السلام عليكــم ورحمـة الله وبركاتــة ،،

ازيكم يا شباب وبنات منتدى الثانوية

ندخل فى الموضوع ..

كل واحد فينا له شخصيته المستقله .. كل واحد فينا بيتعامل مع الناس بشخصيته ..

لكن الشخصيه بتتغير بحسب بحسب الاشخاص اللى انت بتتعامل معاهم ..

يعنى مثلا شخصيتك مع والدك ووالدتك مختلفه وانت بتتعامل معاهم ..

وبتتعامل مع اخواتك بشخصيه تانيه .. وبتتعامل مع اصحابك بشخصيه تالته ..

وبتتعامل مع حبيبتك بشخصيه رابعه .. وبتتعامل مع حد غريب عنك بشخصيه خامسه ..

ورئيسك فى الشغل .. ومدرسك .. وتلاميذك .. و... و....و .....

بنتعامل مع كل شخص بشخصيه مختلفه ...

لكن بالرغم من كل ده .. كلنا كالقمر .. لكل واحد فينا وجه مظلم ..

محدش بيشوفه غيره هو .. محدش يقدر يعرفه .. حتى اقرب الناس ليه ..

ملامح مختفيه جوانا ماتبانش من بره .. الا للى دخل جوانا ..

ممكن تقابل حد يبان عليه مظاهر الثقه والقوه .. لكن هو من جواه عنده احساس بالخوف ..

بيداريه بالمظهر اللى باين بره .. ومحدش يقدر يكتشف كده .. حتى لو عاش معاه طول عمره ..

غير لما الشخص ده يعرفه على الجانب المظلم اللى جواه .. الجانب اللى محدش يقدر يوصله

الجانب اللى شعاع الشمس مقدرش يلمسه ..

كل واحد يدخل يكشف الحجاب عن جانبه المظلم .. كل واحد يدخل يسلط الشمس على الجانب المختفى ..

يرسملنا الملامح اللى مداريها .. ولو مش عايز .. وعايز تحتفظ بيه لنفسك .. شىء يرجعلك ..بس عايزين نتناقش ...

أنا بصراحة مش عارفة أقول إيه ولا أبدأ منين بس كلام حضرتك كله صح
كلنا لينا كذا شخصية حتى مع نفسنا بشخصية مختلفة

انا مش فاهمة قصدك يعنى نكتب عيوبنا و لا الحاجات اللى احنا شايفينها فى نفسنا ومحدش حاسس بيها

أنا بصراحة مش عارفة أقول إيه ولا أبدأ منين بس كلام حضرتك كله صح
كلنا لينا كذا شخصية حتى مع نفسنا بشخصية مختلفة

شكرا لمرورك الكريم فعلا ساعات بنبقى شخصية تانية مع نفسنا عشان نتجاهل حقيقة اللى قدمنا

انا مش فاهمة قصدك يعنى نكتب عيوبنا و لا الحاجات اللى احنا شايفينها فى نفسنا ومحدش حاسس بيها

انا اقصد الحاجات اللى بنحاول نبينها للناس وهى مش فينا يعنى تبينى للى قدامك الثقة وانتى من جواكى خايفة
ولما يجى للواحد احساس بانة ملوش لزمة فى الدنيا بارغم انو بيحاول يبين عكس دا
فهمتى قصدى اية ..وشكرا لمرورك العطر

انا بقى عكس كدا خالص انا الحمد لله ماشى مع كل الناس بوجه واحد
مهما كان هو ........ومينفعش الواحد يكون له كذا شخصه
لانه كدا يكون انسان غير مستقل
بس نرجع ونقول الحمد لله على كل شئ ((دى وجهه نظرى))
وشكرا اخى الفاضل على الموضوع الجامد ده