بسم الله الرحمن الرحيم


{ واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون }



بيان الاتحاد العام لإتلافات معلمى مصر


إلى جموع المعلمين المصريين...إلى حملة مشاعل التنوير ...إلى ورثة الرسل و الانبياء
نحن على العهد والوعد ماضون وإلى مسيرتنا ذاهبون وعن حقوقنا مطالبون ولمستقبل
امتنا مدافعون ولتطهير وزارتنا منادون وتطوير تعليمنا فاعلون وبأيدينا داعمون ومساندون
لنهوض مصرنا الحبيبة وتقدمها ورفعة شأنها وتضميد جراحها من أجل مستقبل افضل لكل
ابنائها وضياء جديد لأجيال المستقبل ....وعزة وكرامة لكل من يعيش ويحيا على ربوعها
ومن أجل ذلك نهيب بكل معلموا مصر الخروج إلى مليونية وثورة التعليم والمعلمين يوم
السبت الموافق 2011/9/10 مجتمعين وموحدين جميعاتحت شعار وراية المعلم المصرى
بكل إنتماءاتناوتوجهاتنا الدينية والسياسيةالمختلفة.ولانستمع لاى اشاعات مغرضة الهدف
شق وحدتنا وإضعاف تضامننا وتوحدنا حول قضيتنا العادلة فكل التيارات والحركات التعليمية
موحدة تحت راية المعلم المصرى على قلب رجل واحد إيمانا منا جميعا بتوحيد الصف
ونعلم الجميع عن البرنامج و اماكن التجمع المتفق عليها هما كلاتى :

(1) جميع المحافظات من خارج القاهرة الكبرى التجمع امام البوابة الرئيسية لمحطة مصر
برمسيس اعتبارا من الساعة العاشرة صباحا وحتى الحادية عشر صباحا
(2) محافظات القاهرة الكبرى التجمع امام النقابة العامة للمعلمين بالجزيرة اعتبارا من
الساعة العاشرة صباحا وحتى الحادية عشر صباحا
(3) تنطلق المسيرتان الساعة الحادية عشر صباحا فى اتجاه مجلس الوزراء حسب خط
سير المنظمون على ان يلتقيا جميعا فى تمام الساعة الثانية عشر ظهرا
(4) إقامة صلاة الظهر جمعاء امام مجلس الوزراء وبدأ فاعليات المليونية
(5) استمرار المليونية أو انهاء فاعليتها أو الدخول فى إعتصام مفتوح يكون حسب تقدير
الموقف على الارض وعلى حسب ماتأتى به لجنة التفاوض إلى هيئة التفاوض العليا
وذلك بعد تقديم وعرض مطالب المعلمين على الجهات المسئولة
(6) على المعلمين المشاركين فى يوم كرامة المعلمين السبت 10 / 9
امام مجلس الوزاراء
احضار مايلى :
1- بطاقة الرقم القومى(لانه هناك لجنة للانضباط
للتاكد من شخصية المشاركين معلمين ...
حتى لايندس بداخلهم احد)
2- زجاجة مياه .
3- كاب او طاقية او شمسيه .
4- اى ادوية خاصة بالفرد .
5- الحضور بتيشرت او قميص ابيض حتى نثير اهتمام المتابعين
بانه دعوة نقية وسلمية ويكون الشكل اكثر رقى وتنظيم .
6- احضار اللافتات و اعلام مصر و الجديد الراقى لعرض مطالبنا .

والله ولى التوفيق

مع تحيات الاتحاد العام لإتلافات معلمى مصر

يارب اعطى كل ذى حق حقة؟

يارب كن مع المدرسين

كفايه ذل واهانه يا معلمين مصر لقد حان الوقت لتأخذوا حقكم فلنكن يد واحد لا نتفرق ابدا ونحاول ان نكون على وعي بالفئات المندسة التي ستحاول ان تسئ لصورة المعلم المصري والله معنا .

ما ضاع حق ورائه مطالب

الي الامام الي الامام الي الامام 00000000

ما تخافش ربنا مش هيسبني
وهتتنفذ مطالبنا برضاهم او غصب عنهم
الحمد لله احنا احق
سلااااااااااااااام مؤقت لحد السبت 10/9/2011

ان شاء الله سنذهب عن بكرة ابينا نحن معلموا أطفيح بمحافظة الجيزة وعنهم مدرسة امين كاسب الاعدادية

ربنا يكرمنا ، والله المستعان

بالتوفيق بإذن الله
ويارب يأتي بفائدة
وربنا معانا ومع كل المظلومين في البلد دي

انا معكم اينمــــــــــا ذهبتم

ولن اخشى احدا وسنأخذ حقوقناااا

فان كان الله معى فمن على ؟!

بالنسبة للمعلمين المسحيين هيعملوا ايه وقت الصلاة المفروض تجيبوا سيرتنا برده بلاش تهميش لينا ربنا يهديكم

إلى كل المعلمين لنتذكر ثورة 25 يناير التى أسقطت نظاما كاملا ونحن بإذن الله قادرون على أن نفعل ما نطمح إليه وشعارنا المعلمون قادمون من أجل التغيير والإصلاح -المعلمون يريدون إسقاط الوزير -المعلمون يريدون العدالة والمساواة -الاعتصام المفتوح والنفس الطويل والضغط المتواصل هو طريقنا للحصول على حقونا عاشت مصر حرة مستقلة كونوا يدا واحدة لا تراجع ولا استسلام وإن لم ننجح فى ثورتنا فلن يحترمنا بشر وسيضحك الجميع علينا ويقال لنا ليس كل من يثور يستطيع التغيير وفقنا الله آمين

بالنسبة للمعلمين المسحيين هيعملوا ايه وقت الصلاة المفروض تجيبوا سيرتنا برده بلاش تهميش لينا ربنا يهديكم

تهميش لمين يا استاذ عبده
ربنا يكرمك انت والله راجل محترم
ربنا يبارك فيك
كلنا معلمين ايد واحدة
مسلمين ومسيحيين طبعاً
كلمت زمايل لينا مسيحيين وهيكونوا معانا بأذن الله
كلنا ايد واحدة حتى تحقيق النصر

والله انتوا ملكوش حق ؟؟؟؟؟؟؟؟
وبعدين يعنى هو انت كنتم فين قبل 25يناير ؟؟؟
الكل حس بنفسه الوقتى وعايز يعمل راجل ؟؟؟
وبعدين ما نتقى ربنا ونبطل استنزاف الاهالي في الدروس الخصوصية وتتقوا ربنا

لماذا المعلمون سيقفون أمام مجلس الوزراء 10/9/2011

http://www.youtube.com/watch?v=koPNk1QujFc&feature=related

أيها المعلمون الشرفاء : هل نسيتم ذلك الحدث العظيم فى تاريخ مصرنا الحبيبة ؟
الذكـــــــــــــــرى الخالدة :
التاريخ : 9 سبتمبر 1881م
المكان : ساحة ميدان عابدين
الأحداث : خرج أحمد عرابي على رأس قوات من الجيش ومعه الآلاف من الوطنيين في مظاهرة شعبية وطنية أبرزت مدى مؤازرة الشعب لعرابي وزملائه إلى ساحة ميدان عابدين لتقديم مطالب الأمة
فقبل 130 " مائة وثلاثون " عاما وقف الزعيم الوطني ضابط الجيش المصري أحمد عرابي في ساحة قصر عابدين ليعرض على خديوي البلاد مطالب وطنية وقال عبارته الشهيرة "لقد خلقنا الله أحرارا ولم يخلقنا تراثا وعقارا فوالله الذي لا إله إلا هو إننا سوف لا نورث ولا نستعبد بعد اليوم".
وكان الخديوي قال لعرابي الذي كان يقود عددا من الضباط المصريين إن الضباط لا حق لهم في مطالبهم. وأضاف "أنا ورثت ملك هذه البلاد عن آبائي وأجدادي وما أنتم إلا عبيد إحساناتنا".
أيها المعلمون الشرفاء فى جميع أنحاء مصرنا الحبيبة لقد جاء يومنا وأشتعلت ثورتنا وان غدا لناظره قريب بأذن الله تعالى سوف نزحف بمشيئة الله تعالى يوم غدا السبت الموافق 10/9/2011 الى مجلس الوزراء لتطهير وزارتنا ونقابتنا من الخونة والعملاء واقالة وزير النظام السابق والعهد البائد والمنحل وزير سياسات من كان يسمى بالحزب اللاوطنى اللاديمقراطى الفاسد ............عاشت مصر حره مستقلة ..........عاش معلمى مصر الشرفاء .....الله اكبر ولله الحمد .

الله معناااااااااااااااااااااااااااااا

ليه كل معلم مصرى حيشارك السبت 10/9 اقرأ وانت تعرف
1 _ لما الكادر يديلك الحق إنك تأخد الحوافز 200% وييجى الوزير يلتف عليه ليحرمك من حقك .... يبقى أكييييد لازم تشارك .
2_ لما المحترم رضا أبو سريع مستشار الوزير يقول على المعلمين سيبهم يهوهو شوية زى... هايتعبوا وهايمشوا ( فى جريدة اليوم السابع ) .... يبقى أكيد لازم تشارك .
3_ لما الوزير يتلاعب بدرجاتك ويقولك اللى قضى 8 سنين يترقى وبعدين يتراجع ويقول خمس سنين !! هو الكادر بقاله أد إيه ......!!! يبقى أكيد لازم تشارك .
4_ لما المكافأة تبقى 200 يوم وفى الوزارة بيآخدوا 900 يوم ، وأقل عامل فى الكهرباء أو الضرائب أو غيرهم بيآخد 900 يوم غير توزيع أرباح وغيره ... يبقى أكيد لازم تشارك
5_ لما الدنيا كلها بتآخد شهور هدايا فى رمضان والعيد وغيره حتى الوزارة والمديرية إلا أنت محروم بطريقة مريبة ..... يبقى أكيد لازم تشارك .
6_ لما يكون راتب العامل فى المحاسبات أو الإتصالات أو المالية أكبر من راتبك 10 مرات ، وإنت ساكت عايز اللى يجيبلك حقك ، ولما يكون عندنا مستشفى بندفع فيها بقالنا سنين ونقابة بتنهبنا من سنيييييييييييين ....... يبقى إمتى هاتشااااااااارك .
7_ لما تقعد فى البيت وفاكر انى هاجيبلك حقك ... يبقى حقى وحقك مش هاييجى وحقنا كلنا هانضيييييييييييع .... أظن يبقى كلنا لازم نشااااااااااااااارك وننزل .
8_ لما يكون الدنيا كلها بتآخد مكافأة نهاية الخدمة 200 و 300 الف جنيه وإنت بتآخد 24 الف جنيه .... يبقى خساااااااارة فيك لو انت مش هاتشارك .
لمهم خليك معانا وخليك فاكر وناوى على : ا
وقفة 10-9-2011 أو عصيان أول الدارسة ، حقك لازم تكون أول من يطالب بيه
يعنى مش الناس ترضي بالحد الادني وننسى الـ 200% عشان أولادك وانت تقدروا تعيشوا .
حقك بس مش فلوس ، حقك فى وزير منك ومنى ويحترمك ، مش كل يوم يكذب فى الإعلام ويشوه صورتك !!
حقك في وزير ونقابة بيخافوا على شغك وعلى حقوقك
حقك في قوانيين تحمى المعلم و وتاخدله حقه
حقك في طالب جاي يتعلم منهج سليم مش عشان الغياب يحضرلك.
حقك في غرفة للمدرسين للبنى ادميين.
حقك في مدير زي الناس المحترمة بالانتخاب.
حقك في تعيين وتكليف ورقابة من الوزارة على العقود الخاصة.
حقك وحق ابنائك في رؤيتك بعد الساعة 3 في المنزل مش عندك شغلة تانية .
حقك في استراحات للبنى ادمين مش أي حاجة والسلام .
حقك انك تفتخر انك معلم ومصرى وابنك لما يسألوه نفسك تطلع ايه ...
يجاوب بكل فخر ..... مــعـــلــم

و الله احنا ناس فاضيه و مورنا حاجه . أول امبارح بنحلم بالتثبيت و انهارده بعد ما أتثبتنا عيزن نعمل مظاهره تانى و نغير الوزير . الله يصلح حالكوا و كل دا عشان الواحد يزيد فينا عشرين جنيه . و الله دى خيبه . أرحموانا بقى و شوفوا شغلكوا شويه .

الى الأمام يامعلمى مصر

و الله احنا ناس فاضيه و مورنا حاجه . أول امبارح بنحلم بالتثبيت و انهارده بعد ما أتثبتنا عيزن نعمل مظاهره تانى و نغير الوزير . الله يصلح حالكوا و كل دا عشان الواحد يزيد فينا عشرين جنيه . و الله دى خيبه . أرحموانا بقى و شوفوا شغلكوا شويه .
يا عم إرحمنا بقه

رسالة الى كل شريف سيذهب للاعتصام غدا
****************************
ماذا تفعل فى مواقف معينه قد تهدد اعتصامنا وتصيبه بالفشل
فاستخدم المفاتيح ...نعم مفاتيح يجب ان تكون معك
لتستطيع التصرف فىما قد تتعرض له
فاستخدام المفتاح الخطا يؤدى الى نتائج عكسيه
ولنسوق عدة امثلة
ماذا تفعل لو؟؟!!
*********
1-تعرض لك شخص مار بالشارع وانت تقف بالاعتصام وسب المعلمين واتهمهم بالجشع والدروس الخصوصيه
(هنا استخرج مفتاح الدروس فهو المفتاح الذى يفهمه)
وقل له بلطف وابتسامة (احنا جايين النهاردة عشان كده عشان نمنع الدروس ونجرمها ونريح ولى الامر وده مش حيتحقق الا لو مطالب المعلمين تحققت فى الكرامة والمعيشة اللائقه
ونحن عندها سنجرم الدروس ويتفرغ المعلم لابنك او بنتك يشرح كويس ويبذل اقصى جهد ونرفع عن ولى الامر عبء فلوس الدروس ونحسن المناهج ونرقى بالطالب كل ده جايين نعمله ولو ميهمناش الطالب كنا قعدنا فى بيوتنا نلم فلوس الدروس ومهمناش حاجه
ستجده تراجع عن القول ان لم ينضم معك لانه احس انك تطلب شئ فى مصلحته هو

2-رايت شخص يحتك بك اثناء الاعتصام ويتعمد اثارتك
(استخرج مفتاح الصبر والبروود)
ولتكن بارد مهما فعل لانه غالبا بلطجى يحاول افتعال مشاجرة ليفسد اليوم فلا تسمح له ابدا وعليك وعلى مفتاح البرووود سيزهق منك ويتركك

3-وجدت شخص متعصب لرايه ومصمم عليه ورافض رايك وبدء الامر يكبر والصوت يعلو فى النقاش
(استخرج مفتاح الذوق والمجاملة)
قل له اخى الغالى لك طريقة مقتنع بيها لتاتى لى بحقى وانا لى طريقة مقتنع بها لاتى لك بحقى والصح اننا نستخدم الطريقتين وكلا منا يجرب طريقته او فكره لعلك تاتى لى بحقى واكون شاكر لك ولعلى اتى لك بحقك فكلنا هنا اتينا لنحقق كرامة بعض وحقوق بعض
سيحرج منك ويبدء الصوت يعود منخفض تانى

4-سمعت اشاعة ما اثارت الناس كان انفرد تيار او شخص بالتفاوض والتحدث نيابه عنا
(استخدم مفتاح العقل)
تاكد اولا فستجد مئات او الالف الاشاعات اسال وتاكد قبل ان تغضب واذا لم تستطيع التاكد اتصل بى واسالنى لاؤكد لك او انفى فبالله عليكم لا تنساقوا وراء الاشاعات

5-فوجئت بتيار ما او مجموعة ما ترفع شعاراتها او رايتها
(استخدم مفتاح الترغيب والترهيب)
لا تنفعل اذهب اليهم وقل بلطف اخى انت بكده بتضر اللى منتمى ليهم كل النماس حتبص ليك بانك بتركب الموجة وجاى للدعاية وحتخسر كل اللى موجودين وانت عارف خصومك كتير متسبهمش يستغلوا الموقف ويحملوك لا قدر الله فشل اليوم وساعتها محدش حيسمحك ..خليك ضمن الجموع كلنا معلمين وعموما الناس كلها عارفه مين اللى شارك ومين لا وحتى الاعلام عارف وبكده حققت الوحدة وحب الناس واحترامهم وبرضه الاعلان

6-متنساش اهم مفتاح
مفتاح شقتك لتبات فى الشارع هههه

ولا تنسوا اخوتى (من لا يخشى غضبه لا يرجى رضائه)

فغدا لازم يروا غضبنا ويخشوه حتى يسعوا جاهدين لرضائنا

اللهم انا نجعلك فى نحورهم ونعوذ بك من شرورهم
نعوذ بكلمات الله التامات من شر ما خلق


(http://www.facebook.com/groups/147985941879912/?ref=nf)الجناح الثورى لجروبات معلمى مصر (راعى دعوة العصيان المدنى اول الدراسة)

صدقنى انا عارف ان كلنا مطحونين ومتمرمتين فى الوحل فى البلد دى مسحيين ومسلمين بس انا قصدى اننا نفسنا نشارك ونكون موجودين ولما ينزل بيان فيه صلاة نبقى نقول الصلاة للجميع احنا بنصلى الضهر بردة واسمها صلاة الساعة الثالثة وعموما ولا يهمك انت راجل محترم وانا بحبك جدا وبحترمك لانك من يوم 28 /6/2011 وانت واقف وبتعبر عن رايننا كلنا ضد الوزير الفاشل وربنا معانا ان شاء الله

ربنا معاكم يارب التوفيق

بالنسبة للمعلمين المسحيين هيعملوا ايه وقت الصلاة المفروض تجيبوا سيرتنا برده بلاش تهميش لينا ربنا يهديكم

مين جاب كلمة مسيحي ومسلم دلوقتي ياخي وقت الصلاه ابقي صلي صلواتك وربنا مع الحق

ليه لسه في بينا ناس مستسلمة وخانعة وبتظلم زمايلها لا لازم نكون ايد واحدة

انا شاركت فيها وكانت مثيره اوى