لقد توجهنا الى المديرية اليوم انا والزملاء ووجدنا اسامينا فى التعينات وسوف يتم ارسال الاسماء الى الادارات خلال اسبوع هذا ما قيل , بعد ذلك توجهنا الى محافظة القاهرة للاطلاع الى قرار المحافظ او اخذ صورة منه ولكنه كان صعب حتى فى دخول مبنى المحافظة دخلنا بعد معاناة بعد ذلك توجهنا الى غرفة صادر القرارت ولم نجد سواء قرارين وهم قرار 6990 وهذا خاص بمحافظة حلوان كما اشار اليه الاستاذ هيما قبل العيد وده بتاريخ 28/8/2011 وعددهم 1189 اولهم: اسلام رافت واخرهم : ياسر محمد, وقرار اخر برقم 7100 وقيل لنا انه قرار القاهرة وده بتاريخ 4/9/2011 وعددهم 1385 اولهم : اشجان حجاج . واخرهم : هبه سيد .
اشكر كل من شارك معنا وبذل مجهود من اجل الوصول الى هذه الاخبار وهم :
1 - أ / احمد كابونى .
2 - أ / وليد فاروق .
3 - أ / احمد ابو على .
4 - أ / اسماعيل قناوى .
5 - أ / تامر عيد .

والف مبروك للجميع . مع العلم ان القرارين فى المحافظة تم اعتمدهم ولكن ليس مكتوب عليهم الجهة الموجه اليها القرار هذا للامانة العلمية . سواء ( القاهرة -حلوان ) .

ولكن عندى سؤال هل القاهرة الجديدة تابعة لمديرية حلوان ام مديرية القاهرة الان ؟

يعنى اية اولهم اشجان واخرهم هبة
اين اسماء المعلمين الرجالة ؟؟؟؟؟؟؟؟؟؟؟؟؟؟؟؟؟؟

ياباشا الاسماء مش مرتبه ابجدى الاوليه فى التخصص وحسب الاداره التابع ليها كما حدث فى حلوان

ممكن اعرف سبب التأخير فى اعلان الاسماء اية ؟
ولية مش عارفين ناخد منها صورة زى بتوع حلوان ؟؟؟؟؟؟؟؟؟؟؟؟؟؟

يا استاذ شيكو القرار زى ما شوفناه تم اعتماده اول امبارح بتاريخ 4/9/2011

ههههههه يا أستاذ شيكو حسب ما انا فهمت من أستاذ احمد الترتيب يعتمد على متغيرين هما الادارة التعليمية والتخصص سواء أكنت تخصص علم نفس أو اجتماع أو مكتبات أو صحافة وهكذا وألف ألف مبرك للناس اللى تعبت واتحملت كتير واتبهدلت عشان تاخد الicdl و دبلومة التربوى وامتحان الكادر ومن قبل ذلك كانوا يأخذون 104.5 جنيه من 2004 وما قبلها راضيين صابرين حتى أعانهم الله ووفقهم لما وصلوا له فالحمد لله رب العالمين.

الحمد لله على كل شي احنا عملنا ما بوسعنا , والله الموفق .

للأسف فيه موظفين فى مديرية القاهرة زى العفاريت مش بيقعدوا على مكاتبهم فهم بيتنكدوا لما يشوفونا لاننا بنركز الضوء عليهم وهم مزوغين عشان كده بيورونا الوش الخشب وربنا يعدى ايامهم على خير ويتحالوا على المعاش ويتم ضخ دماء جديدة بدلا من الناس العجزة اللى موجودة فى قسم التعيينات بالمديرية.

متاكد يا أستاذ أحمد كابونى أن الرجل لم يكذب عليك هذه المرة او أنت بتضحك على نفسك أو أالرجل ضحك عليك ليه لم تدخل لمدير المديرية مثلما قلت امس ياريت تصدق الناس لانك شككت فى استاذ هيما عندما قال الخبر وشككت فيا امس وياريت اسلوب حضرتك فى الحوار يبقى أحسن من كده لان حضرتك النهاردة لم تأتى بجديد
وشكراً

شكر خاص لشباب القاهرة وايضا حلوان اللذين ساهموا فى اطمئنانا والله يبارك فيكوا بجد
بس ياترى تاريخ التعين يكون من اول شهر 9 ولا من 1/7 زى باقى المحافظات
وكمان يكون لينا درجه ماليه ولا لاء

مليـــــــــــــــــــــــــــــون مـــــــــــــــــــــــــــــــــــــــــــــــــ ـــبر وك
لكل زمــــــــــــــــلا ئنــــــــــــــــــــــــــــــــــــــــــــــا فى القـــــــــــــــــــــــــــــــــــــــــــــــ اهرة
وشكر خـــــــــــــــــــــــــــــــــاص للاســتــــــــــــــــــــاذ / احمـــــــــــــد كابــــــــونى
عـــــــــــــلى مجهـــــــــــــــــــــــوده وربنا يجعله فى ميزان حسناته

(الـــــــــصـــــــــــــــــــــف)[/

اولا الف مبروووووووووووووووووووك
ثانيا ياريت يا استاذ احمد ما تشككش في الناس انا رديت عليك بعد ما انت اتكدت اني مش بكدب عليكم
واننا رجاااال افعال وليس اقوال

استاذ حماده انا لم اشكك باحد ولكن لا تقول اننى لم اتى بجديد بالعكس الجديد هو انا قرار حلوان صدر قبل العيد بتاريخ 28/8/2011 وقرار القاهرة صدر بعد العيد اول امبارح بتاريخ 4/9/2011 يعنى ده صدر بتاريخ وده بتاريخ وارقام مختلفة يعنى لم يصدر الاثنين معا كما ذكر فكل واحد بيتكلم عن قرار محافظته , وعامة انا اسف للجميع وحقوكوا عليا ان اتحركنا انا والزملاء عشان نجبلكوا الحقيقة .

انشاء الله الاسماء هتعلق قريبا فى الادارات وكل شى باذن الله

ادارةالقاهرة الجيديدة تبع حلوان وحتىالان الورق والاسامى مع استاذه هالة فىالمديرية

ألف مبروك لينا يا جماعة ،وجزا الله كل شخص بذل مجهود كل خير ان شاء الله وبجد ربنا يوفقهم الناس اللي تعبت لينا واحنا قاعدين في بيوتنا
وربنا يوفق الجميع
والف الف الف مبروك

مـــــــــــــــــو عـــــــــــــــدنـــــــــــــــا يـــــــــــــــوم الســـــــــــــــبــــــــــــت

10 /9
مــــــــــــــــليــــــــــــــــــــونـــــــــ ـــــيــــــــــة المــــــــــــعلـــــــــــــــــــم

لو سمحتو لو حد راح ادارة القاهرة الجديدة وجاب جواب التعيين بتاعه ياريت يقولي علشان انا ساكن في الكيلو 40 طريق مصر الاسماعيلية ومش عايز اضرب المشوار علي الفاض وجزاكم الله كل خير ، وياريت لو حد يقدر يجيب الكشوف ويسحبها سكنر ويرفعها علي النت علشان نطمن ، وانا لو وصلت لنسخه وعد مني هسبحها اسكنر ورافعها كلها انشاء الله ، وشكرا لكل الزملاء الذين سعو وراء هذه القرارات حتي انتهت النهاية الصحيحه ، شكرا ليكم جدا جدا جدا جدا جدا

مفيش صوره من قرار 7100