لقد تقدمت لامتحان الكادر على تخصصى حيث اننى تربية عام حيث كنت اعمل فى هذه السنة فى مدرسة اعدادى ولكن بداية التعاقد ابتدائى واجتزت الكادر اعدادى وصممت امتحن اعدادى على تخصصى ولكن المديرية تغير النتيجة من اعدادى الى ابتدائى ويبعتوا النتيجة ابتدائى الى الادارة فهل استلم واشتكى ولا ارفض ولا اعمل ايه نصحونى لو سمحتم انا عارف ان فى الاسكندرية كانت هناك نفس المشكلة فماذا تم معمهم وماذا فعلتم ولو احد فى اى محافظة تم معاه ذلك ينصحنى ضرورى جدالو اى حد معاه مستندات تقوينى يضعها كذلك القرار275 لا تريد تنفيذ ه كذلك على هذه المشكلة افيدونى لو سمحتم فتقاريرى من التوجيه والمدرسة اعدادى وصحيفة الاحوال اعدادى والادارة تبعت للمديرية اول اقرار قيام باستلام العمل على مدرسة ابتدائى ولكن وقت دخول الكادر كنت فى مدرسة اعدادى منتدب اليها من مدرسة تعليم اساسى اعمل فيها ابتدائى واعدادى ولكن كنت على قوة الابتدائى

هما بيفرقوا بين الناس ليه
انا عندى زميلى تربية اساسى نقل لمدرسة اعدادى وامتحن كادر اعدادى و استلم جواب التعيين على المدرسة الاعدادى

بس انا منتدب وكمان حتى زميلى المنقول مبيعترفوش بالنقل مدام من الادارة المهم عندهم اول مدرسة عملت فيها كانت ابتدائى ولو يوم واحد وبقيت الايام حتى النهاردى تعمل فى مدرسة اعدادى يعينوك ابتدائى ملهمش دعوة بنتيجة الكادر انا فى انتظار ارائكم اعمل ايه معاهم

محدش بيرد عليا لى تخيل لو انا مكانك تبقى..........................

اى نصيحة لو سمحتم

الحل بسيط حتقدم شهاده الكادر والصحيفه الالكترونيه لمديره الاداره وكل سنه وانت طيب مشكلتك سهله

لو شهاده الكادر مكتوب فيها المرحله ابتدائي يبقي كل سنه وانت طيب وكل عام وانتم بخير او كما يقول فؤاد المهندس السنجه في الرنجه وكل عام وانتم بخير

اللي يطلعك من المشكله دي حاجتين تكون شهاده الكادر والصحيفه الالكترونيه بتاعتك يكون فيها المرحله اعدادي غير كده سلملي علي التروماي

طيب نتيجتى اعدادى وصحيفتة احوالى اعدادى ومختومة من الادارة على المرحلة الاعدادى ولكن المشكلة ان المديرية نفسها هيا اللى رفضها وبتقول ان عقدك ابتدائى ومش عارف اتعامل معاهم ازاى استلم التعيين على ابتدائى وبعدين ارفع قضية ولا اشتكيهم للمحافظ حتى استلم اعدادى

اعمل ايه ايه

فى انتظار اراء ادارة وسط حيث اعرف ان معظمهم دخل ايام الثورة على تخصصهم

طب يابني دانت عنب خلاص تغير المسمي الوظيفي بتاعك اعدادي مع قرار الوزير واهو شهاده الكادر بتاعتك اعدادي يعني مشكلتك ساهله قدم علي تحويل المسمي الوظيفي حتجيلك عنب

يعنى استلم ابتدائى وبعد كده قدم طلب تغيير المسمى الوظيفى ولا ايه وهو الزملاء اللى امتحنوا اعدادى فى الاسكندرية على تخصصااتهم عملوا معاهم ايه

السلام عليكم ورحمة الله وبركاته
انا من ادارة وسط الاسكندرية تخصصى الاساسى دراسات اجتماعية ولكن التعاقد مدرس فصل وكنت من الفئة اللى
حاولت تغير المسمى الوظيفى وتمتحن على التخصص وللاسف فضلت اغير الصحيفة الالكترونية اكتر من ثلاث مرات ومش راضيين فى الادارة لغاية ما كان اخر ميعاد للتسجيل للامتحان1-4وكمان مدير الادارة نصحنا بالامتحان ثم بعد ذلك نغير التخصص وبالفعل امتحنت على التعاقد مدرس فصل ونجحت ودلوقتى بحضر والحمد لله لاجراءات التعييين اما باقى زملائى اللى رفضوا يغيروا وامتحنوا على التخصصص سمعت الموظفة بودانى بتقولهم انكم حتمتحنوا دور تانى لان
نتيجتكم غير معترف بها فيدخلوا دور تانى للامتحان

يعنى هما غيروا الصحيفة ولا لئه لان ادارة وسط ان كان هناك اعلان للتغير الصحيفة عندما ذهب بعض الزملاء الى الحاكم العسكرى واعطى تعليمات بتغيير الصحيفة للامتحان على التخصص وامتحنوا على تخصصاتهم فهل فعلا هما غير وا وامتحنوا وبيقولوا لهم دلوقتى كدا ولا ايه

هما فعلا غيروا وامتحنوا بس الموظفة بتقولهم ان نتيجتم غلط وحيدخلوا دور تانى وبالفعل فيه ناس حتمتحن اليومين دول ومنهم اللى عايزين يغيروا المسمى الوظيفى ولكن يقدموا طلب الاول لوكالة الوزارة بابيس صدقنى احسنلك دلوقتى اتثبت وبعد كده ان شاء الله ربنا يسهل لانهم اول مرة يفتحوا حكاية الطلب ده لتغيير المسمى الوظيفى فاستنى خطوة خطوة وربنا يسهل الحال