مشاهدة النسخة كاملة : أسف جدا ( خبر غير سار ) يا ريت الكل يحاول يتاكد
أبوبسملة ياسر خليفة الطحاوى 08-09-2011, 07:43 PM إخوانى المعلمين المساعدين
وصل إلىّ خبر غير سار نهائي
الحكومة تريد إعادة مرتب المعلمين المساعدين اللى كانوا شغالين بالعقد الشامل إلى 120 جنيه كما كانوا قبل ذلك
وذلك كرد فعل على المعلمين
فى محاولة منها للضغط عليهم
والخبر تقريبا صحيح
بالله عليكم حاولوا البحث معى عن صدق هذا الخبر لأن الخبر جاء من مصدر يعمل بالحكومة والله العظيم
انا بأكرر أسفى
بس هذا ما علمته
فقلت من واجبكم عليّ أبلغكم لتكونوا على وعى وحذر
احمد عواد 08-09-2011, 07:48 PM اى كلام فاضى معقول
أبوبسملة ياسر خليفة الطحاوى 08-09-2011, 07:52 PM يا اخى الفاضل
يا ريت يكون الكلام فيه نوع من الاهتمام بجد
انا قلقان على اخوانى من المعلمين الغلابة
احنا كده كده اتعينا والحمد لله
انا عامل على باقى الناس اللى عايزين ينزعوا عنهم حقوقهم
فهمت فصدى
شكرا لمرور سيادتك
الأستاذ حمدي 08-09-2011, 07:54 PM رحم الله علماء الجرح والتعديل.
ما حكيته يفتقر لأدنى التوثيق العلمي.
أين مصدر الخبر؟!
ستقول لي: واحد من الحكومة!
أقول لك: هذا الشخص نحكم عليه بأنه مجهول.
وخبر المجهول لا يُحتج به.
أبوبسملة ياسر خليفة الطحاوى 08-09-2011, 08:00 PM اقسم بالله العظيم باتمنى يطلع الخبر كذب
انا هل أكره ذلك
لكن ينبغى الحذر لا كلامى غلط
وانا فاهم حضرتك ماذا تقصد
لكن لما شخص فى الشرطة يخبرنى بذلك
حسيت بقلق كبير جدا
لأنى بيسألنى اخبار عقدك ايه
قلت الحمد لله اتعينت خلاص
فذكر الكلام اللى قلته يا اخى
والله العظيم
من باب قلقى على المعلمين
مش من باب بث اليأس
محمد يوسف مرسي 08-09-2011, 08:06 PM ايه مصدر الخبر ياريت اي خبر يكون معاه مصدر الخبر او سنعتبر كل ده اشاعات
أبوبسملة ياسر خليفة الطحاوى 08-09-2011, 08:15 PM يا رب يطلع اشاعة
انا هكره
انا باين غلطان انى نزلت الخبر ده يا جماعة
انا عامل علشانكم
انا باقول حضرتك انا مش متضرر من كده
انا اتعين وخلاص الحمد لله
كلامى اقسم بربي علشانكم انتو
انا هدفى مش اسبب ضيق ولا حاجة
انا هدفى الناس تكون واخدة بالها
يا اخوانى افهموا قصدى بالله عليكم
انا زيكم اتمنى يكون كدب
بس خبر وصلنى
اقوله ولا بلاش
احذر منه ولا بلاش ؟؟؟؟؟؟؟؟؟؟؟؟؟؟
محمد مدحت حسنين 08-09-2011, 08:21 PM لا الخبرغير صحيح طبعا
أبوبسملة ياسر خليفة الطحاوى 08-09-2011, 08:55 PM والله العظيم اتمنى ذلك
أبو فارس محمود 08-09-2011, 08:59 PM يا عم صحيح ولا ما هي كده كده بايظة يبقي احنا كنا بنعرف نقبض علشان نزعل اعقلها يوم السبت وتوكل """"" يا رب """""
ايهاب بابا 08-09-2011, 09:14 PM انا حاسه انه صح وكمان متهيألى ممكن يلغوا العقود الجديدة بحجة انها مش واخده موافقة من التنيم والادارة ويعملوا مسابقة وياخدوا فيها الل جيد جدا ولو يكونوا دفعة 2011 واحنا نتركن عل الف دا الل باين من تصريحات صفوت النحاس منه لله
ايهاب بابا 08-09-2011, 09:20 PM إخوانى المعلمين المساعدين
وصل إلىّ خبر غير سار نهائي
الحكومة تريد إعادة مرتب المعلمين المساعدين اللى كانوا شغالين بالعقد الشامل إلى 120 جنيه كما كانوا قبل ذلك
وذلك كرد فعل على المعلمين
فى محاولة منها للضغط عليهم
والخبر تقريبا صحيح
بالله عليكم حاولوا البحث معى عن صدق هذا الخبر لأن الخبر جاء من مصدر يعمل بالحكومة والله العظيم
انا بأكرر أسفى
بس هذا ما علمته
فقلت من واجبكم عليّ أبلغكم لتكونوا على وعى وحذر
انا حاسه انه صح وكمان متهيألى ممكن يلغوا العقود الجديدة بحجة انها مش واخده موافقة من التنيم والادارة ويعملوا مسابقة وياخدوا فيها الل جيد جدا ولو يكونوا دفعة 2011 واحنا نتركن عل الف دا الل باين من تصريحات صفوت النحاس منه لله
لوجين20 08-09-2011, 09:37 PM شوف ياابو بسملة
تصحيح للمعلومة
المحافظة عندى نزلت عقد للى كانو شغالين بالحصة
ومن ضمنهم اختى
المهم
احد البنود بيقول ان المرتب هايكون 120 للمؤهل العالى
و110 للمتوسط
وانا رحت مع اختى تقدم وقريته بنفسى
فعلا شئ محزن
مشكور ابو بسملة عالخبر
انا مارضيش انزله عشان الناس بتكذب الاخبار وبتطالب بالمصدر
للاسف مش اشاعه دى حقيقة
اى حد من محافظة سوهاج ممكن ياكد كلامى ياشباب
ttt_zzz2010 08-09-2011, 09:57 PM فعلا الكلام دا صحيح فى محافظة سوهاج المرتب 120 جنيه للتعاقدات الجديدة التى سبق لها العمل
والله المستعان
لوجين20 08-09-2011, 10:01 PM ده نص العقد المؤقت ياشباب
وياريت ماحدش يقولى ارفعيه على المنتدى
لانى مش عايزة اكلف نفسي فى حاجة بتعصبنى
اسمعو
بنود العقد
اولا : يبدأ سريان هذا العقد اعتبارا من 1\10\2011 ولمدة عام وقابل للتجديد باتفاق الطرفين لمدة اخرى فى حالة حاجة العمل
ثانيا : يستحق الطرف الثانى مكافأة شهرية قدرها 120 جنية للمؤهل العالى و 110 جنية للمؤهل المتوسط وفوق المتوسط بالاضافة الى مكافأة الامتحانات طبقا للقواعد الواردة من الوزارة
ويتم تعديل المكافأة الشهرية فى حالة ورود تعليمات من الوزارة او الجهاز المركزى للتنظيم والادارة
دى اهم البنود
وربنا يستر
ياريت اللى سمع بالعقد ده يأكد كلامى عشان الناس اللى هنا تصدق
أشـرف فتحى 08-09-2011, 10:09 PM دا كمان بيقولوا إنهم هيرجعوهم ثالثةكلية عشان لأن كان فيه #&^**(
وكمان ممكن يرجعوا ثانوى عشان الـ *)&^$%#$%
وذلك كرد فعل على المعلمين
فى محاولة منها للضغط عليهم
والخبر تقريبا صحيح
حاولوا البحث معى عن صدق هذا الخبر لأن فيه كده حاجات كده
هه معايا هه معايا
كفايه كده !!!
لوجين20 08-09-2011, 10:23 PM متشكرين عالمشاركة يا استاذ اشرف فتحى
على فكرة توقيعك حلو اوى :022yb4:
أبو فارس محمود 08-09-2011, 10:29 PM احنا نزلزلنا عقود قريبة من الشكل ده بمعني (1) الغقد يبدأ ببداية العام الدراسي وينتهي بنهايته (2) لك الاحقية في يومين اسبوعيا (3) عدد الحصص لا يزيد عن 24 حصة أسبوعياً وثمنها 3 جنيهات (4) يخضع التعاقد الي نظام تقييم الاداء بمعني ان التوجيه يقيم المتعاقد ويضع فيه التقرير بنهاية العام الدراسي بمعني انك عاوز تظبط الموجه بتعاك وتطيع الاوامر _ ولا أكره في الدنيا دي شئ كد حد يتأمر فيَّ ولو كانت اية مكانته _ علشان يشكر فيك. فمعظمنا رفض فاتعملت مظاهرة امام المحافظة فقالوا في الادارة ان العقود دي اتغيرت بالعقود القديمة اللي هي مميزة ولسه احنا في انتظار الكلام ده وتنفيذه.
mawzoun 08-09-2011, 10:56 PM الخبر ده صحيح فى المنيا اتثبتنا على درجه وحددولنا المرتب الاساسى 219 .60 +75% = 5011
بعد المدارس ما عملت المفردات دى رفضوها وقالو اعملو ع القديم 120
محمدأنور3710 08-09-2011, 11:19 PM فى كفر الشيخ الناس اللى كامو شغالين
اتقدو على 160 جنية
وبيمضو على اقرار انه ليس لهم حق التثبيت
وان دل هذا على شىء يدل ان الذين يعملون الن واصبحو معلمين مساعدين
لا يمكن باى حال الاستغناء عنهم
mr elsayed baz 08-09-2011, 11:34 PM (من انتم ) الكلام على مييين بالظبط القرار 75 ولا اللى اقل من 3 سنين
wael fady 09-09-2011, 12:05 AM الكلام دة صح 100% لان انا لية اختي اخذت تعاقد 120 جنية في محافظة سوهاج
وهتستلم اول شهر 10
أبوبسملة ياسر خليفة الطحاوى 09-09-2011, 12:09 AM علشان كده
كنت باقول يا جماعة
تفاعلوا معانا
الموضوع مقلق
وحسبنا الله ونعم الوكيل فى اللي يظلم زملاءنا
مش كفاية بياخدوا ملاليم
لسه كمان
عايزين يدمروهم تانى
ينتقم منهم ربنا
عبده الحلو 09-09-2011, 12:10 AM الكلام صحيح عندنا فى المنيا فى ادارة سمالوط رجعوا العقود اللى اتحولت معلم مساعد عشان تقبض 120 بس بدل 420
jymy_1973 09-09-2011, 12:15 AM للأسف يا سادة الخبر ده حقيقي مليون المية لأن عندنا في سوهاج استمارات المرتب تم تحريرها على 120 جنيه فقط
أبوبسملة ياسر خليفة الطحاوى 09-09-2011, 12:18 AM استاذ عبده الحلو
انا من سمالوط
حضرتك
منين بالظبط
مصدر موثوق بأذن الله 09-09-2011, 12:32 AM ياجماعه الوزير قل ف صباح الخير انه انتهى من تثبيت 120 الف كانوا بالحصه وكمان انهرده الحمد لله اخدنا 40 ف لميه فرق شهر 8 تيجوا انتوا تقولواكلام ...........ياسر ملوى
صبري داود 09-09-2011, 01:14 AM سيبك يا استاذ يا مربي يا معلم يااااااااااااااااااااااا
ما يقدروش يعملوا حاجة
والرزق مكتوب
yearner for paradise 09-09-2011, 01:36 AM انا اتوقع اى حاجه الايام دى لاحباط محاولات المعلمين لاخذ حقوقهم
120 يعملوا ايه؟ اذا كان ال 400 مش بيعملوا حاجه
kingofegypt66 09-09-2011, 10:24 AM اشــــــــــــــــــــــــــــــــــــــــــــاعة
لترهــــــــــــــــــــــب المعلــــــــــــــــــــــــــــــــــمين
منار على 09-09-2011, 10:32 AM لا طبعا مستحيل يكون صح دا واضح جدا
MR : ABO BATTA 09-09-2011, 10:44 AM شوف ياابو بسملة
تصحيح للمعلومة
المحافظة عندى نزلت عقد للى كانو شغالين بالحصة
ومن ضمنهم اختى
المهم
احد البنود بيقول ان المرتب هايكون 120 للمؤهل العالى
و110 للمتوسط
وانا رحت مع اختى تقدم وقريته بنفسى
فعلا شئ محزن
مشكور ابو بسملة عالخبر
انا مارضيش انزله عشان الناس بتكذب الاخبار وبتطالب بالمصدر
للاسف مش اشاعه دى حقيقة
اى حد من محافظة سوهاج ممكن ياكد كلامى ياشباب
شكرا على التوضيح يا استاذة لوجين
ahmed_2040 09-09-2011, 10:56 AM احنا نزلزلنا عقود قريبة من الشكل ده بمعني (1) الغقد يبدأ ببداية العام الدراسي وينتهي بنهايته (2) لك الاحقية في يومين اسبوعيا (3) عدد الحصص لا يزيد عن 24 حصة أسبوعياً وثمنها 3 جنيهات (4) يخضع التعاقد الي نظام تقييم الاداء بمعني ان التوجيه يقيم المتعاقد ويضع فيه التقرير بنهاية العام الدراسي بمعني انك عاوز تظبط الموجه بتعاك وتطيع الاوامر _ ولا أكره في الدنيا دي شئ كد حد يتأمر فيَّ ولو كانت اية مكانته _ علشان يشكر فيك. فمعظمنا رفض فاتعملت مظاهرة امام المحافظة فقالوا في الادارة ان العقود دي اتغيرت بالعقود القديمة اللي هي مميزة ولسه احنا في انتظار الكلام ده وتنفيذه.
الكلام دة حصل عندة بقنا الاسبوع الماضي
marwa elminia 09-09-2011, 11:29 AM فعلا كلام حضرتك مظبوط وحصل عندنا فى المنيا مع اصحابى العقود الشامله للاسف بعد ماتثبتوه وقاللهم هاتخدوه 400.8 رجعوه فى كلامهم وهايخدوه 120 فقط وانا كنت عارفه الموضوع دى بس ماحبتش اقوله عشان زمايلنا مايجلهومش احباط
himazika 09-09-2011, 11:35 AM تسريب هذه الاخبار المقصود بها النزول الى الشارع .. يعتبروننا قطيع .. لامخ لدينا ، لاتنجرفوا الى الفخ المقصود منه تدمير البلد .. ومن لا يصدقنى يدخل صفحة العميل عمر عفيفى ... انتبهوا ايها السادة
biba200577 09-09-2011, 12:43 PM احنا ياجماعة مش بنلحق نفرح طيب قلنا 120 للعقود المؤقتة ماشى ونستحمل على مايجى المميز والأمور تتعدل بالمرتب الجديد وبعدها امتحان الكادر ثم التعيين الواحد مش عارف يقول إيه والله البلد كده هتولع والحكاية مش ناقصة
اميرة مهران 09-09-2011, 02:38 PM اشاعة باذن الله
لوجين20 09-09-2011, 04:34 PM فعلا الكلام دا صحيح فى محافظة سوهاج المرتب 120 جنيه للتعاقدات الجديدة التى سبق لها العمل
والله المستعان
عشان كده قولت اللى من سوهاج يشارك وياكد الخبر
(من انتم ) الكلام على مييين بالظبط القرار 75 ولا اللى اقل من 3 سنين
الكلام ده عاللى كان شغال بالحصة حتى لو من عشر سنين وحتى لو اشتغل سنة واحدة
ده اللى حصل عندنا فى سوهاج ماعرفش باقى المحافظات حصل معاها ايه
الكلام دة صح 100% لان انا لية اختي اخذت تعاقد 120 جنية في محافظة سوهاج
وهتستلم اول شهر 10
واختى انا حصل معاها كده برضو
شكرا على التوضيح يا استاذة لوجين
العفو يا استاذ احمد ويارب القرار يتغير ده كده يبقو بيرجعو شغل الحصة تانى بس بطريقة سخيفة شويه
Azhar Aly 09-09-2011, 04:35 PM الكلام حقيقى ف المنيا رفضوا الاستمارات الجديدة و قالوا اعملوا ع القديم 120 ج
محمد حسين الشربينى 09-09-2011, 04:37 PM لماذا المعلمون سيقفون أمام مجلس الوزراء 10/9/2011
http://www.youtube.com/watch?v=koPNk1QujFc&feature=related
مستر ابو عبد الرحمن 09-09-2011, 08:22 PM يا رب ما يكون صحيح هذا الخبر
memo3443 09-09-2011, 08:39 PM يا أولاد ال................ب ..المفروض ان الثورة بتمحى القديم لكن الحكومة زى ما هى لاجديد شالوا نظبف حطوا شرف ...احنا محتاجين طوفان وبركان وزلزال علشان يحصل تغيير حقيقى نحس بيه عل أرض الواقع ... والله أنا لو قائد الثورة كنت علقت المشانق لجميع الوزراء فى الميادين ،وبالدور والنظام ..... كله هيتعلق ... لنا فى الله أمل كبير ان ينصف شعب مصر المظلوم المقهور
Khaled_Soft 09-09-2011, 09:06 PM ربنا يسترها علينا ..............
rasha_ahmed 09-09-2011, 10:19 PM الله ياجماعه ليا زمايلى فالغربية مكافأه شامله قالوا لى نازل لهم عقود مميزه وصافى المرتب هيكون 376 جنيه ودا من اول شهر 10 فهل فعلا رجعوا فى رأيهم
أشـرف فتحى 09-09-2011, 10:52 PM متشكرين عالمشاركة يا استاذ اشرف فتحى
على فكرة توقيعك حلو اوى :022yb4:
على فكــــــــرة طريقتى فى الرد ع الموضوع مش المقصود بيها ناقل الخبر
ولكن استفزاز المسئولين فى التعامل مع المعلمين
على فكرة [ تعليقك أحلـــــــــى ] بجد
لوجين20 09-09-2011, 11:05 PM على فكــــــــرة طريقتى فى الرد ع الموضوع مش المقصود بيها ناقل الخبر
ولكن استفزاز المسئولين فى التعامل مع المعلمين
على فكرة [ تعليقك أحلـــــــــى ] بجد
وانا اخدت بالى
طب فاطمة دى بنتك؟
وانت تشرف فى اى موضوع
احلى تحية ليك
مصدر موثوق بأذن الله 09-09-2011, 11:40 PM للاسف انا اتاكد من الكلام ده حالا
ربنا يسترها
أبو عمر وإلياس 10-09-2011, 01:56 AM احنا قالولنا اننا هنقبض مرتب 120وهناخد الشهور اللي عدت باثر رجعي وبعدين ده قرار رئيس وزراء ووزير يبقى لما ميتنفذش هيطلع قرار من الوزاره بالغائه
أبو عمر وإلياس 10-09-2011, 01:59 AM وفي المدرسه عندنا كانوا بيعملوا حصر باسماء الناس اللي لسه هتدخل امتحان الكادر من المعلمين المساعدين الجدد
sherenkishk 10-09-2011, 02:51 AM حسبى الله ونعم الوكيل فيك يا حكومة 120 جنية ايه دول دة أنا يدوبك أجيب بيهم حلويات لعيالى فى الشهر
أبو عمر وإلياس 13-09-2011, 12:27 AM السلام عليكم ابشرررررركم هذا الخبر بفضل الله غير صحيح اليوم جاءت نشره الى المدرسه بمرتبات المعلمين المساعدين الجدد والمرتب +الحافز 75%=488 وخلال ايام بأذن الله ستكون معي مفردات المرتب
ahmedamean 13-09-2011, 01:36 AM لو سمحت يا استاذ ابو عمرو الكلام ده فى محافظة ايه
prof.physics 13-09-2011, 01:46 AM إيه ياجماعة أنا حاسس إني عايش في كوكب تاني
miro86 13-09-2011, 08:39 AM فى ادارة بلبيس بالشرقية بالفعل تم عمل عقود ( 120جنية ) الى المعلمين الذين لم يكملوا 3 سنين و سنستلم العقد خلال الايام القليلة القادمة .
المقلدى 13-09-2011, 12:49 PM حتى كان فيهم بركة وانا وانت
لوجين20 13-09-2011, 04:53 PM السلام عليكم ابشرررررركم هذا الخبر بفضل الله غير صحيح اليوم جاءت نشره الى المدرسه بمرتبات المعلمين المساعدين الجدد والمرتب +الحافز 75%=488 وخلال ايام بأذن الله ستكون معي مفردات المرتب
لا مساس بالمعلم المساعد
كلامنا على العقود المؤقته لمن كان يعمل بالحصة
هايقبض 120
انما المعلم المساعد المتعاقد هايقبض زى ماحضرتك بتقول يا استاذ ابو عمر
تحياتى
فى ادارة بلبيس بالشرقية بالفعل تم عمل عقود ( 120جنية ) الى المعلمين الذين لم يكملوا 3 سنين و سنستلم العقد خلال الايام القليلة القادمة .
هما الدول اللى اتعملهم عقود مؤقته براتب 120
عندنا فى سوهاج وفى بعض المحافظات اكدت الخبر
أبو عمر وإلياس 13-09-2011, 05:51 PM السلام عليكم انامن محافظة المنيا ادارة المنيا
أبو عمر وإلياس 13-09-2011, 05:57 PM انا كنت اعمل بالحصه او بالعقد الشامل وكنت باخد 120 جنيه والقبض اللي جاي 488 ومعاه الشهور الماضيه باثر رجعي وانا مثبت معلم مساعد من المعلمين الجدد!!انا اعمل انا ووالدي في مدرسه واحده وهذا الكلام موثوق منه بأذن الله !!
لوجين20 13-09-2011, 07:08 PM السلام عليكم انامن محافظة المنيا ادارة المنيا
وعليكم السلام
اهلا وسهلا بيك يا ابو عمر
على فكرة اسم الياس حلو اوى
ربنا يخليهم لك
انا كنت اعمل بالحصه او بالعقد الشامل وكنت باخد 120 جنيه والقبض اللي جاي 488 ومعاه الشهور الماضيه باثر رجعي وانا مثبت معلم مساعد من المعلمين الجدد!!انا اعمل انا ووالدي في مدرسه واحده وهذا الكلام موثوق منه بأذن الله !!
ياريت كلامنا يكون غلط
وكلامك يطلع صح
بس العقد ده كان للى شغالين بالحصة من سنين فاتت
لان الحصة اتلغت عندنا من سنتين
وده العقد اللى نزل لاختى :(
أبو عمر وإلياس 13-09-2011, 09:09 PM جزاك الله خيرا !! بس حضرتك مدير الاداره كان في المدرسه اليوم في اجتماع مع المدرسين وكان بيتكلم عن مجهوده اللي بذله علشان التثبيت واتكلم عن المرتب واكد الموضوع تاني !!مع العلم انه هواللي مضى على امر التثبيت فبأذن الله الموضوع مؤكد!!
لوجين20 13-09-2011, 09:41 PM يبقى مبروك مقدما يا ابو عمر
عمومحمد 14-09-2011, 12:00 AM ياجماعة أحنا فى اسيوط اللى كانوا بالحصة على راس العمل قبضوا بالحوافز اكثر من 350 ج والمنقطعين مضوا عقد ب320 ج غير الحوافز وبعد ما استلموا وقفوا امضتهم وقالوا فى تزوير فى العقود وهيراجعوها ويرجعوهم تانى
miro86 14-09-2011, 07:39 AM انا لسه ما كملتش 3 سنين و بالفعل تم عمل عقود لنا 120 جنية و ها نستلمها قريبا ( ادارة بلبيس بالشرقية )
حد يعرف عن العقد 120 جنية اي حاجة من حيث المكافأت او الحوافز و ما هو اجمالى الراتب عند القبض هل 120 جنية ام اكتر ام اقل ؟؟؟؟
biba200577 14-09-2011, 12:31 PM انا لسه ما كملتش 3 سنين و بالفعل تم عمل عقود لنا 120 جنية و ها نستلمها قريبا ( ادارة بلبيس بالشرقية )
حد يعرف عن العقد 120 جنية اي حاجة من حيث المكافأت او الحوافز و ما هو اجمالى الراتب عند القبض هل 120 جنية ام اكتر ام اقل ؟؟؟؟
احنا فى الغربية قالوا لنا هنقبض 170 جنيه تقريبا بعد زيادة الحوافز والله أعلم
roma pasha 15-09-2011, 08:34 PM الكلام حقيقى ف المنيا رفضوا الاستمارات الجديدة و قالوا اعملوا ع القديم 120 ج
هل كلام حضرتك على اللى لسه مكملش 3 سنين بس احنا قبضنا شهر 7 و 8 (813) جنية يعنى هنرجع على القديم ولا ايه
|