مشاهدة النسخة كاملة : مطالبنـــــا يوم 10/9 ( هـام جدا ارجو التثبيت )


MR.Ahmed Abd Allah
06-09-2011, 02:57 PM
**مـــطـــالـــب الــــمــــــــعـــلـــمــيـــن لـــــعـــــــودة كـــــــرامـــــتـــــنـــــا **

1- إدراج المعلمين ضمن الحد الأدنى للأجور بما لايقل مرتب المعلم في بداية تعينه عن 1500 جنيه .
2- حصول المعلمين على درجاتهم المالية المتوقفة وترقياتهم بدون اى شروط وبعيدا عن الأكاديمية .
3- حصول المعلمين على حافز الإثابة 200% دون المساس بالكادر ومكافأة الامتحانات .
4- إلغاء امتحانات الكادر وعمل دورات تربوية وأكاديمية وإدارية ترفع مستوى المعلم المهني .
5- حصول المعلم على أي زيادة تقرها الدولة لجميع العاملين بالدولة بنص قانون 155 مادة 89.
6- صرف مكافأة الامتحانات بما يعادل 500 يوم أسوه بالعاملين بديوان الوزارة.
7- حصول المعلم على مكافأة نهاية الخدمة مساوية للدكتور الجامعي والبترول والكهرباء .
8- حصول المعلم عند صرف المعاش على أخر مرتب وصل إليه قبل المعاش .
9- وجود تأمين صحي ورعاية طبية شاملة بكل مدرسة للمعلم والطالب معاً .
10- إنشاء استراحات على أعلى مستوى من الخدمات والراحة عند انتداب المعلمين للتصحيح
11 - عودة تكليف خريجي كليات التربية
12- إقالة وزير التربية والتعليم لتجاهله مشاكل المعلمين وعدم معرفته بأوضاع المعلمين المادية وإن يكون وزير التربية والتعليم من المعلمين
13- .تخفيف ساعات العمل اليومية اسوة بالمدارس الفترتين
و مراعاة بعد المسافه بن محل الاقامة والمدارس

14- تثيب جميع العاملين دون قيد أو شرط .
15- تغيير المسمى الوظيفي للمعلمين .
16- معاملة معلمي المدارس الخاصة بنفس معاملة المعلمين في المدارس الحكومية ووضع راتب عادل أسوة بباقي المعلمين في الحكومة
17- عوده نادي المعلمين للمعلمين ومحاسبة المسئولين عن إهدار أموال المعلمين فيما يسمونه تجهيزات للنادي.
18- تطهير الوزارة من كل الهيئات التي تستحوذ على ميزانية التعليم من مستشارين وأكاديمية وهمية ونظام الجودة ومساواة موظفي الوزارة مع المعلمين في الرواتب ووضع حد أعلى للأجور ( وتوفير هذا الجزء الكبير من الميزانية يساهم في رفع رواتب المعلمين) .
19- اتخاذ الإجراءات القانونية ضد أي تعدى يقع على المعلم.
20- تحسين أحوال الإداريين والعمال بالمساواة بالمعلمين.

وبناء على ما تقدم
ننتظركم يوم السبت 10/9 ولن نكون إلا بكم معلمين مصر العظماء .....
أيها المعلمون الأحرار : إن حراككم المبارك هو الذي سيعيد لكم كرامتكم التي امتهنت و حقوقكم التي سلبت على مر العقود، فلا يمكن أن تتحقق المطالب إلا بوحدتكم وتضحياتكم وتفانيكم فمسؤوليتكم تاريخية و سيلفظ التاريخ كل متقاعس متخاذل لا يؤمن بقضيته ومستقبلة ومستقبل أبنائه ووطنه، فالموقف جلل يحتاج منا إلى وقفة رجال لن يجف لهم منبع ولن تلين لهم قناة ولن يقطع لهم ساعد ... وفى حاله عدم الاستجابه لمطالبنا نرفع نحن معلمى مصر الاحرار
شعار عام دراسي بلا معلمين


اخوكــــــم : احمد عبدالله 0100588010

MR.Ahmed Abd Allah
06-09-2011, 03:47 PM
يبدو ان المشرفين لسا نايمين :)

MR.Ahmed Abd Allah
06-09-2011, 04:32 PM
يحج مشرف انت وهو الوو الوو حول ......... هل تسمعنى ؟!!

ولا حياة لمن تنـــــــــــادى !!

يثرب28
06-09-2011, 05:00 PM
شكلك قاعد في المنتدى لوحدك
متتعبش نفسك
مع انك كاتب موضوع مميز
وانا هرفع من معنوياتك وقولك جزاك الله خير

MR : ABO BATTA
06-09-2011, 05:46 PM
ربنا يسهل .. ونحن لا نطالب الا بالعدالة والمساواة بغيرنا
فالمعلم في الدول الغربية وامريكا واليابان مكانته افضل من الطبيب والصيدلي والمهندس

MR.Ahmed Abd Allah
06-09-2011, 05:59 PM
شكلك قاعد في المنتدى لوحدك
متتعبش نفسك
مع انك كاتب موضوع مميز
وانا هرفع من معنوياتك وقولك جزاك الله خير




متحرمش منكـ يا جميل

انا مش عارف هما المشرفين راحو فين
طب بلاش المشرفين البنى ادمين ال هنا
حد فيهم يقول يمكن نسيت طلب ولا حاجة
او يمكن طلباتى مش عجبتهم !!
يقولو بس !!

MR.Ahmed Abd Allah
06-09-2011, 06:27 PM
ربنا يسهل .. ونحن لا نطالب الا بالعدالة والمساواة بغيرنا


فالمعلم في الدول الغربية وامريكا واليابان مكانته افضل من الطبيب والصيدلي والمهندس





قول قول كمان والنبي يا ابو بطة :022yb4:

munich2010
06-09-2011, 06:55 PM
لو سمحت يا جماعه احنا في اسيوط بنطلع الساعه (2 ونصف) كل يوم في فتره الدراسه فعلا محتاجيين يوم السبت اجازه ضروري ذي باقي المحافظات ( لوسمحتم احنا عايزين نطالب بان كل المحافظات تتساوي في يوم الاجازه (لو سمحتم نتفق في الراي ده لان في محافظات مرتاحه في حكايه اليوم الاجازه ده

munich2010
06-09-2011, 07:00 PM
لو سمحتم يا مدرسي اسيوط اتفقوا علي المطالبه بان يوم السبت اجازه علشان احنا فعلا محتاجيين ان يوم السبت يكون اجازه لان فعلا القاهره وبعض المناطق في اسكندريه بتاخذ السبت اجازه ( احنا بنتعب اقوي فعلا في ايام الدراسه احنا بنطلع الساعه 2 ونصف كل يوم ) ارجو الاتفاق علي هذا الراي

لوجين20
06-09-2011, 08:03 PM
انا شوفت المطالب اكتر من مرة فى اكتر من موضوع
بس عرضك شيق واستخدامك للالوان كان رائع
النقطة 12 و13
مكررين ياريت ندمجهم ونغير الصيغة
وكمان ليا طلب
تخفيف ساعات العمل اليومية
اسوة بالمدارس الفترتين
مش ينفع اتساوى فى المرتب مع مدرس بيروح ويجيي غيره وانا لسه شغالة وبيمشى بعدى بنص ساعة او ساعه
مع احترامى طبعا
ومش عايزة المدير يتحكم فينا
يعنى لامركزية القرار والسلطة
وكمان مراعاة بعد المسافه وشحططت المدرسين بين المدارس
ده غير بهدلة المدير عمال على بطال
مش بيحصل معايا ده بس بيحصل مع غيرى وبيدايقنى وباسجل اعتراضى
اتمنى تضيف مطالبى لو اقتنعت بيهم يا احمد :)

محمد حسين الشربينى
06-09-2011, 08:34 PM
اليوم مساءً او غداً على اقصى تقدير سيتم بأذن الله نشر المطالب التى اجمع عليها
جميع حركات المعلمين من جميع انحاء مصر

النصر من عند الله


اضراب المعلمين للمطالبة بحقوقهم 9/10
http://www.youtube.com/watch?v=yhVXH61dXak&feature=player_embedded

MR.Ahmed Abd Allah
07-09-2011, 12:46 AM
انا شوفت المطالب اكتر من مرة فى اكتر من موضوع
بس عرضك شيق واستخدامك للالوان كان رائع
النقطة 12 و13
مكررين ياريت ندمجهم ونغير الصيغة
وكمان ليا طلب
تخفيف ساعات العمل اليومية
اسوة بالمدارس الفترتين
مش ينفع اتساوى فى المرتب مع مدرس بيروح ويجيي غيره وانا لسه شغالة وبيمشى بعدى بنص ساعة او ساعه
مع احترامى طبعا
ومش عايزة المدير يتحكم فينا
يعنى لامركزية القرار والسلطة
وكمان مراعاة بعد المسافه وشحططت المدرسين بين المدارس
ده غير بهدلة المدير عمال على بطال
مش بيحصل معايا ده بس بيحصل مع غيرى وبيدايقنى وباسجل اعتراضى
اتمنى تضيف مطالبى لو اقتنعت بيهم يا احمد :)



فعلا مقتنع بيهم وتم التعدبل وبجد حق مشروع للجميع
وشكـــــــرا اختى العزيزة لمروركـ الكريم
دوووم مرورك مووو يوووم

basyoni
07-09-2011, 01:01 AM
.هناك نقطة بسيطة يجب ان نتحدث فيها ممكن تكون فاتت عليك هذة الشروط تمام ممتازة بس نحن نقول ما لنا وما علينا فيجب ان نقول ايضا انة عند تحقيق هذة المطالب جميعها فيجب على كل معلم بيدى دروس خصوصية ان يتنازل عن هذة الدروس التى اساءت للمعلمين لان السيئة تعم على كل المعلمين فهناك اكثر من 90% من المعلمين لا يعطوا دروس خصوصية ولكن النسبة الباقية ستسىء لنا عند تحقيق هذة المطالب لو ظلوا يعطوا دروس فلابد عند تحقيق المطالب ان يتنازلوا المعلمين عن الدروس الخصوصية مع خالص احترامى للجميع

belalnafie
07-09-2011, 01:14 AM
انا عاوز عقد سفر او هجر او حتى حرب فى المانيا اليابان ابعد عن الظلمفى البلد دى الواحد ضيع فيها شبابه حسبى الله ونعم الوكيل

MR.Ahmed Abd Allah
07-09-2011, 08:51 AM
.هناك نقطة بسيطة يجب ان نتحدث فيها ممكن تكون فاتت عليك هذة الشروط تمام ممتازة بس نحن نقول ما لنا وما علينا فيجب ان نقول ايضا انة عند تحقيق هذة المطالب جميعها فيجب على كل معلم بيدى دروس خصوصية ان يتنازل عن هذة الدروس التى اساءت للمعلمين لان السيئة تعم على كل المعلمين فهناك اكثر من 90% من المعلمين لا يعطوا دروس خصوصية ولكن النسبة الباقية ستسىء لنا عند تحقيق هذة المطالب لو ظلوا يعطوا دروس فلابد عند تحقيق المطالب ان يتنازلوا المعلمين عن الدروس الخصوصية مع خالص احترامى للجميع


زميلى العزيز لديكـ كل الحق فيما اشرت اليـــــــه
فلو تم تنفيذ هذه المطالـــــــــب
وقام احد الزملاء باعطاء دروس خصوصية !!
فعلى ما اظن ان هذا هو من يستحق
الجزاء ..... ليس الجزاء فقط وانما من وجهة نظرى المتواضعة
فليطبق عليه قانون الغدر ايضا

ويسلــــــــــــــــــم مـــــــــــــروركـ اخى

hanyicdl
07-09-2011, 09:31 AM
انا لا أعرف لماذا لا تقوم الحكومة بأي دور في محاربة الدروس الخصوصوية
الطالب علي سبيل المثال في مادة اللغة الإنجليزية يحصل في المدرسة علي 5 حصص لغة إنجليزية في الاسبوع بمعدل أربع ساعات إلا ربع أسبوعيا
أما في الدروس أو المجموعات يحصل علي ساعتين فقط
فأيهما أفضل للطالب
هناك خلل في طرفين أولا في طرف الطالب لأن الطالب حتي المتميز الذي لا يحتاج إلي دروس هو أول الطلاب الذين يقدمون علي حصص الدروس الخصوصية
ثانيا خلل المعلم لأن معظم المعلمين الذين يعطون دروس لا يهتمون بالطالب في المدرسة مثل اهتمامهم بالدروس
فالخلل هنا خلل مذدوج ويجل علاجة من الوجهتين
هناك نقطة أكثر أهمية وهي كثافة الفصول
ليس هناك أي مانع من إعادة نظام الفترات وتقليص كثافة الفصول فبعد عملية التعاقدات الأخيرة والتي كلها تهريج في تهريج أصبح هناك فائض في المدرسين في جميع المواد والتخصصات فعمل الفترتين الصباحية والمسائية في المدارس أو بناء مدارس جديدة علي العلم أن هناك مدارس كثيرة بها فصول غير مستغلة علي سبيل المثال في مدرستي مبني كامل غير مستغل
إذا كنا نبحث عن إصلاح التعليم وإصلاح المعلم فيجب أن ننظر للموضوع نظرة متكاملة وأعتقد إن أبسط معلم لو مسك وزير للتربية والتعليم أقسم بالله أن حال التعليم سوف يكون أفضل
أما إذا كنا بنهرج وخلاص فحسبنا الله ونعم الوكيل
فح

MR.Ahmed Abd Allah
07-09-2011, 09:56 AM
ربنا يرحمنا ممن وزير السياسات بتاع الحزب ال فات دا

نفسي ولو فى الحلم بــــــوزير معلم

يكون عاش ظروفنا وعارف كل مطالبنا

ومطالب الطلبة واحتياجاتهم

ويتوب علينا بقا من مستشارين وافاقين

وكدابــــــــــــين ماليين الوزارة

mr.tifa
07-09-2011, 10:50 AM
حسبنا الله ونعم الوكيل

marwa elminia
07-09-2011, 12:36 PM
مطالب كلها مشروعه يااحمد بس ربنا يسهل وتتنفذ

لوجين20
07-09-2011, 02:16 PM
انا ماعنديش اعتراض على الدروس الخصوصية
مالدكتور بيفتح عيادة ليه بقى المدرس مايستافادش بخبرتة فى مجال عمله
اينعم فى مدرسين مش بتراعى ربنا فى الفصل
انما فى احسن منها وبرضو بيدى دروس
ياريت ماتعترضوش على الموضوع ده ياشباب
مع العلم انى مش بادى دروس ولا عايزة ادى
بس ده من حق المدرس امال احسن يقعد عالقهوة بعد المدرسة
خليه ينمى موهبته :)
معلش ياشباب انا مش ضد الدروس الخصوصية
الا اذا اقتنعت بعدم شرعيتها
وياريت الوزارة تهتم بتطوير المدارس وتقلل كثافة الفصول
ميرسي يا احمد على تعديل الطلبات واضافة مطالبى

ايهاب2323
07-09-2011, 04:20 PM
ربنا ينصر المعلمين

MR.Ahmed Abd Allah
07-09-2011, 08:01 PM
مطالب كلها مشروعه يااحمد بس ربنا يسهل وتتنفذ





ادعى معايا بس يا مروة قولى ياااااااااااارب

ادعو معانا يا اخوانا
يارب يارب
تكون اخر وقفة بقا
انا رجليا وجعتنى :(

MR.Ahmed Abd Allah
08-09-2011, 04:49 PM
اظن دي مطالب عادلة صح.........؟!!

لوجين20
08-09-2011, 04:55 PM
اظن مش محتاج راينا
المهم مايكونش فيها ثغرات تضيعنا
هههه
احسنت يااحمد فى الاختيار والصياغة

MR.Ahmed Abd Allah
08-09-2011, 05:53 PM
ميرسي لذوقكـ :)

hanyicdl
09-09-2011, 01:51 AM
أنا أوافق علي هذه المطالب ولكن هناك بعض المواضيع التي تحتاج إلي نقاش
النقطة الأهم التي أنا أعترض عليها وبشدة وأري أنها من المهازل التي حدثت في التربية والتعليم وهي مطلب تثبيت جميع العاملين
أولا جميع هذه التعاقدات ليست فيها أي نوع من الشفافية أو المصداقية
فكان التعيين قبل ذلك يتم بمنتهي العدل والشفافية ولم يكن أحد يتعين بالواسطة او بالرشوة
وذلك من خلال المسابقات العلنية التي يقدم فيها جميع الراغبين ولها شروط واضحة وعلنة ومن ينطبق عليه هذه الشروط يتم تعيينه أما الآن أصبحت وزارة التربية والتعليم هي قمة المهزلة حيث صدر قرار من المحافظ أو ربما من وزير الترية والتعليم بعمل عقود لكل من سبق له العمل في اي مدرسة سابقا ثم يتم تثبيته بعد ذلك
علما بأن جميع هؤلاء الذين سبق لهم العمل بنظام الحصة او غيره حصلوا عليها عن طريق الوساطة والرشوة
فكل من كان له معرفة في الإدارة التعليمية سواءا من التوجيه او غيره يمكنه الحصول علي جواب للعمل في اي مدرسة حتي لو ليس له مكان
ثم يأتي بعد ذلك ويطالب بالتثبيت أو التعاقد بناءا علي قرار السيد المحافظ أو السيد الوزير
فما ذنب هؤلاء الذين لم يتكنموا من الحصول علي فرصة للعمل قبل ذلك
هناك كثيرين جدا لا يستحقون أن يعملوا في التربية والتعليم من الأساس
لذلك فالأفضل هو إلغاء هذه التهريج وإلغاء جميع هذه التعاقدات وعمل مسابقة علنية ونزيهة للتعيين او حتي للتعاقد وبمنتهي الشفافية يتقدم فيها جميع الراغبين في العمل وبشروط معلنة وواضحة مثلما حدث معي ومع غيري ممن تم تعيينهم سابقا ومن يستحق التعيين يتم تعيينه مثلما كان الحال في عام 99 و2000 و 2002 و 2004
و مسابقة
ومن تنطبق عليه هذه الشروط يتم التعاقد معه او تعيينه مباشرة حسبما يتراءي لسيادتكم
المهم هو ان يكون هناك نظام وعدل
أما هذه الفوضي في التربية والتعليم فلم تكن موجودة قبل الثورة
لا نريد ان تكون من ثمار الثورة انعدام الشفافية والعدل
وغير ذلك أن معظم المدارس الأن بها ضعف القوة المطلوبة للعمل في تخصصات كثيرة
مثال عندي في مدرستي 3 معلمين انجليزي في حين المطلوب 2 فقط وفي مدرسة قريتي هناك ست معلمين انجليزي في حين المطلوب 4 فقط
أما التعليم الإبتدائي فهناك مدرسين كثيرين ليس لهم اي حصص أصلا ومحسوبين علي الوزارة وخلاص
ثم أن مدارس كثيرة مكتظة بفنيين وسائل ومعامل ليس لهم أي شغل داخل المدارس

hanyicdl
09-09-2011, 01:52 AM
أعتقد أننا قبل أن نبحث عن المطالب يجب أن نبحث علي مصلحة التربية والتعليم في مصر

هشام الحامولى
09-09-2011, 02:01 AM
شكرا يا احمد كلامك جميل وشيق بس ممكن تضيف ارجاع كرامه المعلم المهدورة من المدير و ولى الامر و كمان التلميذ

MR.Ahmed Abd Allah
09-09-2011, 03:22 AM
يسلمو هشام
ان شاء الله الكرامة راجعة راجعة
لا عوودة للخلف

MR : ABO BATTA
09-09-2011, 11:15 AM
قول قول كمان والنبي يا ابو بطة :022yb4:

هههههههههههههههههه
مش مصدقني ولا ايه ؟؟؟؟؟؟؟؟
ان شاء الله الجاي احسن وهتكون rich teacher

MR.Ahmed Abd Allah
09-09-2011, 12:05 PM
هههههههههههههههههه

مش مصدقني ولا ايه ؟؟؟؟؟؟؟؟

ان شاء الله الجاي احسن وهتكون rich teacher


يسمع من بقك ربنا يا ابو بطة
يارب تكون بطة بخير
وتكبر وتبقا مدرسة قد الدنيا
بس يكون ساعتها المدرس رقم واحد ف الدولة

ايهاب2323
09-09-2011, 12:57 PM
ربنا ينصر المعلمين

MR.Ahmed Abd Allah
09-09-2011, 02:26 PM
يارب يارب انصرهم
وناخد حقوقنا يارب
احنا مش طماعين
احنا بنطلب اقل القليل
يارب يارب يارب

والله انى لمتفـــائل :)

MR.Ahmed Abd Allah
09-09-2011, 07:26 PM
بكـــــــــــرة الصـــــبح


10/9الى رئاسة الوزراء


قادمــــــــــــــــــــــــون :022yb4:

لوجين20
09-09-2011, 07:59 PM
ربنا معاكم
خلوها سلمية
وترجعولنا سالمين

MR.Ahmed Abd Allah
09-09-2011, 09:02 PM
ربنا معاكم
خلوها سلمية
وترجعولنا سالمين

وانتى مش هتيجي ولا ايه ؟!!لالالالا الستات قبل الرجااااااالةعشان نقول والله وعملوها المعلمات :)

لوجين20
09-09-2011, 09:16 PM
وانتى مش هتيجي ولا ايه ؟!!لالالالا الستات قبل الرجااااااالةعشان نقول والله وعملوها المعلمات :)

انا عايزة الرجالة هما اللى يعملوها
انا باشارك فى وقفات محافظتى
ومش هاقدر اشارك للاسف
عندى امتحانات :(
وكمان هاخد وقت فى السفر ذهابا وايابا
ربنا معاكم
خلينى هنا عشان اعمل خطة بديلة
انا جاهزة لاضراب اول السنة وبرضو هاكون بامتحن :(
البركة فيك يا احمد

MR.Ahmed Abd Allah
09-09-2011, 11:10 PM
خسارة
الوقفة حتبقا وحشة من غيركـ :(
يلاااااااا ان شاء الله تتعوض
الوقفة ال جاية
بس هتكون وقفة احتفالية بتحقيق مطالبنا ان شاء الله :022yb4:

لوجين20
09-09-2011, 11:15 PM
يبقى خلاص هاشارك فيها
خلى بالكم من نفسكم يا شباب
سلمية سلمية
وترجعو سالمين

MR.Ahmed Abd Allah
09-09-2011, 11:57 PM
سلمية ان شــــــــاء الرحمـــــن

وحقوم انام بقا عشان اصحى بدررى

لوجين20
10-09-2011, 12:06 AM
سلمية ان شــــــــاء الرحمـــــن

وحقوم انام بقا عشان اصحى بدررى


ربنا معاك يا احمد
ابقى طمنى
هاستنى اسمع الاخبار منك
تصبح على خير

hamada331
10-09-2011, 01:53 AM
كلام جميل كلا م معقول مقدرش اقول حاجة عنه