اليوم بحد الله وتوفيقه توجهت الى مديرية التربية والتعليم بالشرقيه طالبا تغيير المسمى الوظيفى وكانت الخطوات كالاتى :
1 ـ كتبت طلب مقدم الى السيد وكيل اول الوزاره بالمحافظه وتركته لكى يتم التوقيع عليه

2ــ بعد التوقيع على الطلب بتأشيره موجهه الى السيد مدير الاداره التابع انا لها ثم تم ختم الطلب بالشعار

3 ـ بعد ترك الطلب لمدة ساعه ونصف لكى يتم التاشيره عليه وختمه ذهبت لاحضار الطلب من حجرة الاتصال السياسى

4 ــ بسؤال السيده عن الخطوه التاليه قالت تذهب به الى مدير الاداره فقلت لها ولا اروح التنسيق قالت لا

5 ــ بعد خروجى من المديريه قابلت شخصين لم يكن لى بهم معرفه فسألنى احدهم لماذا لم تسلم الطلب اللى فى ايدك قلت له قالوا اذهب به الى الاداره قال لا كذابين انا كنت هنا امبارح وضحكو عليا روح به الى التنسيق بالدور الرابع لكى تسجله على الكمبيوتر

6ـ ذهبت الى التنسيق بالدور الرابع وشفت شباب كتير جدا بيغيروا المسمى

7ــ الحمد لله دخلت وسجلت الطلب كان الكلام ده حوالى الساعه 11 أو 11.30

8ــ سألت الموظف النشره هنخدها امتى قال الساعه 2

9ــ انتظرت الى الساعه الثانيه بالرغم من ان كان فيه ناس بتدخل تاخد النشره فى نفس الوقت

10ـ انظروا الى الكارثه بعد استلام النشره التى سوف نذهب بها الى مدير الاداره

النشره اللى طلعت امبارح كان عنونها ( أسماء الساده المعلمين الذين تم تغيير المسمى الوظيفى لهم ) ده امبارح 7/9/2011 وفعلا غيروا بجد

ام النشره الى كانت اليوم 8/9/2011 مكتوب عليها تاريخ بكره وعنوانها ( أسماء الساده المعلمين الذين يرغبون فى تغيير المسمى الوظيفى لهم ) شتان بين العنوانين الكلام ده كان حوالى الساعه 2.30 ظهرا

وبكده جعل هناك مجال للوسطه والمحسوبيه

قام الاستاذ سمير سلام مدير تنسيق التعليم الابتدائى باداره شرق الزقازيق التعليميه بتغيير المسمى الوظيفى لمعلمين حاصلين على مؤهل تربوى ابتدائى " بكالوريوس او ليسانس" وتم نقلهم وتوزيعهم على المدارس الاعداديه من قبل الموجهين بناءا على هذا القرار

وهو ما يخالف نص القرار الخاص بتغيير المسمى الوظيفى حيث انهم غير حاصلين على بكالوريوس التربيه ( عام) مما يؤهلهم للعمل بتلك المرحله مما يؤكد وجود شبهه حول هذا الرجل

لذا فليبحث كل صاحب حق عن حقه قبل ان تعم الفوضى بالتعليم الابتدائى الذى لن يبقى فيه الا اصحاب دبلوم المعلمين ودبلوم المعلمات " مع خالص تقديرى واحترامى لهم"


وان شاء الله اسماء المدرسين الذين حدث لهم التحويل بعد اول رد على هذا الموضوع

كله ماشى كله ماشى

بالنسبة لعنوان النشرة مش تفرق المهم انها طاعة من المديرية وفيها اسمك فى التعليم الابتدائى مش بيدقق خالص دة فيه ناس تربية ابتدائى بيغيروا وتركنا التعليم الابتدائى خاو ولكى الله يامصـــــــــــــــــــر

المهم انك تكون بالفعلي غيرت ووافقوا علي تغير المسمي الوظيفي حاول تخلص بالورقة إللي معاك بسرعة

مفيش اخبار عن تغير المسمى الوظيفى بمحافظه الجيزه. لو حد عنده اخبار يقول

السلام عليكم و رحمة الله و بركاته
ياأساتذتى الأفاضل و الله لكم جزيل الشكر على اطلاعنا على هذه المعلومات التى لا نحصل عليها إلا عن طريقكم
ياترى الكلام ده شغال فى دمياط كمان و لا أيه
و لسيادتكم جزيل الشكر
نرجوكم الرد سريع لنتخذ الازم قبل ما نضيع أكثر ما احنا

ياترى ما صيغة هذا الطلب
يمكن يكون لمعلمى محافظة دمياط نصيب فيها

ياريت كل معلمى الشرقيه يشركونا

يا جماعه حد يفهمنى انا قرار تعينى مدرس دراسات ابتادائى وحصلت على ليسانس تربيه قسم اللغه الانجليزيه وقمت بتغير المسمى الوظيفى من مدرس اول دراسات الى مدرس اول لغه انجليزيه ابتدائى هل يحق لى تغير المسمى الى مدرس اعدادى علما باننى اعمل بمدرسة تعليم اساسى واقوم بالفعل بالتدريس للمرحلتين ارجوكم الافاده تليفونى التراسل على الخاص

اعتقد انه لك مره واحده فقط لتغيير المسمى

الحمد لله رب العالمين تم تغيير المسمى الوظيفى لى من معلم رياضيات ابتدائى الى معلم رياضيات اعدادى والله انه لاسعد صباح فى حياتى اليوم الاثنين يالموافق 12 /9 /2011
لاننى اليوم ساستلم عملى الجديد كمعلم رياضيات اعدادى بمدرسة
دكتور // ضياء الدين عمران وانه لمن الفخر لى ان اعمل بتلك المدرسة التى تخرجت منها
من الشهادة الاعدادية وانه لمن الفخر لى ان اعمل زميلا لاساتذتى الكرام الذين تتلمذت على ايديهم فاحمد الله عز وجل واشكر فضله العظيم علي
فالحمد لله والشكر لك ياربى

هو ممكن نحول من ابتدائي الي اعدادي ؟؟
ياريت حد يفيدني و يقولي الطريقه ايه ؟؟
انا من المتعاقدين من 2005 اللي بيقولوا علينا اننا اتثبتنا بس لسه مافيش درجات ماليه نزلت لنا
ممكن اغير من ابتدائي الي اعدادي ؟؟
ارجو الافاده
وجزاكم الله كل خير

حسبى الله ونعم الوكيل