مشاهدة النسخة كاملة : زى ماتوقعنا كذبة الحد الاقصى للاجور


sammos
07-09-2011, 03:48 AM
الجهاز المركزي للتنظيم والإدارة يقترح:
الحد الأقصي للمرتبات بين 30 و40 ألفاً
التطبيق علي الحكومة فقط .. لا للكادرات الخاصة
كتبت ثناء حامد:
أكد مصطفي التهامي وكيل أول الوزارة ورئيس المكتب الفني للجهاز المركزي للتنظيم والإدارة في تصريحات خاصة بالجمهورية ان الحد الأقصي لأجور الموظفين بالقطاع الحكومي يتراوح ما بين 30 و40 ألفا.
فسر التهامي ذلك بقوله ان الحسبة تعتمد علي عدة دراسات واقتراحات تقوم علي حساب الأقدمية 36 عاما وهو العمر الوظيفي لموظف الدولة وأيضا بناء علي متوسط الأجر بالدرجة الثالثة التخصصية ولو أخذنا في الاعتبار ان العامل يحصل علي زيادة سنوية تمثل 10% من الأجر الأساسي وحيث ان الحكومة تقوم بصرف علاوة اجتماعية خاصة منذ عام 1987 إلي الآن فإن مجموع هذه العلاوات يبلغ 330%.
الاقتراح الثاني يقوم علي حساب أقدمية 38 عاما.. ويعتمد الاقتراح الثالث علي حساب نسبة التضخم وارتفاع الأسعار.
أضاف اننا لو أخذنا متوسط الاقتراحات فإن الأقرب هو الأخذ بأن نحسب علي الدرجة الثالثة التخصصية حيث الحد الأدني لها حوالي 850 جنيها. وبالتالي فإن حاصل ضرب 36 ضعفا في 850 يساوي حوالي 30 ألفا.
أضاف مصطفي التهامي ان الجهاز يقوم حاليا باعداد الدراسات اللازمة بهذا الشأن لعرضها علي رئيس الوزراء لتحديد الحد الأقصي الذي سيطبق من يناير القادم.
أكد التهامي ان الحد الأقصي لا ينطبق علي أصحاب الكادرات الخاصة وهم القوات المسلحة والشرطة والقضاة والصحفيون وأساتذة الجامعات ومن تحكمهم لوائح خاصة داخل العمل وبالتالي فإن الحد الأقصي سوف ينطبق فقط علي 5 ملايين و700 ألف موظف حكومي ينطبق عليهم الكادر العام.
جريدة الجمهورية
http://www.algomhuria.net.eg/algomhuria/today/fpage/detail00.asp

sammos
07-09-2011, 04:07 AM
ياريت نلاحظ مع بعض الاتى
نحسب علي الدرجة الثالثة التخصصية حيث الحد الأدني لها حوالي 850 جنيها. وبالتالي فإن حاصل ضرب 36 ضعفا في 850 يساوي حوالي 30 ألفا.
فين الحد الادنى للدرجة الثالثة 850 جنيه ده ولا هما بيكلموا ناس من المريخ
وتانى تلاعب وده اللى هيعملوا فيه اللى عاوزينه كله
أكد التهامي ان الحد الأقصي لا ينطبق علي أصحاب الكادرات الخاصة وهم القوات المسلحة والشرطة والقضاة والصحفيون وأساتذة الجامعات
ومن تحكمهم لوائح خاصة داخل العمل
ومن النقطتين دول هيمرروا كل اللى عاوزينه لوائح خاصة داخل العمل بتشمل مكافئات المستاشرين ومساعدين الوزراء وخلافه مع استبعاد القوات المسلحه والقضاء والشرطة والصحفيون واساتذة والجامعه لان دول مايقدروش يزعلوهم
هى الناس دى ليها بتدرس الحد الاقصى من فراغ ماهو علشان يضعوا نقض صغيرة يعدوا منها هو فيه واحد بيقبض نص مليون هيضع بأيديه قانون يقبض بيه 30 الف
والله انا حاسس ان الثورة ماعملتش اى حاجه غير انها شالت الصف الاول وجابت غيرهم والبلد زى ماهى

توفيق رفعت عجيز
07-09-2011, 05:14 AM
حد ادني مين دا كذبه ابريل انا علي الثالثة من 8 سنين يعني المفروض احصل علي الدرجة الثانية وراتبي 670 ؟

طه المنشاوى
07-09-2011, 08:12 AM
مفيش تغيير حصل فى البلد
وربنا فوق الكل
محدش بيتعظ أبدا

طه السعدني
07-09-2011, 08:58 AM
أنا من 25 سنة نفسي أقبض على الخانة الأولى من كشف المرتبات لأنك لو شفت أول خانة و المرتب بخيره هتقول الله جميل قوي لكن لما بيوصل لآخر خانة اللي بتقبض و توقع جنبها بيكون المرتب يا حبة عين أمه من كتر الخصم و الطرح جاله سل و شلل رباعي و بيقول حد ياخد بإيدي و يعطف علي و ينشلني من الكشف ده لأحسن أنا اتهريت ضرب وطرح فيقوم العبد لله مستسلما و يقبض المرتب محسور على ما آل إليه حاله
لسه كثير على ما تتغير الأمور الله يكون في عونك يا مصر و يا موظفين يا احنا يا غلابة
الحيتان السمان بطنهم فرقعت من كثر الفلوس المنهوبة و احنا بطننا نشفت من كثر الجفاف اللي جالها
لأ و بنقول مكابرة بنعمل دايت و تخسيس ور شاقة

ayman2158788
07-09-2011, 12:32 PM
لما يتكلموا علينا يقولوا الحد الادني 700 افتراضيا و ده اقل بكتير من الحقيقي
و لما يتكلموا عليهم فجأة يرتفع الحد الادني ل 850
فين احنا من دا كله
معلم 6 سنوات و بقبض 494 جنية و بالكادر كامل
لنا الله يا بلد

صفوت حمادة
07-09-2011, 01:01 PM
جزاك الله خيرا