مجلس الوزراء: 17 سبتمبر بدء الدراسة بالمدارس ولا صحة لتأجيلها

http://www.egynews.net/wps/wcm/connect/921b6b80482c51db8e29dfdcc45dff93/Thumbmail2011-09-01+17%3A42%3A32.013X.jpg?MOD=AJPERES
القاهرة - أخبار مصر
نفى مصدر مسئول بمجلس الوزراء ما تردد عن تأجيل موعد بدء الدراسة فى التعليم قبل الجامعى أسوة بالجامعات والتى تم تأجيلها إلى أكتوبر المقبل بسبب انتخاب القيادات الجامعية.
وأوضح المصدر لـ"بوابة الأهرام أن مجلس المحافظين أقر فى اجتماعه الأخير موعد بدء الدراسة فى 17سبتمبر الجارى وأنه سيتم العمل بهذا الموعد دون تغيير فيه حتى الآن على أن يمتد الفصل الدراسى الأول حتى 26 يناير 2012 يعقبه إجازة منتصف العام الدراسى من 27 يناير وحتى 9 فبراير 2012، أما موعد نهاية العام الدراسى الذى يستمر لمدة 36 أسبوعا فهو 7/6/2012.
وقال: إن وزير التربية والتعليم الدكتور أحمد جمال الدين موسى قد رفع تقريرا إلى رئيس الوزراء د.عصام شرف حول الاستعدادات لبدء الدراسة، ونوه فيه بتسليم المديريات التعليمية أكثر من 90% من المستهدف وسيتم استكمال المتبقى خلال الأسبوع المقبل.
وبالنسبة للأبنية التعليمية فقد تمت الموافقة على زيادة استثماراتها بنسبة 150% عن العام الماضى، وسيتم بدء إنشاء 8162 فصلا جديدا خلال العام القادم مما يعنى تشغيل معلمين جدد أكثر وتخفيف الكثافات داخل الفصول الحالية، وبالنسبة للصيانة فقد تم من خلال المحافظات وفروع هيئة الأبنية التعليمية الانتهاء منها فى معظم المحافظات.

http://www.egynews.net/wps/portal/news?params=137999

أنا لن أكتب تعليقا ولكن هذه بعض تعليقات القراء على هذا الخبر فى موقع المصدر Egynews


الاسم : احمد سلوم

ده مش تعليق دى دعوة الى كل معلم محترم الاضراب يوم 10/9/2011 يعنى اخذ حقك الاضراب عن الدراسة يعنى كرامتك و كرامة اولادك و مستقبلك و رفضك للاهانة و اللى بيتكلموا عن الدروس الخصوصية يصدروا اى قرار او قانون بالتجريم و انا معاهم الى كل معلمى مصر الشرفاء امتنعوا عن الدراسة الا بكرامة المدرس و رفعة شأنه و نحن مستعدون لأى شى الى التنازل عن حقنا و كرامتنا
الاسم : ولي أمر ..............

لا داعي لتاجيل الدراسة كفاية سنة انفلونزا الخنازير وسنة بعدها ثورة يبقي السنة الجاية حيكون فيها اية ؟
الاسم : ايمن بيومي

بدء الدراسة وعدم التاجيل هذا ما يشغل الحكومة اما المعلم فلا ٠٠٠٠ لذلك احب اطمئن وزيرنا الموقر انه لا دراسة بدون اصلاح احوال المعلم واسترداد حقوقه
الاسم : SAM

يا تليفزيون يا مصري لا تشوشون علي فناة سي تي في
الاسم : عادل المصري معلم اول لغة انجليزية ماجيستير في الادب الانجليزي

يجب علي كل الشعب المصري ان يضع في الا عتبار المعلم اولا وكم يعاني المعلم مع الطلاب لدلك يجب ان يكون رقم 1 من حيث الحالة الاقتصادية مساواة بالكهرباء والبريد والبنوك اما بالنسية للدروس الخصوصية ارجو تجريمها ومنعها نهائيا لانها السبب الوحيد في ضياع هيبة الاستاد
الاسم : على محمد

سيادة ولى الامر الى بيتكلم على الدروس الخصوصية معاك حق بسى دول يمثلو 10 % من المعلمين انا مدرس ومش بدى دروس و بادفع لاولادى 400جنية شهريا اية رايك لو نجرد الدروس الخصوصية و نوفر عليك و نوفر على و نصلح التعليم و يكون دخل المعلم يكفية الكفاف فقط اما المرسيدس دى بنشوفة فى الافلام فقط تصدق بالله انى معلم من 16 سنة ومرتبة 850 بالكادر و بالحوافز بكل الى يتسمعوا عنة للاسف ان ما نشرة الوزير غير مطابق للواقع لو هو صح يضيف خانة و يكتب فيها احمالى المرتب عن كل شهر للمعلمين من 5 سنوات الى 20 سنة و شوف اعلى دخل مش هيذيد عن 1050 يكفوك اى موظف فى مصلحة تانية يفوق دة بكتير ياعم دة حوالى 60 موظف فى الوزارة م
الاسم : المهندس محمود

لو تأجلت هنتحر هنتحر عايز المدارس والجامعات تفتح النهارده قبل بكره
الاسم : اشرف الجبالى

يبقى الوزير وحاشيته بتاع الوزارة اللى ماصين دم الوزارة يبدؤا العام الدراسى بدون معلمين
الاسم : سؤال

تحذير لوزير التعليم وللمجلس العسكرى مفيش دراسة السنة دى .. المعلمين قرروا كده الأخ النمساوى حاقد على الأهلى وحاقد على المعلمين ..هو فيه إيه يا عم؟؟؟؟
الاسم : جمال أبوعبدالله

من الذي صرح بهذا ومن أعطاه هذا الحق لقد فقد الوزير شرعيته مثل القذافي وسلم لي ع الوزير
الاسم : احمد المصرى

ردا على الاخ بتاع الدروس الخصوصية اعدمو كل من يعطى دروس خصوصية و هى فئة قليلة جدا من المعلمين و 90% من المعلمون لم بعطو دروس خصوصية وولى الامر و الوزارة هم المسئوين على مشكلة الدروس الخصوصية مش علشان عشرة فى المية بيدو درس تهرب بيت 90 فى المية حقوقو العدالة
الاسم : معلم

القرار ده بتاع المدرسين هما اللي هيشتغلوا مش مجلس الوزراء واذا لم ياخد المعلم حقه فلن تكون هناك دراسة هذا العام وخلي مجلس الوزراء يجيب الناس بتوع الوزارات المنتجة ذي الكهرباء والمالية والعدل والبريد يجوا هما يدرسوا علشان يحسنوا الانتاج يالا التخلف وزارة التعليم وزارة غير منتجة!!!!!!!!!!!!!!!!!!
الاسم : معلم الى ولي أمر

وهو كل المعلمين بيدو دروس خصوصية
الاسم : shapanhamed

أنا أقترح زيادة دخل المعلم وأخذ ال200% بعيدآ خلاف الكادر ومكافأة الامتحانات بشرط تجريم الدروس الخصوصية وبذلك يزيد دخل المعلم ودخل الأسرة التى جاء فى تقرير منذ أسبوعين بأن إنفاق الأسر المصرية على تالدروس الخصوصية يأتى فى المرحلة الثانية بعد المأكل والملبس بنسبة 20%
الاسم : احمد المصرى

برجاء من سيادة الوزير ان يحقق العدالة الاجتماعية بين المعلمين و موظفى ديوان عام الوزارة لان المعلم هو اساس العملية التعليمية و الباقى من الوزير حتى العامل لتسهيل و تمكين المعلم لتادية عملة الا يعلم سيادة الوزير بان هناك اكثر من 60 رابطة و ااتلاف اعلون الاضراب العام و عام دراسى بلا معلم و من حق المعلم الاضراب طالما وقع علية ظلم اجتماعى وهى اهدار كرامة المعلم و ظلم مادى و هة عدم مساواة بموظفى التعليم فى الوزارة و ثقافى فرض مناهج و حشو لا يثمن من جوع علمى و طرق تدريس لا تتلاءم مع التلميذ المصرى فى المدارس المصرية كل الرجاء من سيادة الوزير الذى اهدر كرامة المعلم بتجاهلة لمطالبة و عدم الرد علية لا
الاسم : على

الوزير ونوابه والمالية يفعلون مايحلو لهم ولم يتغير اى شى المدرس اضعف عناصر العنلية التعليمية اذا يشسل هو الطين داخل المدارس ونشغله بالسخرة جرة قلم نلغى له بدل المعلم وندخله فى حافز الاثابة وفى مكافأة الامتحان كمان ونوهم كل من خارج العملية التعليمية انه جشع مابيحمدش ربه علشان هما كمان يضغضو عليه وفى النهاية فالتذهب العملية التعليمية المجانية هى ومن يتعلمون فيها ومن يعملون بها الى الجحيم
الاسم : اااااااااااااااااااااااااا

ياجدع حتي الاجازه مش مباركين فيه
الاسم : ا - ---------((((( النمســــــــــــاوى )))))----------

الى \\ معلم *** مش كفايه دخلك لا يقل عن 20 الجنيه شهريا من الدروس الخصوصيه وما بتفدعش عليهم ضرائب (دخل عام )وخارب بيوت المصريين ** وجاى على كام جنيه اهيف عاوزهم علشان بنزين94 للمرسيدس بتاعه سيادتك !!!
الاسم : معلم

حقوقنا اولاً اضراااااااااااااااب
الاسم : ولي أمر

افتكر المعلم واخد حقة كويس جدا من الدروس الخصوصية ياريت نقول الحمد الله !!
الاسم : محمد قادوس

ان لم نتساوى بالعاملين فى الدوله نقسم اننا لن ندخل الفصول وسلمولى على التعليم انتم اضعتم كرامة المعلم وفى جميع الدول المتقدمه التعليم والمعلم اولا اذا اردتم ان نكون فى صفوف الدول المتقدمه ولكن انتم تهتمون بالشكليات وتنسون الآليات التى تبنى عليها الشكليات
الاسم : Dr. Montaser

ما يطلق عليه "القيادات الجامعية" إرتكبوا سلسلة من الجرائم من الوزن الثقيل. دفعهم إلى ارتكابها اطمئنانهم إلى أن ظلم الحزب وأمن الدولة سيدوم إلى الأبد. قبل أن يستقيلوا أو يقالوا على كل منهم تقديم تقرير مفصل عن دخله أثناء فترة توليه منصبه وأن يتولى القضاء فحص هذه الإقرارات والحكم بمدى أحقيتهم بها. الإدعاء بأنها دخول قانونية أمر مشكوك فيه.
الاسم : س س

قولوا الى تقولو لكن مش رايحين المدارس الا بعد تحقيق مطالبنا
الاسم : ام اسلام

انا شايفه ان اهم حاجه فى العمليه التعليميه هى المدرس ثم المدرس لازم يرتاح ماديا وكرامته ترجع بدل ما يلف يشحت فلوس من البيوت ويبهدل نفسه فى الدروس الخصوصيه ويتحرج ويمد ايده وفى الاخر ندعى عليه ونقول بيدى دروس طيب هو يعمل ايه ما الحكومه مش بتقدر المدرس وبتريحه سايباه يكمل مرتبه من جيوبنا عشان احنا وهو نبقى كلنا تعبانين ومش لاقيين وهو ده اللى عاوزينه بس ده كان قبل الثوره لكن دلوقتى اكيد الوضع لازم يتغير يجب ان تصبح مهنه المعلم من المهن المهمه جدا فى البلد ومرتباتهم من اكبر المرتبات هو يرتاح واحنا كمان واكيد التعليم هيبقى افضل
الاسم : معلم

مفيش مدارس الا بعد ارضاء المعلمين وتفعيل حافز ال200/ بعيد عن الكادر والمكافئة
الاسم : هذا هو القرار الصائب ( معلم مصرى اصيل)عاطف البدراوى

لا للتأجيل نعم للمطالبة بحقوقنا المالية والأدبية

يا من تتحدثون عن الدروس الخصوصية إنها رغبة ولى الأمر فى المقام الأول. ولذلك يستحيل منعها. أنا معلم وأعطى اولادى دروسًا رغبة فى رفع المستوى فى ظل سباق الدرجات الرهيب

يا المعلم رخيص اوى للدرجادى مش فارق معاهم اضرابنا ومتاكدين اننا هناحط .,.... في بقنا ونطاطى ونشتغل ومش عاملين حساب ان المعلم هو اللى بايده يبدا العام الدراسي طيب يبداو العام الدراسي وييجو يشرحو هم

يا المعلم رخيص اوى للدرجادى مش فارق معاهم اضرابنا ومتاكدين اننا هناحط .,.... في بقنا ونطاطى ونشتغل ومش عاملين حساب ان المعلم هو اللى بايده يبدا العام الدراسي طيب يبداو العام الدراسي وييجو يشرحو هم
أشك ان احنا هنتحد ووالله أتمنى أن نتحد وأمنى أن نأخذ حقنا وأتمنى وأتمنى و أتمنى ....

عام دراسى بدون معلمين؟