|
مشاهدة النسخة كاملة : ممكن نخرج من مود التنسيق وتردوا عليا بصراحة زينب الشملى 01-09-2011, 06:14 PM بصوا ياجماعة بصراحه دى مشكلة اجتماعية وعايزاكم ترضوا بصراحة انا لية عمى كنا بنرحلوا فى مناسباتة كلها ونروح نزوروا وهو مش جلنا البيت الا مرة واحدة بس وفى فرح اختى مجاش خالص ومقلش حتى الف مبروك وانا مش شفتوا من العيد الصغير اللى فات فلما جية بيت ستى العيد دة جية تانى يوم وانا طلعت ومش سلمت علية خالص ولا كائنى اعرفة راحت عمتى زعلت منى amalsayed 01-09-2011, 06:29 PM اولا كل سنة وانتى طيبة انا حبت ارد عليكى هو يمكن عمك زعلان من حاجة تخصكم علشان كده مش بيجى عندكم بس انا من رايى ان انتى كان لازم تسلمى على عمك لان مهما كان ده عمك واكبر منك يعنى ميفعش تتجاهلى وبالذات كمان كان فى ناس موجودة وكده معلش كلهم هيجيبوا العيب عليكى مهما حصل لان هو الكبير ده بصراحة رايى ومتزعليش منى Eng.Ahmed Hagag 02-09-2011, 03:28 AM إنتي صح محدش ليه عندك حاجة يمكن أنا تفكيري كده بس ولا قريب ولا عم ولا خال يفرق معايا الي يحترمني احترمه مفيش احترام يبقى يستحمل بقى راجل كبير صغير ده مش مشكلتي أنا لو مكانك كنت عملت زيك بظبط وده رأيي. cat2007200 02-09-2011, 03:47 AM اهلا اهلا ازيكم وخدى بعضك وامشى عالطووووووووووووووول احسن من الطناش ولا ايه cat2007200 02-09-2011, 03:49 AM ازيك يا بيشوووووووووو فاكرنى يا ابنى amrsaso 02-09-2011, 05:56 AM قال رسول الله صلى الله عليه وسلم الرحم معلقة بالعرش تقول: من وصلني وصله الله و من قطعني قطعه الله فصله الارحام واجب علينا كلنا زى بالظبط انك لما تتصدقى او تعملى خير مش بتبقى مستنيه مقابل لان المقابل بتاعك هو ارضاء الله فلما انت تسلمى على عمك وتزوريه فانت عملتى اللى عليكى اتجاه ربنا مش اتجاه عمك وربنا هيديكى ثوابك ومش هيعاقبك لكن هو بقى مزاركيش او موصلش بيكى الارحام فهو هيبقى مقصر وربنا هيحاسبه وفى الاول والاخر ده عمك مش حدغريب يعنى المفروض في مقام والدك حتى ولو هو مش قايم بدوره كعم :d:d وانت لما تقابلى الاساءه بالخير فيكفيكى نظره الاستحياء منكى :d Dr.KaR!MaN 02-09-2011, 09:37 AM لا أنا شايفه إنك غلطانه كان لازم إنك تسلمي عليه وكان ممكن إن سلامك عليه يكون سبب إنه يجلكم وكده...وتتحسن العلاقه ما بينكم. zamalek1 03-09-2011, 12:52 PM انت غلطان دا الرسول كان عنده جار يهودى وكان بيعامل الرسول اسواء معاملة وراح سال عليه لما مرض امشى بمبدأ صباح الخير يا جارى انت فى حالك وانا فى حالى ningooooo 03-09-2011, 03:21 PM هو أكيد غلطان و انتي ليكي حق طبعا تزعلي لكن انت كمان غلطي كان لازم تسلمي عليه برضه و تخليكي احسن منه و متشيلش نفسك عيبه خطبة صلاة العيد كانت عن صلة الرحم و دي حاجه مهمة جدا الكثير غافل عنها و تخيلوا ان محدش قاطع لرحمه بيدخل الجنة ربنا يقينا شر نفسنا و نصيحة اخوية لو شفتيه تاني خليكي انت احسن وسلمي عليه و الحكاية ليس لها علاقة بالكرامة اطلاقا و معلش دوسي علي نفسك و اعملي كده علشان ربنا بس و شوفي ربنا هيكون فرحان بيكي ازاي انك اتبعتي اوامره و رسوله الكريم صلي الله عليه وسلم اكسيد امل 03-09-2011, 05:09 PM لا مش غلطانه بس نصيحه اعملى زى وانسى انك ليكى قرايب اصلا انا كان لما بابا عايش كاوا يجوا على طول علشان يخدوا ويخلعوا وبعد ما بابا اتوفى ماشفتش حد فيهم وجين بعد 5 سنين يفتكر يزرنا واحنا بالنا3 اعياد مش شفنا حد فيهم هو دا صله الرحم كبير بس تصدقى ان اكتر حاجه تخنق انك تلاقى قاريب مامتك يعدوا يقولولك هو فين اعمامك مش لسه جم يعيدوا عليكم يا حرام دى حاجه تخنق اوانا اخر ما زهئت قولتلهم انا مش ليا اعمام كلهم ماتوا اعمل زى هترتاحى ونصيحه حتى لو جه مش تبصيله يعنى هو لسه فاكر واى حد هيقول غير كده يبقى مش جرب احساس انك مش غير قرايب issac-newton 03-09-2011, 06:46 PM ممكن اكون قاسي شويا , , , حضرتك تكتبي الموضوع دا براحتك بس ممكن يكون في قسم تاني مناسب افضل لان هنا كلام عن التنسيق و بس ربنا يوفقك في مشكلتك Eng.Ahmed Hagag 03-09-2011, 06:54 PM ازيك يا بيشوووووووووو فاكرنى يا ابنى meeeeeen ya m3lem ملاك حسنى 03-09-2011, 10:53 PM بصى يا زينب انتى غلطانه شويه لان ممكن يكون فى مشاكل بين والدك وعمك و المفروض انك ما لكيش دعوه بالحاجات دى وانا كمان احيانا بتحصل مشاكل بين بابا وقرايبنا بس وقتها بابا بيقول لنا ما نتدخلش كأننا ما نعرفش حاجه وبيخلينا نتصل بيهم ونعيد عليهم كمان علشان ما يزعلوش مننا ويا ريت لو تعتذرى لعمك محمد010011 04-09-2011, 01:34 AM خليك انتا احسن منهم |