ممكن تساعدونى و تفكروا معايا [الأرشيف] - بوابة الثانوية العامة المصرية

مشاهدة النسخة كاملة : ممكن تساعدونى و تفكروا معايا

hobahoby

07-09-2011, 09:02 PM

Eng..LiNa

07-09-2011, 09:40 PM

يا جماعة انتوا زى اخواتى :) و انا زى اختكوا بس اخت هبلة و عبيطة و مترددة و مليش قرار :blush:
عشان كدة عايزة اخد رأيكوا فى حاجة يمكن تافهة بالنسبة ليكوا :( بس بالنسبة لى حاجة مهمة جدا :bosyht9:
دلوقتى انا رايحة ان شاء الله تانية ثانوى و طبعا لازم دروس بس المشكلة بقى ان قدامى خيارين فى كل المواد
:angry2:
الاول : اخد فى سنتر مجموعة مميزة 20 او 25 فرد فى قاعة مكيفة مع مدرسين ثانوية عامة متخصصين و ليهم سكرتير و واحد بيصحح الواجب وكدة ;)
:)
الثانى : اخد درس عادى مع مدرسين عاديين مش وحشين و فى نفس الوقت مش معروفين اوى فى بيت اى حد من صحابى و عدد الطلبة حوالى 8
:)

مش عارفة اختار انهى خصوصا ان السناتر بدأت الحصة الاولى و داخلين على التانية
:d
ساعدوووونى
:bosyht9:

بصي يا حبيبي
انا اكبر منك داخلة 3 ان شاء الله :)
انا كنت باخد مجاميع مميزة السنة اللي فاتت والسنادي كمان
وهيا مش وحشة خالص
بالعكس كويسة جداااا
وكمان المستر بيبقي مركز معاكم اوي
ومش بتتعطلوا بتجميع الفلوس والكلام ده في الحصة
_ده بالمقارنة بالمدرسين اللي بيشتغلوا فبيوتهم _
بس انتي لازم تكوني مرتاحه نفسيا للمكان اللي انتي فيه
مرتاحه مع الطلبة ومع المدرسين
_وعلي فكرة مش دايما بتبقي حاجه حلوة انك تبقي مع صجابك فالدروس في عيال تخنق :d _
وكمان حاجه انتي لازم تعرفي ان المدرس عليه اقل من 20% من المجهود بس
وال 80% عليكي انتي لازم تزاكري كويس وتحلي كتير وتعصري المدرس لحد ما تفهمي حلو اوي

بس اتمني اني اكون افادتك بحاجه ولو اني حاسة اني عقدتها عليكي :d
:078111rg3::078111rg3:

طالبة ثانوية94

07-09-2011, 09:45 PM

من رايي جربي ده وده واسألي عن طبيعة تعامل المدرس وشرحه
فلما تكون المجموعه تمانية بس فبتبقى حلوة عشان تفهمي وكمان يبقى المدرس مهتم بيكي وتنمي روح التنافس عندك
اما بالنسبة للمجموعه الكبيرة فده بيعتمد عليكي انتي اذا كنتي هتقدري تستوعبي وتسألي ومتتحرجيش خلاص مشي فيها
وبلاش فكرة اصحابي كانوا بيروحوا عند استاذ معين فانا مجبورة على كده طالما هتفهمي خلاص ولازم تكوني واثقة في قدرة المدرس اللي قدامك وبالتوفيق ان شاء الله

Free Canary

07-09-2011, 11:44 PM

انسي خالص حكاية انك تاخدي دروس مع أصحابك علشان انتي عايزة تكوني معاهم
في ثانوية عامة مصلحتك و راحتك قبل أي شيئ تاني
و أنا لو مكانك بصراحة هاختار السنتر لكن انتي في الآخر اللي ليكي القرار ده
لأن السنتر هايكون في متخصصين و مدرسين كفء و كمان المدرسين العاديين بيبقوا كويسين بس أنا بقوللك رأيي
و أنا متأكدة انك هترتاحي ان شاء الله لأن الفكرة نفسها كويسة و زي ما قالت لينا الحصة كلها هتبقى للاستفادة و توظيف الوقت كله في الشرح و تقدري تسألي و هيبقى في هدوء و مش هتبقى زحمة و مش هاتنشغلوا بلم الفلوس و الحاجات دي
و ده كله طبعاً بيوفر الراحة النفسية اللي تساعدك على التركيز و الفهم
و ربنا يوفقك و يوفقنا :)

قلبي ملك لربي

08-09-2011, 01:17 AM

اميره معلش ممكن سؤال هو انتي كنت ايطالي صح

karimadel7

08-09-2011, 01:28 AM

انا طالع تالته ان شاء الله
العملية كلها عملية راحه
و كل حاجة ليهم مميزاتها و عيوبها
مثلا السنتر المدرس بيبقي احسن شويه و منظم اكتر و خبرته واسعة
و عيبه ان في تضييع وقت في المشوار و ساعات الاعداد الكبيرة بتبقي مشكلة لبعض الناس
اما البيت ميزته العدد قليل و المدرس بيبقي مركز معاكي اكتر و الوقت مبيضعش اوي
بس المدرس ممكن ميكونش حلو اوي

انتي تجربي و تشوفي بترتاحي في ايه
انا ليا اتنين صحابي واحد عارف انه لو نزل السنتر هبضيع وقت و مش هيفهم كويس فاخد قرار انه ياخد في البيت و جاب 96٪
التاني صمم ياخد في سنتر و جاب 84٪
مع ان الاتنين نفس المستوي تقريبا
المهم تشوفي ايه المناسب ليكي و ايه اللي هيفيدك اكتر و توكلي علي الله*

قلبي ملك لربي

08-09-2011, 01:34 AM

فعلا شوفي المناسب ليكي بس انا جربت ده وجربت ده انا طالعه تانيه بس المفروض ان في الثانويه احنا محتاجين لكل ثانيه فافي البيت هيوفر لك وقت انك تذاكري اكتر وتراجعي

miss_egypt

08-09-2011, 01:40 AM

ازيك يا بوبتي
عاملة ايييييييييييييه النهاردة

قلبي ملك لربي

08-09-2011, 01:44 AM

تمام انتي عامله ايه

miss_egypt

08-09-2011, 01:47 AM

تمام الحمد لله

اخدت النهاردة اوووووووووووووووول حصة رياضة

Osama Saeed

08-09-2011, 04:53 AM

تمام الحمد لله

اخدت النهاردة اوووووووووووووووول حصة رياضة

انا بدأت رياضة من شهر :022yb4:

Osama Saeed

08-09-2011, 04:56 AM

خدى مع صحابك فى البيت
لأن المدرس اللى هيجى ليكوا هيفحت معاكم فى الصخر:)
اتكلى على الله وربنا يوفقك

Alsunian1

08-09-2011, 08:15 AM

انا رأيى فى البيت بردة حتى لو المدرس مش اد كدا لكن لو مرتاحة للشرح وفى متابعة وهدوء وركزتى ف الشرح

وقادرة تستوعبى منة الشرح فيكون احسن من المتخصص اوووى ف مادتة

هى مسألة انتى مرتاحة نفسيا لاية

جربى الاتنين مش هتخسرى حاجة والى ترتاحى لية وتلاقى نفسك شغالة معاة اكتر كملى معاة

وربنا يوفقك ياحببتى ويوفقنى يارب

منه الله(منمن)

08-09-2011, 12:34 PM

grabe 7esa hena w 7esa hena

asasan19

08-09-2011, 07:37 PM

انا في 3 دلوقتي و كنت باخد في السنتر و الاعداد كانت كبيرة يعني أقل حصة كان 25 طالب !! في بقي الحصص اللي بيبقي فيها 50 او 60 بس كنت مرتاحة الحمد لله و مدرسين السناتتر بيكونوا أغلبهم خبرة و بيحلوا كتير وشغلهم حلو بس المهم انك تختاري مدرس كويس مش اي مدرس و خلاص و في السنتر بيبقي في ضغط امتحانات و حصص زيادة و امتحانات و مراجعات بقيي في اخر السنة.... شوفي السنتر لو محستيش انك مرتاحة فيه يبقي خدي في البيت و توكلي علي الله ....

hobahoby

15-09-2011, 09:44 PM

بجد بجد بجد شكراااااااااااااااااااااااااااا كبيرة خالص ليكوا كلكوا
:022yb4:
انا اسفة جدا انى اتأخرت فى الرد :blush:
اصلى بدأت
:(
اخدت كلو دروس عادية الا الرياضة اخدت فى سنتر معايا 20 بنوتة بس بصراحة المستر ممتاز جدا و حاسة انى باخد لوحدى اصلا
:)
انا مبسوطة اوى ان فى ناس طيبة زبكوا و بتساعدنى انى اخد اى قرار :blush:
خصوصا ان دة اول طلب اطلبو منكوا :)
ادعولــــــــــــــــــــــــــــــــــــــى

Osama Saeed

16-09-2011, 01:29 AM

aya888

16-09-2011, 01:41 AM

راى انك تخدى مع حد من صحابك وفكك من موضوع السنتر دا لان هناك يمكن مستوى المدرسين اعلى بس الطلبه مش مضمون مستواهم هيكون ايه فلو خدتى مع حد من صحابك انتى عارفها مع مدرس كويس ومع مذاكرتك يبقى تمام اوى

Dr.Nariman

16-09-2011, 08:47 AM

على فكرة مدرسين السناتر بيبقوا كويسين جدا اهم حاجة شوفي لو مرتاحة او لا ودوري على مصلحتك قبل اي شيء