عمومحمد
05-09-2011, 03:14 PM
وبعد مرور 7 أشهر على ثورة 25 يناير العظيمة وفى الوقت الذى نقول فيه نظافة وتطهير يوجد فساد إدارى ووظيفى فى معظم الجهات والمصالح أقسم بالله العلى العظيم أن ما أقوله هو الصدق والصحيح ( مدرسة تعمل بمدرسة بنات مدرسة للحاسب الآلى بنظام التعاقد معلم مساعد (496 جنيه ) بعد حافز الإثابة للصفوف الأول والثانى الإعدادى فى أحد مدارس مدينة أسيوط خريجة كلية الحقوق وتعمل فى الفترة الصباحية تحت التمرين عند واحد محامى لأن الباشا أخوها موجه حاسب آلى فى أسيوط ) والغريبة إنها تعمل فى مدارس المدينة والمدرسين المثبتين يعملون فى القرى وهى دى أسيوط
إسماعيل قناوى
05-09-2011, 03:42 PM
ممكن سؤال هى طبعا مخطئة بس العيب عيب الدولة اللى خلت الشباب يوصلوا للحالة دى لان معنى ان الاستاذة تعمل فهى فى حاجة للمال و معلش ال 500 جنيه ميجيبوش حق 5 كيلو لحمة بلوازمهم.
على فكرة أنا ليسانس اداب علم نفس , ليسانس أداب أنجليزى, دبلوم تربوى وطالع العاشر على الدفعة فى الدبلومة , و سنة أولى حقوق الان وما يدخل جيبى 391.5 جنيه مصرى لا غير والباقى شغل اضافى وانت هتسأل نفسك ليه التعب ده هرد اقولك اسال الفساد اللى خلى الناس تشت وتتصرف تصرفات غريبة ولو حكيتلك بعض المهازل التى تحدث فى مدرستى من فساد فسوف يشيب شعر راسك ولن اقول لك الا كلمة واحدة " هيه دى مصر يا منسى"
أيمن البدري
05-09-2011, 05:48 PM
المسألة ليست الحاجة لتحسين الدخل و إنما هو طمع وفساد ، تحسين الدخل يكون بالطرق الحلال الشريفة
misdodo
05-09-2011, 08:12 PM
والله اللى قولته ده مش حاجه فى الفساد الموجود فى الادارات تخيل احد المدرسين تم عزله من ادارة المدرسه وعليه اثبتت مخالفات ماليه وجزاءات وقضايا وتم نقله ورجع تانى المدرسه ورجع ايضا مدير لنفس المدرسه مع الاطهاد للمدرسين الذين رفضين وجوده فى المدرسه مع سوء الاخلاق والسب والسرقه والادارة التى قامت بذلك والوزارة حسبى الله ونعم الوكيل
مدرس اللغة
05-09-2011, 08:46 PM
عندنا حالات كتير زي كدا في سوهاج ودا طبعا عادي بالنسبة للتربية والتعليم اللي عايزة تسد العجز اللي في المدارس بأي طريقة مش مهم (سواء كانت حقوق أو دبلوم زراعة أو ثانوية أزهرية أو معهد سياحة وفنادق أو أي شيء تاني المهم انه في الفصل يكون فيه شخص مالي الحصة وساد الفراغ ولو كان واحد مش متعلم عادي برضو وكله على حساب التلاميذ مساكين اللي اغلبهم بياخد الابتدائية والاعدادية وبعض الأحيان الثانوية ومش يعرف يكتب كلمة صحيحة إملائيا وسلم لي على التعليم المصري
وعلى وزير التعليم كمان وعلى كليات التربية والكليات المتخصصة الأكاديمية:stickjo4::078111rg3:
ملحوظة في الأزهر لما بيوظفوا خريجي كلية الشريعة والقانون لأنه طبعا لهم مجال المحاماة بيطلبون منهم جواب من نقابة المحاماة يفيد بأنه غير مسجل في نقابة المحاميين
محمد مدحت حسنين
05-09-2011, 08:54 PM
والله تهريج فى تهريج والبركة فى الموجهين
reda_abonar
05-09-2011, 09:11 PM
اصلا حضرتك لما تتكلم عن ادارة اسيوط قمة الفساد والغش والتدليس
ليه مثال زى ما تقدم الزملاء الافاضل وقالوا بعض المشكلات والتعديات التى تحدث
اومال حضرتك ده مش جديد على موجهين الحاسب الالى بادارة اسيوط التعليمية
وكمان توجيه التطوير التكنولوجى دول اسوا توجيهين
قمة المهزلة
يعنى ايه اخصائية تطوير
تاخد اكتر من اجازاتها بمعدل 16 يوم ومحدش بقدر يتكلم معاها والورق يتسرق من الادارة
وعندى 100000000000000 دليل
وهو ده سبب ان الناس فقدت ثقتها فى المعلم
وشايفين اننا بنطلب اكتر من حقوقنا
وفى النهاية حسبنا الله ونعم الوكيل
ان زيك برضع معلم حاسب الى
ادارة المغضوب عليهم اسيوط التعليمية
عبده العطيفى
05-09-2011, 09:28 PM
ممكن تكتب الرقم بالحروف
علشان يعنى ايه مليون مليون
مليار؟؟
اسف أصلى متعودتش على الارقام الكبيرة
منهم لله
smart4u
05-09-2011, 11:06 PM
لن نتقدم شبرا للأمام ما دامت الواسطة والمحسوبيات منتشرة
والغلابة حسبهم الله ونعم الوكيل
M.Ahmed Elsaid
06-09-2011, 02:37 AM
اخى الفاضل .. ادارات مصر بالكامل بالشكل اللى حضرتك بتتكلم عليه دا .....
ولو دورت فى كشوفات العاملين بالتربية والتعليم كمدرسين ومدرسات وشفت مؤهلاتهم .. هتلاقى اغلبهم كدا ...
ويا بخت اللى ليه واسطة فى الادارة ..
وهى دى مصر وموظفين مصر ..
ثورة ايه بس اللى غيرت حاجة ..