انا مش بنام شوفولى حل قبل مامووووت [الأرشيف] - بوابة الثانوية العامة المصرية

مشاهدة النسخة كاملة : انا مش بنام شوفولى حل قبل مامووووت

ahmed doula

05-09-2011, 01:41 AM

السلام عليكم

انا هدخل فى الموضوع على طول

انا فى الحقيقه مش بعرف انام خالص وكمثال اخر مره فضلت صاحى فيها كانت اكتر من 55 ساعه ومنمتش بعدها غير 5 ساعات وبصحى لوحدى

مش ده المهم المهم الاثار الجانبيه للموضوع ده

انا طول الوقت مرهق ومصدع وعينيا مزغلله وبتحرقنى

بالاضافه الى انى كامن مبقتش ليا نفس اكل كتير مش عارف اعمل

يعنى لو مامتش من قله النوم هموت من قله الاكل

ده غير انى فى ثانويه عامه ومحتاج انام كويس واكل كويس عشان اعرف اركز

ملحوظه >> الموضوع ده محصليش الا بعد رمضان اللى فات ده ؟؟؟!!!!!!!!!

واخر مره دى اللى صحيت فيها اكتر من 50 ساعه اما نمت وصحيت بعد اربع ساعات صحيت تعبت اوى وكانت بطنى بتوجعنى جامد وبعدين جالى اسهال جامد وابتدى قلبى يدق جامد ده غير انى كنت سخن كمان وكل ده بالاضافه للاعراض العاديه زى الدوخه والصداع ومكنتش شايف قدامى من التعب كان فيه ضباب قدامى

فى اليوم ده ( وكان امبارح السبت ) انا بلبعت دوا كتير لحد مافقت شويه

يا جماعه لازم حد يلحقنى قبل مايحصلى حاجه انا مش مستغنى عن عمرى على فكره فارجو الرد بسرعه

ولكم جزيل الشكر ,,,

اسراء زين الدين

05-09-2011, 01:54 AM

انت لسه منتظر لحد ما حد يرد عليك !!!!!!!!!!!!!!!!!

المفروض تروح للدكتور بسرعه

طالبة المعالى

05-09-2011, 02:05 AM

شفاك الله وعافاك
اكيد عندك توتر لاى سبب وبعدين حلك بايدك
اكيد مفيش اكل هيبقى فى هبوط
لازم تاكل كويس
وتنام غصب تقفل على نفسك اوضة وتحط حاجة على عنيك ربطة خفيفةوتتخيل نفسك بين اشجار ومية وسماء زرقاء
بجد مش بهزر دا هيعملك ارتخاء فى الاعصاب واقرا سورة الاخلاص والمعوذتين ونام
ربنا يعافيك

نزيه الصعيدى

05-09-2011, 05:49 AM

فما اطال النوم عمرا.............ولا قصر فى الاعمار طول السهر

ahmed doula

05-09-2011, 06:50 AM

شكرا ليكو كلكو بس انا بصراحه عايز حل عملى

اقرب مثال خالص اهه دلوقتى انا نمت الساعه 2 وادينى صاحى 6 وبكلمكو دلوقتى طيب اعمل ايه

ملحوظه انا بصحى لوحدة والله من غير منبه او دوشه

ممكن ده يكون بسبب زياده نسبه الادرينالين فى الدم ؟؟؟؟؟؟؟؟ عايز بردو اعرف المعلومه دى عشان انا فعلا زايد عندى

اها وكمان نسيت اقول انى كمان بالاضافه للاعراض اللى فوق بحس انى عايز ارجع كمان بس مش برجع

ArabianPDA

05-09-2011, 07:17 AM

يا دوله كلنا هنا يا داخلين اولي :d
يا نادر حد في تانيه ولا تالته بيعدي
هنفيدك احنا ازاي بقي :bosyht9:
روح عند دوك

بس نصيحه اجري شويه يمكن تتهد وتنام خودلك ماء غريب في اي صيدليه لأي مغص رااااااائع

ahmed doula

05-09-2011, 08:51 AM

شكرا يادوك محمد

انا مخدتش بالى من حكايه الفرقه الاولى دى بصراحه

وايه ميه الغريب دى بتعمل ايه؟؟؟؟

هارى12345

05-09-2011, 09:02 AM

ahmed doula

05-09-2011, 09:07 AM

ســـؤال واحـــــد وترد علــــــيه
انت لســـــــه مركـــــب الانتــــــرنت قريــــب؟؟
او بقالــك فتـــــرة كبييييرة مدخلـــتش على الانتــــــرنت؟؟
او اول مــــــرة تسجـــــل فى المنتديـــات وتستخـــــدم الانــــــترنت؟؟
(3 اسئــــــلة ملـــــهاش دعـــوه بســـؤالك بس فى الحـــــقيقه لـــيها )
:excl::excl::excl:

انا فاهمك على فكره

لا مركبه من سنين

ايوه بس دخلت من اول يوم فى الاجازه مش من بعد رمضان

لا مش اول مره اسجل فى المنتدايت ولا حاجه كنت مسجل من 3 سنين بس باسم تانى مش اكتر يعنى

هااااااااه

ايه تحليلك للاجابات؟؟؟؟؟

++++ فيه حاجه كمان

انا على اخر رمضان ده ابتديت فى موضوع كده مش عارف ده السبب واللا ايه

انا (لا حياء فى الاحياء) بقيت مش بستحمى الا كل 10 ايام مثلا على الاقل وده جديد عليا بس مش عارف ليه بعمل كده الصراحه

حد ليه تفسير للكلام ده؟؟؟؟؟

هارى12345

05-09-2011, 10:34 AM

بص انت معندكش مرض عضوى
.....................:excl::excl:................. ...
اللى عندك ده حاله نفسيه

يعنى لو بكرة العيد او اول يوم مدرسه او رايح الامتحان
هتلاقى نفسك مش قادر تنام ......وبتصحى لوحدك حتى لو نومك تقيل ومش بتأخر فى النوم
.....................:excl::excl:................. .
انت مركب النت من 3 سنين..............مش مشكله
بس بتقول انك قعد فترة متستخدمش الانترنت وبدأت اول الاجازة. يعنى مكنش عندك اهتمام به فى الدراسه
نعتبر انك ركبته اول الاجازة.....
...................:excl::excl:...................
جيت انت سجلت جديد على المنتدى.....بتتصفح عادى جدااا
بدأت تشترك فى المواضيع وتناقش ده ......وتتخانق مع ده......
ومستنى لما هو يرد عليك.......لما تقفل الكمبيوتر مستنى على نااااااار وعايز تفتح تشوف رد ولا لا
هو يرد ......تبقى انت فرحان تقوم ترد عليييه والموضوع يطووووول
...................:excl::excl:................... .......
الموضوع بالنسباله هيبقى عادى يعنى...........بس عندك انت لا
لييه؟......لانك شايفها حاجه جديده المفروض انها بتسليك زى لما يكون واحد مثلا عايش فى اسكندريه جنب البحر هل هيبقى هيموت وينزل البحر؟؟؟
لا طبعا ده ممكن يقعد سنين مينزلش البحر
طيب واللى راح يصيف واول مرة يشوف ينزل البحر.....هيبقى عايز يروحه كل يوم علشان ينزل او حتى يتفرج عليه
(تشبيه غريب)
.....................:excl::excl:................. .......
المهم رحت انت عملت موضوع ...........ومستنى الناس لما ترد عليها .......
فاتح الانترنت 24 ساعه.......
تيجى تنام مخك هبقى شغال ومش عارف تنام يا ترى فلان رد ولا لا...طب قال ايه.....طب مشوف الفيلم اللى نازل جديد......
تقوم تقول اقعد اشوف الردود يمكن انعس شوية
تلاقى ردود وهكذااااااااا

اكيد انت فاهم الباقى......
..................:excl::excl:.................... .
النصيحه بقى انك متشاركش فى ولا موضوع ولا مشاركات وتسيب الانترنت .....لبعد الدراسه
لان كده هيأثر جامد على المذاكرة والصحه

(ممكن تلاقى كلامى غير منطقى اوغريب او كلام فاضى .ده من وجهه نظرى فقط)
:rolleyes::rolleyes::rolleyes:

mo2men be allah2

05-09-2011, 01:17 PM

لا فعلا يا هاري كلامك صحيح
و كمان هو لازم بجد يروح لدكتور..فعلا حالته صعبة و حاجة مش طبيعية انه يفضل صاحي اكتر من يومين و السبب الاكبر ف كدا اكيد النت

ahmed doula

05-09-2011, 05:45 PM

شكرا ليكو وانا فعلا كنت ناوى افصل عن النت شويه عشان الدراسه

aya ahmed awed

08-09-2011, 01:23 AM

لازم تاكل بلح قبل النوم لان الرسول علية الصلاة والسلام اوصى بة

هندا زين

08-09-2011, 02:24 AM