http://www5.0zz0.com/2007/12/22/14/37393479.gif

لى قريب مصاب بمرض السرطان ووصل مع الطب و الاطباء الى طريق مسدود ووقفوا مكتوفى الايدى امام آلامه المبرحة فلا حل لنهاية الالم سوى الموت
يقول البعض ان هذا الشخص ربما ارتكب الكثير من الذنوب و ما آلامه الا انتقام من الخالق و ضرب مثلا لذلك بشارون الذى هو لا حى و لا ميت
و قال أخر بل هو لرحمة و مغفرة من الله لما ارتكب من ذنوب و كلنا خطاءين و خير الخطاءين التوابون و رسول الله صلى الله عليه وسلم توفى بعد المرض الذى الم به

اطرح هذا الموضوع عليكم للمناقشة مع رجاء الدعوات لشفاء كل مرضانا

لا حول ولا قوة إلا بالله
اللهم اشفى مرضى المسلمين يارب العالمين

يقول البعض ان هذا الشخص ربما ارتكب الكثير من الذنوب
انا ليا راي ااخر
ان ربنا بيعقبه في الدنيا بدل من عقاب الاخر فهو اشد واصعب وملوش رجعه
لكن عذاب الدنبا حيروح وربنا حينعم عليه بالجنه ان شاء الله

وحاجه كمان
ان رنبا مش بيبلي عبدا الا لانه يحبه
وكلما اشتدت المصيبه اشدد حب ربه اليه
ربنا بيحبه وعوز يطلعه من الدنيا بدون ذنوب


وممكن يكون اختبار
فلما يصبر ينجح في دخوله في الجنه
وان اشرك ................



ربنا يشفيه وربنا فوق كل شيء وفوق كل طيبب والطيبب ما هو الا سبب في العلاج
ربنا معه ويقويه ويكرمه باحسن ثواب

احنا منملكش غير الدعوه بالشفاء او الراحه :)

اللهم اشفه واشفي مرضي المسلمين انك ع كل شئ قدير لا اله الا نت

الموت لازم يكون له سكرات
ممكن تكون دقايق أو ثوانى (زى الموت فى الحوادث أو موت الفجأة)
ممكن تكون شهور أو سنين (زى الموت بالحُمة)
ولا أحد معفى من السكرات حتى رسول الله (صلى الله عليه وسلم)
فهى لا تفرق بين طيب أو شرير, مؤمن او كافر


ده رأيى الشخصى و ربنا يصبر مرضانا على مرضهم

ربنا يشفيه ويعافيه هو والي زيه

اللهم اشفى مرضى المسلمين يارب.المرض ابتلاء من الله زى اى ابتلاء.

اللهم اشفى مرضى المسلمين يارب...يارب اشفيه وعافيه

ليه كلنا بنقول انه عاصى او ما شابه ؟
ومن منا ايضا خالى من الذنوب تماما ؟
طب ما ربنا سبحانه وتعالى ابتلى سيدنا ايوب الذى يضرب به المثل فى الصبر
بل هو ابتلاء من الله سبحانه وتعالى
وقد تجد البعض يحسدونه
فكرتنى بزمان كان في مدرس بيدينا دين فى الفصل بيحكى لنا ان سيدنا عمر بن الخطاب رضى الله عنه كان يحزن اذا مر عليه اكثر من 40 يوم لم يبتليه الله فيهما بشىء في نفسه او اولاده
ولا يسعنى الا ان ادعو له بالشفاء والمغفرة فرحمة الله واسعة
اللهم اشفى كل مرضى المسلمين واغفر لنا اوجعل الجنة مثوانا جميعا

ليس شرطا ان يكون هذا المرض عقابا له على ذنوبه
فالرسول (ص) قد توفى بمرض
وكان يقول ان للموت لسكرات
فالمرض له امران
احدهما ان يكون ابتلاء من الله ليبلو ناانصبر ام نجزع
الامر الاخر ان الله تعالى اراد ان يخفف عن العبد بعض ذنوبه بالمرض ( فهنيئا له فالله ابدله عذاب الدنيا بدلا من عذا النار )
ويجوز ايضا ان الله تعالى يريد ان ينتقم من هذا العبد بسبب ذنوبه التى اكتسبها فى حياته
فيجعله عبرة لغيره
ومع ذلك فان الله هو الرحمن الرحيم
اللهم اشف مرضانا ومرضى المسلمين
اللهم خفف بالامراض ذنوبنا ولا تجعلنا عبرة لغيرنا
::::::::::::::::::::::
شكرا على الموضوع يا سعيد
ودمت فى رعاية الله

انا برده كنت ف نفس الموقف ده والله

بس كانت صحبتى هى اللى عيانة

بس دلوقتى خلاص ماتت

انا متهيألى انها كدا اترحمت

وهى كانت كويسة يعنى منقدرش نقول ان ربنا بيعاقبها

ده كدا ممكن يكون ربنا بيخلص منها عشان يدخلها الجنه

والحمد لله هى ماتت يوم جمعه

وقبل ما تموت كانت بتشوف ملايكة والله

وتقول لمامتها مين دول كلهم اللى لابسين ابيض ف ابيض

ومكانش فى حد ف الاوضه غيرهم

راحت مامتها وسألت الشيوخ وقالولها

دول ملايكة

والحمد لله زمانها دلوقتى ف الجنة ونعيمها

ولو قريبك ده مات يبقى الحمد لله لأنه كدا عايش بيتعذب

والموت هو الرحمة بالنسباله

مع انه هيبقى عذاب بالنسبة لاهله

يلا ربنا يرحمنا جميعا

قال رسول الله صلى الله عليه و سلم (ان الله اذا احب عبداً ابتلاه)
ده اللي اقدر ارد عليك بيه
لكن ده في علم ربنا ..
ممكن يكون بينتقم منه و ممكن يكون عشان يغفر له ..
حسب محبة الله ليه

اللهم إنى أعوذ بك من الفقر و الجهل و المرض

اللهم اشف كل مرضى المسلمين

المرض ابتلاء مثل الصحة تمام
امتحان اجتاز ام لم يجتاز
المشكلة اننا عايزين نمتحن في احنا عايزينه فقط وطبعا دا اكيد مش امتحان

اللهم اشف مرضانا ومرضى المسلمين

اللهم عافى كل مبتلى مسلم

سيدنا أيوب تحمل المرض 18 سنة حتى قال الناس عنه :

( لقد أذنب ذنبا عظيما , فقد استمر بلاؤه طيلة هذه السنوات )

فدعا الله سيدنا أيوب فشفاه الله بإذنه

فأشد الناس بلاء الأنبياء ثم الأمثل فالأمثل يبتلى المرء على قدر دينه

قد يكون البلاء لتكفير السيئات أو لرفع الدرجات فقد يكون الله تعالى أعد له منزلة عالية

فى الجنة لا يبلغها بعمله فابتلاه ليبلغه هذه المنزلة

وقد قال رسول الله صلى الله عليه وسلم ( عجبا لأمر المؤمن أن أمره كله له خير

إن أصابته سراء شكر فكان خيرا له وإن أصابته ضراء صبر فكان خيرا له

وليس ذلك لأحد إلا للمؤمن )

اللهم إنا نسألك العفو و العافية فى الدنيا و الآخرة

اللهم اشقي مرضانا ومرضى المسلمين
اللهم امين
مش شرط انه يكون ارتكب ذنوب كتير
الابتلاء دليل على محبة الله للعبد
واختبار لقوة ايمانه
فنحن جميعا نعلم
ان سيدنا ايوب عليه السلام ابتلى
ثم عفاه الله
وهو من اولي العزم من الرسل
دمتم بود

ربنا يشفيه يارب ويشفى جميع مرضى المسلمين

بس ان شايفه ان مرضه ده رحمه ليه يعنى ربنا بيطهروا من ذنوبه

ومننساش ان الله غفور رحيم يعنى معتقدش ان مرضه ده انتقام من الله وزى ماانت قولت ان الرسول (ص) كان مريض قبل ما يموت

قال رسول الله(ص): ما يشاك المؤمن من شوكه إلا و له بها حسنه و حطت عنه خطيئه .
صدقت يا رسول الله

انه ابتلاء من الله وتكفير عن ذنوبة

اللهم اشفة واشفى مرضى المسلمين

كل قضاء يقضيه الله على العبد وراءه حكمة عرفناها ام لم نعرفها ولكن الله يبتلى ليمحص فإن صبر فجزاءه بغير حساب وإن قنط خسر اللهم إشف مرضى المسلمين وخفف عنهم وارزقهم الصبر الجميل وحسبنا أن الدنيا قصيرة يعطيها الله لمن يحب ومن لا يحب أما الأخرة فهى المنتهى والمستقر لا يعطيها الله إلا لمن يحب اللهم إن ذنوبنا تخجلنا أن نرفع أيدينا الملوثة إليك ولكنا نطمع فى رحمتك وعفوك رب إغفر وارحم وأنت خير الراحمين*

لا حول ولاقوة الا بالله

شفاه الله وعفاه وعفى عن كل المصابيين

السلام عليكم ورحمة الله وبركاته

انا اله على ك شيئ قدير

اللهم اشفه واشفى مرضى المسلمين

ربنا يريحه يا رب
سواء بالشفا او بالموت
ربنا اعلم الرحمة فين
اعتقد ان ده رحمة من الله
"ما من مسلم يشاك شوكة فما فوقها، إلا كتبت له بها درجة، ومحيت عنه خطيئة"
فاكيد ربنا بيعمل الصالح
فمن وجهة نظرى ان دى طبعا رحمة

مفيش حاجه اسمها مفيش فايده .. لا في فايده وفي امل لحد اخر حاجه ..
ده ربنا بيقول .. بسم الله الرحمن الرحيم :
("قل ياعبادي الذين أسرفوا على أنفسهم لا تقنطوا من رحمة الله").
صدق الله العظيم ..
يعني مفيش يأس .. وربنا دايما بيقدم اللي فيه الخير ..
وبجد ربنا يتولاه برحمته !!