تقاليع الزواج فى الصيف والفتاه وحدها تدفع الثمن [الأرشيف]

مشاهدة النسخة كاملة : تقاليع الزواج فى الصيف والفتاه وحدها تدفع الثمن

الرهينه

05-02-2008, 10:05 PM

تقاليع الزواج فى الصيف
والفتاه وحدها تدفع الثمن

مرحلة المراهقه وبداية الشباب من أخطر المراحل .. فيها تقاليع وطيش ومغامرات .. والادهى طرق جديده للزواج تزداد بشكل ملحوظ فى اشهر الصيف.

زواج "الرحله" مثلا : اختراع عبقرى !
فعندما يجتمع الشباب والفتيات للقيام برحله (خلال ايام الدراسه او فى الاجازه) يشهد اثنان آخرين يريدان الزواج.. وبعد زوجتك نفسى وقبلت زواجك تنطلق زغروده طويله وضحكات "ملعلعه" وتصبح العروس للعريس والجرى للمتاعيس طوال الرحله فاذا ما عادا افترقا وكأنه الطلاق ، ويذهب كل واحد فى طريقه دون التزام من اى طرف للآخر ، بل من حق الفتاه ان تتزج مرة اخرى فى رحله اخرى لأن زواجها الاول انتهى بانتهاء الرحله كما الحال بالنسبة له !!:o
ألم اقل لكم انه اختراع عبقرى من شباب ضائع ! .. وهذا كان النوع الاول

والنوع الثانى : فهو زواج الكاسيت ويتم تسجيل صيغة الزواج بصوت الطرفين على شريط كاسيت كوثيقه زواج وبمجرد التسجيل الف مبروك للعروسين فاذا ما "سف" الشريط انتهى الزواج :D!

اما النوع الثالث : فهو زواج الدم ففيه يجرح كل طرف اصبع الاخر ويلتصق الاصبعان كنوع من المزج الدموى بينهما ليكون اعلانا للزواج ...:o

واذا كانت هذه صور من الارتباط المرفوض الذى توافق عليه بعض الفتيات دون تفكير فى عواقبه فان هناك فتيات فقيرات يجبرهن الاهل على الزواج من اثرياء عرب ، وشهور الصيف تشهد ازدهار كل هذه الانواع من الارتباط .:mad:

عن هذه التقاليع يقال ان الفتاه هى الخاسره الوحيده فى تلك الزيجات لانها تضحى من اجل انسان قد يظهر لها حسن النيه وبعدها يهرب ويتركها فى موقف لا تحسد عليه .:mad:

والمجتمع والاعلام عليهما دور كبير فى توعية الاسره والشباب بمخاطر ومشكلات هذا الزواج ، وهو فى الاصل لا يطلق عليه لفظ "الزواج" لانه يتنافى مع قيم المجتمع واحكام الشرع . والنتيجه احيانا انجاب اطفال لا يعترف بهم سوى امهاتهم اللاتى يتحملن الكثير لاثبات كيان اطفالهن حتى بلغ عدد قضايا اثبات النسب المرفوعه امام المحاكم المصريه 14 الف قضيه ، وهذا الرقم المهول من الاحصائيات الاخيره التى اصدرتها ادارة الاسره بوزارة التضامن الاجتماعى !
وحرمان هؤلاء الاطفال من حقوقهم فى الرعايه الصحيه والتعليميه كان وراء عقد العديد من اللقاءات التى نظمتها هيئات غير حكوميه بتصور لمشروع قانون سيتم عرضه على لجنة التشريعات بمجلس الشعب من اجل سرعة الفصل فى قضايا النسب .:rolleyes:

و تحرك المجتمع المدنى اصبح ضروره لمواجهة هذه القضيه المهمه لان مجتمعنا عاش لسنوات طويله فى حاله من الازدواجيه ودفن الرؤوس فى الرمال برغم دق اجراس الانذار .:o

ومؤكد ان هذه التقاليع ستستمر طالما ان الآباء والامهات لا يراقبون ابناءهم بحجة انشغالهم بتوفير لقمة العيش او بدعوى توفير مساحه من الحريه للابناء او للانشغال بجمع المال والماديات ، دون اى اعتبار للدور الذى ينبغى ان تلعبه الاسره فى المحافظه على القيم والمبادئ .

مس رانيا حسن

05-02-2008, 10:34 PM

جزاك الله خيرا على هذا الموضوع الجيد

وفعلا الفتاه هى التى تدفع الثمن
هدانا الله للخير وابعدنا عن الشر والمهالك

لا اله الا انت سبحانك انى كنت من الظالمين

_GUIDE_

06-02-2008, 01:22 AM

والله ياجهاد موضوعك جميل وكلامك سليم
بس الشباب هيعمل ايه
لما يتقالك جهاز مش اقل من 40 الف وشبكة مش اقل من 15 الف
ده غير الشقة لزم تكون تمليك
والانكت كمان ان البنت تسكن فى بلدهم
اقول للبنت ايه غير
انتى طالق قبل ما حتى اخطبها :D

عاشقـــ الانمى ـــة

06-02-2008, 01:31 AM

أه
أيوه كده كلامك مضبوط
شكرا على الموضوع يا جهاد

nanes

06-02-2008, 01:40 AM

_GUIDE_

06-02-2008, 01:56 AM

شكرا ع الموضوع يا جهاد

بس الشباب هيعمل ايه
لما يتقالك جهاز مش اقل من 40 الف وشبكة مش اقل من 15 الف
ده غير الشقة لزم تكون تمليك
والانكت كمان ان البنت تسكن فى بلدهم

بس دي مش حجه يعني عشان يعملو كده ولا ايه

وهو انا قولتلك انى متجوز عرفى :D
انا بقولك ان الشباب برضه معذور
انتى عارفة انا طول عمرى بتعزم على افرح
نفسى مرة اتعزم على فرحى :(

عاشقـــ الانمى ـــة

06-02-2008, 02:02 AM

وهو انا قولتلك انى متجوز عرفى :D
انا بقولك ان الشباب برضه معذور
انتى عارفة انا طول عمرى بتعزم على افرح

نفسى مرة اتعزم على فرحى :(

ياعم إنت لسه21سنة وعايز تتجوز

مغترب وبس

06-02-2008, 02:04 AM

الي حصل ده بسب غياب الوازع الديني
لما الرسول صلى الله عليه وسلم : " اذا اتاكم من ترضون دينه وخلقه فزوجوه الا تفعلو تكن فتنه في الارض وفساد كبير "
واعتقد دلوقتي احنا بنقول لو جالكم الي ترضو بعربيتو وفلوسو وافقو عليه مش بقول ده مبرر بس ده مش مبرر ولكن ده نتيجة طبيعية
واعتقد هو ده الفتنه والفساد الكبير ... دي نقطة

النقطة التانية ومعلش يعني لو سمحتولي فيها قاعدين تقولو الفتاة هي الي بتضر هيا الي مش عارف ايه وهو الشاب مش بنضر ؟؟؟
وبعدين هو مش فيه بنات هيا الي بتجري ورا الولاد عشان يوقعوهم ؟؟؟؟
وبعدين اعتقد ان البنت الي توافق على اي حاجة من الي اشارت اليها الاخت في موضوعها تستاهل اي يجرالها هي موافقة على كده
يبقى تستحمل بقة مش بعد ما تدبس تقولك انا غلبانة انا مظلومة انا مش عارف ايه لا دي كده بتستهبل ؟؟؟!!!!

nanes

06-02-2008, 02:08 AM

ههههههههههههههههههههههه

طب بس بس ياخويا

ده انتو عندكو في مصر آخر دلع

عندنا هنا العريس بيجيب كل حاجه انتا ممكن تتخيلها ... كل حاجه .... البيت .. العفش .. الستاير السجاد ... الاجهزه وكل حاجه

غير ان هنا الافراح بتكلف اكتر بكتييييييييييييييييير من مصر

ده انتو آخر دلع احمدو ربنا

وبعدين متبقاش كئيب كلها 10 سنين ولا 15 وربنا يكرمك........... ههههههههههههههه

عاشقـــ الانمى ـــة

06-02-2008, 02:12 AM

مغترب وبس

06-02-2008, 02:17 AM

معرفش هل المرأة عليها حاجة ولا لا لما اعرف اقولك
بس الي اعرفو حاليا ان الرسول صلى الله عليه وسلم
نكح واحد لواحدة ومهرها كان سورة من سور القرآن مش فاكر انهي سورة

nanes

06-02-2008, 02:18 AM

ايوة والله ده اللي بيحصل هنا ...حتى هدومها هو اللي بييدفع تمنها

كمان المهور هنا عاليه اووووووووووووووي

يعني انتو بتدلعو ولا ايه رأيكو !!!!!!!!!!!

_GUIDE_

06-02-2008, 02:20 AM

لا خليكم فى البيت احسن
هناك بدائل:D

مغترب وبس

06-02-2008, 02:20 AM

هو فين الكلام ده يا نورهان ؟؟؟؟؟
وبعدين ده مش شرط يكون الاسلام ده ممكن يكون مجرد عادات وتقاليد

عاشقـــ الانمى ـــة

06-02-2008, 02:21 AM

معرفش هل المرأة عليها حاجة ولا لا لما اعرف اقولك
بس الي اعرفو حاليا ان الرسول صلى الله عليه وسلم
نكح واحد لواحدة ومهرها كان سورة من سور القرآن مش فاكر انهي سورة
أنا برده سمعت عن الحكاية دى مهرها كان سورة

عاشقـــ الانمى ـــة

06-02-2008, 02:25 AM

لا خليكم فى البيت احسن

هناك بدائل:D

قصدك إيه:mad:

شموخ مسلمة

06-02-2008, 02:29 AM

عاشقـــ الانمى ـــة

06-02-2008, 02:35 AM

صبحى45

06-02-2008, 02:41 AM

تقاليع الزواج فى الصيف
والفتاه وحدها تدفع الثمن

مرحلة المراهقه وبداية الشباب من أخطر المراحل .. فيها تقاليع وطيش ومغامرات .. والادهى طرق جديده للزواج تزداد بشكل ملحوظ فى اشهر الصيف.

زواج "الرحله" مثلا : اختراع عبقرى !
فعندما يجتمع الشباب والفتيات للقيام برحله (خلال ايام الدراسه او فى الاجازه) يشهد اثنان آخرين يريدان الزواج.. وبعد زوجتك نفسى وقبلت زواجك تنطلق زغروده طويله وضحكات "ملعلعه" وتصبح العروس للعريس والجرى للمتاعيس طوال الرحله فاذا ما عادا افترقا وكأنه الطلاق ، ويذهب كل واحد فى طريقه دون التزام من اى طرف للآخر ، بل من حق الفتاه ان تتزج مرة اخرى فى رحله اخرى لأن زواجها الاول انتهى بانتهاء الرحله كما الحال بالنسبة له !!
ألم اقل لكم انه اختراع عبقرى من شباب ضائع ! .. وهذا كان النوع الاول

والنوع الثانى : فهو زواج الكاسيت ويتم تسجيل صيغة الزواج بصوت الطرفين على شريط كاسيت كوثيقه زواج وبمجرد التسجيل الف مبروك للعروسين فاذا ما "سف" الشريط انتهى الزواج !

اما النوع الثالث : فهو زواج الدم ففيه يجرح كل طرف اصبع الاخر ويلتصق الاصبعان كنوع من المزج الدموى بينهما ليكون اعلانا للزواج ...

واذا كانت هذه صور من الارتباط المرفوض الذى توافق عليه بعض الفتيات دون تفكير فى عواقبه فان هناك فتيات فقيرات يجبرهن الاهل على الزواج من اثرياء عرب ، وشهور الصيف تشهد ازدهار كل هذه الانواع من الارتباط .

عن هذه التقاليع يقال ان الفتاه هى الخاسره الوحيده فى تلك الزيجات لانها تضحى من اجل انسان قد يظهر لها حسن النيه وبعدها يهرب ويتركها فى موقف لا تحسد عليه .

والمجتمع والاعلام عليهما دور كبير فى توعية الاسره والشباب بمخاطر ومشكلات هذا الزواج ، وهو فى الاصل لا يطلق عليه لفظ "الزواج" لانه يتنافى مع قيم المجتمع واحكام الشرع . والنتيجه احيانا انجاب اطفال لا يعترف بهم سوى امهاتهم اللاتى يتحملن الكثير لاثبات كيان اطفالهن حتى بلغ عدد قضايا اثبات النسب المرفوعه امام المحاكم المصريه 14 الف قضيه ، وهذا الرقم المهول من الاحصائيات الاخيره التى اصدرتها ادارة الاسره بوزارة التضامن الاجتماعى !
وحرمان هؤلاء الاطفال من حقوقهم فى الرعايه الصحيه والتعليميه كان وراء عقد العديد من اللقاءات التى نظمتها هيئات غير حكوميه بتصور لمشروع قانون سيتم عرضه على لجنة التشريعات بمجلس الشعب من اجل سرعة الفصل فى قضايا النسب .

و تحرك المجتمع المدنى اصبح ضروره لمواجهة هذه القضيه المهمه لان مجتمعنا عاش لسنوات طويله فى حاله من الازدواجيه ودفن الرؤوس فى الرمال برغم دق اجراس الانذار .

ومؤكد ان هذه التقاليع ستستمر طالما ان الآباء والامهات لا يراقبون ابناءهم بحجة انشغالهم بتوفير لقمة العيش او بدعوى توفير مساحه من الحريه للابناء او للانشغال بجمع المال والماديات ، دون اى اعتبار للدور الذى ينبغى ان تلعبه الاسره فى المحافظه على القيم والمبادئ .

nanes

06-02-2008, 03:02 AM

استاذ مغترب الكلام ده في السعوديه

انا مكنتش عاوزه افصلكو بس ماعلينا

هنا مش شرط الشقه تبقى ملك ...وقليلين اللي بيجبوها ملك اساسا

بتبقى دايما ايجار

العريس مسؤول عن كل حاجه في البيت كل كل حاجه

غير المهر اللي ممكن يوصل انه يعادل 50 او 60 الف جنيه مصري ... و مش هتصدقوا ان ليلة الفرح ممكن تتكلف اكتر مما يعادل 100الف جنيه مصري

كفايه عليكو كده ... بالذمه مش تمن الفرح بس يجوز واحد هنا ,(( مصر يعني))

dr.zomba

06-02-2008, 03:16 AM

معلش يا جماعة انا رايى ممكن يبقى مخالف ليكم

بس انا من وجهة نظرى ان مافيش انسان مش بيفهم و لا عبيط _سورى فى اللفظ _خاصة فى الزمن ده البنت هى اللى عملت كده فى نفسها يبقى تتحمل هى اللى لغت عقلها من الاول و قالت احب و امشى مع حبيبى اصل كله بقى كده و نسيت ان فى بنات منتقبات ما يجرؤش حد يبصلهم البنت من الاول هى اللى لغت عقلها و قبل كده لغت دينها يبقى مش ينفع اعطف عليها انما لو تابت دى حاجة تانية بس انا اتعاطف مع البنت المحترمة اللى ماشية باحترامها و حصل اى حاجة و اغتصبت _سورى برده فى اللفظ_

اما بالنسبة للزواج فهو فعلا البنت المفروض مش تجيب حاجة بس برده البيت و العفش و الحاجات دى مش بتبقى بالطريقة بتاعت دلوقتى

بالظبط محدش عبيط بس العبط جاي من عند الاهل الي معرفوش يربوا

يعني لما واحده هتعمل حاجه زي كدا اكيد بتفكر الف مره قبل ما توافق و هي مش صغيره يعني قراراتها تتحاسب عليها

بالنسبه للجزئيه بتاعت المنقبات

مع احترامي الشديد ليهم كلهم كلهم بوجه عام

بس للاسف برضو في بنات كتير بيستغلوا نقابهم عشان يدارو مصايبهم

عموما ربنا يهدي الاهل قبل البنات

dr.zomba

06-02-2008, 03:19 AM

صحيح نسيت اقولك علي جواز تانيه زي:

جواز السي دي ودا انهم يعملوا العقد علي السي دي وكل واحد ياخدله نسخه

وفي جواز الوشم ودا ان البنت والولد يوشموا نفس الوشم ويبقوا كدا اتجوزا

ودمتم

nanes

06-02-2008, 03:25 AM

والله بالنسبه للموضوع ...انا عارفه اني بعدت عنه شويه في ردودي السابقه

البنت اللي توافق على حاجه زي كده بجد تبقى تستاهل اللي يحصلها ... وعلى فكره ولا بنت من دول بيصعبوا عليا لو عيطوا

دي دموع تماسيح .......... اللي تقبل حاجه زي كده هي اللي قللت من نفسها وحطت راسها في التراب

وتستاهل اللي يجرالها............ يا بنات حافظو على نفسكو ومش تستعجلو حاجه ان شاء الله كده كده جايه

انا مش عارفه اقول ايه غير يارب اهدي بنات المسلميين واصلح احوالهم

nanes

06-02-2008, 03:28 AM

يا سلام ع التكنولوجيا ....كمان على سي دي

وحلوة حكاية الوشم دي ....تصدق فكره جديده

..........ربنا يهدي

قولوا آميييييييييييييييين

شموخ مسلمة

06-02-2008, 03:28 AM

بص يا دكتور زمبة انا بتكلم عن المنتقبات اللى لابسينه لربنا و بيبان ع مشيتهم و كلامهم و كلنا بنعرف نفرق

nanes

06-02-2008, 03:31 AM

يا جماعه بلاش ندخل في حوار النوايا ده

ربنا اعلم بالنوايا ...اللي منتقبه ... لو فعلا كويسه يبقى ميه ميه ...لو مش كده يبقى ربنا يهدي واحنا ملناش ندخل في حاجه بعد كده

........ولا ايــــــــــــــــــه

_GUIDE_

06-02-2008, 05:29 AM

TEMO_KHALED

06-02-2008, 06:49 AM

صباح التخاريف...آسف عاللفظ يعني......هو اية النظام دة انا كل الي كنت اعرفه حوار جواز الرحلات و الدم بس لكن الستهبال دة ماسمعتش عنه قبل كدة....... بس حلوة اوي الطرق دي ..عشان كدة انا عرفت دلوقتي هما بيقولوا البنات مابقتش عارفة تتجوز ....اتاري كنوا بيالشوا علينا بالكلمتين دول والبنات ماشاء الله اتجوزوا بدل المرة مليون......وعلى فكرة الغلط مش عالبنت بس والواد الي عمل كدة عيل من اصل عيل .... وزي مانتي قولتي يا جيجو البنت هي الي بتدفع التمن مش احنا......يعني مثلا مثلا يعني انا عملت كدة هاخسر اية...ولا حاجة....... اي نعم هاكون عيل اني عملت كدة بس مش هاخسر حاجة والبنت هي الي هاتخسر....... بس بصي يا جيجو الناس دلوتي واخدة الجواز على ان هو تأدية واجب مش اكتر ..يعني اهم اسمهم اتجوزوا وخلاص انا شوفت ناس كتيررررررررررررر قبل كدة بالمنظر دة....شباب والله العظيم مفيش فرق بينه وبين الفلم الرصاص المبري وماشي جنب واحدة لسة باين عليها شاربة الرضعة قبل ماتخرج معاه وماشين عاملين فيها عروسة وعريس واتنين حبيبة ماشيين في الشارع....... والنبي دة تسميه اية...... والسنة الي فاتت يعني كنت 2 ثانوي يعني كنت 16 سنة......... واحدة معانا في الفصل جاية وتقول مش تباركولي انا اتخطبت الاسبوع الي فات....... والله انا افتكرتها بتقول اتخبطت بس هي جت كدة......يا جيجو الناس دي خلاص مفيش في دماغها غير دي لبست احلى مني ودة عامل راجل عليا شوف لابس اية جديد ....ناس هايفة والله .....ومشكووووووووووووووووورة عالموضوع

الرهينه

07-02-2008, 12:51 AM

اولا جزاكم الله كلكم كل خير ومشكورين على المرور اللى زى العسل ده

وثانيا معروف طبعا ان الظروف صعبه جدا على الشباب لا مش صعبه دى نيله بس ده مش مبرر عشان الشباب يعملوا كده

يعنى مثلا لو عندك اخت هيبقى شريكها ف المستقبل نفس الظروف فهل هترضى ده على اختك ؟؟
يبقى ليه ترضاه على بنات الناس

بس مش معنى كده انى ببرأ البنت ..... بالعكس البنت اللى تعمل كده تستاهل ضرب الجزمه سورى يعنى:mad: واكتر من الولد كمان لانها مافكرتش ايه اللى ممكن يحصلها ولاهلها من عملتها دى

بس برده ارجع واقول ان الاتنين غلطوا ليه بقى البنت لوحدها اللى تتحمل نتيجة الغلط ده ؟؟؟

وهو فى الاول والاخر راجل ما يتحاسبش على تصرفاته :mad::mad:

nanes

07-02-2008, 02:37 AM

يعنى المفروض ان العريس هو اللى يجيب كل حاجة والعروسة كده تيجى بالفستان اللى عليها
ايه العبط ده
ده انتوا عندكم نسبة البطالة بسم الله ماشاء الله حوالى 20 % ومتوسط دخل الاسرة 2 دولار فى اليوم
ده غير ان نسبة العنوسة وصلت 40 % فى مصر
يعنى اللى معاها دكتورة لو جالها سباك تمسك فيه هو حد لقى عرسان
وعلى راى المثل
القرعه تقول لى ابوها ودينى الكوافير

انا مش عارفه انتا بتتكلم على انهي دوله ... مصر ولا ايه النظام

==========================================

بصي يا جهاد ... البنت صحيح بتشيل المصيبه على دماغها لكن ... هي تستاهل

وبعدين الولد اللي عمل كده فكرك بعد كده في بنت هترضى بيه ((مش عارفه هل البنات المحترمين يقبلو يتجوزوا واحد كان في حياته حاجه زي كده !!!)) ...ماهو برضه هتحصله مشاكل مش هيعدي منها سليم اوي ...صحيح البنت هي بتخسر اكتر ..لكنها تستااااااهل

_GUIDE_

07-02-2008, 03:00 AM

انا مش عارفه انتا بتتكلم على انهي دوله ... مصر ولا ايه النظام

ايوه مصر :d

nanes

07-02-2008, 03:07 AM

ايوة كده تمشي

هنا في مصر عشان الدخل ضعيف لازم يكون في مشاركه

لكن مادام العريس قادر ماديا ..يبقى ميستعبطش بقى ويجيب الحاجه هو

تفتكرو اللي عاوزة عريس كده تلاقي ولا ايه يا بشر

_GUIDE_

07-02-2008, 03:11 AM

ايوة كده تمشي

هنا في مصر عشان الدخل ضعيف لازم يكون في مشاركه

لكن مادام العريس قادر ماديا ..يبقى ميستعبطش بقى ويجيب الحاجه هو

تفتكرو اللي عاوزة عريس كده تلاقي ولا ايه يا بشر

ولا ايه

ولا ايه طبعا ده فى مشايخ حاليا بشجعه الرجال انهم يتجوزه اتنين وتلاته واربعه على شاءن يقلله نسبة العنوسة المرتفعه :D
ةفى الاخر يقوله جهاز ب40 الف

nanes

07-02-2008, 03:47 AM

_GUIDE_

07-02-2008, 03:59 AM

بس مع احترامي يعني

معظم البنات مستحيل يرضوا يتجوزوا واحد متجوز

عنوسة ايه بس سيبك من الارقام دي

الارقام دي تبقى صح
لو انتا اخدت معاك الناس اللي عايشين تحت خط الحياة مش الفقر

يا استاذ فيه في مصر 5 مليون مليونير كل واحد عنده 5 بيصرف عليهم
يعني 25 مليون واحد عايشين تمااااام اوي

واللي اقل منهم بشويه برضه بيتجوزواا ... النسبه دي زي ما قلتلك مع احتساب الناس اللي تحت خط الحياة
واعتقد برضه ان اكتر ناس مش بتعمر فى الجواز هما المليونيرات لان موجود عندهم كل حاجة ومشس هتفرق انه يتجوز او يدخل فى علاقة او يضحك على بنت عادى بئا
انما اللى متوسط حاله ما هيصدق يتجوز ويلم نفسه علشان لو طلق مش هيلقى يتجوز تانى :D

nanes

07-02-2008, 04:02 AM

بالظبط كده

... لكن الطلاق عند الاغنياء ميعتبرش عنوسه ده بس مش بيبقى لهم مزاج يكملو يعني

عندك حق

بس ممكن اعرف اسم حضرتك عشان صعبه_guide_ دي

_GUIDE_

07-02-2008, 04:09 AM

بالظبط كده

... لكن الطلاق عند الاغنياء ميعتبرش عنوسه ده بس مش بيبقى لهم مزاج يكملو يعني

عندك حق

بس ممكن اعرف اسم حضرتك عشان صعبه_guide_ دي
المرشد او اسلام :D

nanes

07-02-2008, 04:20 AM

ايوة عارفه ان معناه المرشد بس ماكنتش اعرف اسلام دي اهلا وسهلا .................

ع العموم ربنا يفكها على جيلنا اللي حظه هباب ده

قولوا آميييييييييييييين

_GUIDE_

07-02-2008, 04:25 AM

ايوة عارفه ان معناه المرشد بس ماكنتش اعرف اسلام دي اهلا وسهلا .................

ع العموم ربنا يفكها على جيلنا اللي حظه هباب ده

قولوا آميييييييييييييين

لا والله المشكلة حاليا بالتسبة ليا الوقت مش اكتر

همسه

07-02-2008, 04:33 AM

ايوة عارفه ان معناه المرشد بس ماكنتش اعرف اسلام دي اهلا وسهلا .................

ع العموم ربنا يفكها على جيلنا اللي حظه هباب ده

قولوا آميييييييييييييين
ههههه امييييين
والله بالرغم ان الموضوع معقد جدا
الى ان الحوار يضحك جدا بردو
بس فعلا البنت اللي تتورط في علاقه زي كده واله تستاهل الدبح
والراجل مهما اتورط في مشاكل والله ما بيخسر حاجة
وعادي ممكن اي بنت تتجوزه لانها ما تعرفش عن ماضيه حاجة
البنت هي اللي ماضيها بيكون حاضرها ومستقبلها
ربنا يستر بنات المسلمين يا رب ويهدي الجميع
وجزاك الله كل خير على فتح الموضوع ده للنقاش
تقبلي مروري

relativistic200

07-02-2008, 04:56 AM

والله انا عن نفسى هم تلات تلاف جنيه
الف خطوبة والف جواز...
والف تالتة تمن الحصير والقلة والزير

والعيشة ربنا يسترها الواحد مش هيموت نفسه
لما واحدة يا عم ابوها يقوللك احنا بنشترى رجالة
المهر 50 الف جنيه
هو انا هتجوز جوليا روبرتس ولا ايه:d:d
بلا تفكروا كتير فى الموضوعات دى هتتعبوا

وياعم اسلام انت لسه صحيح21 سنة
نا اخويا داخل على 24 ومفكرش فى الموضوع اصلا
احنا لاقيين ناكل يابنى:):):)

الرهينه

08-02-2008, 05:00 PM

ههههه امييييين
والله بالرغم ان الموضوع معقد جدا
الى ان الحوار يضحك جدا بردو
بس فعلا البنت اللي تتورط في علاقه زي كده واله تستاهل الدبح
والراجل مهما اتورط في مشاكل والله ما بيخسر حاجة
وعادي ممكن اي بنت تتجوزه لانها ما تعرفش عن ماضيه حاجة
البنت هي اللي ماضيها بيكون حاضرها ومستقبلها
ربنا يستر بنات المسلمين يا رب ويهدي الجميع
وجزاك الله كل خير على فتح الموضوع ده للنقاش
تقبلي مروري

بالظبط كده وهو ده كان هيبقى ردى عليكى يا نورا
جزاك الله اياه همسه

والله انا عن نفسى هم تلات تلاف جنيه
الف خطوبة والف جواز...
والف تالتة تمن الحصير والقلة والزير

والعيشة ربنا يسترها الواحد مش هيموت نفسه
لما واحدة يا عم ابوها يقوللك احنا بنشترى رجالة
المهر 50 الف جنيه
هو انا هتجوز جوليا روبرتس ولا ايه:d:d
بلا تفكروا كتير فى الموضوعات دى هتتعبوا

وياعم اسلام انت لسه صحيح21 سنة
نا اخويا داخل على 24 ومفكرش فى الموضوع اصلا
احنا لاقيين ناكل يابنى:):):)

هههههههههههههه .... بس تختلف اخو حضرتك مش بيفكر اساسا
لكن اسلام على اتم الاستعداد :D
بس ليه التبذير ده 3 الاف جنيه بحالهم ده حتى افترى:p
منور بالمرور اللى زى العسل ده

فتاة الاسلام

09-02-2008, 07:38 PM

انتى بتناقشى قضية العصر
اللى انا من وانا صغيرة خالص بسمع عن مشكلة الجواز العرفى واتنشارة بين طلبة الجامعات وكذا جمعية تعمل على توعية الشباب والاعلام يقوم بدورة ويعمل مسلسلات وافلام وحلقات وبرامج كل دة علشان توعية للشباب ولحد الان مش وصلوا لاى حل
الى ان الموضوع اتطور واصبح الجواز العرفى له اشكال كتيرة تندرج تحت مسمى الجواز العرفى
ولو جيتى وقولتى مين السبب فى الطفرة دى
هتلاقى السبب الاهل وغيابهم عن اولادهم من مراقبة وتوعية وايضا البنت والولد اللى هما عايشين حياتهم بدون حساب لاى حاجة عايشين كانهم فى عالم مفصول عن المجتمع والسبب الاكبر البعد عن تعاليم الدين الاسلامى
يعنى غلاء المهور وتكاليف الزواج دى صعبة اوى مشكلة
يعنى المفروض الاهل يكونوا من اهل اليسر
وعلى فكرة بمناسة حكاية اثبات النسب
فى لجنة بتناقش اصدار قانون جديد بيجبر الاب (او المفروض الجانى زى ما بيقولوا) انة يعمل تحليل dna ودة طبعا حفاظا على حقوق الاجيال الناتجة عن الاستهتار وحاليا جارى تثبيت القانون
موضوعك حلو جيجو ومهم اوى وياريت كل البنات قبل الولاد ياريت يفكروا بعقلهم قبل عواطفهم

الرهينه

09-02-2008, 10:46 PM

am_online5

11-02-2008, 02:35 AM

موضوع جميل جدا بجد يا جماعة يا ريت تحافظوا علي نفسكوا
شكرا جزيلا