللعلم
ده تعدى على اختصاصات المشرفين
لو احنا اعضاء واستهبلنا ونزلنا فى القسم المخالف
المشرف فايدتة ايه ان شاء الله عشان مشرف الروابط يقوم بنفسه ينقل ويحذف؟
بالله عليك استشير المشرفين يمكن ليهم وجهة نظر
شكرا استاذة نغم
دانا كنت فقدت الامل فى الرد

الناس دى فين
‏الأستاذة نغم محمد (http://www.thanwya.com/vb/member.php?u=262889),


اظن رسالتى وصلتكم
وده دوركم للرد


استاذة لوجين

01-09-2011, 04:29 PM ارسلت الرسالة بهذا الوقت
وانا رديت عليك في الساعة 7.51 دقيقةpm

بعد مرور 3 ساعات فقط واول مادخلت للمنتدى

مش عارفه حضرتك عايزة ايه بالضبط الخواطر اللي نقلت
هي للاستاذ احمد علي وليست لحضرتك
وانا لم ارد على رسالتك لاحترام طلبك الموجة الى اشخاص محددين
شكرا

النقل تم للقسم غير المناسب
وكمان تم تثبيت موضوعات فى الحجرة بدون قراءة المضمون
وكانت موضوعات قديمة ولا تحوى على ردود
ده يبقى ايه؟
ولما اعترضنا اتشال التثبيت
طب كان ليه من الاول
غرض الحجرة واضح وكلام مشرف الروابط يبطبق على قسم المعلم المساعد
اللى كله مليان اشاعات اصلا
وام شاهندة لما عملت الحجرة تم وضع موضوعى بها نظرا للخلاف القائم بشان القسم المناسب ليه
وتانى موضوع كان عبارة عن لعبه كلمات بدون نقاط
اظن كده غرض الحجرة كان واضح
يعنى ماينفعش الموضوعات تتنقل منها
لانى باطلب دمجها والمشرف بيتواصل وبيثبت الموضوعات ومش مقصر فى دوره
عشان مشرف الروابط يدخل وينقل ويحذف
وكمان ضياء ينقل ويتعب معاكم عالفاضى
ده كفايه الرحلة الشاقة اللى بياخدها الموضوع بين الاقسام وكل مشرف رافض يقبله
ياريت توضحيلى غرض الحجرة ايه عشان التزم بيه

طب ممكن اعرف ابو بسملة خد ايقاف كام يوم عشان ابقى استناه
والا ده معناه ان الدور عليا؟

لوجين20,

لقد تلقيت تحذيرا في
بوابة الثانوية العامة المصرية.

السبب:
-------
تجريح فى الأعضاء

من حسن اسلام المرء تركة ملا يعنية

تنظيم المنتدي من شان المشرفين وليس الاعضاء

اي موضوع اخر وتجريح ضد المشرفين سيتم وقف العضوية نهائيا
-------

التحذير عبارة عن تنبيه لك عن قوانين المنتدى وخصوصياته والتي قبلتها عند تسجيلك

مع تحيات إدارة,
بوابة الثانوية العامة المصرية

كده انا اخدت تحذير
وتقريبا على وشك الايقاف
انا باشارك هنا فى صوت الاعضاء
احتراما ومنعا للتجريح
طب اعرف الايقاف فى حالتى دى هايكون كام يوم
وفى حالة ابو بسملة هايكون كام يوم برضو؟
يعنى من حقى اعرف
واتمنى سرعه الرد قبل تنفيذ قرار الايقاف
مشاركاتى عندكم سواء محذوفه او لا
وتقدرى يا ستاذة نغم تحكمى عليها
ولو فيها تجريح اعرضي عليا المشاركة وانا هوافق على قرارك
طالما ام شاهندة مش موجودة ولا الانصارى
معلش استحميلينى انتى

ليس من حق المشرف الدخول في حورارات او نقاشات مفتوحة مع الاعضاء اذا لم يلتزموا بقواعد المنتدي والتي وافقوا عليها بمجرد الضغط علي زر التسجيل في المنتدي

اما تنظيم المنتدي ليس هواء او عبثا وانما وفق اقسام فوجود قسم يلغي اخر يحمل نفس الصفة وليس من حق الاعضاء التدخل في تنظيم المنتدي وقد اعلنت عن ذلك اعلي الجحرة الخاصة بذلك وبمجرد الاعلان يصبح الكلام منتهي

الرجاء ان تتفهموا الموقف فكل موضوع له قسم المناسب واستغلوا هذه الحجرة بما يفيد الاخرين فهي ليست حجرة خاصة تمتكلونها فهي حق للاخرين ولابد ان يستفيدوا منها وليست لعدد من معين الاعضاء ينفعون بها علي حساب مضمونها

ونحن بصدد تنسيق وترتيب المنتدي ونحن علي وشك العام الدراسي الجديد وسينشغل كل منا بامورة الخاصة فدعونا ننتهز هذا الوقت التي سوف نحاسب علية ونلتمس اجرة من الله سبحانة وتعالي

ورجاء ان نتفهم ذلك وعدم استخدام اسئلة حوارية لان بالرد علي هذا السؤال يعتبر انتهت الاجابة والموضوع مغلق

وللمرة الاخيرة ليس فرض علينا ان نرد علي كل رسالة سبق الفصل فيها والاجابة عنها ومع احترامي للجميع عدم الالتزام واثارة البلبة لابد من اجراء حاسم للتفرغ لاعمال المنتدي الاخري دون تجريح او تلميح للاخرين

حاولوا تنظيم الحجرة بما يفيد الاخرين وتناول مشكلات المعلم المساعد ومن لدية موهبة ليس مكانة حجرة مخدودة الاعضاء وانما ابدعات الاعضاء لكي يراها الاخرين من هم اكثر موهبة للحكم عليها

تم تغير اسم الحجرة إلى استراحة المعلم المساعد

لتجنب اللبس فى تخصصها مع تخصص القسم الأصلى

ورجاء عدم تكرار الموضوعات بها دون داعى أو الابلاغ عن الموضوعات المكررة

وقف أى عضو وفترة وقفه لا يجوز السؤال عنها إلا من العضو نفسه
وهذا احتراماً لخصوصية العضو
فلا يحق أن يعرف شخص ما خطأ وقع فيه آخر
وعند عودته مؤكد سيعرف الجميع

تحياتى للجميع