ثورة شباب [الأرشيف] - بوابة الثانوية العامة المصرية

مشاهدة النسخة كاملة : ثورة شباب

hazem a

06-09-2011, 04:40 PM

السلام عليكم ورحمة الله وبركاتة

الموضوع ده اول موضوع ليه فى المنتدى ...
عشان كدة هبدا اعرف نفسي....

حازم
من مصر , شرقية
طالب ثانوي ..3ثانوي

واحب اتعرف على الناس الجدعان الى هنا وانا من ساعت ما دخلت المنتدى اعجبت جدا بموضاعات الشباب...
بس فى ناس كتير ليهم مواضيع جملية وكان نفسي اشارك معاهم بس الظاهر انهم خلصوا ثانوية وسابوا المنتدى .

انا فى 3ثانوى من 2008...
وهو ده سبب انى كتبت عنوان الموضوع ..(ثورة شباب)
يعنى بقالى 3 سنين في 3 ثانوي والسنة دى الرابعة...
والحمد لله مفيش ولا سنة رسوب كلهم غايبي...

سبب موقفي ده هو عدم رضى على نظام التعليم ..
سواء كان تعليم اساس او تعليم عالي...
وده رأيي.. وممكن ناس كتير تختلف معايه.

والسنة دى ان شاء الله ناوي ادخل الامتحانات لسبب..
انى حسيت بالامل ...ممكن تغيير بعد الثورة العظيمة الى حصلت فى مصر ..

وعايز اسمع نصائح بجد لان دلوقت في امس الحاجة للتوجيه والنصيحة ...
فمحدش يبخل عليه بيها وبالذات لان وضعي دلوقت صعب مش عارف اعمل ايه ....
طب ممكن اكمل ازاى بعد 3 سنين غايب...
قانونا هيبءه موقفي هيكون ايه...

بس محدش يقول انى ده تقصير منى لا انا كان عندى يأس من النجاح فى اى مجال فى مصر غير الطب والهندسة...
وطبعا اذا ما دخلتش طب او هندسة كدة فى الباباي...

وكان نفسي ثورة على نظام التعليم لكن في ناس كتير بتقول ان التعليم قدامة ولا عشرين سنة عشان يحصل تغيير....
ما ده نفس الكلام الى كان بيتقال على مصر يستحيل يحصل ثورة... حد كان مصدق ان مصر يحصل فيها كدة.
----------------------------------

كتبت الموضوع ده وكلى امل بالتغيير, التعليم الطريق الوحيد للتقدم , كل ثورات العالم الى نجحت نجحت بتطوير التعليم والاهتمام بالطالب ...
نفسي بءه ادخل الكلية ...بس مش بالحال ده لا.
نفسي ادخلها بعد ماتكون كلية تليق بالمصريين الى عملوا الثورة العظيمة دى واتشرف وانا داخل الكلية...
مش داخل بخبط كف على كف.

وفي النهاية احب ادعى بالرحمة على ارواح الشهداء
وربنا يجعلهم فى الفردوس الاعلى فى الجنة ان شاء الله
ويجزهيم عنا وعن جميع المصرين كل الخير ...

ومعلش طولت شوية ....بس عشان حابب اتعرف اكتر وحابب اسمع نصايح من حضراتكم ومحدش يبخل عليا بالنصيحة.

وكل عام وانتم بخير .

sara meeroo

06-09-2011, 05:13 PM

ArabianPDA

06-09-2011, 05:39 PM

وعليكم السلام أخي

حازم
من مصر , شرقية
طالب ثانوي ..3ثانوي

تشرفنا بحضرتك

انا فى 3ثانوى من 2008...
وهو ده سبب انى كتبت عنوان الموضوع ..(ثورة شباب)
يعنى بقالى 3 سنين في 3 ثانوي والسنة دى الرابعة...
والحمد لله مفيش ولا سنة رسوب كلهم غايبي...

علي اعتبار انها تفرق !
غايب حاضر النتيجه واحده
صح ولا انا غلطان؟
ثم ان 3 سنين ليه بس !

سبب موقفي ده هو عدم رضى على نظام التعليم ..
سواء كان تعليم اساس او تعليم عالي...
وده رأيي.. وممكن ناس كتير تختلف معايه.
ازاي يعني مبتحضرش عشان مش راضي علي نظام التعليم :d
وانت الي خسران اخي مش نظام التعليم فيها ايه لو كنت دخلت في اول سنه وسبت نظام التعليم خالص
وبعدين ايه سبب عدم رضاك عنه ؟!
طيب الثانوي وماشي (مع انه مش ظالم)
الجامعي ماله؟!

وعايز اسمع نصائح بجد لان دلوقت في امس الحاجة للتوجيه والنصيحة ...
فمحدش يبخل عليه بيها وبالذات لان وضعي دلوقت صعب مش عارف اعمل ايه ....
طب ممكن اكمل ازاى بعد 3 سنين غايب...
قانونا هيبءه موقفي هيكون ايه...
غايب ازاي !
يعني مكنتش بتذاكر اصلاً فيهم !!!!
اعتقد ينفع تخش
بس كلامك غرييييييييب
بس محدش يقول انى ده تقصير منى لا انا كان عندى يأس من النجاح فى اى مجال فى مصر غير الطب والهندسة...
وطبعا اذا ما دخلتش طب او هندسة كدة فى الباباي...
يا رااااااااااااااجل
طيب ما كنت تخش وتحاول بدل ما انت مبتخشش الأمتحانات اصلاً
يعني عندك يأس انك مش هتنجح غير في طب او هندسه (بعيداً عن حقيقه ان واحده علمي علوم والتانيه رياضه وانت في تالته يعني حددت هدفك خلاص)
بس مبتخشش عشان يائس من نظام التعليم !
ومين الي قال كده
انا داخل طب وعارف ان مستقبل الطبيب حتي لو ستاف غير واضح مش بالشكل الوردي دنتا ممكن تخش تجاره وتبقي فت فيها احسن من دكاتره كتير

كتبت الموضوع ده وكلى امل بالتغيير, التعليم الطريق الوحيد للتقدم , كل ثورات العالم الى نجحت نجحت بتطوير التعليم والاهتمام بالطالب ...
نفسي بءه ادخل الكلية ...بس مش بالحال ده لا.
نفسي ادخلها بعد ماتكون كلية تليق بالمصريين الى عملوا الثورة العظيمة دى واتشرف وانا داخل الكلية...
مش داخل بخبط كف على كف.
يعني ايه مشكلتك مع التعليم الثانوي يعني
وليه هتخبط كف علي كف
ومعلش طولت شوية ....بس عشان حابب اتعرف اكتر وحابب اسمع نصايح من حضراتكم ومحدش يبخل عليا بالنصيحة.
اول شئ تبطل الي في دماغك ده وتعرف ان الي قدك في رابعه كليه دلوقتي لأني مش فاهمك ولا فاهم وجهه نظرك اصلاً

ثانيا تشد حيلك وانت في الدش الي فوق مقولتش انت علوم ولا رياضه ولا ادبي ولا متأدب اصلاً

ربنا معاك

ArabianPDA

06-09-2011, 05:41 PM

hazem a

06-09-2011, 05:53 PM

السلام عليكم !!
لو حضرتك استنيت 3 سنين ! عشان التعليم فاشل زي ما حضرتك بتقول !!
اكييد محدش هيخسر حاجة غير حضرتك !
لان ده طبعا مستقبلك !
ولو بتقول انه مستقبل فاشل وتعليم افشل !
التعليم ده على كل الناس !
يعني غصبا عننا هنمشي في الفشل ده !لان مفيش طريق تاني غير كده !!
انا عارفة ان كلامي ممكن يختلف مع وجهة نظر حضرتك !
بس طبعا انك متاخدش الثانوي 3 سنين عشان سبب زي ده مش منطقي خالص !
طيب ما هو الفشل والفساد في مصر كتييير جدا !! مش في التعليم بس !
والدنيا ماشية !
اسفة جدا للاطاله !
بالتوفيق ان شاء الله
وعلى حد علمي انه ينفع ان حضرتك تدخل ثانوي تاني ...
السلام عليكم ورحمة الله وبركاته

الف الف شكر على المرور الجميل ده

اما السبب ممكن يكون مش منطقى لحضرتك ...
لكن رأي الساكت عن الحق شيطان اخرس فما بالك في الى ماشي في الباطل

اظن ان الواحد ماينفعش يقول ان الفساد في كل حاجة خلاص بءه امشي وخلاص.
وانا ما بعتبرش ان السنين دى ضاعت لا والى ماكدلي ان معظم الناس كان ليهم نفس رايي
والدليل الثورة الى قامت بس هما كانوا مشيين وخلاص.

واكرر الشكر تانى على المعلومة .

hazem a

06-09-2011, 06:42 PM

وعليكم السلام أخي

تشرفنا بحضرتك الشرف ليه حضرتك
علي اعتبار انها تفرق !
غايب حاضر النتيجه واحده
صح ولا انا غلطان؟
ثم ان 3 سنين ليه بس !

لا تفرق حضرت ورسبت يعنى فاشل
اما متغيب يعنى ممكن ظروف ممكن اى حاجة مثلا زيي ههههه

ازاي يعني مبتحضرش عشان مش راضي علي نظام التعليم :d
وانت الي خسران اخي مش نظام التعليم فيها ايه لو كنت دخلت في اول سنه وسبت نظام التعليم خالص
وبعدين ايه سبب عدم رضاك عنه ؟!
طيب الثانوي وماشي (مع انه مش ظالم)
الجامعي ماله؟!
عندك حق انا موضحتش رايي فى الموضع ده
بس عشان ماكنت عايز اكتر فى الكلام والناس تقرف منى من اولها
طيب هقلك على نقط معينة كدة نتكلم فيها وبقيت الغيث جاى
ايه رايك فى الدروس الخصوصية
نظام التنسيق والقبول بالجامعات
المناهج الى تشل
المدارس الى خاوية على عرشوها
ولسه الخ الخ

غايب ازاي !
يعني مكنتش بتذاكر اصلاً فيهم !!!!
اعتقد ينفع تخش
بس كلامك غرييييييييبلا ذكرت اول سنة بس بعد كدة مارضتش اخش الامتحان
بس انا حتى الان لو امتحنتى هحل كويس لان ما ذكتش حاجة تانى

اول شئ تبطل الي في دماغك ده وتعرف ان الي قدك في رابعه كليه دلوقتي لأني مش فاهمك ولا فاهم وجهه نظرك اصلاً

ثانيا تشد حيلك وانت في الدش الي فوق مقولتش انت علوم ولا رياضه ولا ادبي ولا متأدب اصلاً

متشكر على النصيحة الغالية دى وزى ماقلت انى ناوي ادخل الامتحان السنة دى
اما فى الدش الى فوق ده مارضتش اكتر
انا داخل فى تانية المواد الاجبارية بس يعنى المجال مفتوح ادامى
وانا عملت كدة بقصد
عشان ااقدر بعد كدة ادخل المجال الى انا عايز

ربنا يخليك يا رب وانا تشرفت كتير بمعرفتك
والف الف شكر على الرد الجميل والكتير ده

*moon*

06-09-2011, 07:00 PM

اكبر غلط حضرتك عملته انك ضيعت 3سنين من عمرك
لسبب وهو عدم رضاك عن نظام التعليم
طيب معظم او كل الشعب مش راضى عنه بالمرة
بس مش كلهم هيستنوا التعليم لما يتصلح
لا طالما احنا شوفنا نظام تعليم وحش
نحاول نتغير ونطور عشان الاجيال اللى بعدنا مش تبقى زينا
انصح حضرتك تدخل الامتحانات السنادى وتستعين بالله كده
وربنا يوفق حضرتك

hazem a

06-09-2011, 07:47 PM

اكبر غلط حضرتك عملته انك ضيعت 3سنين من عمرك
لسبب وهو عدم رضاك عن نظام التعليم ........
وربنا يوفق حضرتك

شكرا على المرور الجميل ده وعلى النصيحة الغالية.
---------
بس ليه ديماً التركيز على 3سنين الى ضاعوا
اذا كنت انا نفسي ما بعتربهمش ضاعوا
انا بعتبر ان ده موقف سليم جدا زي الى بعمل اعتصام ده شئ خاطئ بس بيعبر عن موقف

انا مش مهتم للسبب ...انه الحالتين سواء
- اخذت الثانوية العامة وبعدين كلية عاطل ...دور على شغل اترمى فى اى مصيبة طبعا الكلام مش للدكترة ولا المهندسين

-ماختش الثانوية العامة وشغال زى الفل .....طبعا اى شغلانة زى ماكنت برده لو معايه كليه كنت هشتغل اى شغلانه .

يعنى مافرقتش عشان كدة انا مش فى بالى
بس الحال دلوقت اتغير والبلد رايحه ناحية التغيير يعنى اكيد الشهادة يكون ليها قيمة
بس ازاى يكون ليها قيمة من غير ما يحصل تغيير جوهري فى منظومة التعليم وتغيير كلى.

زملاتى الى دخلوا الكليات عايش معاهم وعارفهم لغاية دلوقت بابا وماما بيدلهم المصروف يعنى حالى احسن منهم ودا بعتبروا انجاز لانهم هما هيخلصوا وهيطلعوا يدوروا على شغل لسه ولو مالاقاش حاجة تليق بيه ما هيشتغلش او يهج بره
بس الكلام ده كان ممكن نقوله زمان لو ماقامتش الثورة....
لكن دلوقت لا نتكلم عن التغير.....فى ناس مش عايزة التغيير لانهم مستريحين كدة وعاجبهم الحال
وبيقولوا(مع انه مش ظالم) هههههههههه

بس بجد الشباب لازم يعملوا حاجة فى التعليم التعليم التعليم .......مفيش مستقبل من غير تعليم.
وبالتعليم بالحال ده برده مفيش مستقبل .

وياريت التركيز على قضية التعليم نفسها عايز اعرف ارائكم في التعليم مش فى التلات سنين.

واجدد الشكر لحضرتك ولجميع الى شاركوا.