دنيا وفيها ماشيين
زى متودينا رايحيين
على فين مش عارفين
مالاخر تايهين

ساعة بنفرح فيها
وليالى بنبكى عليها
مالجرح اللى ماليها
واهى عيشة وعايشين

حقوقنا مش لاقينها
ضايعة ولا سايبينها ؟
الدنيا جف حنينها
وديما مظلومين


ايامنا صعبة علينا
ودموع مش سايبة عنينا
واكيد العيب مش فينا
ده احنا ديما حامدين


خير الدنيا اتقل
والاصيل انذل
وصوتنا انكتم واتشل
وجراحنا بقالها سنين


عايشين ولا احنا موتنا ؟
وليه الفرحة بتفوتنا
وكل ما بإدينا سكوتنا
واخرتها لفين رايحين ؟


يادنيا حنى علينا
وكفاية جرحك مالينا
ولا حد خد بإدينا
ودواكى مش لاقيين


فيكى اتولدنا وعيشنا
وبنسعى على اكل عيشنا
ليه كل سككك خشنة
واحنا فيها ماشيين


لو القسوة هيه نصيبنا
او الحزن نفسه حاببنا
واكيد مش هيسيبنا
بردوا هنفضل شاكرين


رب العباد رحيم
وعلى احبابه حليم
ومهما عشنا جحيم
بردوا لله حامدين


دنيا وفيها ماشيين
زى متودينا رايحيين
على فين مش عارفين
مالاخر تايهين


بقلمى

كلمات رائعة يا سيلفانو ، هي فعلا دنيا وفيها عايشين ، ولرب العباد حنفضل شاكرين
تقبل مروري وتحياتي

هكذا هي الحياة تفعل فينا ما يحلو لها

أخي العزيز
أري في كلماتك من تقدم إلى أرقى


ننتظر منك المزيد

تحياتي

كلمات رائعة يا سيلفانو ، هي فعلا دنيا وفيها عايشين ، ولرب العباد حنفضل شاكرين
تقبل مروري وتحياتي

الاروع هو مرورك الغالى
دمت بخير

هكذا هي الحياة تفعل فينا ما يحلو لها

أخي العزيز
أري في كلماتك من تقدم إلى أرقى


ننتظر منك المزيد

تحياتي


مهما زادت الكلمات رقيا لن اشعر برقيها الا بعد مرورك استاذ ضياء
دمت مميز حتى فى مرورك